District Information Office Harnai

09/10/2023

ہرنائی, ڈپٹی کمشنر ہرنائی محمد جاوید ڈومکی نے کہا ہے کہ متوفی کوٹے پر نوتعینات ہونے والوں کو تعیناتی کے ارڈرز دینا میرے لیے باعث مسرت ہے اور اس پر صوبائی حکومت داد کے مستحق ہے۔ جس نے مفاد عامہ کی خاطر یہ احسن اقدام اٹھا کر سرکاری ملازمت میں لواحقین کا کوٹہ یقینی بنایا۔ ان خیالات کا اظہار انہوں نے ڈی ایچ او افس ہرنائی میں متوفی کوٹہ پر محکمہ صحت کے مختلف پوسٹوں پر نوتعینات نوجوانوں کو تقررنامے پیش کرتے ہوئے کیا۔ انہوں نے تعینات ہونے والے تمام ملازمین کو مبارکباد دیتے ہوئے کہاکہ لواحقین کے کوٹے پر ایک تعلیم یافتہ بے روزگار نوجوان کو روزگار کا ملنا کسی نعمت سے کم نہیں۔ ڈپٹی کمشنر محمد جاوید ڈومکی نے مزید کہا کہ متوفی کوٹے پر نوتعینات ملازمین کو چاہیے کہ اپنے فرائض منصبی کی اہمیت کو سمجھتے اپنی تمام تر ذمہ داریاں احسن طریقے سے سرانجام دیں۔ اس موقع پر ڈسٹرکٹ کونسل چیئرمین عبدالسلام ترین, ڈسٹرکٹ ہیلتھ افیسر فیاض مستوئی, ایم ایس ودیگر بھی موجود تھے ڈپٹی کمشنر محمد جاوید ڈومکی نے اس موقع میڈیسن سٹور اور ایم این سی ایچ سنٹر کے مختلف شعبہ جات کا دورہ کیا پیرا میڈیکل سٹاف کی حاضری چیک کی سہولیات کا تفصیلی جائزہ لیا۔ اور ہدایات جاری کی کہ ہسپتال میں معمول کے مریضوں کو طبی سہولیات کی فراہمی اور ہنگامی صورتحال سے نمٹنے کیلیے ڈاکٹرز سمیت تمام سٹاف اپنی حاضری یقینی بنائے اور اس معاملے میں کسی قسم کی غفلت برداشت نہیں کی جائیگی۔

09/10/2023

ہرنائی, ڈپٹی کمشنر ہرنائی محمد جاوید ڈومکی کی ہدایت پر ایڈیشنل ڈپٹی کمشنر ریونیو سعید احمد زہری نے ڈسٹرکٹ ہیڈ کوارٹر لیویز تھانہ ہرنائی ، لیویز چوکی 5 میل لیویز تھانہ, طورخان لیویز تھانہ اور ڈیلکونہ کا دورہ کیا۔ روزنامچہ, نفری اور ڈیوٹی روسٹر چیک کیے۔ اس موقع پر انہوں نے لیویز اہلکاروں کو ہدایات جاری کرتے ہوئے کہا کہ ضلع میں امن و امان کی صورتحال کو برقرار رکھنے کیلیے لیویز اہلکار چوکس رہے اور قانون کو اپنے ہاتھ میں لینے والوں پر کڑی نظر رکھیں۔ ایڈیشنل ڈپٹی کمشنر سعید احمد زہری نے کہا کہ ضلعی انتظامیہ عوام کے جان ومال کی تحفظ کیلیے اپنے تمام وسائل بروئے کار لا رہی ہے اور اس پر کسی قسم کا سمجھوتہ نہیں کرینگے۔ شرپسند عناصر کو قانون کا سامنا کرنا پڑیگا انہوں نے مزید کہا کہ لیویز فورس کا علاقائی امن و امان میں کردار تاریخی اور قابل تعریف ہے۔ لیویز اہلکاروں کا یہ فرض بنتا ہے کہ چیکنگ کے دوران قانون کے دائرے میں رہ کر مناسب طریقہ اختیار کریں۔ کسی کو بلاوجہ تنگ نہ کیا جائے۔ فرائض کی انجام دہی میں کسی قسم کی غفلت برداشت نہیں کی جائیگی۔

14/08/2023

ہرنائی, ڈپٹی کمشنر ہرنائی محمد عارف زرکون کی صدارت میں گورنمنٹ بوائز ہائی سکول ہرنائی میں 76ویں جشن ازادی کی مناسبت سے ایک تقریب کاانعقاد کیا گیا۔ جس کے مہمان خصوصی ڈسٹرکٹ چیئرمین ملک عبدالسلام تھے۔ تقریب میں ایڈیشنل ڈپٹی کمشنر ارباب سید علی کاسی، ڈی ای او مومن خان ترین، ڈی او ای غلام حیدر ترین، ڈی ڈی او مشتاق ترین، آر ٹی ایس ایم آفیسر نجیب اللہ شاہ،گورنمنٹ بوائز ہائی سکول ہرنائی کے پرنسپل مومن خان ترین، وائس پرنسپل حبیب نور، وولن مل ہائی سکول کے پرنسپل شمس الدین ڈسٹرکٹ ڈپٹی چیرمین ملک عمل خان ترین،اسسٹنٹ ڈائریکٹر جاوید مرغزانی،ایس ڈی او خاور بھیگ، لوکل گورنمنٹ کے چیف آفیسر محمد مزمل، اسسٹنٹ چیف آفیسر محمد سلیم , استاتذہ کرام, طلباء اور سول سائٹی نے کثیر تعداد میں شرکت کی۔ تقربب میں گورنمنٹ بوائز ہائی سکول ہرنائی اور وولن مل ہائی سکول کے طلباء نے یوم آزادی کی مناسبت سے تقاریر، نعت اور ٹیبلو پیش کیے۔ گورنمنٹ بوائز ہائی سکول ہرنائی کے پرنسپل جناب مومن خان ترین نے تمام مہمانوں کا تقریب میں شرکت کرنے پر شکریہ ادا کیا۔

14/08/2023

ہرنائی, ڈپٹی کمشنر ہرنائی کے دفتر میں 14 اگست کی مناسبت سے مرکزی تقریب کا انعقاد کیا گیا۔ جس کی صدارت ڈپٹی کمشنر ہرنائی محمد عارف زرکون نے کی۔ اس موقع پر ایڈیشنل ڈپٹی کمشنر ہرنائی سعید علی کاسی، ایس پی ہرنائی عاصم شفیع، ڈسٹرکٹ کونسل ہرنائی کے چئیرمین ملک عبدالسلام ترین، ڈپٹی چئیرمین ڈسٹرکٹ کونسل ملک عمل خان، ڈی ای او ہرنائی مومن خان ترین اور ضلعی آفیسران و دیگر بھی موجود تھے۔ پرچم کشائی پر پولیس کے چاک وچوبند دستے نے سلامی دی۔ تقریب کے بعد جشن آزادی کے سلسلے میں ڈی سی آفس ہرنائی سے فلیگ مارچ کا انعقاد بھی کیا گیا۔ جس کی قیادت ڈی سی ہرنائی محمد عارف زرکون نے کی۔ فلیگ مارچ نے پورے شہر کا چکر لگایا۔ جس میں کثیر تعداد میں گاڑیوں نے شرکت کی۔ تقریب میں ڈپٹی کمشنر محمد عارف زرکون نے کہا کہ 14 اگست نہایت اہمیت کا حامل ایک عظیم دن ہے۔ جو ہمیں 76 برس پہلے حاصل کی گئی ازادی کی یاد دلاتی ہے۔ انہوں نے کہا یہ ہماری قوم کی خوش قسمتی اور اللہ کا ہم پر نظر کرم ہے۔ کہ قائداعظم کی قائدانہ صلاحیتوں, شاعر مشرق علامہ محمد اقبال کے فلسفیانہ افکار اور ہمارے اباواجداد کی قربانیوں کی بدولت ہم اج بحثیت قوم جنت نظیر وطن میں ازادی کیساتھ جی رہے ہیں۔ ڈپٹی کمشنر نے مزید کہا کہ اس ملک کی دفاع, ترقی, خوشحالی اور استحکام کیلیے ہم سب نے اپنی صلاحیتوں کے مطابق دیانتداری سے زمہ داریاں نبھانی ہوگی۔ اور یہ عہد کرنا ہوگا کہ ہم سب نے اپس میں بھائی چارے کی فضاء کو فروغ دیکر ملکی یکجہتی برداشت انصاف اور رواداری پر مبنی معاشرہ قائم کرنا ہے

14/08/2023

ہرنائی, یوم آزادی کی مناسبت سے میونسپل کمیٹی ہرنائی کے سبزہ زار پر مرکزی تقریب کا انعقاد کیا گیا۔ جس میں ڈسٹرکٹ چیرمین ملک عبدالسلام ترین کی جانب سے پرچم کشائی کی گئی۔ اس موقع پر ہر طرف سبز ہلالی پرچموں کی بہار تھی۔ سیکیورٹی کے انتہائی سخت انتظامات کیے گئے تھے۔
پروگرام کا انعقاد میونسپل کمیٹی کے سبزہ زار پر ڈسٹرکٹ چیرمین ملک عبدالسلام ترین اور میونسپل کمیٹی چیرمین عبدالجلیل ترین کی قیادت میں کیا گیا۔
اس موقع پر چیف آفیسر قیوم دہپال، تحصیلدار احمد زیب کاکڑ اور دیگر ضلعی آفیسران بھی موجود تھے۔
تقریب سے ڈسٹرکٹ چیرمین ملک عبدالسلام ترین ودیگر مقررین نے کہا کہ قائداعظم کی عظیم قیادت اور ہمارے اکابرین کی بیش بہا قربانیوں کی بدولت آج سے 76 سال پہلے پاکستان وجود میں آیا۔ جسکو اللہ تعالی نے مختلف موسموں اور نعمتوں سے نوازا ہے۔ اس ملک کی تعمیر وترقی اور خوشحالی کیلئے ہر شہری کو اپنا کردار ذمہ داری کیساتھ ادا کرنا ہوگا۔
اس موقع پر دیگر سرکاری آفسران اور طلباء نے بھی جشن آزادی کے دن پر روشنی ڈالتے ہوئے ملک کے تاریخی پس منظر پر روشنی ڈالی۔ قائداعظم محمد علی جناح کی جدوجہد کو خراج تحسین پیش کرتے ہوئے انہوں نے کہاکہ زندہ قومیں دل وجان سے اپنی آزادی کی قدر کرتی ہیں۔ لہٰذا ہم نے اس ملک کی بقاء وسلامتی کیلئے اکٹھے ہونا ہوگا۔ مقررین نے جشن آزادی پر پوری قوم کو آزادی کی مبارک باد دی۔
آخر میں ملک کی امن و سلامتی کے لیے دعا کی گئی۔ اور تقریر کرنے والے طلبا میں انعامات تقسیم کیے گئے۔۔

14/08/2023

ہرنائی, یوم آزادی کی مناسبت سے میونسپل کمیٹی ہرنائی کے سبزہ زار پر منعقدہ تقریب میں ڈسٹرکٹ چیرمین ملک عبدالسلام ترین پرچم کشائی کر رہے ہیں۔

14/08/2023

ہرنائی, یوم آزادی کے حوالے سے منعقدہ تقریب سےڈسٹرکٹ چیرمین ملک عبدالسلام ترین, میونسپل کمیٹی چیرمین عبدالجلیل ترین, تحصیلدار احمد زیب کاکڑ و دیگر مقررین خطاب کر رہے ہیں۔ اس موقع پر چیف آفیسر قیوم دہپال و دیگر ضلعی آفیسران بھی موجودہیں۔

14/08/2023

ہرنائی, ڈپٹی کمشنر ہرنائی محمد عارف زرکون کی صدرات میں ڈی سی افس میں 14 اگست کی مناسبت سے مرکزی تقریب میں پرچم کشائی کے موقع پر پولیس کا چاک وچوبند دستہ سلامی دے رہے ہیں۔ اس موقع پر ڈسٹرکٹ چیئرمین عبدالسلام ترین. اے ڈی سی سعید علی کاسی و دیگر ضلعی افیسرز بھی موجود ہیں۔

08/08/2023

08/08/2023

چینی اور گندم کی سمگلنگ روکنے کیلئے چیف سیکرٹری بلوچستان کی کاوشیں قابل ستائش ہیں۔

08/08/2023

بورڈ آف ریونیو بلوچستان/افتتاحی تقریب

بورڈ آف ریونیو بلوچستان کے زیر اہتمام مرکز سہولیات کوئٹہ کے افتتاح و ای اسٹیمپنگ پروجیکٹ کے اجراء کی تقریب

تقریب میں حکومت بلوچستان اور دی بینک آف پنجاب کے اشتراک سے ای سٹیمپنگ سسٹم کی ڈیجیٹلائزیشن کے معاہدے پر دستخط

سینئر ممبر بورڈ آف ریونیو بلوچستان روشن علی شیخ اور فرید احمد خان گروپ چیف کارپوریٹ اور انویسٹمنٹ بینکنگ نے معاہدے پر دستخط کئے

اس موقع پر سینئر ممبر بورڈ آف ریونیو بلوچستان روشن علی شیخ اور ضرار ہاشم خان گروپ چیف بزنس سلوشن آفیسر پی ٹی سی ایل و یوفون نے بھی ایک معاہدے پر دستخط کئے

تقریب میں سیکرٹری ایکسائز ظفر علی بخاری، سیکرٹری اطلاعات حمزا شفقات، وائس چانسلر بیوٹمز ڈاکٹر خالد حفیظ سمیت بینک آف پنجاب، پی ٹی سی ایل اور متعلقہ محکموں کے حکام کی شرکت

تقریب سے سنئیر ممبر بورڈ آف ریونیو بلوچستان روشن علی شیخ کا خطاب

بلوچستان ای اسٹیمپنگ پروجیکٹ و مرکز سہولیات کوئٹہ کا افتتاح موجود حکومت کا تاریخی اقدام ہے۔ ایس ایم بی آر روشن علی شیخ

ای اسٹیمپنگ کا اجراء بڑی کامیابی ، ریو نیو میں خاطر خواہ اضافہ ہو گا۔ روشن علی شیخ

ڈیجیٹل ٹیکنالوجی سے ٹیکس کلیکشن لیکیجز رک جائیں گی اور عوام کو آسانی ہوگی۔ روشن علی شیخ

ان منصوبوں سے شفافیت، جوابدہی اور زیادہ سے زیادہ سطح تک کاغذ کے بغیر ماحول پیدا کیا جائے گا۔ روشن علی شیخ

ای اسٹیمپنگ سے موثر ریونیو اکٹھا کیا جائے گا، 2 بلین ریونیو جنریٹ ہوگا۔ روشن علی شیخ

وزیر اعلی بلوچستان میر عبدالقدوس بزنجو کی ہدایات کی روشنی میں تمام منصوبوں کا عام آدمی سے افتتاح کروایا جا رہا ہے۔ روشن علی شیخ

اب صرف 15 منٹ میں زمین کا فرد اسکین کوڈ کے ساتھ میسر ہوگا۔ روشن علی شیخ

لینڈ ریونیو انفارمیشن مینجمنٹ سسٹم کے تحت 4 اضلاع میں ریکارڈ کو ڈیجیٹلائز کیا گیا ہے۔ ایس ایم بی آر

دوسرے مرحلے میں 6 اضلاع میں یہ منصوبہ شروع کرنے جارہے ہیں۔ سنئیر ممبر بورڈ آف ریونیو

ای اسٹیمپنگ کے نظام کے نفاذ سے ریونیو میں اضافے کے ساتھ ساتھ کرپشن کا بھی خاتمہ ہوگا۔ روشن علی شیخ

لینڈ ریکارڈ انفارمیشن مینجمنٹ سسٹم کے نفاذ سے محکمہ ریونیو ترقی کی راہ پر گامزن ہے۔ ایس ایم بی آر

ڈیجیٹل سسٹم کے نفاذکے بعد شہریوں کو اراضی کی تصدیق کیلئے مختلف دفاتر کے چکر نہیں لگانا پڑیں گے۔ ایس ایم بی آر

ضرار ہاشم خان، گروپ چیف بزنس سلوشن آفیسر پی ٹی سی ایل و یوفون کا تقریب سے خطاب

بلوچستان کے عوام کے لیے آج نہایت اہم دن ہے۔ضرار ہاشم خان

پاکستان اور بلخصوص بلوچستان کی ترقی کے لئے جدید ٹیکنالوجی کو اپنانا ہوگا۔ ضرار ہاشم خان

حکومت بلوچستان نے عوام کی آسانی کے لیے یہ قدم اٹھایا گیا ہے۔ ضرار ہاشم خان

فائبر اپٹک کے ذریعے گوادر و دیگر علاقوں میں انٹرنیٹ کی تیز ترین سہولت مہیا کرے رہے ہیں۔ ضرار ہاشم خان

یہ منصوبہ بلوچستان کا سب سے بڑا ڈیٹا بیس ہوگا۔ ضرار ہاشم خان

حکومت بلوچستان کی معاونت سے اس منصوبے کو صوبے بھر میں وسعت دی جائے گی۔

بلوچستان کی ترقی میں کردار ادا کرتے رہیں گے۔ ضرار ہاشم خان

تقریب سے وائس چانسلر بیوٹمز ڈاکٹر خالد حفیظ، فرید احمد خان گروپ چیف کارپوریٹ اور انویسٹمنٹ بینکنگ کا بھی خطاب

آج کے اقدامات سے بلوچستان کی لیڈر شپ نے ٹیکنالوجی کو اپنانے کے لیے کردار ادا کیا ہے جس کے دور رس نتائج سامنے آئیں گے۔ فرید احمد خان

ٹیکنالوجی سے عام عوام کو گھر بیٹھے سہولیات مہیا کی جاسکتی ہیں۔ فرید احمد خان

ایک عام شہری ان منصوبوں سے مستفید ہوگا۔ فرید احمد خان

ای اسٹیمپنگ کی مد میں 5 گنا زیادہ ریونیو اکٹھا کیا جا سکتا ہے۔فرید احمد خان

یہ منصوبہ ایز آف ڈوئنگ بزنس کی جانب اہم قدم ہے۔ وائس چانسلر

اس سے قبل نائب قاصد محمد شریف اور محکمہ بورڈ آف ریونیو کے ریٹائرڈ افسر جاوید اقبال نے باقاعدہ بٹن دبا کر ای اسٹیمپنگ پروجیکٹ اور مرکز سہولیات کوئٹہ کا افتتاح کیا۔