National Press Club - NPC

08/10/2025

اسلام آباد() پاکستان پیپلز پارٹی کے تین رکنی وفد کامرکزی سیکرٹری اطلاعات ندیم افضل چن کی قیادت میں نیشنل پریس کادورہ، وفد میں چوہدری منظور احمد اور عائشہ نواز بھی شامل تھیں،پیپلز پارٹی کے وفد کی این پی سی میں پولیس گردی، صحافیوں پر بہیمانہ تشدد اور توڑ پھوڑ کی شدید مذمت، تفصیلات کے مطابق پاکستان پیپلزپارٹی کے تین رکنی وفد نےمرکزی سیکرٹری اطلاعات ندیم افضل چن کی قیادت میںنیشنل پریس کلب کا دور ہ کیا، وفد نے پی ایف یو جے کے صدر افضل بٹ، این پی سی کے صدر اظہر جتوئی، سیکرٹری نیئر علی سے ملاقات کی اورگذشتہ دنوں اسلام آباد پولیس کی جانب سے این پی سی میںداخل ہو کر اس کا تقدس پامالی کرنے،صحافیوں پر بہیمانہ تشدد کرنے، انکے کیمرے اور موبائل فون توڑنےکی شدید الفاظ میں مذمت کرتے ہوئے اسے آزادی صحافت پر حملہ قرار دیا ہے،پیپلز پارٹی کے رہنماؤں کا مزید کہنا تھا کہ صحافت اور سیاست کا چولی دامن کا ساتھ ہے،صحافیوں نے ہر مشکل میں اعلیٰ صحافتی اقدار کا علم بلند رکھا ہے اور اس مقصد اور قلم کی حرمت کیلئے کئی صحافیوں نے اپنی جانوں تک کی بھی قربانیاں دی ہیں،صحافیوں کی طرف سے حکومت کو پیش کئے جانیوالے چارٹر آف ڈیمانڈ کی مکمل حمایت کرتے ہیں اور ہر مشکل گھڑی میں انکے ساتھ کھڑے ہیں،انکا مزید کہنا تھا کہ پاکستان میںصحافت سمیت دیگر شعبوں کی تمام آزادیاں آہستہ آہستہ چھنی جا رہی ہیں، پیپلز پارٹی آزادی صحافت پر پختہ یقین رکھتی ہے،قومی اسمبلی میں پیپلز پارٹی کے پارلیمانی لیڈر سے بات کرکے صحافیوں اور پریس کلب کے تقدس کو برقرار رکھنے کے حوالے سے قرارداد پیش کرینگے،اس موقع پر پی ایف یو جے کے صدر افضل بٹ نے پیپلز پارٹی کے وفد کو این پی سی میں پولیس گردی کے حوالے سے تفصیلات سے آگاہ کرتے ہوئے کہا کہ حکومت کو پیش کئے جانیوالے چارٹر آف ڈیمانڈ کا اہم ترین نقطہ یہ ہے کہ آئندہ کسی بھی پریس کلب میں پولیس کے داخلے پر ہر حال میں پابندی لگانا ہےتاکہ آئندہ اس طرح کا واقعہ دوبارہ پیش نہ آ سکے، وزارت داخلہ، وزارت اطلاعات و نشریات اورپریس کلب کے منتخب افراد پر مشتمل جوائنٹ ایکشن کمیٹی تشکیل دی جائے جو اس طرح کے معاملات کو دیکھے ، انہوں نے پریس کلب اور صحافیوں کے تحفظ کی شق بل میں شامل کرنے کی بھی تجویز پیش کی، این پی سی کے صدر اظہر جتوئی نے وفد کی پریس کلب آمد پر انکا شکریہ ادا کرتے ہوئے کہا کہ نیشنل پریس کلب صرف راولپنڈی اسلام آباد کے ہی نہیں بلکہ گلگت تا کراچی کے تمام صحافیوں کا گھر ہے،پریس کلب کے تمام گروپس نے ملکر متفقہ چارٹر آف ڈیمانڈ تیار کرکے حکومت کو پیش کیا ہے، آزادی صحافت پر حملہ کسی بھی صورت برداشت نہیں کرینگےسیکرٹری این پی سی نیئر علی نے کہا کہ پریس کلب پر حملے سے نہ صرف صحافی برادی بلکہ جمہوریت پسند قوتوں کی بھی دل آزاری ہوئی ہے، پریس کلب اظہار رائے کا سب سے بڑا زریعہ ہیں جہاں مظلوم آکر اپنی فریاد سناتے ہیں،پریس کلب پر حملہ کرکے روایت کو توڑا گیا ہے ۔

08/10/2025

08/10/2025

اسلام آباد()کویت پاکستان بزنس ایکسپو کی آرگنائزنگ کمیٹی کے اراکین نے کہا ہے کہ 11 سے 13 دسمبر 2025ء کو پاکستان ایمبیسی اور کویت چیمبر آف کامرس اینڈ انڈسٹری کے اشتراک سے تین روزہ ایکسپو ہوگی،ایکسپو کے انعقادکا مقصد پاکستان اور کویت کے درمیان تجارتی تعلقات کو مزید فروغ دینا ہے،ایکسپو مین پاکستان سمیت دنیا بھر میں بسنے والے اوورسیز پاکستانی بزنس مین اور پاکستانی کمپنیاں شرکت کرینگی،ایکسپو میں ہر قسم کی اشیاء ایک ہی چھت تلے میسر ہونگی، ان خیالات کا اظہار کویت پاکستان بزنس ایکسپو کی آرگنائزنگ کمیٹی کے اراکین چیئرمین محمدسلیم انصاری، محمد رضا سراج، ملک وقار، محمد ندیم ورک اور سلوسٹر سام کا کہنا تھا کہ ایکسپو میں شریک ہونے والے پاکستانی بزنس مینوں کو ویزہ ، رہائش اور ٹرانسپورٹ کی سہولیات فراہم کرینگے، ایکسپو کے ذریعے پاکستان کا سوفٹ امیج دنیا کے سامنے پیش کرینگے،ان کا مزید کہنا تھا کہ پاکستانیوں کیلئے کویت کے ویزے گذشتہ بیس برس سے بند تھے جس کی وجہ سے وہاں پر بھارتی مصنوعات کی بہتات ہے مگر ویزے اوپن ہوتے ہی ہم نے اس بات کا منصوبہ بنایا کہ پاکستانی مصنوعات کو یہاں متعارف کرایا جائے،پاکستانی بزنس مینوں سے درخواست ہے کہ کوالٹی کو برقرار رکھتے ہوئے ایکسپو میں شرکت کریں تاکہ دونوں ملکوں کے درمیان تجارت کو فروغ حاصل ہو، اس حوالے سے پاکستانی کے وزراء ، اسلام آباد چیمبر آف کامرس اورپاکستان فیڈریشن آف چیمبرز کے عہدیداران سے بہت مفید اور حوصلہ افزا ملاقاتیں ہوئی ہیں، ہم لاہور، شیخوپورہ، سیالکوٹ اور گوجرانوالہ چیمبرز مین بھی جا رہے ہیں تاکہ وہاں کے تاجروں کو بھی ایکسپو میں شرکت کی دعوت دے سکیں، کویت میں کمپنی کھولنے کے خواہشمند حضرات کی ہر ممکن مدد کرنے کو تیار ہیں۔

08/10/2025

سندھ اسمبلی رپورٹرز ایسوسی ایشن کے جوائنٹ سیکرٹری سینئر صحافی مظہر رضوی نے نیشنل پریس کلب کا دورہ کیا نیشنل پریس کلب میں پولیس گردی کی مذمت ۔ صدر اظہر جتوئی سے اظہار یکجہتی ۔ اس موقع پر نیشنل پریس کلب کے سابقہ فنانس سیکرٹری جہانگیر منہاس آر آئی یو جے کے نائب صدر بشیر عثمانی اور نیشنل پریس کلب گورننگ باڈی کے ممبر عامر رفیق بٹ بھی موجود ہیں

07/10/2025

نشاط سینما کی پراپرٹی پر ناجائز اور غیر قانونی قبضہ مافیاء کیخلاف فوری کاروائی کی جائے،کاشف چوہدری
کمشنر راولپنڈی قبضہ مافیا کے سرغنہ ملک عارف کی کھلم کھلا حمایت کر رہے ہیں،بیرسٹر لقمان باجوڑی
اسلام آباد )نمائندہ خصوصی) آل پاکستان تنظیم تاجران کے صدر کاشف چوہدری نےمطالبہ کیا ہے کہ نشاط سینما کی پراپرٹی پر ناجائز اور غیر قانونی قبضہ مافیاء کیخلاف فوری کاروائی کی جائے،حکم امتناعی کےعدالتی فیصلے پر عمل کرتے ہوئے متعلقہ پراپرٹی کو فیصلے آنے تک فوری طور سیل کرکےدونوں پارٹیوں سےخالی کرایا جائے،جعلی کاغذات کا فرانزک کروایا جائے اور ملوث اہلکاروں کیخلاف سخت ترین قانونی کاروائی کی جائے، کاشف چوہدری نے ان خیالات کا اظہار نشاط سینما کی پراپرٹی کے مالکان بیرسٹر لقمان باجوڑی ، حاجی دلاور خان اور جدی پشتی مالکان بلال صادق ، محسن صادق ،شیئر ہولڈر نشاط سینما آمنہ بانو ایڈوکیٹ سپریم کورٹ اور باجوڑ سے تعلق رکھنے والے راولپنڈی کےتاجروں کے ہمراہ مشترکہ پریس کانفرنس کرتے ہوئے کیا، اس موقع پر نشاط سینما مالکان بیرسٹر لقمان باجوڑی نے الزام لگاتے ہوئے کہا کہ شہر کے وسط راجہ بازار کے قریب واقع نشاط سینماء پر قبضہ مافیا کے قبضے کو دو سال ہوگئے اور پچھلے تین ماہ میں دوسری بار تھوڑ پھوڑ کرتے ہوئے کمشنر راولپنڈی کے نگرانی میں توہین عدالت کے مرتکب ہورہے ہیں، کمشنر راولپنڈی بدنام زمانہ قبضہ مافیاء ملک عارف کی زیر قیادت زمینوں پر قبضہ کرنے والے مافیا ءکی کھلم کھلا حمایت کر رہے ہیں،ملک عارف صرف ایک عام قبضہ گر نہیں ہے بلکہ وہ ایک طویل مجرمانہ تاریخ کے ساتھ ایک عادی قبضہ مافیا ہے۔ اس کے خلاف 25 ایف آئی آر درج ہیں، 2018 میں راولپنڈی کے آر پی او کے حکم پر سی پی او راولپنڈی ہونے والی انکوائری میں ملک عارف کو ایک نوسر باز اور فراڈی شخص قرار دیاگیا، اب ایک ایسے فراڈی شخص کے ساتھ پورا نظام کمشنر ، پولیس سبھی کھڑے ہیں اور معزز تاجروں کو تنگ کررہے ہیں۔ خاص طور پر راجہ بازار اور راولپنڈی کے دیگر قیمتی علاقوں میں اہم تجارتی اراضی پر قبضہ کرنا اس کے سرکردہ جرائم میں سے ہیں،ملک عارف کو نیب پشاور نے بھی سزا دی ہے اور کرپشن اور زمینوں پر ناجائز قبضے کے الزام میں ڈھائی سال جیل میں گزار چکے ہیں، اس کے باوجود کمشنر راولپنڈی ان کی بے جا حمایت جاری رکھے ہوئے ہیں، جس سے وہ ہمارے شہر میں آزادانہ اور غیر قانونی طور پر کام کررہا ہیں۔انہوں نے کہا کہ نشاط سینما کے لیے دو سال قبل ملک عارف نے جس پی ٹی ڈی کی پاور آف اٹارنی بنائی تھی وہ سپریم کورٹ تک کینسل ہوچکی ہے ، اس آرڈر کو چینلج بھی کیا گیا پھر بھی اس کو سپریم کورٹ تک برقرار رکھا گیا کہ یہ پی ٹی ڈی جعلی ہے ۔ مگر اسی جعلی پی ڈی کو کمشنر راولپنڈی عامر خٹک نے اصلی جبکہ ہماری سپریم کو/رٹ تک کے کلیئر پی ٹی ڈی کو جعلی قرار دیا ، ہمارے پاس نشاط سینما کی اصل پی ڈی ٹی اور سپریم کورٹ اور ہائی کورٹ کی موجود ہے۔ اس آرڈر کو ہم نے چیلنج کردیا مگر اس دوران ملک عارف نے کمشنر کے ساتھ ملکر اس جعلی پی ٹی ڈی پر 2 کنال کی خالی پلاٹ کی رہائشی رجسٹری کروالی۔ حالانکہ ہماری پراپرٹری نشاط سینما کمرشل جگہ ہے اور تین کنال سات مرلے پر مشتمل ہے،پولیس شہداء فاونڈیشن کے نام سے ایک سوسائٹی بنائی جس میں بہت زیادہ خرد برد ہوئی جس پر آر ڈی اے راولپنڈی نے دسمبر 2023 اس کے خلاف ایک ایف آئی آر (نمبر 437/23 تھانہ چونترہ ضلع راولپنڈی) درج کی ہے ،۔ملک عارف نے سینماء پر قبضے کے دوران 20 دسمبر 2024 کو سرعام لیاقت روڈ پر فائرنگ کی جس کی فوٹیجز ریکارڈ پر موجود ہے ہم نے پولیس سے رابطہ کیا تو پولیس نے الٹا ہمارے پارٹنرز کو حوالات میں بند کرکے جعلی ایف آئی آر درج کر دی ملک عارف کی فائرنگ سے دس افراد زخمی جبکہ ایک شخص جاں بحق ہوا تھا، فائرنگ اور قبضے کے واقعےکے وہ عینی شاہد ہیں وفاقی دارلحکومت سے جڑے شہر میں دن دیہاڑے فائرنگ اور قبضے کی صورتحال دیکھ کر تاجر برادری سخت عدم تحفظ کا شکار ہے۔انہوں نے مزید کہا کہ آج یہاں شفافیت، احتساب اور انصاف کا مطالبہ کرنے آئے ہیں، راولپنڈی کے لوگوں کی زمینیں، کاروبار اور ان کے مستقبل پر دن دیہاڑے قبضہ کرنے والوں اور کرپٹ اہلکاروں کے گٹھ جوڑ سے قبضے کیے جا رہے ہیں۔انہوں نے وفاقی حکومت، عدلیہ اور نیب سے مطالبہ کرتے ہیں کہ وہ اس سنگین ناانصافی کا فوری نوٹس لیں اور اس بات کو یقینی بنائیں کہ کمشنر راولپنڈی اور ملک عارف دونوں کو قانون کے سامنے جوابدہ بنایا جائے۔ اور اس مسئلے پر جوڈیشنل انکوائری قائم کی جائے۔ جس میں تمام اداروں کی نمائندگی موجود ہو اور میرٹ کی بالادستی ہو۔ جو اس مسئلے میں ملوث ہو ان کے خلاف سخت کاروائی عمل میں لائی جائے۔

07/10/2025

‎نیشنل پریس کلب پر حملے کے خلاف قائم جوائنٹ ایکشن کمیٹی نے چارٹر آف ڈیمانڈ وزارت داخلہ کے حوالے کر دیا۔
‎نیشنل پریس کلب کے صدر اور چیئرمین جوائنٹ ایکشن کمیٹی اظہر جتوئی کی سربراہی میں ہونے والی ملاقات میں سیکرٹری نیشنل پریس کلب نیر علی نے جوائنٹ ایکشن کمیٹی کے چارٹر آف ڈیمانڈ کے نکات پر وزیر مملکت داخلہ طلال چوہدری کو بریف کیا۔
‎اس موقع پر وزیر مملکت داخلہ طلال چوہدری نے کہا کہ چارٹر آف ڈیمانڈ کی روشنی میں ملک بھر کے پریس کلبز کی حفاظت یقینی بنائی جائے گی۔ انہوں نے کہا کہ اس واقعے پر وزیر اعظم ، وفاقی وزیر داخلہ اور وفاقی وزیر اطلاعات نے بھی شدید تشویش کا اظہار کرتے ہوئے مکمل تحقیقات کے احکامات دیئے اورہدایات جاری کیں کہ آئندہ ایسے کسی بھی قابل مذمت واقعے سے بچنے کے لئے فوری اقدامات کئے جائیں۔ انہوں نے بتایا کہ ایسے اقدامات کریں گے کہ پولیس کسی بھی پریس کلب میں داخلے سے پہلے انتظامیہ کی باضابطہ اجازت طلب کرے گی، حکومت نے نیشنل پریس کلب پر حملے کی پہلے بھی مذمت اور معذرت کی تھی اور اب بھی کرتی ہے۔

‎گزشتہ روز نیشنل پریس کلب میں جوائنٹ ایکشن کمیٹی کا اجلاس صدر اظہر جتوئی کی زیر صدارت ہوا جوائنٹ ایکشن کمیٹی اجلاس میں حاجی نواز رضا، افضل بٹ، شکیل احمد، شکیل قرار، سعدیہ کمال، ایم بی سومرو، نوید اکبر ، جاوید ملک، طارق ورک، رانا کوثر علی، طارق عثمانی ، محبوب الرحمن تنولی اور سیکرٹری جوائنٹ ایکشن کمیٹی نیر علی نے شرکت کی۔اجلاس میں اراکین کی تجاویز کی روشنی میں مجوزہ چارٹر آف ڈیمانڈ کو حتمی شکل دی گئی اور کمیٹی نے درج ذیل نکات کی متفقہ طور پرمنظوری دی۔
‎٭ نیشنل پریس کلب پر حملے کے ذمہ داروں کے خلاف سخت قانونی کارروائی کر کے قرار واقعی سزا دی جائے ، حملے کے ذمہ داروں کا تعین کرنے کیلئے فوری طور پر اعلی سطح انکوائری کمیٹی قائم کی جائے جو وزارت داخلہ، وزارت اطلاعات اور نیشنل پریس کلب کے نامزد کردہ صحافیوں پر مشتمل ہو۔ انکوائری کمیٹی اسلام آباد پولیس اہلکاروں کے تشدد کا نشانہ بننے والے رپورٹرز، ویڈیو جرنلسٹس ، فوٹو گرافرز اور پریس کلب ملازمین کے نقصانات کا تعین کرکے ازالہ یقینی بنائے۔ نیشنل پریس کلب جوائنٹ ایکشن کمیٹی کی طرف سے چارٹر آف ڈیمانڈ موصول ہونے کے بعد وزارت داخلہ 24 گھنٹے میں انکوائری کمیٹی کا نوٹفکینشن جاری کر کے 4 روز کے اندر رپورٹ پیش کرے ۔
‎٭ دنیا بھر کے جمہوری ممالک کی طرح آئین پاکستان آزادی صحافت اور آزادی اظہار رائے کی ضمانت دیتا ہے۔ پریس کلبزاور صحافتی تنظیمیں اس آزادی اظہار کے بنیادی مراکز ہیں۔ نیشنل پریس کلب پر حالیہ پولیس گردی کے اندوہناک واقعہ کے بعد لازم ہو گیا ہےکہ ان بنیادی اداروں کے تحفظ اور تقدس کو یقینی بنایا جائے۔ ایسے واقعات کے تدراک کیلئے ضروری ہے کہ وفاقی وزیر داخلہ کی سربراہی میں چاروں صوبوں، آزاد جموں و کشمیر، گلگت بلتستان کے وزرائے اطلاعات، سیکرٹری اطلاعات اور وفاقی دارالحکومت اور صوبائی دارالخلافوں کے پریس کلبز کے صدور پر مشتمل کمیٹی قائم کی جائے۔ پریس کلبز، متعلقہ یونینز اور ان کے اراکین کی حفاظت ، تقدس اور حرمت کو یقینی بنانے کیلئے زبانی یقین دہانیوں کے بجائے وزارت داخلہ سے اس کمیٹی کا باقائدہ نوٹفکیشن جاری کیا جائے ۔

‎٭ پروٹیکشن آف جرنلسٹس اینڈ میڈیا پروفیشنلز ایکٹ میں صحافت اور صحافتی برادری کے تحفظ کی متعدد شقیں شامل ہیں مگر تقریباً 4 سال گزرنے کے باوجود جرنلسٹس پروٹیکشن کمشن قائم نہیں ہو سکا جس وجہ سے ابھی تک کسی صحافی یا میڈیا ورکر کو ریلیف نہیں مل سکا اسلئے 2 ہفتے کے اندر کمشن مکمل کر کے مذکورہ ایکٹ کو فعال بنایا جائے۔ اس ایکٹ کے ٹی او آرز میں تمام پریس کلبوں کے تحفظ کو بھی یقینی بنایا جائے۔
‎٭ پاکستان کی صحافی برادری پارلیمنٹ کو بالادست اور عوامی امنگوں کا ترجمان سمجھتی ہے۔ لہذا ایوان بالا و ایوان زیریں کی متفقہ قراردادوں کے ذریعے پریس کلبز و یونینز کے تقدس اور ارکان کی حفاظت کی ضمانت دی جائے۔
‎اس موقع پر وزیر مملکت برائے داخلہ طلال چوہدری نے جوائنٹ ایکشن کمیٹی ارکان کو چیئرمین سینٹ، اسپیکر قومی اسمبلی، وفاقی وزیر داخلہ، وفاقی وزیر اطلاعات، صوبائی وزرائے داخلہ و اطلاعات سے رابطہ کر کے مطالبات کی منظوری کی یقین دہانی کرائی۔

07/10/2025

اسلام آباد() گورنر خبیر پختونخوا فیصل کریم کنڈی نیشنل پریس کلب پر اسلام آباد پولیس کے حملے کےپر اظہار یکجہتی کیلئے نیشنل پریس کلب پہنچ گئے، اسلام آباد پولیس کی جانب سے پریس کلب کا تقدس پامال کرنے ، صحافیوں پر بہیمانہ تشدد، کیمرے اور موبائل فون توڑنے اور این پی سی کیفے ٹیریا میں توڑ پھوڑکی شدید مذمت ،توڑ پھوڑ سے ہونے والے نقصان کا ازالہ کرنے کا مطالبہ،ملک میں تمام معدنیات، پانی اور بجلی ریاست کی ملکیت ہیں،تفصیلات کے مطابق گورنر خبیر پختونخوا فیصل کریم کنڈی نیشنل پریس کلب پر اسلام آباد پولیس کی غنڈہ گردی، صحافیوں پر بیہمانہ تشدد ، توڑ پھوڑ پر اظہار یکجہتی کیلئے نیشنل پریس کلب پہنچ گئے، پریس کلب آمد پر صدر پی ایف یو جے افضل بٹ، صدر این پی سی اظہر جتوئی، سیکرٹری نیئر علی، نائب صدر سید ظفر ہاشمی، ممبران گورننگ باڈی عامر رفیق بٹ، جعفر علی بلتی، آر آئی یو جے کے سینئر نائب صدر راجہ بشیر عثمانی اور سابق صدر این پی سی طارق چوہدری سمیت دیگر نے گورنر کا پرتپاک استقبال کیا،گورنر کے پی کا کہنا تھا کہ پریس کلب نہ صرف صحافیوں بلکہ سیاستدانوں کا بھی دوسرا گھر ہے،این پی سی میں اپنی پیشہ ورانہ ذمہ داریاں نبھاتے صحافیوں اور کیمرہ مینوں پرپولیس کا حملہ پاکستان کی تاریخ کا افسوسناک واقعہ ہے جسکی جتنی بھی مذمت کی جائے وہ کم ہے، حکومت سے مطالبہ کرتا ہوں کہ وہ واقعہ میں ملوث اہلکاروں کیخلاف نہ صرف سخت ترین محکمانہ کاروائی بلکہ اعلیٰ سطحی عدالتی کمیشن بنا کر عبرتناک سزا دی جائے اور توڑے گئے کیمروں اور دیگر سامان کے نقصان کا ازالہ کیا جائے،صحافیوں کے چارٹر آف ڈیمانڈ کے متعلق وزیر داخلہ محسن نقوی سے بات کرونگا،معطلی اور انکوائریز معمول کی بات ہے پریس کلب کا تقدس پامال کرنے والے اہلکاروں کو سخت سزا ملنی چاہیئے، اس موقع پر پی ایف یو جے کے صدر افضل بٹ کا کہنا تھا کہ این پی سی پر پولیس کا حملہ ملکی تاریخ کا پہلا واقعہ ہے، دنیا بھر میں پریس کلب کے تقدس کا خیال رکھا جاتا ہے مگر این پی سی میں داخل ہو کر پولیس نے صحافیوں، فوٹو گروافر کیمرہ مینوں پر تشدد کیا، انکے کیمرے چھین پر زمین پر پٹخ کرتوڑے،حالانکہ مارشل لاء کے دور میں بھی کبھی پولیس پریس کلب میں داخل نہیں ہوئی تھی، اس حملے کے بعد دنیا بھر میں کہا جارہا ہے کہ پاکستان میں اب پریس کلبز بھی محٖوظ نہیں رہے ہیں،ہم نے واقعے کے بعد پریس کلب کے تمام گروپس پر مشتمل جوائنٹ ایکشن کمیٹی تشکیل دی ہے، اور وزیر مملکت برائے داخلہ کی معذرت پر مشاورت سے فیصلہ کرنے کا کہا،تمام گروپس کا مشکور ہوں کہ وہ اس کڑے وقت میں پریس کلب کی حرمت کیلئے اکٹھے ہوئے،ہمیں تھٖط اور گارنٹی چاہیئے، کوشش کرینگے کہ آئندہ پاکستان بھر کے کسی بھی پریس کلب میں پولیس داخل نہ ہو سکے،صدر این پی سی اظہر جتوئی نے گورنر کے پی کا پریس کلب آمد پر شکریہ ادا کرتے ہوئے کہا کہ نیشنل پریس کلب صحافیوں اور مطلوم لوگوں کا قلعہ ہے،اس پر حملہ کسی صورت قبول نہیں ہے،سیکرٹری نیئر علی نے کہا کہ این پی سی پر پولیس کے حملے سے دل آزاری ہوئی ، صحافی برادری اور مختلف مکتبہ فکر نے جس طرح ساتھ دیا اسکی مثال نہیں ملتی، صحافی برادری پریس کلب پر حملہ اپنے گھر پر حملہ تصور کرتی ہے،ٹقریب کے آکر میں این پی سی کے نائب صدر سید ظفر ہاشمی نے گورنر کا شکریہ ادا کیا۔

07/10/2025

اسلام آباد پاکستان عوامی تحریک راولپنڈی کا وفد غلام علی خان،ڈاکٹربدیع الزمان ،امجد محمود اعوان،اور طیب الحسینی نیشنل پریس کلب کے صدراظہر جتوئی و دیگر عہدےدران سے پریس کلب میں ہونے والی پولیس گردی پر اظہار یکجہتی کر رہے ہیں

07/10/2025

باجوڑ تاجران کی پراپرٹی اور اصل جدی پشتی مالکان نشاط سینما راجہ بازار کی بلڈنگ پر عدالتی سٹے کے باوجود تھوڑ پھوڑ اور مداخلت کے خلاف باجوڑ کمیونٹی راولپنڈی کے تاجر نیشنل پریس کلب اسلام آباد میں ہنگامی پریس کانفرنس کررہےہیں