28/09/2026
سرکاری اسکولوں میں فرنیچر کی فراہمی جاری، گورنمنٹ پرائمری اسکول چنالی کو بھی نیا فرنیچر فراہم
وائس لائن نیوز | معاویہ بلوچ | لوکل رپورٹر نگری زون
ہمیں خبر موصول ہوئی ہے کہ حکومتِ خیبر پختونخوا اور ڈسٹرکٹ ایجوکیشن آفیسر ایبٹ آباد کی خصوصی ہدایات پر تحصیل لورہ، سرکل نگری ٹوٹیال کے سرکاری اسکولوں میں فرنیچر کی فراہمی کا سلسلہ جاری ہے۔
اسی سلسلے میں سرکل نگری ٹوٹیال کے متعدد سرکاری اسکولوں کو فرنیچر فراہم کیا گیا، جبکہ گورنمنٹ پرائمری اسکول چنالی میں بھی جدید اور معیاری فرنیچر پہنچا دیا گیا، جسے اسکول کے ہیڈ ٹیچر نے باضابطہ طور پر وصول کیا۔
اس موقع پر ہیڈ ٹیچر اور مقامی تعلیمی حلقوں نے حکومتِ خیبر پختونخوا اور ڈسٹرکٹ ایجوکیشن آفیسر ایبٹ آباد کے اس اقدام کو سراہتے ہوئے کہا کہ نئے فرنیچر کی فراہمی سے طلبہ و طالبات کے لیے بیٹھنے کا بہتر، آرام دہ اور پُرسکون ماحول میسر آئے گا، جس سے تعلیمی سرگرمیوں میں مزید بہتری کی امید ہے۔
اہلیانِ علاقہ نے بھی حکومتِ خیبر پختونخوا اور محکمہ تعلیم کے اس تعلیمی دوست اقدام کا خیرمقدم کرتے ہوئے امید ظاہر کی ہے کہ سرکاری اسکولوں کو درپیش دیگر مسائل کو بھی ترجیحی بنیادوں پر حل کیا جائے گا۔
آپ کے علاقے کے سرکاری اسکولوں میں تعلیمی سہولیات کی صورتحال کیسی ہے؟ اپنی رائے کمنٹ میں ضرور دیں۔
مزید خبروں کے لیے وائس لائن نیوز کو فالو کریں۔
