Kolachi Now

Kolachi Now Contact information, map and directions, contact form, opening hours, services, ratings, photos, videos and announcements from Kolachi Now, News & Media Website, Hyderabad.

​📢 سفر جو آغاز: ڪولاچي نائو
توهان جي دنيا، اسان جي خبر! 🌍🛰️
✅ اسان جو عزم:
📍 عالمي معيار جي رپورٽنگ
📍 پل پل جون اپ ڊيٽس
📍 حقيقتن تي ٻڌل تجزيا

​🔗 اسان جي پيج کي لائيڪ ۽ فالو ڪريو ته جيئن توهان رهو هميشه باخبر!

23/06/2026

⚖️ غير قانوني فارن ايڪسچينج ڪيس: چيني شهري جي بعد از گرفتاري ضمانت رد

ڪراچي ۾ غير قانوني فارن ايڪسچينج ڪيس ۾ گرفتار چيني شهري انتھوني هو سِياو يواؤ جي بعد از گرفتاري ضمانت جي درخواست عدالت رد ڪري ڇڏي آهي۔

ايف آءِ اي ڪمرشل بينڪنگ سرڪل ڪراچي موجب خفيه اطلاع ۽ جاچ بعد ڪارروائي ڪئي وئي، جنهن دوران ملزم وٽان غير ملڪي ۽ مقامي ڪرنسي، انعامي بانڊز ۽ ڊجيٽل ڊوائيسز برآمد ڪيا ويا۔

عدالت چيو ته ملزم غير ملڪي ڪرنسي جي قانوني ذريعن کي ثابت ڪرڻ ۾ ناڪام رهيو آهي، ۽ صرف ڪرنسي جي ملڪيت ڪافي ناهي، ان جو قانوني ذريعو به ثابت ڪرڻ ضروري آهي۔

وڌيڪ چيو ويو ته سرچ وارنٽ تحت قانوني تقاضن موجب تلاشي ورتي وئي، جڏهن ته معاشي ڏوهه مالي نظام تي سڌو اثر وجهن ٿا۔

ملزم جي اليڪٽرانڪ ڊوائيسز جي فارنزڪ جانچ ۽ وڌيڪ جاچ جاري آهي۔

22/06/2026

🗣️ ڈاکٹر نياز ڪالاڻي جو بيان: “اسان ٻاتڙا آهيون، وڏو آواز نه ٿو هلي”

ڊاڪٽر نياز ڪالاڻي چيو آهي ته رياض چانڊيي مونکي فون ڪئي ته صرف مون تي ئي سرڪار ڪاوڙي پئي آهي، بجلي جا ڪيس به مون تي آهن ۽ پيٽرول پمپ به منهنجا ڊاهيا پيا وڃن، باقي ٻين کي ڪجهه ناهي چيو پيو وڃي۔

هن چيو ته مون کيس جواب ڏنو ته تون ته مضبوط ماڻهو آهين، وڏا شهپر ۽ داٻي وارو آواز اٿئي، سرڪار کي به منجهائي ڇڏين ٿو، جڏهن ته اسان ٻاتڙا آهيون، اسان جو آواز سمجهي ئي نٿا سگهن، چون ٿا ڇڏي ڏيو، سو اسان بچي وڃون ٿا۔

22/06/2026

🚨 سنڌ اسيمبلي ۾ هنگامه، ايم ڪيو ايم ۽ پيپلز پارٽي جا ميمبر آمهون سامهون

سنڌ اسيمبلي جي اجلاس دوران ايم ڪيو ايم ۽ پيپلز پارٽي جي ميمبرن وچ ۾ سخت جهيڙو ۽ تلخ ڪلامي ٿي، جنهن بعد صورتحال ڇڪتاڻ واري بڻجي وئي.

هنگامي صورتحال دوران صوبائي وزير شرجيل انعام ميمڻ به ڪاوڙ ۾ نظر آيا، جڏهن ته ڪجهه وقت لاءِ ايوان ۾ شديد گوڙ ۽ هُلڙ بازي جو ماحول پيدا ٿي ويو.

22/06/2026

🚨 ڪراچي ۾ امن امان جي صورتحال تي سوال، شاھ ٽائون بن قاسم ملير ۾ ڦر جي واردات

ڪراچي جي علائقن شاھ ٽائون، بن قاسم ۽ ملير ۾ امن امان جي صورتحال هڪ ڀيرو ٻيهر خراب ٿيندي نظر اچي رهي آهي، جتي ڏينهن جي وقت به وارداتون وڌي ويون آهن۔

اطلاعات موجب گهر جي ٻاهران ويٺل هڪ شخص کان موٽرسائيڪل تي سوار هٿياربند افراد گن پوائنٽ تي موبائل فون ڦري فرار ٿي ويا۔

شهرين جو چوڻ آهي ته ڏينهن ڏٺي اهڙن واقعن ۾ اضافو انتهائي ڳڻتي جوڳو آهي ۽ پوليس کي فوري طور تي سخت ڪارروائي ڪرڻ گهرجي۔

📍 ڪراچي: امير جماعت اسلامي حافظ نعيم الرحمان جي پريس ڪانفرنسڪراچي جي ادارہ نورحق ۾ امير جماعت اسلامي پاڪستان حافظ نعيم ا...
22/06/2026

📍 ڪراچي: امير جماعت اسلامي حافظ نعيم الرحمان جي پريس ڪانفرنس

ڪراچي جي ادارہ نورحق ۾ امير جماعت اسلامي پاڪستان حافظ نعيم الرحمان بين الاقوامي ۽ قومي صورتحال ۽ بجيٽ 2026-27 جي حوالي سان پريس ڪانفرنس ڪري رهيا آهن۔

ان موقعي تي امير جماعت اسلامي سنڌ ڪاشف سعيد شيخ، امير جماعت اسلامي ڪراچي منعم ظفر خان، نائب امير ڪراچي ۽ اپوزيشن ليڊر ڪي ايم سي سيف الدين ايڊووڪيٽ سميت ٻيا اڳواڻ پڻ موجود آهن۔

22/06/2026

⚠️ شڪارپور: ڊکڻ شهر ۾ افسوسناڪ حادثو، 8 عزادار فوت

شڪارپور جي ڊکڻ شهر ۾ علم پاڪ چاڙهڻ دوران بجلي جو ڪرنٽ لڳڻ سبب افسوسناڪ حادثو پيش آيو، جنهن ۾ 8 عزادار فوت ٿي ويا۔

واقعي کان پوءِ علائقي ۾ سوڳ واري فضا ڇائنجي وئي آهي، جڏهن ته ريسڪيو ادارن ۽ مقامي ماڻهن امدادي ڪارروائيون شروع ڪيون۔

اختيارين موجب واقعي جي وڌيڪ جاچ جاري آهي ۽ حادثي جي سببن کي معلوم ڪرڻ جي ڪوشش ڪئي پئي وڃي۔

21/06/2026

🚨 ڪراچي: ڊيفنس جي جامع مسجد بقيتہ الله ۾ مجلس جي شروعات دوران مبينا دهشتگردي جو واقعو

ڪراچي جي علائقي ڊيفنس ۾ جامع مسجد بقيتہ الله ۾ مجلس جي شروعات دوران مبينا دهشتگردي جو واقعو پيش آيو، جنهن ۾ ڪيترائي ماتمي ۽ عزادار زخمي ٿي پيا۔

واقعي کان پوءِ علائقي ۾ خوف ۽ هراس پکڙجي ويو، جڏهن ته سيڪيورٽي ادارن فوري طور تي علائقي کي گهيري ۾ وٺي جاچ شروع ڪري ڇڏي آهي۔

اختيارين موجب واقعي جي نوعيت ۽ ذميوارن جي سڃاڻپ لاءِ سي سي ٽي وي فوٽيج پڻ حاصل ڪئي پئي وڃي۔

21/06/2026

🚨 ڪراچي: فائيو اسٽار چونڪ ڀرسان ڦر جي واردات دوران هڪ مبينا ڦورو گرفتار

ڪراچي جي فائيو اسٽار چونڪ ويجهو ڦر جي واردات دوران هڪ مبينا ڦورو شهرين جي هٿ اچي ويو۔ مشتعل ماڻهن ڦورو کي پڪڙي سخت پٽائي بعد پوليس حوالي ڪري ڇڏيو۔

علائقي واسين جو چوڻ آهي ته وڌندڙ اسٽريٽ ڪرائم جي وارداتن سبب شهر ۾ سخت پريشاني پکڙيل آهي۔

21/06/2026

⚖️ ايل ايل بي سيڪنڊ ايئر جي نتيجن خلاف شاگرد سنڌ هاءِ ڪورٽ پهچي ويا

ڪراچي ۾ ايس ايم لا ڪاليج ۽ اسلاميه لا ڪاليج جي شاگردن ايل ايل بي سيڪنڊ ايئر جي امتحاني نتيجن خلاف سنڌ هاءِ ڪورٽ ۾ آئيني درخواست داخل ڪري ڇڏي آهي۔

فرحان علي سميت 15 شاگردن جي طرفان داخل ڪيل درخواست ۾ سنڌ حڪومت، جامعہ ڪراچي ۽ ڪنٽرولر امتحانات کي فریق بڻايو ويو آهي۔

شاگردن جو موقف آهي ته جنوري 2026 جي امتحانن جا نتيجا ضابطي جي خلاف آهن، ڇو ته ماضي ۾ پاسنگ ريشو 50 سيڪڙو کان وڌيڪ هوندو هو، جڏهن ته هن ڀيري صرف 24.69 سيڪڙو شاگرد ڪامياب قرار ڏنا ويا آهن۔

درخواست موجب 242 رجسٽرڊ شاگردن مان صرف 59 کي پاس ۽ 180 کي فيل ظاهر ڪيو ويو آهي۔ شاگردن عدالت کان پيپرز جي ٻيهر چڪاس جو حڪم ڏيڻ جي استدعا ڪئي آهي۔

سنڌ هاءِ ڪورٽ سڀني ڌرين کي نوٽيس جاري ڪندي 2 جولاءِ تي هر صورت ۾ پيش ٿيڻ جو حڪم ڏنو آهي۔

21/06/2026

🚨 شهر قائد ۾ ڪرولا گينگ هڪ ڀيرو ٻيهر سرگرم

ڪراچي جي علائقي گلستانِ جوهر جي رهواسي انس ابصار جي گاڏي مان مبينا طور 4 لک رپيا روڪ رقم، لائسنس يافته هٿيار ۽ ٻيو قيمتي سامان چوري ڪري جوابدار فرار ٿي ويا.

اطلاعن موجب واردات کانپوءِ متاثر شهري لاڳاپيل اختيارين کان فوري ڪارروائي جو مطالبو ڪيو آهي.

شهر ۾ ڪرولا گينگ جي مبينا سرگرمين سبب شهرين ۾ ڳڻتي پکڙيل آهي، جڏهن ته واقعي بابت وڌيڪ جاچ جاري آهي.

Address

Hyderabad

Website

Alerts

Be the first to know and let us send you an email when Kolachi Now posts news and promotions. Your email address will not be used for any other purpose, and you can unsubscribe at any time.

Shortcuts

Share

Category