07/10/2022
گجرات: کمشنر گجرات ڈویژن احمد کمال مان نے رشیدہ شفیع ٹراما سینٹرمیں رشید شفیع فاؤنڈیشن اور شیخ عمر کی طرف سے عطیہ کی گئی سی ٹی اسکین مشین کا افتتاح کردیا ہے ، ایم ایس عزیز بھٹی شہید ہسپتال ڈاکٹر عابد محمود غوری، ڈی ایم ایس ڈاکٹر آصف محمود, ممتاز سماجی شخصیات امتیاز کوثر، میاں محمد اعجاز اس موقع پر موجود تھے کمشنر گجرات ڈویژن احمد کمال مان نے بتایا کہ سی ٹی اسکین مشین کی تنصیب پر 4 کڑور روپے لاگت آئی ہے تمام اخراجات رشید شفیع فاؤنڈیشن اور شیخ عمر نے برداشت کئے، سی ٹی اسکین مشین کے اضافے سے ٹراما سینٹر میں آئے مریضوں کو سی ٹی اسکین کی مفت سہولت میسر ہو گی، بعد ازاں انہوں نے ٹراما سینٹر کے مختلف حصوں کا معائنہ کیا اور مریضوں کو فراہم کی جانے والی سہولیات کا جائزہ لیا ، کمشنر گجرات ڈویژن احمد کمال مان نے خدمت خلق اور سی ٹی اسکین مشین کی فراہمی پر امیتاز کوثر ، شیخ عمر اور ان کی ٹیم کی کاوشوں کو سراہا۔
