Daily Awaz Times Harnai

Daily Awaz Times Harnai Contact information, map and directions, contact form, opening hours, services, ratings, photos, videos and announcements from Daily Awaz Times Harnai, Media/News Company, Puwanda Road Harnai, Harnai.

ہرنائی ڈپٹی کمشنر ہرنائی نے عیدالاضحی کے دوران 26 مئی سے لیکر 30 مئی تک ڈی سی آفس ہرنائی میں ایمرجنسی کنٹرول روم قائم کر...
25/05/2026

ہرنائی ڈپٹی کمشنر ہرنائی نے عیدالاضحی کے دوران 26 مئی سے لیکر 30 مئی تک ڈی سی آفس ہرنائی میں ایمرجنسی کنٹرول روم قائم کردیا ہے۔ جس کا انچارج ایڈیشنل ڈپٹی کمشنر ہرنائی محمد سلیم ترین کو ہونگے۔ یہ کنٹرول روم 24 گھنٹے فعال ہوگا۔

24/05/2026

ہرنائی : مدرسہ جامعة الحسنین محلہ غریب آباد ہرنائی میں آج ختمِ قرآن کے حوالے سے ایک پروقار اور روح پرور تقریب کا انعقاد کیا گیا۔ جس کا اغاز تلاوت کلام پاک سے ہوا جس کی سعادت قاری اکرم شاہ نے حاصل کی جبکہ سٹیج سیکرٹری کے فرائض قاری عارف اللہ نے سرانجام دیے
اس بابرکت اجتماع میں تین خوش نصیب طلباء کرام نے حفظ قرآنِ مجید کی تکمیل کی سعادت حاصل کی۔ اس موقع پر ضلع بھر کے علماءِ کرام نے قرآنِ مجید کی عظمت، علم قرآن اور فہم قرآن کی اہمیت پر نہایت مدلل اور ایمان افروز تقاریر پیش فرمائی۔
جلسے سے جمعیت علما اسلام کے ضلعی امیر مولوی عبدالحنان، حافظ غنی، سید نور محمد شاہ، مفتی عبدالقدیر ودیگر نے خطاب کرتے ہوئے اس بات پر زور دیا کہ قرآنِ مجید محض تلاوت کی کتاب نہیں بلکہ مکمل ضابطۂ حیات ہے، جس پر عمل کرکے دنیا و آخرت میں کامیابی حاصل کی جاسکتی ہے۔ شرکائے محفل نے طلبائے کرام کی کامیابی پر خوشی کا اظہار کرتے ہوئے ان کے حق میں خصوصی دعائیں بھی کیں۔
اللہ تعالیٰ ان طلباء کرام کو قرآنِ کریم کا سچا خادم بنائے اور اس ادارے کو مزید دینی خدمات کی توفیق عطا فرمائے۔ آمین۔ مہتمم مدرسہ ھذا قاری ولی محمد صاحب نے آنے والے تمام مہمانوں کا شکریہ ادا کیا

ہرنائی کی پانچ بڑی قوموں قوم خدرانی ترین، قوم اسپانی ترین، قوم شیخ میانی مڑیزئی، قوم خمیس اور قوم عبدالانی ترین کے قبائل...
24/05/2026

ہرنائی کی پانچ بڑی قوموں قوم خدرانی ترین، قوم اسپانی ترین، قوم شیخ میانی مڑیزئی، قوم خمیس اور قوم عبدالانی ترین کے قبائلی مشران نے پریس کانفرنس سے خطاب کرتے ہوئے کہا۔ کہ تین دن پہلے 21 مئی کو زیارت کے علاقے مانگی میں ہرنائی ٹو کوئٹہ روڈ پر نامعلوم افراد نے کوئلے سے لوڈ ٹرکوں کو جلایا تھا۔ اس موقع پر نامعلوم افراد وہاں سے چار بندوں کو بھی اپنے ساتھ لے گئے تھے۔ جن میں ملک شینگل خان ترین کا تعلق ہرنائی کے علاقے ناکس سے ہے۔ جبکہ مسعود خان پانیزئی، اشرف خان اور جاوید پانیزئی کا تعلق ضلع زیارت سے ہیں۔ ملک مہراللہ خان ترین نے پریس کانفرنس سے خطاب میں کہا۔ کہ ہم پریس کانفرنس کے توسط سے متعلقہ اداروں سے درخواست کرتے ہے۔ کہ ان اغوا شدہ افراد کو بحفاظت بازیاب کیا جائے۔ اور ان متعلقہ افراد سے بھی عید کی اس خوشی کے موقع پر درد مندانہ اپیل کرتے ہے۔ کہ ان چاروں اغوا شدہ افراد کو آزاد کرکے ان کی بچوں کے غم کو خوشی میں تبدیل کریں۔ پریس کانفرنس میں قوم خدرانی ترین کے سربراہ ملک مہراللہ خان ترین، قوم مڑیزئی شیخ میانی کے سربراہ ملک سلطان محمد ترین، قوم اسپانی ترین کے سربراہ ملک شاہنواز ترین، قوم عبدالانی ترین کے سربراہ ملک اسرارالحق ترین اور قوم خمیس کے سربراہ ملک آصف ترین موجود تھے۔ اس موقع پر ہرنائی کے علاقے ناکس سے تعلق رکھنے والے ملک شینگل ترین کے رشتہ داروں کی بھی بڑی تعداد موجود تھی۔
پریس کانفرنس میں موجود شرکا نے جلائے گیے ٹرکوں کے نقصان کا ازالہ اور اغوا شدہ افراد کے فوری بازیابی کا مطالبہ کیا۔

ہرنائی : بڑھتی ہوئی بدامنی، تحفظِ مدارس اور حقوقِ بلوچستان کے سلسلے میں اہم دورہ۔ اور ضلعی دفتر میں باقاعدہ اجلاس ہوا جس...
23/05/2026

ہرنائی : بڑھتی ہوئی بدامنی، تحفظِ مدارس اور حقوقِ بلوچستان کے سلسلے میں اہم دورہ۔
اور ضلعی دفتر میں باقاعدہ اجلاس ہوا جس کا آغاز تلات کلام پاک سے ہوا جس کی سعادت مولوی احمد جان نے حاصل کیا
جمعیت علماء اسلام کے صوبائی نائب امیر اور سابق صوبائی وزیر مولوی غلام سرور صاحب 4 جون کو ضلع پشین میں منعقد ہونے والی عظیم الشان "حقوقِ بلوچستان و تحفظِ دینی مدارس کانفرنس" کے سلسلے میں اور ملک بھر میں بڑھتی ہوئی بدامنی کے تناظر میں ضلع ہرنائی کا خصوصی دورہ کیا۔
اس اہم دورے میں جے یو آئی ضلع ہرنائی کے ضلعی امیر مولوی عبدالحنان صاحب اور ضلعی کابینہ کے معزز اراکین سے تفصیلی ملاقات ہوئی۔
ملاقات اور دورے کے بنیادی مقاصد: حقوقِ بلوچستان اور تحفظِ مدارس: 4 جون کو ضلع پشین میں ہونے والے عوامی اجتماعات اور حقوق کی تحریک کو منظم اور کامیاب بنانے کے لیے حکمتِ عملی طےہوا۔
امن و امان کی صورتحال:
ملک بھر اور بالخصوص صوبے میں بڑھتی ہوئی بدامنی، عوامی عدم تحفظ اور موجودہ چیلنجز پر تفصیلی گفتگو ہوئی۔
تنظیمی ہم آہنگی، صوبائی قیادت اور ضلعی کابینہ کے مابین روابط کو مزید مضبوط بنانا اور مستقبل کے لائحہ عمل پر اتفاقِ رائے قائم کرنا۔ اس موقع پر ضلع زیارت کے امیر مولوی نور الحق اخونزادہ نے بھی خطاب کیا۔
آخر میں ضلعی امیر نے جلسے کے مہم کو تیز کرنے اور بھرپور شرکت کی یقین دہانی کرائی مہمانوں اور پارٹی عہدے داروں کا شکریہ ادا کیا
جمعیت کے نائب امیر مولوی حمد اللہ نے اختتامی دعا کی

ہرنائی عوامی نیشنل پارٹی کے صوبائی صدر اصغر خان اچکزئی کی قیادت میں اے این پی ہرنائی کے ضلع کونسل اجلاس کے بعد ہرنائی کی...
23/05/2026

ہرنائی عوامی نیشنل پارٹی کے صوبائی صدر اصغر خان اچکزئی کی قیادت میں اے این پی ہرنائی کے ضلع کونسل اجلاس کے بعد ہرنائی کی نئی کابینہ تشکیل دیدی گئی۔ شاہرگ سے تعلق رکھنے والے حاجی ظریف ترین عوامی نیشنل پارٹی ہرنائی کا نیا صدر جبکہ ہرنائی سے تعلق رکھنے والا ملک باز خان ونیچی نیا ضلعی جنرل سیکرٹری منتخب۔ دیگر کابینہ میں سینئر نائب صدر ملک زمان ترین، نائب صدر اول عبدالجبار میانی، نائب صدر دویم فتح خان دومڑ، ایڈیشنل جنرل سیکرٹری نقیب اللہ پانیزائی، ڈپٹی جنرل سیکرٹری ابراہیم دادوزئی، جوائنٹ سیکرٹری اول حاجی لونگ بابر، جوائنٹ سیکرٹری دوئم خیرالدین، اطلاعات سیکرٹری محمود شاہ، مالیات سیکرٹری ملک نصیب خان ترین، کلچر سیکرٹری محمد حسن، لیبر سیکرٹری محمد دین تارن، اقلیت سیکریٹری روبی ویلیم، آفس سیکریٹری ملک نصیب اللہ، سوشل میڈیا سیکرٹری ولی خان ترین اور سالار زبیر احمد منتخب ہوگئے۔

22/05/2026

ہرنائی گزشہ روز زیارت کے علاقے مانگی میں نامعلوم افراد کے ہاتھوں اغوا ہونے والے پیپلز پارٹی ہرنائی کے ضلعی جنرل سیکرٹری ملک شینگل خان ترین کے بھائی محمد اجمل ترین نے پریس کانفرنس سے خطاب کرتے ہوئے کہا ہے۔ کہ میرے بھائی ملک شینگل خان ترین کو زیارت کے علاقے مانگی میں گزشتہ روز نامعلوم افراد نے زیارت کے تین افراد مسعود خان پانیزئی، اشرف خان اور جاوید پانزئی سمیت اغوا کیا تھا۔ انہوں متعلقہ اداروں اور صوبائی حکومت سے مطالبہ کیا۔ کہ میرے بھائی سمیت تمام اغوا افراد کو فوری طور پر بازیاب کیا جائے۔ انہوں تمام پشتون اعر بلوچ قبائلی اور سیاسی عمائدین سے بھی مطالبہ کیا۔ ہمارے لوگوں کو بازیاب کیا جائے۔ اجمل خان ترین نے کہا۔ کہ اگر ہمارے پیاروں کو بازیاب نہ کیا گیا۔ تو ہم ضلع ہرنائی اور ضلع زیارت کے تمام قبائلی مشران کا مشترکہ جرگہ بلائینگے۔ اور پرامن احتجاج اور عوامی مظاہروں پر غور کیا جائے گا۔ پریس کانفرنس کے موقع پر پیپلز پارٹی ہرنائی کے ضلعی صدر یاسین خان ترین سمیت دیگر لوگوں کی بڑی تعداد موجود تھی۔

ہرنائی : جمعیت علماء اسلام ضلع ہرنائی کے زیرِاہتمام پٹرولیم مصنوعات کی قیمتوں میں آئے روز ہونے والے ظالمانہ اضافے، کمر ت...
22/05/2026

ہرنائی : جمعیت علماء اسلام ضلع ہرنائی کے زیرِاہتمام پٹرولیم مصنوعات کی قیمتوں میں آئے روز ہونے والے ظالمانہ اضافے، کمر توڑ مہنگائی، بدامنی، مدارس کے خلاف غلط پالیسیوں اور عوام دشمن اقدامات کے خلاف احتجاجی ریلی اور مظاہرہ منعقد کیا گیا۔ احتجاجی مظاہرے کی قیادت ضلعی امیر مولوی عبدالحنان نے کی۔
ریلی کے شرکاء نے مختلف شاہراہوں پر مارچ کیا اور حکومت کے خلاف شدید نعرہ بازی کی۔ بعد ازاں احتجاجی مظاہرے سے مقررین نے خطاب کرتے ہوئے کہا کہ موجودہ حکومت عوام کو ریلیف دینے میں مکمل ناکام ہوچکی ہے۔ پٹرولیم مصنوعات کی قیمتوں میں مسلسل اضافہ غریب عوام پر ظلم کے مترادف ہے جس کے باعث مہنگائی میں بے پناہ اضافہ ہوا ہے۔ بدامنی اتنی بڑھ گی ہے کہ کل مانگی ایرے میں پانچ ٹرک نزر آتش کیے گیے۔ بھتہ خوری عام ہے منشیات عام ہے ملازم کو منتلی لیکر فری کیا ہوا ہے
انھوں نے مزید کہاکہ مدارس کے خلاف جو سازش ہو رہا ہے ہم مدارس دینیہ کے خلاف کسی بھی قسم کی سازش یا غلط پالیسی کو ہرگز قبول نہیں کرینگے
مدارس اسلامیہ ملک میں دینی و اخلاقی تعلیم کے فروغ میں اہم کردار ادا کررہے ہیں۔ انہوں نے مطالبہ کیا کہ حکومت فوری طور پر پٹرولیم مصنوعات کی قیمتوں میں کمی کرے، مہنگائی پر قابو پائے اور عوام کو ریلیف فراہم کرے۔ بدامنی کو ختم کریں اور عوام کو اپنا بنیادی حقوق دیں
مظاہرے سے ضلعی امیر مولوی عبدالحنان، تحصیل امیر مولوی عزیز اللہ مسرور، سابق نائب امیر حافظ غنی، سابق نائب امیر مفتی ظہور شاہ مشوانی، پریس سیکرٹری حافظ جلال الدین اور دیگر رہنماؤں نے خطاب کرتے ہوئے کیا۔
جاری کردہ، پریس سیکرٹری جے یو آئی ہرنائی

میونسپل کمیٹی ہرنائی کے ملازمین کا میونسپل کمیٹی ہرنائی کے چیرمین اور چیف آفیسر کی انتقامی کاروائیوں سے تنک آکر اپنے ...
22/05/2026

میونسپل کمیٹی ہرنائی کے ملازمین کا میونسپل کمیٹی ہرنائی کے چیرمین اور چیف آفیسر کی انتقامی کاروائیوں سے تنک آکر اپنے بچوں اور لیڈیز ملازمین کے ساتھ پریس کانفرنس ۔
پریس کانفرنس میں ان ملازمین کا کہنا ہے کہ میونسپل کمیٹی ہرنائی کے چیرمین اور چیف آفیسر نے بلا وجہ مستقل ملازمین کے ایک ماہ جب کہ ڈیلی ویجز ملازمین کی تین ماہ کی تنخواہ بند کر دی ہے ۔ چار ماہ کی اوور ٹائم بھی نہیں دیا جا رہا ۔اور ہم سے پرائیویٹ مشینری استعمال کروائی لیکن ان کا بھی بل بھی ادا نہیں کیا جا رہا ۔جب کہ اس سے پہلے بھی مارچ کی تنخواہ بغیر کسی وجہ کے تنخواہ کاٹ دی گئی تھی ۔ اس موقع پر ملازمین نے مزید کہا کہ ہمیں پشتونخواہ ملی عوامی پارٹی کے ایک زمہوار شخص کی طرف سے بتایا گیا کہ ہماری پارٹی نے یہ فیصلہ کیا ہے کہ ان ملازمین کی تنخوائیں بند کی جائیں۔انہوں نے مزید کہا کہ ہم پر سیاسی انتقامی کاروائیاں کی جا رہی ہیں۔
اس موقع پر لیڈیز ملازمین نے بات چیت کرتے ہوئے کہا کہ تنخواہ کی بندش سے ہمارے بچے بھوک کا شکار ہو رہے ہیں۔ کوئی دوکاندار راشن دینے کو تیار نہیں ہم اب مجبور ہو کر گھر گھر جا کر بھیک مانگ کر گزر بسر کرنے پر مجبور ہو گئے ہیں ۔جب کہ عید کی آمد پر کسی بھی ملازم نے اپنے بچوں کیلئے کوئی خریداری نہیں کی ۔چیرمین اور چیف آفیسر کی انتقامی کاروائیوں نے ہمیں زندگی سے بیزار کر دیا ہے ۔لہزا ہماری وزیر اعلی بلوچستان میر سرفرار صوبائی وزیر خوراک حاجی نور محمد دمڑ ڈپٹی کمشنر ہرنائی میر ارشد حسین جمالی ایف سی 81 ونگ کے کرنل ارباب خان ودیگر تمام زمہداران سے گزارش ہے کہ چیرمین میونسپل کمیٹی ہرنائی اور چیف آفیسر کے اس ناروا سلوک کا نوٹس لیں اور جلد سے جلد ان ملازمین کی تنخواہ ان کو دے کر مشکور فرمائیں۔

ہرنائی : کوئٹہ، ہرنائی کو ملانے والی قومی شاہراہ پر مانگی کے مقام سے ایک انتہائی تشویشناک خبر موصول ہوئی ہے۔ ذرائع کے مط...
21/05/2026

ہرنائی : کوئٹہ، ہرنائی کو ملانے والی قومی شاہراہ پر مانگی کے مقام سے ایک انتہائی تشویشناک خبر موصول ہوئی ہے۔ ذرائع کے مطابق نامعلوم مسلح افراد نے کوئلے سے لادے ہوئے 5 ٹرکوں کو آگ لگا دی ہے۔

Address

Puwanda Road Harnai
Harnai
82300

Telephone

+923342793715

Website

Alerts

Be the first to know and let us send you an email when Daily Awaz Times Harnai posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daily Awaz Times Harnai:

Shortcuts

Share

Category