The National Media

The National Media Contact information, map and directions, contact form, opening hours, services, ratings, photos, videos and announcements from The National Media, News & Media Website, Islamabad.

"د نیشنل میډیا د پښتنو او په ځانګړې توګه د افغان مهاجرینو په اړه راپورونه، مرکې، خپرونې او ځانګړي معلومات شریکوي. له ټولو وروڼو او خوېندو څخه هیله کوو چې د غوره او پر وخت معلوماتو لپاره زمونږ پاڼه تعقیب کړي."

د افغان طبي محصلینو لپاره یوه هیله‌بښونکې خبرپه پاکستان کې د افغان طبي محصلینو د ویزو او زده‌کړو په اړه د وروستیو پرېکړو...
18/09/2026

د افغان طبي محصلینو لپاره یوه هیله‌بښونکې خبر
په پاکستان کې د افغان طبي محصلینو د ویزو او زده‌کړو په اړه د وروستیو پرېکړو له امله ګڼ افغان محصلین له اندېښنو سره مخ وو.
خو اوس د پاکستاني خبریال طاهر خان د معلوماتو له مخې، اته افغان طبي محصلینو ته د یوه کال تعلیمي ویزې ورکړل شوې دي. د دغو محصلینو له ډلې ډاکټر نصیب الله کاکړ هم د ویزې ترلاسه کول تایید کړي او د پاکستان له حکومت څخه یې مننه کړې ده.
دا پرېکړه د هغو افغان محصلینو لپاره چې خپلې طبي زده‌کړې یې نږدې بشپړې کړي، یو مثبت او هیله‌بښونکی پرمختګ بلل کېږي.
هیله ده چې د افغان محصلینو د زده‌کړو پاتې ستونزې هم د تفاهم او بشري ملاحظاتو له لارې حل شي، څو دوی وکولای شي خپلې زده‌کړې په ډاډه زړه بشپړې او د خلکو د خدمت لپاره مسلکي ډګر ته داخل شي.
18/09/2026

18/09/2026

د پاکستان او افغانستان موجوده اړیکې، سوداګرۍ، ویزو او راتلونکي په اړه د پاکستان د بهرنیو چارو وزارت د ویاند لنډه تبصره

د پاکستان او افغانستان ترمنځ اوسني اړیکې، دوه‌اړخیزه سوداګري، د ویزو وضعیت او د راتلونکو اړیکو په اړه د پاکستان د بهرنیو چارو وزارت ویاند په خپله وروستۍ خبري ناسته کې څرګندونې وکړې.
18/09/2026

16/09/2026

په ایران کې د ۱۷ افغان مهاجرو د ژوند له لاسه ورکول، له پاکستان څخه افغانستان ته د ستنو شويو افغان کډوالو ستونزې او د هغوی د بیا مېشتېدو او ژوند د پیل ننګونې، او په افغانستان کې د کرنې د ودې او د بزګرانو د ملاتړ لپاره د ملګرو ملتونو د خوړو او کرنې ادارې او اروپايي ټولنې د پنځه میلیونه یورو نوې پروژه.
17/09/2026

د افغان کډوالو د ستونزو د حل لپاره د درې اړخیزې او نړیوالې ناستې خبرد ملګرو ملتونو د کډوالو عالي کمېشنرۍ د دفتر مشر عرفا...
13/09/2026

د افغان کډوالو د ستونزو د حل لپاره د درې اړخیزې او نړیوالې ناستې خبر
د ملګرو ملتونو د کډوالو عالي کمېشنرۍ د دفتر مشر عرفات جمال د کډوالو او راستنېدونکو چارو له وزیر مولوي عبدالکبیر سره په لیدنه کې د افغان کډوالو د وضعیت او د هغوی د ستونزو د حل پر لارو چارو خبرې کړې دي.
په دې لیدنه کې ویل شوي چې په نږدې راتلونکي کې به د افغانستان، ایران او ملګرو ملتونو ترمنځ درې اړخیزه ناسته ترسره شي، چې د ایران مېشتو افغان کډوالو ستونزې به په کې وڅېړل شي.
همدارنګه، د معلوماتو له مخې، د اکتوبر په میاشت کې به په سویس کې د یوې نړیوالې ناستې په څنډه کې د افغان کډوالو د وضعیت، د هغوی د ستونزو او د جبري ایستلو د موضوع په اړه هم خبرې وشي.

د ملګرو ملتونو د کډوالو عالي کمېشنرۍ ټینګار کړی چې د افغان کډوالو د ستونزو د حل لپاره خپلو هڅو ته دوام ورکوي او د اړینو مالي سرچینو د برابرولو لپاره یې د مرستو د جلب هڅې پیل کړې دي.
د کډوالو او راستنېدونکو چارو وزارت هم د نړیوالو ادارو له همکاریو هرکلی کړی او د افغان کډوالو د ستونزو د حل لپاره یې د ګډو هڅو پر دوام ټینګار کړی دی.
13/09/2026

12/09/2026

د افغان کډوالو د بېرته ستنېدو په اړه د پاکستان د بهرنیو چارو وزارت د ویاند سجاد حیدر خان څخه د اوونیزې خبري غونډې پر مهال پوښتنه وشوه.

د افغان کډوالو د بېرته ستنېدو ترڅنګ، د دواړو هېوادونو پر اړیکو، امنیتي اندېښنو، په پاکستان کې د افغان زده‌کوونکو پر وضعیت او نورو اړوندو موضوعاتو د ویاند ځوابونه په دې ویډیو کې وګورئ.
12/09/2026

10/09/2026

د پاکستان د طبي او غاښونو د طب شورا له لوري د طب په برخه کې د افغان محصلینو په اړه پرېکړه، په اسلام‌اباد کې د افغانستان د سفارت او د افغانستان د لوړو زده‌کړو وزارت څرګندونې، د افغانانو په اړه د ملګرو ملتونو د کډوالو ادارې او پاکستاني چارواکو لیدنه، او د دواړو هېوادونو د سیاسي اړیکو په دغو مسايلو اغيز.
10/09/2026

07/09/2026

په تېرو دوو اوونیو کې مو د افغان کډوالو په اړه دوه جلا مهمې پېښې ولیدې.

په یوه پېښه کې د جرمني حکومت له افغانستان څخه غوښتي چې خپل استازي ورولېږي، څو جرمني ته د افغانانو د ډیپورټ په پروسه کې همکاري وکړي.

بل لور ته، د پاکستان په چکوال ښار کې د افغانانو د دوکانونو د لېلام موضوع راپورته شوې. د افغانستان سفارت ویلي چې موضوع یې له ځايي چارواکو سره شریکه کړې او د همکارۍ ډاډ یې ترلاسه کړی.

خو اساسي پوښتنه دا ده:

ولې افغانان د خپل هېواد د ژوند او کار پر ځای دومره سختې، خطرناکې او نامعلومې لارې او هېوادونه انتخابوي؟

ایا په افغانستان کې د کار، اقتصادي امنیت او باعزته ژوند زمینه برابره ده؟

او تر ټولو مهمه دا چې ایا د افغانستان حکومت د خپلو اتباعو په ځانګړي ډول د هغو افغانانو چې له هېواده بهر دي، د حقونو او ستونزو په اړه خپل مسئولیت په سمه توګه ادا کړی دی؟

دا موضوع مو په دې ویډیو کې څېړلې ده.
06/09/2026

30/08/2026

له جرمني څخه افغانستان ته د افغان پناه غوښتونکو د بېرته ستنولو په تړاو، له افغانستان څخه جرمني ته د درې کسیز پلاوي سفر، او بلخوا له امریکا څخه د افغان او د نورو هېوادونو د پناه غوښتونکو افریقايي هېوادونو ته د لېږلو موضوع.

26/08/2026

له آلمان څخه د افغانانو اخراج، په نیمروز کې د هغو افغانانو نیول چې د کډوالۍ په موخه د قاچاقبرانو سره د تګ په حال کې وو، په افغانستان کې د راستنېدونکو ستونزې او د حل لارې.
27/08/2026

26/08/2026

په خیبر پښتونخوا کې د افغان کډوالو د بېرته ستنېدو بهیر یوازې د کډوالو د ژوند پر وضعیت اغېز نه کوي، بلکې هغه ځايي کاروبارونه هم اغېزمنوي چې له افغان پېرېدونکو، سوداګرو او بازار سره یې له کلونو راهیسې اړیکې لرلې.

له پېښوره تر نورو بازارونو؛ درزي، دوکانداران، چاپخونې، ټرانسپورټران او د خدماتو ګڼ شمېر کاروباریان وايي چې د افغان پېرېدونکو او سوداګریزو اړیکو کمېدو د دوی پر عوایدو اغېز کړی دی.

خو مهمه پوښتنه دا ده: څنګه کولی شو امنیتي او قانوني اړتیاوې پوره، او په ورته وخت کې قانوني اقتصادي فعالیتونه او سوداګریزې اړیکې هم وساتو؟

په دې راپور کې د پېښور د کاروباریانو خبرې او د افغان کډوالو د ستنېدو اقتصادي اغېزې څېړو.

راپور جوړونکي: افتخار خان او احسان الله احمدزی | پېښور

Address

Islamabad
46000

Website

Alerts

Be the first to know and let us send you an email when The National Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category