28/12/2022
نہج البلاغہ خطبہ 200 :
سیّدۃ النساء العالمین بی بی سیّدہ فاطمتہ الزہرہ سلام اللہ علیہا کی تدفین کے موقع پر فرمایا ❕
یا رسول اللہ آپ کو میری جانب سے اور آپ کے پڑوس میں اترنے والی اور آپ سے جلد ملحق ہونے والی آپ کی بیٹی کی طرف سے سلام ہو ۔ یارسول اللہ آپ کی برگزیدہ(بیٹی کی رحلت)سے میرا صبر و شکیب جاتا رہا میری ہمت و توانائی نے ساتھ چھو ڑ دیا ۔ لیکن آپ کی مفارقت کے حادثہ عظمیٰ اور آپ کی رحلت کے صدمہ جانکاہ پر صبر کرلینے کے بعد مجھے اس مصیبت سے بھی صبر و شکیبائی ھی سے کام لینا ھو گا ۔ جب کہ میں نے اپنے ہاتھوں سے آپ کو قبر کی لحد میں اتارا اور اس عالم میں آپ کی روح نے پرواز کی جب آپ کا سر میری گردن اور سینے کے درمیان رکھا تھا❕
اب یہ امانت پلٹائی گئی گروی رکھی ھوئی چیزچھڑالی گئی لیکن میرا غم بے پایاں اور میری راتیں بے خواب رہیں گی❕ یہاں تک کہ خداوند عالم میرے لئے بھی اس گھر کو منتخب کرے جس میں آپ رونق افروز ہیں ۔ وہ وقت آگیا کہ آپ کی بیٹی آپ کو بتائیں کہ کس طرح آپ کی امت نے ان پر ظلم ڈھانے کے لئے ایکا کرلیا آپ ان سے پورے طور پر پوچھیں اور تمام احوال و واردات دریافت کریں ۔ یہ ساری مصیبتیں ان پر بیت گئیں ۔ حالانکہ آپ کو گزرے ھوئے کچھ زیادہ عرصہ نہیں ھوا تھا اور نہ آپ کے تذکروں سے زبانیں بند ھوئی تھیں ۔ آپ دونوں پر میرا اسلام جو کسی ملول و دل تنگ کی طرف ھوتا ھے اب اگر میں (اس جگہ سے )پلٹ جاؤں تو اس لئے نہیں کہ آپ سے میرا دل بھر گیا ھے اور اگر ٹھہر ا رھوں تو اس لئے نہیں کہ میں اس وعدہ سے بدظن ھوں جو اللہ نے صبر کرنے والوں سے کیا ھے‼️
Anjman Imamia - Reg Kamoke
