Gwadar Times- Ismail Umar

29/07/2025

گوادر :اسسٹنٹ کمشنر گوادر کی کٹکا ماوا فیکٹری کے خلاف کارروائی

گوادر، 29 جولائی 2025 – اسسٹنٹ کمشنر گوادر، سعد کلیم ظفر نے آج شہر میں کٹکا ماوا بنانے والی ایک غیر قانونی فیکٹری کے خلاف بڑی کارروائی کی۔ یہ کارروائی شہریوں کی صحت کو درپیش خطرات کے پیش نظر کی گئی ہے، کیونکہ کٹکا ماوا مضر صحت اور نشہ آور اشیاء سے تیار کیا جاتا ہے۔
کارروائی کے دوران فیکٹری سے بھاری مقدار میں کٹکا ماوا اور اسے تیار کرنے میں استعمال ہونے والا خام مال برآمد کیا گیا۔ اسسٹنٹ کمشنر نے فیکٹری کو فوری طور پر سیل کرنے کا حکم دیا اور ملوث چار افراد کو گرفتار کر کے انکے خلاف قانونی کارروائی کا آغاز کر دیا گیا ہے۔
سعد کلیم ظفر نے اس موقع پر پریس کانفرنس کرتے ہوئے کہا کہ غیر قانونی اور مضر صحت اشیاء کی تیاری اور فروخت کسی صورت برداشت نہیں کی جائے گی۔ انہوں نے واضح کیا کہ گوادر میں صحت عامہ کو یقینی بنانے کے لیے ایسی تمام غیر قانونی سرگرمیوں کے خلاف سخت کارروائیاں جاری رہیں گی۔ اور شہر کے داخلے رستوں پر بھی ناکہ بندی کی جائی گی ۔انہوں نے شہریوں سے بھی اپیل کی کہ وہ ایسی غیر قانونی سرگرمیوں کے بارے میں انتظامیہ کو مطلع کریں تاکہ بروقت کارروائی کی جا سکے۔
یہ کارروائی گوادر میں غیر قانونی سرگرمیوں کے خلاف انتظامیہ کے عزم کا ایک واضح ثبوت ہے اور امید کی جا رہی ہے کہ اس سے شہر میں صحت عامہ کی صورتحال میں بہتری آئے گی۔

04/07/2025

گوادر میں آیی بحران۔۔۔۔سٹی ایریا شدید متاثر۔۔۔۔جیونی سے پسنی تک پورا ڈسٹرکٹ گوادر میں بے آبی کا معاملہ۔۔۔گورنمنٹ بے بس عوام سڑکوں پر

30/06/2025

*گوادر میں شدید خشک سالی، میر ارشد کلمتی کا حکومت سے ہنگامی اقدامات کا مطالبہ*

گوادر: میر کاروان کے سربراہ میر ارشد کلمتی نے اپنے جاری کردہ بیان میں گوادر میں بڑھتی ہوئی خشک سالی پر شدید تشویش کا اظہار کرتے ہوئے کہا ہے کہ آنکاڑہ کور ڈیم پہلے ہی سوکھ چکا ہے جبکہ اب سوڈ ڈیم بھی اپنی آخری سانسیں لے رہا ہے۔ گوادر شہر اور اس کے مضافات میں پانی کا بحران روز بروز سنگین ہوتا جا رہا ہے۔

میر کلمتی نے کہا کہ گوادر میں اب تک آدھے درجن سے زائد ڈیسالینیشن پلانٹس (سمندری پانی کو قابل استعمال بنانے والے پلانٹس) تعمیر کیئے جا چکے ہیں لیکن افسوس کے ساتھ کہنا پڑتا ہے کہ ان میں سے کسی ایک سے بھی عوام کو آج تک ایک گلاس پانی تک میسر نہیں آیا۔ چائنا اوورسیز پورٹس ہولڈنگ کمپنی (COPHC) کی جانب سے 12 لاکھ گیلن یومیہ گنجائش کا حامل ایک پلانٹ بھی نصب کیا گیا ہے، جو واحد پلانٹ ہے جو گوادر شہر کے ڈسٹری بیوشن سسٹم سے منسلک ہے مگر اس کے باوجود چینی کمپنی نے تاحال اسے فعال نہیں کیا۔

میر ارشد کلمتی نے کہا کہ حکومتی غفلت اور ناقص حکمت عملی کے باعث گوادر میں پانی کا بحران سنگین صورتحال اختیار کر چکا ہے۔ اگر فوری طور پر تدارک نہ کیا گیا تو آئندہ ایک ماہ میں گوادر اور اس کے نواحی علاقوں میں انسانی بحران جنم لے سکتا ہے۔ ٹینکر مافیا نے بھی موقع غنیمت جان کر پانی کی قیمتوں میں ہوشربا اضافہ کر دیا ہے، اور اب ایک ٹینکر پانی 20,000 روپے سے زائد میں فروخت ہو رہا ہے، جو کہ غریب عوام کی دسترس سے باہر ہے۔

انہوں نے حکومت سے مطالبہ کیا کہ گوادر میں خشک سالی کی سنگینی کو مدنظر رکھتے ہوئے ہنگامی بنیادوں پر ٹینکروں کے ذریعے صاف پانی کی فراہمی کا بندوبست کیا جائے۔ ساتھ ہی چینی کمپنیوں کے ساتھ تعاون کر کے ڈیسالینیشن پلانٹس کو فوری طور پر فعال بنایا جائے تاکہ گوادر کے عوام کو جلد از جلد پینے کا صاف پانی میسر آ سکے۔

*میر کاروان میڈیا سیل*

30/06/2025

https://youtu.be/AkljfI5sFqk?feature=shared

“Why Gwadar is Running Dry — The Real Story” | Ismail Umar | Gwadar Times

11/05/2025

آج کا دن میر چاکر خان رند یونیورسٹی کی تاریخ میں ایک اہم سنگ میل کی حیثیت رکھتا ہے، "2019 سے 2025 تک پہلی دفعہ پاس ہونے والے تمام طلبہ و طالبات کو ڈگریاں جاری کی گئیں.
وائس چانسلر پروفیسر ڈاکٹر ممتاز علی بلوچ۔

وائس چانسلر کی قیادت میں یونیورسٹی کیجانب سے پہلی مرتبہ کامیاب طلبہ و طالبات میں ڈگریاں تقسیم کی گئی یہ لمحہ نہ صرف ان طلبہ و طالبات کے لیے خوشی کا باعث ہے، بلکہ یہ ہمارے ادارے کی علمی ترقی اور کامیابی کا بھی مظہر ہے۔جن طلبا و طالبات کو ابھی تک ڈگری نہیں ملی ہے تو اپنے فیس جمع کروائیں اور یونیورسٹی سے اپنی ڈگری وصول کریں۔
یونیورسٹی کی انتظامیہ، اساتذہ کرام، اور والدین کی محنت اور تعاون کے بغیر یہ کامیابی ممکن نہ تھی۔ ہم سب مل کر ایک بہتر مستقبل کی تعمیر کے لیے کوشاں ہیں، اور آج کی یہ تقریب اس عزم کا عملی ثبوت ہے۔
ہم اپنے تمام طلبہ و طالبات کو دل کی گہرائیوں سے مبارکباد پیش کرتے ہیں اور امید کرتے ہیں کہ وہ مستقبل میں بھی اسی جذبے اور محنت کے ساتھ آگے بڑھتے رہیں گے۔

طلبہ نے وائس چانسلر کا شکریہ ادا کیا اور اُن کی قیادت کو سراہا۔ انہوں نے تعلیمی معیار کو بلند کرنے، طلبہ کے مسائل حل کرنے، اور جدید سہولیات کی فراہمی میں وائس چانسلر کے کردار کو قابلِ تحسین قرار دیا۔ طلبہ نے یونیورسٹی میں مثبت تبدیلیوں، نئے تعلیمی منصوبوں، اور تحقیقی سرگرمیوں کے فروغ کو وائس چانسلر کی مؤثر حکمت عملی کا نتیجہ قرار دیا۔یونیورسٹی کے طلباء نے اپنے تحفظات کا اظہار کرتے ہوئے کہا کہ 2019 میں یونیورسٹی کے قیام کے بعد سے اب تک، 2025 تک کسی بھی وائس چانسلر نے ڈگریوں کا اجراء نہیں کیا۔ طلباء کا کہنا ہے کہ چھ سال کا طویل عرصہ گزر جانے کے باوجود ان کی محنت کا اعتراف ڈگری کی صورت میں نہیں کیا گیا، جسکی وجہ سے انہیں اعلیٰ تعلیم کے مواقع اور روزگار کے حصول میں مشکلات کا سامنا کرنا پڑ رہا ہے۔"ان میں وہ طلبہ و طالبات بھی شامل تھے جنہوں نے 2023 اور 2024 میں امتحانات پاس کیے تھے، لیکن انہیں بھی ڈگریاں نہیں ملی تھیں۔
موجودہ وائس چانسلر کے عہدہ سنبھالتے ہی بہت بڑی تبدیلی دیکھنے میں آئی۔ گزشتہ کئی سالوں سے رکی ہوئی ڈگریوں کا اجراء ایک بڑے پیمانے پر شروع کیا گیا۔ ان ڈگریوں کو جاری کرنے کا عمل نہایت منظم اور تیز رفتاری سے مکمل کیا گیا، جو کہ ماضی میں کسی بھی وائس چانسلر کے دور میں ممکن نہیں ہو سکا تھا۔ یہ اقدام اس بات کا ثبوت ہے کہ موجودہ وائس چانسلر نے تعلیمی نظام میں شفافیت اور تیزی کو اپنی اولین ترجیحات میں شامل کیا۔
اس موقع پر طلبہ نے وائس چانسلر کے ساتھ مختلف موضوعات پر تبادلہ خیال کیا اور اپنی تجاویز بھی پیش کیں۔ وائس چانسلر نے طلبہ کی حوصلہ افزائی کرتے ہوئے یقین دلایا کہ ان کی آراء کو سنجیدگی سے لیا جائے گا اور یونیورسٹی کی ترقی اور طلبہ کی فلاح و بہبود کے لیے ہر ممکن اقدام اٹھایا جائے گا۔
یونیورسٹی انتظامیہ کا شکریہ جنہوں نے اس خواب کو حقیقت کا روپ دیا۔

28/04/2025

گوادر : حق در تحریک کا کنونشن ضلعی کابینہ منتخب اکرام فدا ضلعی چیرمین بابر شہزاد جنرل سیکریٹری ،فائزہ نور بخش خواتین سکریٹری ، اقبال جدگال ترجمان مقرر

25/04/2025

گوادر : سردار اختر مینگل بلوچستان کی موجودہ صورتحال پر گوادر کے صحافیوں کے سوالات کا جواب دے رہے ہیں

08/04/2025

گوادر / بریکنگ نیوز

میونسپل کمیٹی گوادر کے چیئرمین شریف میانداد کا استعفیٰ الیکشن کمیشن آف پاکستان نے منظور کرلیا

چیرمین میونسپل کمیٹی گوادر شریف میانداد نے گزشتہ کہیں مہینوں سے اپنا استعفیٰ پیش کیا تھا

26/02/2025

ُگوادر ;گوادر کے تحصیل پسنی میں انتظامی بحران جاری گزشتہ ڈیڑھ ماہ گزرنے کے باوجود تحصیلدار ریونیو کی تعیناتی عمل میں نہ لائی جاسکی، شہریوں کو شدید مشکلات کا سامنا

ضلع گوادر کے سب ڈویژن پسنی اِن دنوں شدید انتظامی بحران کا شکار ہوگیا ہے۔
ڈیڑھ ماہ گزر گئے تحصیل پسنی میں تحصیلدار ریونیو کی تعیناتی ابھی تک نہ ہوسکی سابق تحصیلدار محمداکبر کے تبادلے کے بعد بورڈ آف ریونیو کی جانب سے دو تحصیلداروں کی پسنی میں تعیناتی کے آرڈر جاری کیے گئے تھے لیکن دونوں تحصیلداروں کا پسنی میں تعیناتی سے قبل ہی دوسری جگہ تعیناتی کرادی گئ تحصیلدار پسنی کی عدم تعیناتی کی وجہ سے تحصیل پسنی میں ریونیو کے سینکڑوں معاملات تعطل کا شکار ہوگئے ہیں جبکہ 200 سے زائد لوکل سرٹیفیکٹ بھی سرد خانے کی نذر ہوچکے ہیں ،لوکل سرٹیفیکٹ نہ بننے کی وجہ سے سینکڑوں طالب علم سمیت عام شہریوں کو قومی شناختی کارڈ بنانے میں دشواری کا سامنا ہے ،تحصیلدار پسنی کی عدم تعیناتی کے باعث پسنی کے شہریوں کو اپنے اراضیات کی تعمیرات کے سلسلے میں بھی دشواری اور پریشانی کا سامنا کرنا پڑ رہا ہے۔پسنی کے شہریوں نے چیف سیکرٹری بلوچستان شکیل قادر سینئر ممبر بورڈ آف ریونیو قمبردشتی اور اسسٹنٹ سیکرٹری ایڈمن بورڈ آف ریونیو بلوچستان قیام الدین آغا سے مطالبہ کیا کہ تحصیل پسنی میں تحصیلدار ریونیو کی تعیناتی کو یقینی بنایا جائے۔

25/02/2025

*گوادر:* رمضان المبارک اسپورٹس فیسٹیول 2025 کا شاندار انعقاد ہونے جا رہا ہے، صدر ڈسٹرکٹ فٹبال ایسوسی یشن گوادر ٫ میر ارشد کلمتی

تفصیلات کے مطابق اس میگا ایونٹ میں کرکٹ، فٹبال اور فٹسال کے مقابلے شامل ہوں گے، جن میں مجموعی طور پر 362 ٹیمیں اور 4566 کھلاڑی حصہ لیں گے۔

کرکٹ کے شعبے میں دو بڑے ٹورنامنٹ منعقد ہوں گے، جن میں پہلا 35 واں آل گوادر رمضان المبارک کرکٹ ٹورنامنٹ 2025 ہوگا، جو سینیٹر اسحاق کرکٹ اسٹیڈیم، گوادر میں کھیلا جائے گا اور اس میں 62 ٹیمیں اور 1116 کھلاڑی شامل ہوں گے، جبکہ دوسرا تیسرا آل گوادر رمضان المبارک نائٹ کرکٹ ٹورنامنٹ 2025 ہوگا، جو گوادر یونیورسٹی کرکٹ گراؤنڈ میں منعقد کیا جائے گا اور اس میں 75 ٹیمیں اور 1350 کھلاڑی شرکت کریں گے۔

فٹبال کے مقابلوں میں 17 واں آل بلوچ وارڈ فٹبال ٹورنامنٹ 2025 وحید داؤد فٹبال گراؤنڈ میں ہوگا، جبکہ آل گوادر نائٹ لیگ ینگ فٹبال ٹورنامنٹ 2025 بابا بزنجو فٹبال اسٹیڈیم میں منعقد کیا جائے گا، جو مرحوم جاوید بانا کو خراجِ تحسین پیش کرے گا۔ اسی طرح، آل گوادر نائٹ لیگ یوتھ فٹبال ٹورنامنٹ 2025 شہداء پولیس کے نام منسوب ہوگا اور بابا بزنجو فٹبال اسٹیڈیم میں منعقد کیا جائے گا۔

دیگر فٹبال ٹورنامنٹس میں آل نگوری وارڈ ڈی گول فٹبال ٹورنامنٹ 2025 ٹاپو فٹبال گراؤنڈ میں، چوتھا آل گوادر مرحوم سکندر بابا میموریل فٹبال ٹورنامنٹ 2025 نیا اباد فٹبال گراؤنڈ میں، آل گوادر فٹبال ٹورنامنٹ سورگ دل 2025، ابراہیم پیلے سورگ دل فٹبال اسٹیڈیم میں، آل گوادر نائٹ فٹبال ٹورنامنٹ بکش کالونی 2025 بخشی کالونی، جی ڈی اے ہیڈ آفس کے قریب اور آل گوادر فٹسال ٹورنامنٹ 2025 نگوری وارڈ فٹسال اسٹیڈیم میں منعقد ہوں گے۔

اس میگا ایونٹ کو میر ارشد کلمتی صدر ڈسٹرکٹ فٹبال ایسوسی ایشن گوادر بطور منتظم خدمات انجام دیں گے، جبکہ اسپورٹس ایونٹس کی نگرانی ڈسٹرکٹ فٹبال ایسوسی ایشن اور میر عبدالغفور کلمتی کرکٹ اکیڈمی کرے گی۔

یہ میگا اسپورٹس ایونٹ نوجوان کھلاڑیوں کے لیے ایک شاندار موقع فراہم کرے گا، جہاں وہ اپنی صلاحیتوں کا مظاہرہ کریں گے اور کھیل کے ذریعے مثبت سرگرمیوں کو فروغ دیں گے۔

25/02/2025

بلوچستان گرینڈ الائنس گوادر کے رہنماؤں کی گوادر پریس کلب میں پر ہجوم پریس کانفرنس حکومت پر کڑی تنقید، مطالبات کی منظوری تک احتجاج جاری رکھنے کا اعلان

گوادر : بلوچستان گرینڈ الائنس (بی جی اے) ضلع گوادر کے رہنماؤں نے حکومتی پالیسیوں کو ظالمانہ قرار دیتے ہوئے کہا ہے کہ شاہ خرچیوں اور کرپشن نے ملک و صوبے کو دیوالیہ کر دیا ہے، جبکہ قدرتی وسائل سے مالامال بلوچستان کے عوام اور سرکاری ملازمین بدترین معاشی مشکلات کا شکار ہیں۔

گوادر پریس کلب میں منعقدہ پرہجوم پریس کانفرنس سے خطاب کرتے ہوئے عبداللہ شوہاز، طارق محمود، ڈاکٹر عبدالرؤف، جلال میاں، طارق جمیل اور اکبر حسین نے کہا کہ حکمرانوں کی ناقص پالیسیوں کے باعث ملک بھر کے عوام بنیادی سہولتوں سے محروم ہو چکے ہیں۔ انہوں نے الزام لگایا کہ حکمران ملکی خزانے کے خالی ہونے کا رونا روتے ہیں اور آئے روز نئے ٹیکس عائد کرتے ہیں، جبکہ خود وزراء، سینیٹرز اور اسمبلی اراکین کی تنخواہوں میں 300 فیصد اضافہ کر دیا گیا ہے، جو کہ عوام کے ساتھ سراسر ناانصافی ہے۔
بلوچستان گرینڈ الائنس کے رہنماؤں نے کہا کہ بلوچستان، جو کہ سیندک، ریکوڈک، سی پیک، تیل و گیس کے ذخائر، گڈانی شپ بریکنگ یارڈ اور گوادر پورٹ جیسے میگا پراجیکٹس سے مالامال ہے، وہاں کے نوجوان روزگار کے لیے در در کی ٹھوکریں کھانے پر مجبور ہیں۔ حکومتی پالیسیوں نے روزگار کے دروازے بند کر دیے ہیں، اور ملازمین کو ترقی، اپ گریڈیشن اور مساوی تنخواہوں جیسے بنیادی حقوق سے بھی محروم رکھا جا رہا ہے۔

بی جی اے گوادر کے قائدین نے حکومت سے درج ذیل مطالبات کیے تمام سرکاری ملازمین کی تنخواہیں اور مراعات برابر کی جائیں۔ پیشن اصلاحات کے نام پر کی گئی کٹوتیاں فوری طور پر واپس لی جائیں۔ سرکاری اداروں کی نجکاری کے فیصلے منسوخ کیے جائیں۔ لواحقین کوٹہ بحال کر کے غریب ملازمین کے بچوں کو ان کا حق دیا جائے۔ ںلوچستان کے نوجوانوں کو باعزت روزگار فراہم کیا جائے اور ٹیسٹنگ سروسز کے نام پر ان کا استحصال بند کیا جائے۔ گوادر کو فری زون قرار دیے جانے کے بعد سرکاری ملازمین کی تنخواہوں پر ٹیکس ختم کیا جائے۔ گوادر میں سرکاری ہاؤسنگ اسکیم کا فوری آغاز کیا جائے اور ملازمین کو بگ سٹی الاؤنس دیا جائے۔ بلوچستان گرینڈ الائنس کے رہنماؤں نے حکومت کو خبردار کرتے ہوئے کہا کہ اگر ان کے مطالبات تسلیم نہ کیے گئے تو احتجاج کا دائرہ مزید وسیع کر دیا جائے گا اور صوبے بھر میں دھرنے اور مظاہرے کیے جائیں گے۔ واضح رہے کہ پریس کانفرنس میں بڑی تعداد میں سرکاری ملازمین نے شرکت کی، جبکہ کانفرنس ہال شرکاء سے کچھا کھچ بھرا ہوا تھا۔