Voice Of KaraKoram

05/10/2025

No caption
Save gilgit baltistan

05/10/2025

گلگت بلتستان کا امن شر پسندوں کو ہضم نہیں ہورہا ہے قاضی نثار احمدصاحب پر شر پسند عناصر کے حملے کی مذمت کرتے ہیں۔شر پسند عناصر نے مختلف طریقوں سے شیعہ اور سنی فساد پھیلانے کی کوشش کی لیکن آغا راحت صاحب اور قاضی صاحب کی قیادت نے ناکام بنائی تھی آخر دشمن کے پاس ایک ہی راستہ بچا تھا ڈائرک ان قیادتوں پر حملہ کرے اس میں بھی دشمن کے ناپاک عزائم ناکام ہوا ان شآءاللہ دونوں قیادتیں مل کر گلگت بلتستان کے امن میں مزید محکم کردار ادا کرینگے۔

05/10/2025

قاضی نثار احمد پر حملہ اور جج کی گاڑی پر فائرنگ قابلِ مذمت ہیں، ملوث عناصر کو سزا دی جائے: انجمن امامیہ بلتستان

عوام دشمن سازشوں سے ہوشیار رہیں اور اتحاد برقرار رکھیں: انجمن امامیہ بلتستان کی اپیل

سکردو (امامیہ مرکز نیوز) انجمن امامیہ بلتستان کے صدر علامہ سید باقر الحسینی نے گلگت شہر میں ایک ہی دن پیش آنے والے دو افسوسناک اور تشویشناک واقعات میں معروف اہلسنت عالم دین قاضی نثار احمد پر اور چیف کورٹ کے جج ملک عنایت الرحمن کی گاڑی پر فائرنگ کی سخت الفاظ میں مذمت کی ہے۔ آغا سید باقر الحسینی کی جانب سے بیان میں کہا گیا ہے کہ یہ واقعات گلگت بلتستان کے پرامن اور ہم آہنگ معاشرتی ماحول کو خراب کرنے کے لیے اندرونی و بیرونی شرپسند عناصر کی سوچی سمجھی سازش ہیں۔ ایسے اقدامات کا مقصد علاقے میں فرقہ وارانہ فضا پیدا کرنا اور امن کو سبوتاژ کرنا ہے، جسے کسی صورت کامیاب نہیں ہونے دیا جائے گا۔

انجمنِ امامیہ بلتستان حکومتِ وقت اور قانون نافذ کرنے والے اداروں سے مطالبہ کرتی ہے کہ ان حملوں میں ملوث عناصر کو فوری طور پر گرفتار کرکے قانون کے مطابق قرارِ واقعی سزا دی جائے، تاکہ مستقبل میں امن دشمن عناصر کی حوصلہ شکنی ہو سکے۔ بیان میں انجمن امامیہ بلتستان نے عوام الناس سے پرزور اپیل کی ہے کہ وہ دشمن کی سازشوں سے باخبر رہیں، اتحاد و اتفاق کی فضا کو قائم رکھیں، افواہوں سے اجتناب کریں، اور امن و استحکام کے قیام میں اپنا بھرپور کردار ادا کریں۔

جاری کردہ:
ترجمان، انجمن امامیہ بلتستان
5 اکتوبر 2025ء

11/05/2025

11/05/2025

روندو کے مڈل سکول بلامک میں اساتذہ کی کمی پر والدین اور عمائدین کا احتجاج، 15 مئی تک ڈیڈ لائن مقرر

روندو کے مڈل سکول بلامک میں اساتذہ کی شدید کمی اور دیگر تعلیمی مسائل کے حل کے لیے ایس ایم سی، مقامی عمائدین اور نوجوانوں کی جانب سے ایک اہم میٹنگ منعقد ہوئی۔ اس سے قبل 28 اپریل کو ہونے والی ایس ایم سی میٹنگ میں فیصلہ کیا گیا تھا کہ اگر یکم مئی تک اساتذہ کی کمی کو پورا نہ کیا گیا تو سکول کو بند کر دیا جائے گا۔

اس فیصلے کے بعد، ایڈیشنل ڈپٹی کمشنر روندو نے فوری ایکشن لیتے ہوئے 2 مئی کو ہیڈ آف ڈیپارٹمنٹ کی میٹنگ طلب کی، جس میں قائم مقام ڈپٹی ڈائریکٹر ایجوکیشن اور دیگر متعلقہ افسران نے شرکت کی۔ میٹنگ میں یقین دہانی کرائی گئی کہ 10 مئی تک اساتذہ کی کمی کو ترجیحی بنیادوں پر پورا کیا جائے گا۔

تاہم، مقررہ تاریخ گزرنے کے باوجود کوئی عملی اقدام نہیں کیا گیا، جس پر مقامی افراد نے شدید تشویش کا اظہار کیا۔ اس صورتحال کے پیش نظر، ایس ایم سی اور عوامی ایکشن کمیٹی تھورسے بلامک کے چیئرمین وزیر کاظم اور سابق ممبر نثار صاحب نے ڈائریکٹر جنرل ایجوکیشن گلگت بلتستان، جناب فیض اللہ لون سے ملاقات کی۔ ڈی جی صاحب نے یقین دہانی کرائی کہ دو سے تین دن میں اساتذہ کی کمی اور دیگر مسائل حل کر دیے جائیں گے۔مقامی عمائدین نے موجودہ ملکی حالات کے پیش نظر اپنی ڈیڈ لائن کو 15 مئی تک مؤخر کر دیا ہے۔ انہوں نے واضح کیا ہے کہ اگر اس تاریخ تک مسائل حل نہ ہوئے تو سکول کو بند کر دیا جائے گا اور بچوں کو سکول نہیں بھیجا جائے گا۔

مزید برآں، مقامی افراد نے اس بات پر بھی تشویش کا اظہار کیا ہے کہ پانچ فیمیل ٹیچرز، جن کا تبادلہ بلامک روندو میں ہوا تھا، ابھی تک اپنی ڈیوٹی پر حاضر نہیں ہوئیں۔ ان کا کہنا ہے کہ اگر یہ ٹیچرز بلامک میں ڈیوٹی نہیں دے سکتیں تو ان کا تبادلہ کسی اور جگہ کر کے بلامک کے لیے نئے اساتذہ تعینات کیے جائیں۔

مقامی افراد نے حکام بالا سے مطالبہ کیا ہے کہ وہ اس مسئلے کو سنجیدگی سے لیں اور فوری اقدامات کریں تاکہ بچوں کا تعلیمی مستقبل محفوظ بنایا جا سکے۔
Bilamik Youth Organizations KIU UNIT