26/08/2026
آل کھرمنگ نعتیہ مقابلہ
عظیم الشان بارہواں آلِ کھرمنگ نعتیہ مقابلہ 2026 کامیابی کے ساتھ اختتام پذیر ہوا۔
اس بابرکت محفل کے مہمانِ خصوصی قبلہ شیخ اشرف تابانی صاحب تھے، جبکہ معروف و مشہور منقبت خواں جناب اجمل غازی اور دستۂ امامیہ کے نامور نوحہ خواں جناب محمد مصطفیٰ صاحب نے بھی خصوصی شرکت فرمائی۔دیگر مہمانوں میں ڈی ڈی او جناب سر اختر صاحب شامل تھے..
نعتیہ مقابلے میں کھرمنگ بھر سے کثیر تعداد میں ثنا خواں حضرات نے شرکت کی اور اپنی خوبصورت آوازوں میں بارگاہِ رسالت مآب ﷺ میں نذرانۂ عقیدت پیش کیا۔
محفل کی صدارت جناب قبلہ شیخ فضل علی نجفی صاحب نے فرمائی، جبکہ امامِ جمعہ طولتی، جناب قبلہ شیخ عابد حافظی صاحب میزبانِ محفل تھے۔
نعتیہ مقابلے میں منصفین (ججز) کے فرائض جناب تہذیب بلتستانی صاحب، جناب حمید رضا صاحب اور جناب مصطفیٰ نظامی صاحب نے نہایت احسن انداز میں انجام دیے۔
اختتامِ محفل پر نعتیہ مقابلے کے پوزیشن ہولڈرز میں انعامات بھی تقسیم کیے گئے۔
یہ بابرکت محفل محبتِ رسول ﷺ، عقیدت اور خوبصورت نعتیہ کلام سے مزین رہی، جس نے حاضرین کے دلوں کو عشقِ رسول ﷺ سے منور کر دیا۔
آئی ایس او طولتی یونٹ ضلع کھرمنگ
