TD Urdu

TD Urdu Contact information, map and directions, contact form, opening hours, services, ratings, photos, videos and announcements from TD Urdu, News & Media Website, Office 12, Block 19, G-9 Markaz, Islamabad.

TD Urdu — the Urdu faction of The Dayspring Media (TD) — proudly stands as Pakistan’s first youth-centric media platform, dedicated to amplifying the voices and issues of the younger generation.

سینیٹ میں 27ویں آئینی ترمیم کا مجوزہ مسودہ پیش کردیا گیا ہے جس میں آئین کے 48 آرٹیکلز میں ترامیم تجویز کی گئی ہیں۔ ترمی...
08/11/2025

سینیٹ میں 27ویں آئینی ترمیم کا مجوزہ مسودہ پیش کردیا گیا ہے جس میں آئین کے 48 آرٹیکلز میں ترامیم تجویز کی گئی ہیں۔ ترمیم کے تحت چیئرمین جوائنٹ چیفس آف اسٹاف کا عہدہ ختم کرکے چیف آف ڈیفنس فورسز کا نیا عہدہ بنانے اور فیلڈ مارشل کا عہدہ تاحیات رکھنے کی تجویز شامل ہے۔

ججز کے تبادلوں کا اختیار جوڈیشل کمیشن کو دینے اور متعلقہ ہائیکورٹس کے چیف جسٹسز کو عمل میں شامل کرنے کی تجویز بھی دی گئی ہے۔ بلوچستان اسمبلی کی نشستوں اور صوبائی کابینہ کے حجم میں اضافے کی تجاویز بھی مسودے کا حصہ ہیں۔

وفاقی کابینہ نے ویڈیو لنک اجلاس میں ترمیم کی منظوری دے دی ہے اور اب یہ مسودہ سینیٹ کے بحث و منظوری کے عمل سے گزرے گا۔ وزیر قانون کے مطابق ترمیم دو تہائی پارلیمانی اکثریت سے منظور ہونے کی صورت میں آئین کا حصہ بن جائے گی۔

کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ پیپلز پارٹی حکومت کی جانب سے آرٹیکل 243 میں ترمیم ک...
07/11/2025

کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ پیپلز پارٹی حکومت کی جانب سے آرٹیکل 243 میں ترمیم کی حمایت کرے گی اور اصولی طور پر آئینی عدالت کے قیام کے حق میں ہے۔ سینٹرل ایگزیکٹو کمیٹی کے اجلاس کے بعد گفتگو کرتے ہوئے انہوں نے کہا کہ چارٹر آف ڈیموکریسی میں بھی آئینی عدالت کا ذکر موجود ہے، اس لیے اس پر مزید گفتگو ہو سکتی ہے۔

بلاول بھٹو نے بتایا کہ ججوں کے تبادلے کے حوالے سے پیپلز پارٹی کی تجویز یہ ہے کہ متعلقہ عدالتوں کے چیف جسٹسز بھی کمیشن میں شامل ہوں اور متعلقہ جج کی رائے بھی لی جائے۔ انہوں نے کہا کہ دہری شہریت اور دیگر نکات پر پارٹی کے اندر ابھی اتفاق نہیں ہوا، اس لیے اُن نکات کی حمایت فی الحال ممکن نہیں۔ انہوں نے واضح کیا کہ این ایف سی کے تحت صوبوں کے حصے میں کمی نہیں کی جاسکتی اور پیپلز پارٹی صوبائی حقوق کا تحفظ کرے گی۔

سابق گورنر سندھ عمران اسماعیل نے کہا ہے کہ کچھ لوگ ہماری سیاسی کوششوں کو غلط رنگ دے رہے ہیں، جیسے یہ عمران خان کو کمزور ...
02/11/2025

سابق گورنر سندھ عمران اسماعیل نے کہا ہے کہ کچھ لوگ ہماری سیاسی کوششوں کو غلط رنگ دے رہے ہیں، جیسے یہ عمران خان کو کمزور کرنے یا پی ٹی آئی پر قبضہ کرنے کی سازش ہو، حالانکہ پی ٹی آئی عمران خان کے بغیر ممکن نہیں، وہ پارٹی کے بانی اور اصل قوت ہیں۔

سماجی رابطے کی ویب سائٹ ایکس پر جاری بیان میں انہوں نے کہا کہ وہ، فواد چوہدری اور محمود مولوی ملک کی سیاست کو مسلسل محاذ آرائی سے نکال کر مفاہمت کی طرف لانے کی کوشش کر رہے ہیں۔ ان کے مطابق احتجاج اور ٹکراؤ نے پی ٹی آئی کے لیے صرف سیاسی دباؤ اور تھکن بڑھائی ہے، اب وقت ہے کہ صورتحال کا جائزہ لے کر نئے سرے سے سیاسی حکمت عملی اپنائی جائے۔

انہوں نے بتایا کہ ان کی چوہدری اعجاز سے جیل میں اور شاہ محمود قریشی سے اسپتال میں ملاقات ہوئی جہاں دونوں نے عمران خان کے ساتھ اپنی وابستگی برقرار رکھتے ہوئے سیاسی جمود ختم کرنے کی ضرورت تسلیم کی۔

عمران اسماعیل کا کہنا تھا کہ اگر پارٹی کے کچھ رہنما سمجھتے ہیں کہ احتجاج ہی واحد راستہ ہے تو وہ دلیل کے ساتھ بات کریں، تاہم مستقل محاذ آرائی کوئی پائیدار سیاسی راستہ نہیں۔

انہوں نے کہا کہ ان کی کوشش خالص سیاسی استحکام اور پاکستان کے مفاد کے لیے ہے، اور اگر مفاہمت کو غداری سمجھا جاتا ہے تو بھی وہ ملک کی بہتری کے لیے یہ راستہ اختیار کرنے پر قائم ہیں۔

پیٹرولیم ڈویژن کے مطابق پاکستان کو 20 سال بعد آف شور تیل و گیس کی تلاش کے لیے کامیاب بولیاں موصول ہوئی ہیں۔ پہلے مرحلے م...
31/10/2025

پیٹرولیم ڈویژن کے مطابق پاکستان کو 20 سال بعد آف شور تیل و گیس کی تلاش کے لیے کامیاب بولیاں موصول ہوئی ہیں۔ پہلے مرحلے میں تقریباً 8 کروڑ ڈالر کی سرمایہ کاری ہوگی، جبکہ ڈرلنگ کے دوران سرمایہ کاری ایک ارب ڈالر تک بڑھنے کا امکان ہے۔ بڈنگ کے تحت انڈس اور مکران بیسن میں 23 بلاکس کی ایکسپلوریشن کی جائے گی۔

پاکستانی اداروں کے ساتھ ترکیہ پیٹرولیم اور دیگر بین الاقوامی کمپنیاں بھی مشترکہ طور پر حصہ لیں گی۔ حکام کے مطابق یہ پیش رفت پاکستان کی توانائی سیکیورٹی اور اپ اسٹریم سیکٹر میں سرمایہ کاروں کے بڑھتے اعتماد کی علامت ہے۔

وفاقی پارلیمانی سیکریٹری اطلاعات دانیال چوہدری کے اس بیان کے بعد سیاسی بحث شدت اختیار کر گئی ہے، جس میں انہوں نے کہا تھا...
31/10/2025

وفاقی پارلیمانی سیکریٹری اطلاعات دانیال چوہدری کے اس بیان کے بعد سیاسی بحث شدت اختیار کر گئی ہے، جس میں انہوں نے کہا تھا کہ غزہ امن فورس میں پاکستانی فوج کا کردار حماس کو غیر مسلح کرنا بھی ہوسکتا ہے۔ جیو نیوز کے پروگرام نیا پاکستان میں وزیرِ دفاع خواجہ آصف نے اس بیان کی سختی سے تردید کرتے ہوئے کہا کہ نہ ایسا کوئی مینڈیٹ زیرِ غور ہے اور نہ پاکستان کا مقصد ہوسکتا ہے۔ خواجہ آصف کا کہنا تھا کہ اگر کسی نے ذاتی رائے کا اظہار کیا ہے تو یہ نامناسب ہے اور سرکاری پالیسی کی نمائندگی نہیں کرتا۔

غزہ کے لیے مجوزہ انٹرنیشنل اسٹیبلائزیشن فورس میں پاکستان کی شمولیت پر مشاورت جاری ہے، تاہم کوئی حتمی فیصلہ ابھی تک نہیں کیا گیا۔ حکام کے مطابق فیصلہ اخلاقی اور سفارتی محرکات کے تناظر میں ہوگا، لیکن اس معاملے کی نازک نوعیت اور عوامی جذبات کو نظر انداز نہیں کیا جاسکتا۔

امریکی ٹیک ماہر جولی نائس، جو ذہنی دباؤ اور تھکن سے پریشان تھیں، امریکا چھوڑ کر فرانس منتقل ہوئیں مگر پیرس کی مصروف زندگ...
24/10/2025

امریکی ٹیک ماہر جولی نائس، جو ذہنی دباؤ اور تھکن سے پریشان تھیں، امریکا چھوڑ کر فرانس منتقل ہوئیں مگر پیرس کی مصروف زندگی میں بھی سکون نہ ملا۔ بالآخر انہوں نے چیٹ جی پی ٹی سے مشورہ لیا جس نے انہیں اوزیس نامی قصبے میں رہنے کا مشورہ دیا۔ اب وہ وہاں پرسکون اور خوشگوار زندگی گزار رہی ہیں۔

الجزیرہ کے مطابق، پاکستانی بحریہ نے سعودی قیادت میں قائم مشترکہ بحری فورس (سی ایم ایف) کے تحت بحیرہ عرب میں دو کشتیوں سے...
22/10/2025

الجزیرہ کے مطابق، پاکستانی بحریہ نے سعودی قیادت میں قائم مشترکہ بحری فورس (سی ایم ایف) کے تحت بحیرہ عرب میں دو کشتیوں سے 972 ملین ڈالر (تقریباً ایک ارب ڈالر) مالیت کی منشیات برآمد کی ہیں۔

سی ایم ایف نے اپنے بیان میں بتایا کہ کارروائیاں 48 گھنٹوں کے دوران کی گئیں جن میں دو ٹن سے زائد کرسٹل میتھ (آئس) اور 50 کلوگرام کوکین ضبط کی گئی۔
بیان کے مطابق، دونوں کشتیاں بے شناخت تھیں اور کارروائیاں سعودی قیادت میں قائم ٹاسک فورس 150 کی نگرانی میں کی گئیں۔

سعودی بحریہ کے کموڈور فہد الجویاد کے مطابق یہ سی ایم ایف کی تاریخ کی سب سے کامیاب منشیات مخالف کارروائیوں میں سے ایک ہے۔
پاکستانی بحریہ نے اس کامیابی کو ’’علاقائی بحری سلامتی اور عالمی امن کے لیے اپنے غیر متزلزل عزم‘‘ کا مظہر قرار دیا۔

وزیر دفاع خواجہ آصف نے کہا ہے کہ پاکستان اور افغانستان کے درمیان طے پانے والا جنگ بندی معاہدہ اس وقت تک مؤثر رہے گا جب ت...
20/10/2025

وزیر دفاع خواجہ آصف نے کہا ہے کہ پاکستان اور افغانستان کے درمیان طے پانے والا جنگ بندی معاہدہ اس وقت تک مؤثر رہے گا جب تک افغان طالبان اپنی سرزمین سے پاکستان پر دہشت گرد حملے نہیں ہونے دیتے۔ انہوں نے کہا کہ دونوں ممالک، قطر اور ترکیہ کی ثالثی میں، سرحدی دراندازی نہ کرنے کے معاہدے پر متفق ہوئے ہیں۔

خواجہ آصف کے مطابق دہشت گردی پاک-افغان تعلقات میں تناؤ کی اصل وجہ ہے، اور دونوں فریق اس کے خاتمے کے لیے سنجیدہ ہیں۔ انہوں نے قطری امیر اور ترک صدر کے کردار کو سراہتے ہوئے بتایا کہ آئندہ ہفتے استنبول میں اجلاس ہوگا تاکہ معاہدے کی تفصیلات کو حتمی شکل دی جا سکے۔

وزیر دفاع نے کہا کہ درست دستاویزات رکھنے والے افغان پناہ گزینوں کو پاکستان میں رہنے کی اجازت ہوگی، تاہم غیر قانونی افراد کی وطن واپسی جاری رہے گی۔ انہوں نے زور دیا کہ آنے والے ہفتوں میں دیکھا جائے گا کہ فریقین اس معاہدے پر کس حد تک مؤثر عمل درآمد کرتے ہیں۔

اسلام آباد میں حال ہی میں منعقدہ پاک–چین ڈونکی انڈسٹری ڈیولپمنٹ فورم اس بات کی علامت ہے کہ پاکستان میں گدھوں کی فارمنگ ا...
19/10/2025

اسلام آباد میں حال ہی میں منعقدہ پاک–چین ڈونکی انڈسٹری ڈیولپمنٹ فورم اس بات کی علامت ہے کہ پاکستان میں گدھوں کی فارمنگ اب صرف مذاق نہیں بلکہ ایک ابھرتا ہوا معاشی موقع بن چکی ہے۔

یہ فورم اس پس منظر میں قائم کیا گیا کہ چین میں گدھوں کی کھال سے بننے والی روایتی دوا "ایجیاؤ (Ejiao)" کی مانگ تیزی سے بڑھ رہی ہے، جبکہ چین میں گدھوں کی آبادی کم ہو رہی ہے۔ ایسے میں پاکستان، جہاں تقریباً 59 لاکھ گدھے موجود ہیں، ایک ممکنہ سپلائر کے طور پر سامنے آیا ہے۔

فورم میں پاکستانی اور چینی سرکاری حکام، ماہرینِ تعلیم اور سرمایہ کاروں نے شرکت کی اور متعدد معاہدوں پر دستخط ہوئے، جن میں کنٹریکٹ فارمنگ ماڈل متعارف کرانے کا منصوبہ بھی شامل ہے۔ حکومت نے اس صنعت کو منظم کرنے کے لیے گوادر فری زون میں منظور شدہ مذبح خانوں کے ذریعے برآمدات کی اجازت دی ہے تاکہ شفافیت اور جانوروں کی فلاح کو یقینی بنایا جا سکے۔

یہ صنعت اگر درست نگرانی، شفاف نظام اور عوامی اعتماد کے ساتھ آگے بڑھی تو:

برآمدات کو متنوع بنا سکتی ہے

دیہی علاقوں میں روزگار کے مواقع پیدا کر سکتی ہے

اور چین کے ساتھ اقتصادی تعلقات کو مزید مضبوط بنا سکتی ہے

تاہم ماہرین خبردار کرتے ہیں کہ اگر اسے جلد بازی یا بدانتظامی سے چلایا گیا تو یہ معاشی موقع تنازع اور عوامی مخالفت میں بدل سکتا ہے۔

دوحہ میں پاکستان اور افغانستان کے درمیان طے پانے والے جنگ بندی معاہدے کا قطر، ترکیہ اور عمان سمیت مختلف ممالک نے خیرمقدم...
19/10/2025

دوحہ میں پاکستان اور افغانستان کے درمیان طے پانے والے جنگ بندی معاہدے کا قطر، ترکیہ اور عمان سمیت مختلف ممالک نے خیرمقدم کیا ہے۔
قطر اور ترکیہ نے، جو مذاکرات کے میزبان تھے، امید ظاہر کی کہ یہ معاہدہ سرحدی کشیدگی کے خاتمے اور خطے میں پائیدار امن کی بنیاد رکھے گا۔
عمان نے بھی دونوں ممالک کے درمیان معاہدے کو مثبت پیش رفت قرار دیا۔
اسپیکر قومی اسمبلی سردار ایاز صادق نے کہا کہ اسلام آباد اور کابل کے درمیان سیز فائر علاقائی استحکام کی جانب اہم قدم ہے، پاکستان ہمیشہ پرامن بقائے باہمی پر یقین رکھتا ہے۔

اسلام آباد: وزیراعظم شہباز شریف نے کہا ہے کہ افغان سرزمین سے پاکستان پر دہشت گرد حملوں میں افغان شہریوں کی شمولیت تشویشن...
17/10/2025

اسلام آباد: وزیراعظم شہباز شریف نے کہا ہے کہ افغان سرزمین سے پاکستان پر دہشت گرد حملوں میں افغان شہریوں کی شمولیت تشویشناک ہے۔ افغان پناہ گزینوں کی وطن واپسی پر اعلیٰ سطح اجلاس کی صدارت کرتے ہوئے انہوں نے کہا کہ پاکستان نے ہمیشہ افغانستان کی مدد کی مگر اب یہ سوال ہے کہ ہم کب تک افغان مہاجرین کا بوجھ اٹھائیں گے۔

اجلاس میں فیلڈ مارشل عاصم منیر، وفاقی وزرا اور چاروں صوبوں کے وزرائے اعلیٰ شریک تھے۔ وزیراعظم نے ہدایت کی کہ غیر قانونی افغان باشندوں کی جلد از جلد واپسی یقینی بنائی جائے، کسی کو اضافی مہلت نہیں دی جائے گی۔

انہوں نے کہا کہ فیلڈ مارشل عاصم منیر کی قیادت میں افواجِ پاکستان نے افغان حملوں کا مؤثر جواب دیا۔ اجلاس کو بتایا گیا کہ 16 اکتوبر 2025 تک 14 لاکھ 77 ہزار افغان شہری واپس بھیجے جا چکے ہیں۔ وزیراعظم نے ہدایت کی کہ واپسی کے عمل میں بزرگوں، خواتین اور بچوں کے ساتھ باعزت سلوک یقینی بنایا جائے۔

16/10/2025

اسلام آباد: ایک پشتون بزرگ رہنما نے سوشل میڈیا پر گردش کرنے والی ان خبروں کو سختی سے مسترد کیا ہے جن میں دعویٰ کیا گیا تھا کہ حالیہ جھڑپوں کے بعد لاشوں کی بے حرمتی کی گئی۔ انہوں نے کہا کہ "پشتونولی کے اصول سکھاتے ہیں کہ دشمن بھی مرنے کے بعد عزت کا حقدار ہوتا ہے،" اور اسلام بھی لاشوں کو نقصان پہنچانے سے منع کرتا ہے۔ رہنما نے مزید کہا کہ "جو لوگ ایسا کرتے ہیں، وہ نہ پشتون ہیں نہ مسلمان۔ اصل پشتون بہادری سے لڑتا ہے مگر ظلم سے نہیں۔"

Address

Office 12, Block 19, G-9 Markaz
Islamabad
44000

Telephone

+92512262157

Website

Alerts

Be the first to know and let us send you an email when TD Urdu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TD Urdu:

Shortcuts

Share

Category