Haripur ke Awaz

02/08/2026

ہری پور: یومِ شہدائے پولیس کے موقع پر ڈی پی او ہری پور شفیع اللہ گنڈاپور کی ہدایت پر ڈی ایس پی خانپور راجہ محمد بشیر کی زیرِ نگرانی ڈھینڈہ روڈ سے فلیگ مارچ نکالا گیا۔ فلیگ مارچ میں پولیس افسران اور جوانوں نے بھرپور شرکت کی۔

فلیگ مارچ شہر کی مختلف اہم شاہراہوں سے گزرا، جہاں پولیس اہلکاروں نے شہدائے پولیس کی عظیم اور لازوال قربانیوں کو خراجِ عقیدت پیش کیا۔ اس موقع پر عوام میں احساسِ تحفظ کو فروغ دینے، قانون کی بالادستی اور امن و امان کے قیام کے عزم کا بھی اعادہ کیا گیا۔

پولیس حکام کا کہنا تھا کہ شہدائے پولیس کی قربانیاں قوم کا قیمتی سرمایہ ہیں، جن کی بدولت آج معاشرے میں امن قائم ہے۔ ہری پور پولیس شہریوں کے جان و مال کے تحفظ اور جرائم کے خاتمے کے لیے اپنی ذمہ داریاں پوری لگن اور پیشہ ورانہ انداز میں انجام دیتی رہے گی۔

02/08/2026

ایل اے 45 پاکستان پیپلز پارٹی کے عبدالماجد خان گورنمنٹ گرلز ڈگری کالج ہری پور سے چار سو ووٹ لیکر کامیاب

02/08/2026

ہری پور میں موٹر سائکل سوار آٹا چور گروہ متحرک ۔ دن دیہاڑے تلوکر روڈ اور شاہ بابا مسجد کے قریب کریانہ سٹور سے بغیر نمبر پلیٹ موٹر سائیکل پر سوار پینٹ شرٹ میں ملبوس نوجوان آٹے کے تھیلے اٹھا کر فرار

02/08/2026

ہری پور کوٹ نجیب اللہ انٹرچینج کے قریب سے ایک نامعلوم شخص کی نعش برآمد ہوئی ہے۔ ابتدائی اطلاعات کے مطابق متوفی کا تعلق ضلع ٹوبہ ٹیک سنگھ، پنجاب سے بتایا جا رہا ہے۔ اطلاع ملتے ہی متعلقہ پولیس موقع پر پہنچ گئی اور نعش کو اپنی تحویل میں لے کر قانونی کارروائی کا آغاز کر دیا۔ ذرائع کے مطابق شناخت اور موت کی وجوہات کے تعین کے لیے مزید تحقیقات جاری ہیں، جبکہ واقعے سے متعلق حتمی مؤقف پولیس کی تفتیش مکمل ہونے کے بعد سامنے آئے گا۔

30/07/2026

ٹی ایم او خانپور عائشہ طاہرہ اور ایس ایچ او صدیق شاہ کا ترناوا کا دورہ، مون سون کے دوران نہانے پر عائد پابندی پر سختی سے عملدرآمد کی ہدایت

ٹی ایم او خانپور عائشہ طاہرہ نے ایس ایچ او خانپور صدیق شاہ کے ہمراہ خانپور کے تفریحی مقام ترناوا کا دورہ کیا۔ اس موقع پر مون سون کے دوران ممکنہ خطرات کے پیشِ نظر شہریوں کو آگاہ کیا گیا کہ ترناوا اور خانپور ڈیم کے دیگر آبی مقامات پر نہانے پر مکمل پابندی عائد ہے۔ عوام سے اپیل کی گئی کہ وہ اپنی اور اپنے اہلِ خانہ کی قیمتی جانوں کے تحفظ کے لیے ضلعی انتظامیہ کی جاری کردہ ہدایات پر سختی سے عمل کریں اور ممنوعہ مقامات پر ہرگز نہ جائیں۔

ٹی ایم او عائشہ طاہرہ نے واضح کیا کہ شہریوں کی جان و مال تحفظ انتظامیہ کی اولین ترجیح ہے، لہٰذا پابندی کی خلاف ورزی کرنے والوں کے خلاف قانون کے مطابق کارروائی عمل میں لائی جائے گی تاکہ کسی بھی ناخوشگوار حادثے سے بچا جا سکے۔ ساتھ ہی شہریوں سے اپیل کی گئی کہ وہ مون سون کے موسم میں احتیاطی تدابیر اختیار کریں اور انتظامیہ کے ساتھ مکمل تعاون کریں۔

30/07/2026

ہری پور.گزشتہ روز ہری پور پولیس اور سی سی ڈی اٹک کے مشترکہ آپریشن کے دوران ہلاک ہونے والے ملزمان باپ بیٹے کو لاوارث قرار دیکر سرکاری قبرستان میں سپرد خاک کر دیا گیا ۔
تدفین کے انتظامات ٹی ایم اے ہری پور کی جانب سے مکمل کیے گئے، جہاں چیف سینیٹری انسپکٹر ہری پور محمد رفاقت کی زیر نگرانی متعلقہ عملے نے تدفین کے تمام مراحل سرانجام دیے۔

30/07/2026

ہری پور :اٹک کوبرا گینگ 777 کاسرغنہ اور دہشت کی علامت سمجھا جانے والا ،خطرناک اشتہاری ملزم ملک ضرغام اللہ اور اسکا والد ہریپور پولیس اور سی سی ڈی اٹک کے مشترکہ آپریشن میں ہلاک۔

30/07/2026

ہری پور :اٹک کوبرا گینگ 777 کاسرغنہ اور دہشت کی علامت سمجھا جانے والا ،خطرناک اشتہاری ملزم ملک ضرغام اللہ اور اسکا والد ہریپور پولیس اور سی سی ڈی اٹک کے مشترکہ آپریشن میں ہلاک۔
ہلاک ملزم ملک ضرغام اغواء برائے تاوان، دہشت گردی، ڈکیتی ، ٹارگٹ کلنگ ،جنسی ذیادتی اور بھتہ خوری کے سنگین نوعیت کے متعدد مقدمات میں ملوث اور مطلوب اشتہاری ملزم تھا۔
ہلاک ملزم ملک ضرغام نے مورخہ 28.12.2022 کو اپنے ساتھیوں کے ساتھ مل کر اٹک کے معروف صحافی ارشد جعفری کے قتل میں بھی ملوث اور مطلوب تھا۔ملزم کے خلاف تھانہ صدر اٹک میں مقدمہ علت 508 سال 2022 بجرم 7ATA/21-1/6-2(k)/7/302/324/34/109/15AA کے تحت مقدمہ درج رجسٹر تھا۔
ہلاک ملزم نے مورخہ 14.07.2026کوضلع اٹک تھانہ سٹی کی حدود سے مسماۃ مشال ضمیر دختر ضمیر احمد کو اغواء کیا اور مغویہ کے والدین سے 05 کروڑ تاوان کا مطالبہ کر رکھا تھا۔ملزم کے خلاف تھانہ سٹی اٹک میں مقدمہ علت 502 سال 2026 بجرم 365A. بھی درج رجسٹر ہے ۔
ہلاک ملزم اور مغویہ کی ہری پور میں موجودگی کی اطلاع پر ملزم کو کو ٹریس کرنے اور مغویہ کی برآمدگی کے لیے ہری پور پولیس کی ٹیموں نے سرچ آپریشن جاری رکھا ہوا تھا۔
ڈی پی او ہریپور شفیع اللہ گنڈاپور نے ہمراہ دیگر سینئر پولیس افسران اور برآمدہ مغویہ کے والد اور دیگر فیملی ممبران کے تھانہ سٹی میں پریس کانفرنس کے دوران بتلایا کہ کل مورخہ 29.07.2026 کوبوقت 5 بجے ہری پور پولیس اور سی سی ڈی اٹک اور آر آر ایف فورس کے افسران و جوانوں نے تھانہ کھلابٹ کی حدودڈھینڈہ بائی پاس نزد چونگی نمبر 3 چھوہر روڈ میں مشترکہ ٹارگیٹ بیس آپریشن کیا۔دورانِ آپریشن اٹک پولیس کوسنگین نوعیت کے متعدد مقدمات میں انتہاہی مطلوب کوبرا گینگ777 کا سرغنہ اور دہشت کی علامت سمجھا جانے والا اشتہاری ملزم ضرغام نے اپنے دیگر ساتھیوں کے ساتھ مل کر گرفتاری سے بچنے کے لیے پولیس ٹیموں پر باارادہ قتل فائرنگ کی۔فائرنگ کا سلسلہ دو گھنٹے سے زائد وقت تک جاری رہا ۔ پولیس ٹیموں نے اپنی جان بچاتے ہوئے مظبوط آڑ لی ۔ اطلاعات کے مطابق ملزمان ایک رہائشی گھر میں پناہ لیے ہوا تھا۔جس میں اس کی اپنی فیملی رہائش پزیرتھی اور قوی امکان تھا کہ مغویہ بھی اسی گھر میں موجود ہے ۔آپریشن کے دوران علاقے کو مکمل طور پر گھیرے میں لے کر شہریوں کی جان و مال کے تحفظ کو یقینی بنایا گیااور گھر میں موجودعورتیں ۔جن میں ہلاک ملزم ملک ضرغام کی بیوی ،والدہ ،بھابی ،بہن اور 04 کمسن بچے جن میں 05بچے ہلاک ملزم ملک ضرغام کے بچے اور 02بھتیجے شامل تھے کی حفاظت کو بھی یقینی بناتے ہوئے انتہاہی محتاط اور پروفیشنل انداز سےآپریشن جاری رکھا۔ملزمان اس دوران بھی پولیس ٹیموں پر فائرنگ کرتے رہے ۔پولیس جوانوں نے جوان مردی سے کاروائی کرتے ہوئے بھرپور دفاع کیا۔ ناسور ملزمان نے اپنے ہی خاندان کو آڑ بنا کر فائرنگ کا مقابلہ جاری رکھا۔نہایت ہی حکمت عملی سے گھر کی چھت کو کور کر کے سموک گرنیڈ کا استعمال کیا اور گھر کو فرنٹ سے بکتر بند گاڑی سے کور کیا اورسموک کی وجہ سے کمرہ اندر موجود 4 بچےاور دو لیڈیز باہر ائیں جن کو بحفاظت ریسکیو کیا۔اس دوران ایلیٹ فورس اٹک کے ایک جوان کے دائیں ہاتھ پر فائر لگ کر زخمی ہوا۔ملزمان کی تمام فیملی کو بحفاظت ریسکیو کیا۔فائرنگ کا سلسلہ رکنے پر دوران سرچ آپریشن خطرناک دہشت کی علامت سمجھا جانے والا مفرور ملزم ضرغام ولد خالد محمود خان اورخالد محمود خان ولد جنگ بہادر جو کہ سی سی ڈی پنجاب،سکنہ محلہ شرقی ماڑی کنجور،اٹک کو متعدد مقدمات میں مطلوب تھا جوابی کاروائی میں ہلاک پائے گئے ۔جبکہ ملزمان کے دیگر ساتھی کے ساتھ بھاگ نکلے ۔ہلاک ملزمان کی لاشیں برائے پوسٹمارٹم ٹرامہ سنٹر ہری پور منتقل کیں ۔ہلاک ملزمان سے جدید خودکار اسلحہ02 ایس ایم جی اور دو پستول بمعہ ایمونیشن برآمد کیا۔ وقوعہ کی نسبت تھانہ کھلابٹ میں 358 مورخہ 29.07.2026 بجرم 302.324.353.15AA.186.7ATA تھانہ کھلابٹ میں درج رجسٹر کیا۔علاقے کو گھیرے میں لے کر ملزمان کی گرفتاری کے لیے سرچ آپریشن شروع کردیا گیا ۔ دوران سرچ آپریشن اطلا ع موصول ہوئی کہ مذکورہ ہلاک ملزم کا تھانہ ٹی آئی پی کی حدود تلوکر ٹاون میں بھی ایک رہائشی گھر موجود ہے ۔اس اطلاع پر ہری پور پولیس نے مذکورہ گھر کو ٹریس کیا اور ہمراہ سی سی ڈی اور اٹک پولیس کے کاروائی کرتے ہوئے مغویہ مسماۃ مشال ضمیر دختر ضمیر احمد سکنہ اٹک کو باحفاظت بازایاب کیا اور ہلاک ملزم ملک ضرغام کا لوکل سہولت کار رکشہ ڈرائیور احتشام یونس سکنہ ڈنگی جھاری کس کو اسلحہ سمیت گرفتار کرلیا۔
ڈی پی او ہری پور شفیع اللہ گنڈاپور نے ہری پور پولیس ،سی سی ڈی اٹک، ایلیٹ فورس اور آر آر ایف کی شاندار کاروائی کو بھرپور سراہا اور میڈیا نمایندگان سے بات چیت کرتے ہوئے کہا کہ ہری پور پولیس عوام کے جان و مال کے تحفظ کے لیے پُرعزم ہے اور شہریوں کی حفاظت،امن و امان کے قیام، اور قانون کی بالادستی کو ہر صورت یقینی بنانے کے لیے پرعزم ہے۔

28/07/2026

28/07/2026

افسوس ناک خبر
کڑچھ ککوتری والے جہانگیر عرف شان دوران ڈیوٹی غازی ائیر بیس پر بجلی کا کرنٹ لگنے سے جان کی بازی ہار گئے
اللہ تعالیٰ مغفرت فرمائے اور لواحقین کو صبر جمیل عطا فرمائے آمین