01/06/2026
مجھے آج سمجھ آئی کہ ہر دوسرا بندہ پرفیوم کا کاروبار کیوں شروع کر رہا ہے۔
کچھ دن پہلے مجھے پرفیوم خریدنی تھی، تو میں اپنے مصری دوست محمود کو ساتھ لے گیا۔
وہاں جا کر دیکھا تو پرفیوم 100 ریال کے آس پاس مل رہی تھیں۔ محمود نے بتایا کہ اصل خوشبو کا مٹیریل الگ مل جاتا ہے اور ایک پرفیوم کی لاگت بعض اوقات 10 ریال کے قریب بھی پڑ سکتی ہے۔
میں نے کہا: "اگر ایسا ہے تو پھر برانڈز سے لوگ مہنگی پرفیوم کیوں خریدتے ہیں؟"
اس نے کہا: "پہلے گھر والی ایک پرفیوم استعمال کر کے دیکھ لو، پسند آئے تو پھر مٹیریل لے آئیں گے۔"
گھر آ کر میں نے پرفیوم ٹرائی کی۔ پرفیوم میں میرے نزدیک دو ہی چیزیں اہم ہیں:
خوشبو اچھی لگتی ہے یا نہیں؟
خوشبو کتنی دیر قائم رہتی ہے؟
خوشبو تو مجھے اچھی لگی، اب امتحان تھا لانگ لاسٹنگ کا۔
اگلی صبح لگا کر چاچو کی ورکشاپ چلا گیا۔ وہاں پہنچنے میں تقریباً ایک گھنٹہ لگ جاتا ہے، اس لیے اتنا اندازہ ہو گیا کہ خوشبو ایک گھنٹے سے زیادہ تو آرام سے چل رہی ہے۔
مزے کی بات یہ کہ اس سے پہلے میں نے ایک معروف برانڈ کی تقریباً 95 ریال والی پرفیوم لی ہوئی تھی، جس کے بارے میں کبھی کبھی لوگوں کو خود بتانا پڑتا تھا کہ بھائی پرفیوم لگائی ہوئی ہے، محسوس کیوں نہیں ہو رہی!
لیکن اس دفعہ لوگوں نے خود پوچھ لیا کہ کون سی پرفیوم لگائی ہے۔
بس پھر کیا تھا، میرا دل مطمئن ہو گیا۔
اسی دن محمود کے ساتھ گیا، 35 ریال کا خوشبو والا مٹیریل لیا، 10 ریال کی الکحل اور تقریباً 20 ریال کی خالی شیشیاں خریدیں۔
کل لاگت تقریباً 60 ریال بنی، اور اس سے 8 سے 10 چھوٹی شیشیاں تیار ہو گئیں۔ دلچسپ بات یہ ہے کہ خوشبو کا مٹیریل ابھی بھی کچھ بچ گیا تھا، صرف شیشیاں ختم ہو گئی تھیں۔
اب مجھے سمجھ آئی کہ پرفیوم کا کاروبار اتنا مقبول کیوں ہے۔
آپ اپنے تجربات بھی شئیر کر سکتے ہیں
سوچ رہا ہوں یہی کام سٹارٹ کر لیا جائے
