https://gwadartimesnews.blogspot.com/?m=1

Digital Gwadar, Sayad Zahoor Shah Hashmi Road, Gwadar (2025)

07/10/2025

اعلانِ احتجاج

گوادر کے معروف سیاسی و سماجی رہنماء میر ارشد کلمتی نے ضلع بھر میں پانی کی شدید اور مسلسل عدم فراہمی کے خلاف ایک سخت اور فیصلہ کن احتجاجی مظاہرے کا اعلان کر دیا ہے۔
ضلع گوادر کے تمام شہری، بزرگ، نوجوان اور خواتین اس احتجاج میں بھرپور شرکت کریں۔ یہ احتجاج حکومت اور متعلقہ اداروں تک عوام کی آواز پہنچ سکے
شرکت کی اپیل
میر ارشد کلمتی کی جانب سے گوادر شہر سمیت ضلع بھر کے علاقوں کے تمام عوام سے شرکت کی پُرزور اپیل ہے:

تاریخ: 9 اکتوبر بروز جمعرات
وقت: سہہ پہر 3:30 بجے
مقام: جی ڈی اے (GDA) آفس کے سامنے

ہمارا مطالبہ ایک: گوادر کو پانی دو!
نوٹ: اپنے حقوق کے لیے پرامن اور منظم انداز میں آواز اٹھائیں۔

Highlights
Follower

06/10/2025

گوادر ( ڈیجیٹل گوادر)دی نالج اسکول گوادر میں عالمی یوم اساتذہ پر شاندار تقریب
گوادر: دی نالج اسکول گوادر میں عالمی یوم اساتذہ کرام کے موقع پر اسکول منیجمنٹ کی جانب سے ایک پُروقار اور یادگار تقریب کا انعقاد کیا گیا۔
اس تقریب میں اسکول کے پرنسپل، تمام تدریسی و غیر تدریسی عملے، اور طلبہ و طالبات نے بھرپور جوش و خروش سے حصہ لیا۔ شرکاء نے اپنے اساتذہ کرام کو ان کی انتھک کوششوں، بے لوث محنت، اور قوم کی تعمیر میں ادا کیے جانے والے اہم کردار کو بہترین انداز میں سراہا اور خراجِ تحسین پیش کیا۔
طلبہ نے بھی اپنے اساتذہ کے لیے خصوصی تحائف (گفٹس) پیش کیے، جسے اساتذہ نے قبول کرتے ہوئے طلبا کی محبت اور لگن کو سراہا اور ان کی بہترین انداز میں حوصلہ افزائی کی۔ یہ تقریب دراصل اساتذہ اور شاگردوں کے درمیان موجود مضبوط رشتے اور باہمی احترام کی عکاسی تھی۔
اس موقع پر اسکول منیجمنٹ نے اساتذہ کے کردار کی اہمیت پر روشنی ڈالی اور مستقبل میں بھی تعلیم و تربیت کے میدان میں مزید بہتری لانے کے عزم کا اظہار کیا

06/10/2025

گوادر :عالمی یوم اساتذہ کے مناسبت سے پاک چائینہ وکیشنل ٹریننگ انسٹیٹیوٹ گوادر میں ایک پروقار تقریب کا اہتمام ہوا۔ تقریب میر عبدالغفور کلمتی ٹرسٹ کی جانب سے منعقد کی گئی ،اس تقریب کے مہمان خاص جی او سی 44 ڈویژن میجر جنرل حبیب نواز تھے۔ دیگر مہمانوں میں برگیڈیئر 440 ڈویژن وقار احمد قریشی، ڈی آئی جی مکران رینج پرویز عمرانی ، ڈائریکٹر نیب ہارون رشید فرو وائس چانسلر یونیورسٹی آف گوادر ڈاکٹر منظور احمد ڈپٹی ڈی او ایجوکیشن عبدالوہاب مجید ،کنٹرولر ایگزامینشن ڈاکٹر رحیم مہر پرائیویٹ اسکول ایسوسیشن کے صدر جمیل قاسم ، گوادر پریس کلب گوادر کے صدر اسماعیل عمر بھی پروگرام میں شریک رہے۔
تقریب میں تحصیل گوادر اور تحصیل جیوانی ،پشکان کے سرکاری و پرائیویٹ اسکولوں، کالجز اور گوادر یونیورسٹی کے اساتزہ کرام، طلباء و طالبات اور محکمہ تعلیم کے ضلعی افسران نے شرکت کی۔
پروگرام میں شرکاء نے اپنی تقاریر میں اساتزہ کو زبردست خراج تحسین پیش کرتے ہوئے بتایا کہ محنتی اساتذہ بچوں کا مستقبل اپنی محنت و ذہانت سے سنوارتے ہیں ۔ مقررین کا کہنا تھا کہ اساتزہ طلباء اور طالبات کو درسی کتب کے علاؤہ اخلاقی اور مستقبل کے چیلنجز سے نبردآزما ہوجانے کا درس دیں ۔
پروگرام کے اختتام پر تقریب کے آرگنائزر میر ارشد کلمتی نے پروگرام میں شریک تمام مہمانوں اور اساتزہ کرام کا شکریہ ادا کیا۔ اس موقع پر میجر جنرل حبیب نواز، میر ارشد کلمتی اور محکمہ تعلیم کے افسران نے دونوں تحصیلوں کے مختلف اسکولوں، کالجز اور گوادر یونیورسٹی کے نمایاں کارکردگی کے حامل اساتزہ کو بیسٹ ٹیچرز ایوارڈ سے بھی نوازا۔جبکہ اس موقع پر کریک بھی کاٹا گیا۔

06/10/2025

گوادر ( ڈیجیٹل گوادر)سینئر صحافی اور بزنس مین ساجد بن رحیم گوادر چیمبر آف کامرس اینڈ انڈسٹری کے میڈیا ایڈوائزر مقرر

گوادر: گوادر چیمبر آف کامرس اینڈ انڈسٹری کے صدر اور نوجوان کاروباری شخصیت جیئند ہوت نے سینئر صحافی اور بزنس مین ساجد بن رحیم کو چیمبر کا میڈیا ایڈوائزر مقرر کرلیا۔

صدر جیئند ہوت کا کہنا ہے کہ “ساجد بن رحیم کی موجودگی گوادر کے کاروباری طبقے اور ملکی و غیر ملکی سرمایہ کاروں کے درمیان روابط کو مزید مضبوط بنانے میں اہم کردار ادا کرے گی۔ ان کا صحافت اور بزنس میں وسیع تجربہ ہمیں گوادر کی اصل صلاحیت کو دنیا کے سامنے پیش کرنے میں مددگار ثابت ہوگا۔”

ساجد بن رحیم، صحافتی تجربہ رکھنے کے علاوہ کاروباری میدان میں بھی سرگرم ہیں امید ہے وہ اپنی نئی ذمہ داری کے ذریعے چیمبر کو بزنس اور سرمایہ کاری کے فروغ میں ایک نئی سوچ اور بہتر رسائی فراہم کریں گے۔

یہ تقرری چیمبر کی اس حکمت عملی کا حصہ ہے جس کا مقصد گوادر کے کاروباری طبقے کو قومی و بین الاقوامی منڈیوں سے جوڑنا اور خطے میں زیادہ سرمایہ کاری کی حوصلہ افزائی کرنا ہے۔

05/10/2025

گوادر ( ڈیجیٹل گوادر) تربت یونیورسٹی میں "اے آئی کے دورمیں ایک اسمارٹ محقق بننے" کے عنوان سے ایک معلوماتی ورکشاپ کا انعقاد

یونیورسٹی آف تربت کے شعبہ نیچرل اینڈ بیسک سائنسزکے زیراہتمام "اے آئی کے دورمیں ایک اسمارٹ محقق بننے" کے عنوان سے ایک معلوماتی ورکشاپ کا انعقاد کیا گیا۔ورکشاپ میں مختلف شعبہ جات کے اساتذہ اور طلبہ نے کثیرتعدادمیں شرکت کی۔ورکشاپ کے ریسورس پرسن تربت یونیورسٹی کے آفس آف ریسرچ، انوویشن اینڈ کمرشلائزیشن کے ڈائریکٹر اورلیکچرر ڈاکٹر فدا احمد نے تحقیقی عمل میں مصنوعی ذہانت کے موثر استعمال پر روشنی ڈالی۔ انہوں نے تحقیق کے مختلف مراحل جیسے مقالہ جات ، تھیسز کی ساخت، لٹریچر ریویو، معلومات کا تجزیہ، اکیڈمک رائیٹنگ، پروف ریڈنگ اور بصری خاکے تیار کرنے میں اے آئی ٹولز کے استعمال کا عملی مظاہرہ پیش کیا۔اپنی گفتگو میں انہوں نے اس بات پر زور دیا کہ مصنوعی ذہانت انسان کی تخلیقی صلاحیتوں کا متبادل تو نہیں ہوسکتا البتہ ایک موثر معاون ضرور ثابت ہوگاجو محققین کی کارکردگی اور جدت کو بہتر بنا سکتی ہے۔ ورکشاپ نہایت دلچسپ اور انٹرایکٹو رہا-ورکشاپ کےشرکاء نے ڈاکٹر فدا احمد کی جانب سے فراہم کردہ عملی رہنمائی کو سراہااور اسے اپنی تحقیقی صلاحیتوں میں نکھار لانے کے لیے مفید قرار دیا۔
…
کیپشن: تربت یونیورسٹی کے آفس آف ریسرچ، انوویشن اینڈ کمرشلائزیشن کے ڈائریکٹراورلیکچرر ڈاکٹر فدا احمدتربت یونیورسٹی میں"اے آئی کے دورمیں ایک اسمارٹ محقق بننے" کے عنوان منعقدہ ورکشاپ سے اظہارخیال کررہے ہیں

05/10/2025

*دی رائز گرامر اسکول کی پہلی سال مکمل ہونے پر سالگرہ کی پُروقار تقریب، میر ارشد کلمتی مہمانِ خصوصی رہے۔*

*گوادر (رپورٹ: ڈیجیٹل گوادر ):* دی رائز گرامر اسکول کے قیام کو ایک سال مکمل ہونے پر اسکول میں سالگرہ کی پُروقار تقریب کا انعقاد کیا گیا۔ تقریب کے مہمانِ خصوصی میر کاروان کے سربراہ میر ارشد کلمتی تھے جبکہ دیگر معزز مہمانوں میں ڈسٹرکٹ آفیسر ایجوکیشن فیمیل بلقیس سلیمان، پرائیویٹ اسکولز ایسوسی ایشن کے صدر جمیل قاسم، ڈھوریہ اکیڈمی کے ڈائریکٹر حسن علی، اسکول کے ڈائریکٹر علی عاقب اور پرنسپل اسماعیل عمر شامل تھے۔ تقریب میں طلبہ و طالبات نے حمد، نعت، ٹیبلو اور بلوچی ثقافتی پروگرام پیش کیے جنہیں حاضرین نے خوب سراہا۔
تقریب سے خطاب کرتے ہوئے میر ارشد کلمتی سمیت دیگر مقررین نے دی رائز گرامر اسکول کی کارکردگی کو سراہا اور کہا کہ گوادر شہر میں معیاری تعلیم کی فراہمی ایک خوش آئند قدم ہے۔ انہوں نے اساتذہ اور والدین پر زور دیا کہ وہ بچوں کی تعلیم و تربیت میں باہمی تعاون کو فروغ دیں تاکہ آنے والی نسل بہتر مستقبل کی ضامن بن سکے۔ تقریب کے اختتام پر اسکول انتظامیہ کی جانب سے سالگرہ کا کیک کاٹا گیا، مہمانوں نے طالب علموں کو شیلڈز بھی پیش کیں۔

03/10/2025

گوادر ( ڈیجیٹل گوادر ) گوادر میں عالمی یومِ اساتذہ پر بہترین اساتذہ اور طلبہ کو ایوارڈز دیے جائیں گے

گوادر: میر عبدالغفور کلمتی ویلفیئر ٹرسٹ کے چیرمین میر ارشد کلمتی، ڈسٹرکٹ ایجوکیشن آفیسر زاہد حسین بلوچ اور پرائیویٹ اسکولز ایسوسی ایشن کے خازن علی عاقب کے درمیان ڈسٹرکٹ ایجوکیشن آفس میں ایک اجلاس منعقد ہوا۔ اس موقع پر ڈسٹرکٹ آفیسر ایجوکیشن (فیمیل) بلقیس سلیمان، ڈپٹی ڈسٹرکٹ ایجوکیشن آفیسر محمد حسن اور اے ڈی ای اوز نادل صالح و فرزانہ دلمراد نے بھی شرکت کی۔

اجلاس میں 6 اکتوبر کو عالمی یومِ اساتذہ کے پروگرامز کو حتمی شکل دی گئی۔ طے پایا کہ اس دن گوادر کے تمام سرکاری و نجی اسکولوں کے اساتذہ کو خراجِ تحسین پیش کرنے کے لیے ایک پروقار تقریب منعقد کی جائے گی، جس میں ہر اسکول سے ایک بہترین استاد کو بہترین ٹیچر ایوارڈ دیا جائے گا۔

اس موقع پر میر ارشد کلمتی نے کہا کہ میر عبدالغفور کلمتی ویلفیئر ٹرسٹ اپنی روایت کو برقرار رکھتے ہوئے اس سال بھی 6 اکتوبر کو منعقدہ تقریب میں گوادر کے تمام اسکولوں، کالجوں اور یونیورسٹیوں کے بہترین طلبہ کو ایوارڈز سے نوازے گا۔ اس پروگرام کو ڈسٹرکٹ ایجوکیشن آفس اور پرائیویٹ اسکولز ایسوسی ایشن کی معاونت حاصل ہے۔

انہوں نے کہا کہ اس دن کو منانے کا مقصد اساتذہ اور طلبہ دونوں کی خدمات اور محنت کو سراہنا ہے تاکہ تعلیمی میدان میں مزید بہتری لائی جا سکے۔

03/10/2025

گوادر ( ڈیجیٹل گوادر )بلوچستان انٹر یونیورسٹیز اسپورٹس فیسٹیول 2025 گوادر یونیورسٹی کا تربت یونیورسٹی کو شکست۔

بلوچستان انٹر یونیورسٹیز اسپورٹس فیسٹیول 2025 میں گوادر یونیورسٹی نے اپنے پہلے ہی کرکٹ میچ میں شاندار کارکردگی دکھاتے ہوئے یونیورسٹی آف تربت کو 27 رنز سے شکست دی۔

گوادر یونیورسٹی نے 20 اوورز میں 6 وکٹوں کے نقصان پر 128 رنز بنائے۔ جواب میں تربت یونیورسٹی کی ٹیم 101 رنز بنا کر 19.3 اوورز میں آل آؤٹ ہوگئی۔ نذیر نے 66 رنز کی شاندار اننگز کھیلی جبکہ نجيب اللہ نے 11 رنز کے عوض 3 وکٹیں حاصل کیں۔

اس موقع پر وائس چانسلر گوادر یونیورسٹی پروفیسر ڈاکٹر عبدالرزاق صابر نے ٹیم کو کامیابی پر مبارکباد دیتے ہوئے کہا کہ کھلاڑیوں نے شاندار ٹیم ورک اور جذبے کا مظاہرہ کیا ہے، اور یہ فتح نوجوانوں کے اعتماد کو مزید بلند کرے گی۔

02/10/2025

گوادر ( ڈیجیٹل گوادر)جی ڈی اے اور پی ایچ ای کا غیر قانونی کمرشل واٹر کنکشنز کیخلاف کریک ڈاؤن، بحران کے دوران کمرشل یوزر اپنے لیے متبادل انتظام خود کرلیں۔ دستیاب پانی صرف گھریلو ضروریات کے لیے ہے

ڈائریکٹر جنرل جی ڈی اے معین رحمنٰ خان کی ہدایت پر گوادر ڈویلپمنٹ اتھارٹی کے انفورسمنٹ سیل اور محکمہ پبلک ہیلتھ نے سربندر سمیت شہر کے مختلف علاقوں میں کارروائیاں کرتے ہوئے غیرقانونی واٹر کنکشنز ختم کر دیے۔ اس دوران فش فیکٹریوں اور آئس فیکٹری مالکان سمیت تمام کمرشل یوزرز کو واضح طور پر تنبیہ کی گئی کہ پانی کے بحران کے دوران ان کے کمرشل واٹر کنکشنز کے خلاف کریک ڈاؤن جاری رہے گا تاکہ دستیاب پانی صرف گھروں تک پہنچ سکے اور عوام کی گھریلو ضروریات پوری کی جا سکیں۔
ترجمان کے مطابق بحران کے دوران دستیاب محدود پانی صرف گھریلو استعمال کے لیے مخصوص ہے اور کمرشل یوز کی اجازت نہیں ہے۔ لہٰذا گوادر شہر اور گردونواح کے تمام کمرشل صارفین بشمول فش فیکٹریاں، آئس فیکٹریاں، سروس اسٹیشنز، کار واش، بلاک ورکس، ہوٹلز اور دیگر نجی ادارے اپنے کمرشل استعمال کے لیے پانی کے متبادل انتظامات خود کریں۔
آج کی کارروائی ادارہ ترقیات گوادر کے انفورسمنٹ سیل کے سائیٹ انچارج اختر فوجی کی نگرانی میں محکمہ پبلک ہیلتھ کے اشتراک سے سربندر سٹی میں کی گئی، جہاں مختلف مقامات پر فش فیکٹریوں، بلاک تلہ اور سروس اسٹیشنوں کے غیرقانونی واٹر کنکشنز کاٹ دیے گئے۔

02/10/2025

گوادر ( ڈیجیٹل گوادر )پسنی پولیس کی کاروائی پسٹل برآمد ملزم گرفتار

ایس ایس پی گوادر ضیاء الحق مندوخیل کی خصوصی ہدایت اور ڈی ایس پی سرکل پسنی ملک احمد کی مؤثر نگرانی میں، سب انسپکٹر شکیب ارسلان ایس ایچ او پولیس تھانہ سٹی پسنی کی قیادت میں پولیس ٹیم نے ملزم بمعہ اسلحہ گرفتار کر لیا۔*
کارروائی میں ملزم سید محمد ولد ملنگ قوم بلوچ سکنہ وارڈنمبر 1 پسنی کو گرفتارکر کے ملزم کے خلاف مقدمہ نمبر 70/2025 بجرم زیر دفعہ 15D آرمز ایکٹ 2022 درج کر کے مزید تفتیش شروع کر دی گئی۔

02/10/2025

پسنی ( ڈیجیٹل گوادر ) میر حمل کلمتی کے ترقیاتی منصوبوں کی تکمیل، تعلیمی اداروں کو نئے کلاس رومز اور سہولیات میسر

سابق رکن صوبائی اسمبلی گوادر *میر حمل کلمتی* کے ترقیاتی اسکیمات کی تکمیل کا سلسلہ جاری ہے، جس سے اہل علاقہ مستفید ہو رہے ہیں۔ ان اسکیمات میں *تعلیمی اور صحت کے شعبے کو خصوصی ترجیح* دی گئی تھی۔
حال ہی میں میر حمل کلمتی کے منظور شدہ اسکیمات کے تحت *گورنمنٹ گرلز مڈل اسکول چبواری کلانچ* میں دو نئے کلاس رومز کا کام مکمل کر لیا گیا۔ یہ کلاس رومز رنگ و روغن کے علاوہ *سولر پینل سسٹم* کی سہولت سے بھی آراستہ ہیں۔بی این پی (بلوچستان نیشنل پارٹی) گوادر کے ضلعی جنرل سیکرٹری *امان جمعہ* نے اسکول ہیڈمسٹریس کو کلاس رومز باقاعدہ ہینڈ اوور کر دیے اور چابی اُن کے حوالے کی۔
اسی طرح *گورنمنٹ پرائمری اسکول پوستو (حیدر بازار)* اور گورنمنٹ پرائمری اسکول جانداری میں بھی دو دو نئے کلاس رومز کی تعمیر مکمل ہو گئی ہے۔ امان جمعہ نے ان اسکولوں کے ہیڈ ماسٹرز کو بھی نئے کلاس رومز کی چابیاں حوالے کر دیں۔
تعلیمی شعبے میں ایک اور اہم پیش رفت کے طور پر *بل ہڈوکی مڈل اسکول کی چاردیواری* کا کام بھی مکمل کر لیا گیا ہے۔تحصیل پسنی کے دیہی علاقے *کلانچ کے معتبرین* نے سابق رکن صوبائی اسمبلی گوادر میر حمل کلمتی کی *تعلیمی اور علاقہ دوستی پر مبنی خدمات* کو خوب سراہا ہے۔
اس موقع پر میڈیا سے گفتگو کرتے ہوئے بی این پی کے ضلعی جنرل سیکرٹری امان جمعہ نے کہا کہ *میر حمل کلمتی ایک عوامی لیڈر ہیں* جو ہر وقت مختلف پلیٹ فارمز پر اپنے عوام کی نمائندگی کرتے ہیں۔ ان کے منصوبوں کی تکمیل سے علاقے میں تعلیم کے فروغ میں نمایاں مدد ملے گی۔
سابق رکن صوبائی اسمبلی کے اسکیمات کی بتدریج تکمیل اہل علاقہ کے لیے سہولتوں کی فراہمی کو یقینی بنا رہی ہے۔

02/10/2025

گوادر ( ڈیجیٹل گوادر ) گوادر میں پانی کا بحران ، ایم سی گوادر کے خاتون رکن عارفہ عبداللہ کا ایڈیشنل ڈپٹی کمشنر سے ملاقات، شادی کور ڈیم اور ٹینکرز کے ذریعے پانی فراہم کرنے کا مطالبہ

گوادر میں پانی کے شدید بحران پر، بی این پی گوادر کی خواتین رہنما اور میونسپل کمیٹی کی رکن، عارفہ عبداللہ نے آج ایڈیشنل ڈپٹی کمشنر جنرل ڈاکٹر عبدالشکور سے ان کے دفتر میں ملاقات کی۔ عارفہ عبداللہ نے خواتین کے ایک وفد کے ہمراہ سنگین ہوتی ہوئی صورتحال پر تفصیلی بات چیت کی اور عوام کو درپیش مشکلات سے آگاہ کیا۔
ملاقات کے دوران، ایڈیشنل ڈپٹی کمشنر گوادر، ڈاکٹر عبدالشکور نے بحران کے حل کے لیے اقدامات کی یقین دہانی کرائی۔ انہوں نے کہا کہ جلد ہی شادی کور ڈیم سے گوادر شہر کو پانی کی فراہمی شروع کر دی جائے گی۔
علاوہ ازیں، ڈاکٹر عبدالشکور نے بتایا کہ کراچی سے ٹینکرز کل تک گوادر پہنچ جائیں گے۔ میرانی ڈیم سے پانی ٹینکرز کے ذریعے جی ڈی اے کے اسٹوریج ٹینک میں ذخیرہ کیا جائے گا، جس کے بعد اسے شہر میں سپلائی کیا جانا شروع ہو جائے گا۔ اس اقدام سے گوادر کے رہائشیوں کو پانی کی قلت سے عارضی نجات ملنے کی امید ہے۔
عارفہ عبداللہ نے پانی کی فراہمی یقینی بنانے کے لیے فوری اقدامات کرنے پر زور دیا

Digital Gwadar

07/10/2025

06/10/2025

06/10/2025

06/10/2025

05/10/2025

05/10/2025

03/10/2025

03/10/2025

02/10/2025

02/10/2025

02/10/2025

02/10/2025

Address

Telephone

Website

Alerts

Shortcuts

Share

Category