25/02/2026
پاکستان لورز پارٹی حیدرآباد کے صدر دانش قاضی کو عہدہ سنبھالنے پر بھرپور مبارکباد، اجرک و پھولوں کے ہار پیش
حیدرآباد (پریس ریلیز)
پاکستان لورز پارٹی حیدرآباد کے صدر دانش قاضی کو عہدہ سنبھالنے پر سینئر صحافی جہانزیب علی کاتیار، مقیم کیریو، ذیشان، اشتیاق اور دیگر صحافتی و سماجی شخصیات نے ملاقات کرکے دلی مبارکباد پیش کی۔
اس موقع پر دانش قاضی کو پھولوں کے ہار پہنائے گئے اور سندھ کی ثقافتی روایت کے مطابق اجرک اوڑھا کر انہیں مبارکباد دی گئی۔ شرکاء نے نیک تمناؤں کا اظہار کرتے ہوئے کہا کہ ان کی قیادت میں پارٹی مزید منظم اور فعال ہوگی۔پاکستان لورز پارٹی کے بانی و مرکزی چیئرمین غازی صغیر احمد ساگر اور مرکزی صدر عبد الشکور غوری نے بھی دانش قاضی کو صدر حیدرآباد مقرر ہونے پر مبارکباد دیتے ہوئے اس اعتماد کا اظہار کیا کہ وہ پارٹی کے منشور کو عام کرنے اور عوامی مسائل کے حل کے لیے مؤثر کردار ادا کریں گے انہوں نے کہا کہ پاکستان لورز پارٹی عوامی خدمت، میرٹ اور شفافیت کے اصولوں پر کاربند رہتے ہوئے ملک و قوم کی فلاح و بہبود کے لیے اپنی جدوجہد جاری رکھے گی۔
