Campen TV

20/09/2025

بھمبر : مدینہ ایجوکیشن کمپلیکس میں محفل میلاد مصطفی کا انعقاد

18/09/2025

Paid Content
اعتماد، معیار اور بہترین سروس کا نام – چودھری فیلنگ
اسٹیشن۔

برنالہ روڈ نزد کڈھالہ ، جہاں ہر قطرہ فیول شفافیت اور اعتماد کی ضمانت ہے۔ یہاں پیٹرول اور ڈیزل کا معیار آپ خود چیک کریں… کیونکہ اعتماد ہے تو سکون ہے۔

🚻 میل اور فیمیل کے لیے علیحدہ واش رومز، وضو اور نماز کے لیے خوبصورت مسجد، اور صاف ستھرا پُرسکون ماحول – ہر سہولت آپ کے لیے حاضر ہے۔

چودھری فیلنگ اسٹیشن – بہترین فیول، بہترین معیار اور بہترین سہولتوں کے ساتھ۔

🌟 ایک بار آئیں… اور پھر اعتماد کے ساتھ بار بار آئیں۔

🎁 اور ہاں! پیٹرول یا ڈیزل دلوانے پر حاصل کریں قرعہ اندازی کے ذریعے بے شمار شاندار انعامات۔

26/08/2025

ہیڈ مرالہ کے مقام پر پانی کی سطح کافی حد تک بڑھ گئی۔ عوام کو محتاط رہنے کی ہدایت جاری کر دی گئی۔

25/08/2025

بھمبر :ٹی وی جرنلسٹس ایسوسی ایشن بھمبر کی سال 2025-26 کے لیے نئی تنظیم سازی مکمل کر لی گئی۔ اجلاس میں صحافی برادری کے اتفاقِ رائے سے نئے
عہدیداران کا انتخاب عمل میں آیا:
صدر: راجہ عامر اسحاق (نمائندہ ایکسپریس نیوز)
جنرل سیکرٹری: ڈاکٹر اسحاق چوہدری (نمائندہ جیو نیوز
سینئر نائب صدر: زاہد حسین راجہ (نمائندہ سما نیوز)
نائب صدر: آفتاب حسین مرزا (365 نیوز)
سیکرٹری مالیات: راجہ محسن حبیب(نمائندہ ARYنیوز)
ایڈیشنل جنرل سیکرٹری: فرخ جاوید (اے بی اے نیوز)
سیکرٹری اطلاعات: عاصم اظہر (نیو نیوز)
جوائنٹ سیکرٹری: تیمور اعظم (اے بی اے نیوز)
ممبران مجلسِ عاملہ: سلمان جرال ABNنیوز، امجد عالم K2TV نیوز ہیں۔
اجلاس میں طے کیا گیا کہ تنظیم صحافیوں کے حقوق کے تحفظ، فیلڈ میں درپیش مسائل کے حل اور آزاد صحافت کے فروغ کے لیے مؤثر اقدامات کرے گی۔نو منتخب صدر راجہ عامر اسحاق اور جنرل سیکرٹری ڈاکٹر اسحاق چوہدری نے عزم ظاہر کیا کہ.ہم اتحاد، پیشہ ورانہ رویے اور مثبت صحافت کے فروغ کے لیے ہر ممکن اقدامات کریں گے۔ صحافیوں کے مسائل کو اجاگر کرنا اور ان کے حقوق کا دفاع ہماری اولین ترجیح ہوگی۔

23/08/2025

سیکس ویڈیو اسکینڈل؛ وائس چانسلر ایمرسن یونیورسٹی ڈاکٹر رمضان گجر مستعفی

ملتان: ایمرسن یونیورسٹی کے وائس چانسلر ڈاکٹر رمضان گجر نے اپنی مبینہ نازیبا ویڈیوز منظرِ عام پر آنے کے بعد اپنے عہدے سے استعفیٰ دے دیا۔

ذرائع کے مطابق ڈاکٹر رمضان گجر کو حال ہی میں سوشل میڈیا پر سامنے آنے والی مبینہ ویڈیوز کے بعد شدید تنقید اور دباؤ کا سامنا کرنا پڑا، جس کے باعث انہوں نے آج باضابطہ طور پر استعفیٰ پیش کیا۔

ڈاکٹر رمضان گجر تقریباً چار سال تک بطور وائس چانسلر خدمات انجام دیتے رہے۔

یاد رہے کہ یہ ویڈیوز ایک باورچی اعجاز حسین کی جانب سے بنائے جانے کا دعویٰ کیا جا رہا ہے، جس نے اپنے بیان میں الزام عائد کیا ہے کہ ڈاکٹر رمضان نے اس پر غیر اخلاقی دباؤ ڈالا تھا۔ باورچی کا کہنا ہے کہ بار بار کی مبینہ دھمکیوں کے باعث وہ ویڈیو ریکارڈ کرنے پر مجبور ہوا تاکہ حقیقت سامنے لائی جا سکے۔

البتہ اس معاملے پر متعلقہ حکام کی جانب سے باضابطہ تحقیقات جاری ہیں اور حتمی حقائق سامنے آنے باقی ہیں۔

20/08/2025

کیمپن ٹی وی(Campen TV) کو آزاد کشمیر، پاکستان اور دنیا بھر سے اردو اور انگلش نیوز چینلز کے لیے نمائندگان (Reporters/Correspondents) کی ضرورت ہے۔

اگر آپ کو صحافت کا شوق ہے، خبر رسانی میں مہارت رکھتے ہیں یا میڈیا انڈسٹری میں کیریئر بنانے کے خواہاں ہیں تو کیمپن ٹی وی آپ کو بہترین پلیٹ فارم فراہم کر رہا ہے۔

ہم ایسے نمائندگان کی تلاش میں ہیں جو:
✔️ مقامی اور بین الاقوامی خبریں بروقت اور درست انداز میں فراہم کر سکیں
✔️ اردو اور انگلش دونوں زبانوں میں مہارت رکھتے ہوں
✔️ غیر جانبداری، سچائی اور صحافتی اصولوں کے مطابق رپورٹنگ کر سکیں

🌍 یہ ایک بہترین موقع ہے عالمی سطح پر ابھرتے ہوئے نیوز نیٹ ورک کا حصہ بننے کا۔

#میڈیاکیریئر #خبرنگار #صحافت #آزادکشمیر #پاکستان

17/08/2025

15/08/2025

مظفرآباد: وزیراعظم آزاد ریاست جموں و کشمیر چوہدری انوار الحق نے آزادجموں و کشمیر پولیس کی استعداد کار کو بڑھانے کے لیے آزاد کشمیر کے 33 تھانہ جات کے لیے سنگل کیبن 4× 4 ماڈل2025 کی گاڑیاں فراہم کردی ہیں ، اس سلسلہ میں منعقدہ تقریب میں وزیراعظم آزاد کشمیر نے پولیس کے ٹرانسپورٹ فلیٹ کے لیے نئی خریدی گئی گاڑیوں کی چابیاں ڈی آئی پولیس عرفان مسعود کشفی کے حوالے کیں ، اس موقع پر ڈی آئی جی پولیس عرفان مسعود کشفی نے وزیراعظم آزاد کشمیر کو پولیس ٹرانسپورٹ فلیٹ میں نئی گاڑیوں کی شمولیت کے بعد پولیس استعداد کار میں اضافہ کے حوالے سے تفصیلی بریفنگ بھی دی ، تقریب میں موسٹ سینئر منسٹر کرنل ریٹائرڈ وقار احمد نور ، سیکرٹری اطلاعات سردار عدنان خورشید سمیت پولیس آفیسران اور دیگر بھی موجود تھے ، اس موقع پر میڈیا سے گفتگو کرتے ہوئے وزیر اعظم آزادکشمیر کشمیر چوہدری انوارالحق نے کہا ہے محکمہ پولیس کے جوان اپنی جان کو ہتھیلی پر رکھ کر شہریوں کے ناموس اور جان و مال کے تحفظ کو یقینی بنا رہے ہیں، کام کیلئے ساز گار ماحول اور بنیادی ضروریات کی فراہمی ریاست کی ذمہ داری ہے، امن و امان کی صورتحال کو برقرار رکھنے کیلئے پولیس انفراسٹرکچر کو بہترکیا اور گزشتہ دو سالوں کے دوران 56 پولیس سٹیشنز میں 4×4 سنگل کیبن نئی گاڑیاں فراہم کر دی ہیں،محکمہ پولیس میں موجود افرادی قوت کی کمی کو پورا کرنے کیلئے1300 اسامیاں تخلیق کی گئی ہیں جن پر تحت ضابطہ تقرریاں عمل میں لائی جائیں گی۔کسی کو شفافیت میں ابہام نہیں ہونا چاہیے عوام کو براہ راست فراہم کرنے کیلئے پولیس، صحت اور تعلیم کیلئے ضروری ٹرانسپورٹ فراہم کر دی ہے، گاڑیوں کی مینٹیننس کو یقینی بنانے کی ہداہت، پولیس فورس ہمارا فخر ہے، شہریوں کی ناموس اور جان وال کے تحفظ کو یقینی بنانا ریاست کی اولین ذمہ داریوں میں سے ہے، سازگار ماحول فراہم کئے بغیر اداروں کا احتساب ممکن نہیں ہے، پولیس اپنی جان ہتھیلی پر رکھ کر شہریوں کے تحفظ کیلئے خدمات سر انجام دے رہی ہے، گاڑیوں کی فراہمی سے پولیس کے محکمانہ استعداد کار میں اضافہ ہوگا، گزشتہ شب ایس ڈی ایم اے، ریسکیو اداروں اور مسلح افواج پاکستان کے اشتراک سے رتی گلی میں کلاوڈ برسٹ کے نتیجے میں محصور 700 سے زائد سیاحوں کو ریسکیو کرتے کے محفوظ مقامات پر منتقل کیا گیا، متاثرین کی بحالی کیلئے بروقت اقدامات پر متعلقہ اداروں کو خراج تحسین پیش کرتے ہیں، ایک سوال کے جواب میں وزیراعظم آزاد کشمیر نے کہا کہ پولیس کے پٹرول اور افرادی قوت میں اضافے کیلئے اقدامات کیے ہیں، سرلی سچہ میں کلاوڈ برسٹ کے فوری بعد ایس ڈی ایم اے اور انتظامیہ کو فوری بحالی کے احکامات جاری کئے الحمدللہ 6 گھنٹوں کے اندر 6 ڈیڈ باڈیز کو تلاش کیا گیا، انسانی جان کی کوئی قیمت نہیں ہوتی لیکن ریسکیو کیلئے تمام ادارے ہائی الرٹ پر ہیں، میرے پاس عوام کو ریلیف فراہم کرنے کیلئے محکمہ پولیس، محکمہ صحت ، تعلیم ، ایس ڈی ایم اے کیلئے فنڈز موجود ہیں ، کسی کی عیاشی کیلئے نہیں ہیں، ایک اور سوال کے جواب میں وزیراعظم آزاد کشمیر نے کہا کہ ہنگامی حالات کے دوران لوگوں کو نقل مکانی کی صورت میں ان کی فوری آبادکاری کیلئے خالصہ سرکار میں رہائش کے انتظامات کے علاؤہ کوئی چارہ کار نہیں بچتا، حکومت نے آفات سماوی کے بقایاجات کی ادائیگی کیلئے 32 کروڑ کی گرانٹ ریلیز کر دی ہے، حال ہی میں بارشوں کے نتیجے میں ہونے والے نقصانات کے فوری ازالے کیلئے معاوضہ جات کی ادائیگی کی ہدایت کر دی ہے، ایس ڈی ایم اے کے آپریشنل استعداد کار میں اضافے کیلئے 8 کروڑ کے ڈرونز خریدے گئے ہیں، حکومت عصر حاضر کے تقاضوں کے مطابق جدید ٹیکنالوجی کا حصول یقینی بنا رہی ہے ۔

14/07/2025

بھمبر: ڈسٹرکٹ اینڈسیشن جج محمد ادریس بھٹی کاکہنا ہے کہ گذشتہ دنوں چیف جسٹس ہائی کورٹ آف آزادجموں و کشمیر جسٹس سردارلیاقت حسین نے بھمبر جوڈیشل کمپلیکس کادورہ کیا۔چیف جسٹس عدالت العالیہ جناب جسٹس سردار لیاقت حسین شاہین نے ڈسٹرکٹ جوڈیشل کمپلیکس بھمبر کے دورے میں مختلف دفاتر کا معائنہ کیا، دورہ کے دوران جناب چیف جسٹس نے جوڈیشل آفیسران کے ہمراہ مٹینگ کی جس میں ضلع بھر کے جملہ جوڈیشل آفیسران نے شرکت کی ۔ میٹنگ میں جناب چیف جسٹس عدالت العالیہ نے ہدایات جاری کیں کہ پرانے مقدمات کو جلد از جلد یکسو کیا جائے۔ فیملی مقدمات کی اندر میعاد Disposal کو بہر صورت یقینی بنایا جائے اور فراہمی انصاف و قانون کی عملداری کو یقینی بنایا جائے۔ اہل مقدمات کے ساتھ حسن سلوک سے پیش آیا جائے ، جناب چیف جسٹس عدالت العالیہ نے دورے کے دوران نو قائم شدہ عدالت سول جج ایڈیشنل تحصیل فوجداری بھمبر کے زیر تعمیر کورٹ روم کا ملاحظہ کیا اور ہدایت جاری کی کہ بقیہ کام کو جلد از جلد پایہ تکمیل تک پہنچایا جائے تا کہ عدالت کا با قاعدہ افتتاح جلد ممکن ہو سکے ۔ جناب چیف جسٹس نے اس بات پر بھی زور دیا کہ اگر کوئی اہلکار رشوت ستانی یا اخذ نا جائز میں ملوث پایا گیا تو اس کے خلاف سخت تادیبی کارروائی عمل میں لائی جائے۔ جناب چیف جسٹس نے دفتری نظم و ضبط ، یونیفارم اور وقت کی پابندی پر عملد در آمد کرنے کی نسبت بھی سختی سے ہدایت جاری کی۔

11/06/2025

لندن:سابق صدر مسلم لیگ ن یوتھ ونگ امریکہ و ممبر مرکزی مجلس عاملہ مسلم لیگ ن آزادکشمیر عرفان الحسن چوہدری کی لندن میں سابق وزیر اعظم پاکستان قائد مسلم لیگ ن میاں محمد نواز شریف سے لندن میں اہم ملاقات۔آزادکشمیر میں آمدہ الیکشن سمیت موجودہ ملکی صورتحال حال پر سیر حاصل گفتگو ۔میاں محمد نواز شریف نے عرفان الحسن چوہدری کی پارٹی کے خدمات اوربھرپور سیاسی سرگرمیوں کو سراہا۔اس موقع قائد مسلم لیگ ن کی عرفان الحسن چوہدری سے آزادکشمیر میں آمدہ الیکشن کے حوالہ سے تفصیلی گفتگو ہوئی میاں محمد نواز شریف نے عرفان الحسن چوہدری سمیت اورسیز کمیونٹی کی پاکستانی سیاست میں بھرپور کردار اورانتخابات میں بھرپور گرمجوشی کے ساتھ شرکت کو بھی سراہا اور کہا کہ آزادکشمیر میں انتخابات میں صرف ایک سال کا قلیل عرصہ رہ گیا ہے مسلم لیگ ن یوتھ ونگ کے نوجوان اور کارکنان مسلم لیگ ن بھرپور تیاری کریں ان شااللہ آزادکشمیر میں آئیندہ مسلم لیگ ن کی حکومت ہو گی اس موقع پر عرفان الحسن چوہدری نے قائد مسلم لیگ ن میاں محمد نواز شریف سے گفتگو کرتے ہوئے کہا کہ آپ کی سیاسی بصیرت اور قیادت سے مسلم لیگ ن دوبارہ اقتدار میں آئی ہے اور یہ میرے لیے اعزاز کی بات ہے کہ میں مسلم لیگ ن کا ادنیٰ سا کارکن ہوں اور آپ کی قیادت ہمیں میسر ہے انشاللہ اورسیز ڈائس فورا ہمیشہ پارٹی قیادت کی ہر کال پر لبیک کہنے کے لیے ہمہ وقت تیار ہے وہ دن دور نہیں جب پوری دنیا میں مملکت پاکستان کی ترقی و کامرانی کی گونج سنائی دے گی عرفان الحسن چوہدری نے میاں محمد نواز شریف کے لیے نیک خواہشاث کا اظہار کرتے ہوئے اپنا قیمتی وقت دینے پر شکریہ ادا کیاعرفان الحسن چوہدری کی انتخابات کے بعد میاں محمد نواز شریف سے یہ چوتھی ملاقات ہے۔پچھلی بار جب میاں محمد نواز شریف پاکستان آئے تھے تب بھی عرفان الحسن چوہدری امریکہ سے ان سے ملاقات ہے لیے پاکستان آئے تھے پاکستان اور آزادکشمیر میں ہونے والے انتخابات میں وہ اسپشل امریکہ سے آتے ہیں اور مسلم لیگ ن کی انتخابی مہم میں ہراول دستے میں شامل ہوتے ہیں

14/01/2025

بھمبر: دانش اسکول کے قیام کے لیے جدی پشتی زمین سے محروم کیے جانے پر بھمبر رجانی کے رہائشی چوہدری حبیب الرحمان نے چوہدری عبدالعزیز اور سلیمان اشرف کے ہمراہ پریس کانفرنس میں احتجاج کیا۔ انہوں نے حکومت کی اس کارروائی کو ناانصافی قرار دیتے ہوئے کہا کہ دانش اسکول کے لیے کسی اور جگہ زمین مختص کی جائے۔

چوہدری حبیب الرحمان نے بتایا کہ یہ زمین 1947 میں ان کے دادا چوہدری اللّٰہ داد نے راج کمار وغیرہ سے خریدی تھی، اور 1975 میں بذریعہ عدالت ان کے والد غلام رسول کے نام ہبہ کی گئی۔ 2006-2007 تک محکمہ مال کے ریکارڈ میں 178 کنال زمین ان کے نام پر تھی، اور خسرہ گرداوری، جمع بندی اور دیگر قانونی دستاویزات بھی ان کے حق میں ہیں۔

انہوں نے مزید کہا کہ ان کے چچا نے اس زمین کا ایک حصہ فروخت بھی کیا تھا، جس کی رجسٹری عدالت سے منظور شدہ تھی۔ اگر یہ زمین ہماری نہیں تھی تو فروخت کیسے ممکن ہوئی؟ اس کے باوجود محکمہ مال نے اس زمین کو خالصہ سرکار قرار دے دیا، جس کے خلاف مقدمہ عدالت میں زیر سماعت ہے۔

چوہدری حبیب الرحمان نے کہا کہ ان کے پاس اور کوئی زمین نہیں جہاں وہ رہائشی مکانات تعمیر کر سکیں۔ یہ زمین اب مکان بنانے کے قابل ہوئی ہے، لیکن حکومت دانش اسکول کے قیام کے لیے انہیں ان کے حق سے محروم کر رہی ہے، جو سراسر زیادتی ہے۔

انہوں نے وزیراعظم پاکستان، وزیراعظم آزاد کشمیر، چیف آف آرمی اسٹاف، اور کمانڈر 4 اے کے بریگیڈ سے اپیل کی کہ دانش اسکول کے منصوبے کو بھمبر کے دیگر خالصہ سرکار اراضی پر منتقل کیا جائے تاکہ ان کی اراضی محفوظ رہ سکے اور ان کی نسلیں بے گھر ہونے سے بچ سکیں۔

25/12/2024

بھمبر میں پہلی بار سول ملٹری اشتراک سے ریاستی سطح پر کرکٹ ٹورنامنٹ کا شاندار آغاز

بھمبر: آزادکشمیر کے دلکش علاقے بھمبر میں پہلی بار سول ملٹری اشتراک سے دس اضلاع کی ٹیموں کے مابین ٹورنامنٹ کا انعقاد ہونے جا رہا ہے۔ یہ تاریخی ٹورنامنٹ 26 دسمبر کو بھمبر اسٹیڈیم میں شروع ہوگا، جس کی افتتاحی تقریب صبح 10:30 بجے منعقد ہوگی۔ تقریب کے مہمان خصوصی سیکرٹری سپورٹس، یوتھ اینڈ کلچر، راشد حنیف ہوں گے۔

یہ کرکٹ ٹورنامنٹ وزیراعظم آزادکشمیر چوہدری انوار الحق کے ویژن کا عکاس ہے، جس کا مقصد نوجوانوں کی صلاحیتوں کو اجاگر کرنا اور انہیں بہترین مواقع فراہم کرنا ہے۔ آزاد کشمیر کے 10 اضلاع کی ٹیمیں اس ایونٹ میں حصہ لیں گی، جس سے نہ صرف نوجوان کھلاڑیوں کو اپنی مہارت دکھانے کا موقع ملے گا بلکہ خطے میں کرکٹ کے فروغ کے لیے نئے دروازے کھلیں گے۔

اس ایونٹ کے کامیاب انعقاد میں ملٹری اور سول اداروں کا کلیدی کردار رہا ہے۔ ضلعی انتظامیہ نے سپورٹس حکام کے ساتھ مل کر سیکورٹی اور دیگر انتظامات کو حتمی شکل دی ہے تاکہ کھلاڑیوں اور شائقین کو ایک محفوظ اور شاندار ماحول فراہم کیا جا سکے۔

ٹورنامنٹ میں عوام کی دلچسپی عروج پر ہے، اور نوجوان کھلاڑیوں کو بہترین کارکردگی پر انعامات سے نوازا جائے گا۔ منتظمین نے اس شاندار ایونٹ کے انعقاد میں تعاون کرنے والے تمام اداروں کا شکریہ ادا کیا ہے۔

یہ پہلا موقع ہے کہ بھمبر میں اس نوعیت کا بڑا کرکٹ ٹورنامنٹ منعقد ہو رہا ہے، جس نے علاقے کے باسیوں میں زبردست جوش و خروش پیدا کر دیا ہے۔ ایونٹ کے کامیاب انعقاد سے بھمبر کا نام کرکٹ کی دنیا میں مزید روشن ہوگا۔اس ٹورمنٹ کے باعث کھلاڑی اپنے صلاحیتوں کا لوہا منواٸیں گے اور قومی سطح تک پہنچنے کے مواقع بھی حاصل کر سکیں گے