Apki Awaz آپ کی آواز

10/05/2025

*پنڈی گھیب کے رہائشی محمد یوسف کے صاحبزادے سکواڈرن لیڈر عثمان یوسف حیدر آباد ایئربیس پر جام شہادت نوش کر گئے*

ابتدائی تفصیلات کے مطابق پنڈی گھیب شہر کے محلہ مسجد مائی مصاحب بانو کے رہائشی محمد یوسف کے صاحبزادے سکواڈرن لیڈر عثمان یوسف انڈیا کیجانب سے میزائیل حملے کے دوران حیدر آباد ایئر بیس پر جام شہادت نوش کر گئے ، ذرائع کے مطابق انکی اپنے والد سے آخری ٹیلی فونک گفتگو کے دوران سکواڈرن لیڈر عثمان یوسف نے اپنے والد کو کہا کہ میں ہر نماز میں اپنی شہادت کے لیئے دعا کر رہا ہوں ، آپ بھی میرے لیئے دعا کیا کریں جسکے بعد انکا تین روز سے کوئی رابطہ نہ ہوا بعدازاں انکی شہادت کی خبر ملی ، شہید کے بزرگ والد محمد یوسف کو اپنے نوجوان بیٹے کی شہادت پر فخر ہے اور انکا کہنا ہے کہ بیٹے کے چلے جانے کا صدمہ اپنی جگہ مگر قوم کے لیئے قربانی دیکر اس نے اپنے ملک کا نام روشن کیا اور لاج رکھی ، اطلاع کے مطابق شہید کی نماز جنازہ کل مورخہ 11 مئی بروز اتوار صبح 10 بجے ریس کورس گراؤنڈ راولپنڈی میں ادا کیجائے گی

رپورٹ : مدثر عزیز ، پنڈی گھیب

10/05/2025

پاک فضائیہ کے تمام جوان کامیاب مشن کے بعد وطن واپس خیر خیریت سے پہنچ گے۔
تمام پائلٹوں نے مشن پر جانے سے پہلے اپنی آخری وصیت پر دستخط کیے تھے۔

20/04/2025

وقاص خان کی فرزندِ جنڈ فرزندِ اٹک کیپٹن ڈاکٹر ضیاء الرحمن کے ولیمہ میں خصوصی شرکت۔
فرزندِ جنڈ فرزندِ اٹک کیپٹن ڈاکٹر ضیاء الرحمن رشتہ ازدواج سے منسلک ہوگئے
ولیمہ کی تقریب گولڈ مارکی جنڈ شہر میں رکھی گئی۔
وقاص خان نے ولیمہ تقریب میں شرکت کی اور اپنے دوست ڈاکٹر ضیاء الرحمن کو مبارکباد پیش کی۔

17/04/2025

ڈی پی او اٹک ڈاکٹر سردار غیاث گل خان صاحب کا شکریہ
میرے بھائی افتخار احمد ایس ایچ او پروموٹ
تھانہ رنگو تعیناتی
بہت بہت مبارکباد لالا

15/04/2025

میرا سونڑا پنجاب

02/03/2025

سفید پوش اور رمضان المبارک
لوگ اکثر کہتے ہیں کہ بھکاریوں کو نہ دیں، تو پھر کیا کریں؟ کس کی مدد کریں؟ کون سفید پوش ہے اور کون نہیں؟ درحقیقت، سفید پوش وہ لوگ ہیں جو دن رات محنت کرتے ہیں، چھوٹے چھوٹے کاموں سے اپنا اور اپنے خاندان کا پیٹ پالتے ہیں، لیکن ان کی محنت کو اکثر نظر انداز کر دیا جاتا ہے۔ وہ ہمارے معاشرے کا اہم حصہ ہیں، لیکن ان کی قربانیاں اور محنت کسی نمایاں تعریف یا مدد کے بغیر رہ جاتی ہیں۔

رمضان المبارک کا مقدس مہینہ ہمیں ایسے ہی لوگوں کی مدد کرنے کا بہترین موقع فراہم کرتا ہے۔ یہ مہینہ نہ صرف روزے، عبادت اور تزکیہ نفس کا ہے، بلکہ یہ ہمدردی، غمگساری اور دوسروں کی مدد کرنے کا بھی ہے۔ اس ماہ مبارک میں ہمیں ان لوگوں کو تلاش کرنا چاہیے جو خاموشی سے اپنی محنت سے معاشرے کو سنوار رہے ہیں۔

سفید پوش وہ ہے جو آپ کے گھر میں صاف پانی پہنچاتا ہے، وہ گارڈ جو ہسپتال یا بینک کے باہر کھڑا ہو کر لوگوں کی حفاظت کرتا ہے، وہ ماسی جو آپ کے گھر کی صفائی کرتی ہے، وہ غبارے بیچنے والا بچہ جو گلیوں میں دوڑتا ہے، وہ بوڑھا سبزی فروش جو دھوپ میں کھڑا ہو کر اپنا سامان بیچتا ہے، وہ نوجوان جو روزے کے ساتھ گھر گھر جا کر کھانا پہنچاتا ہے، وہ جوتے پالش کرنے والا جو چوک میں بیٹھا ہوتا ہے، وہ خاکروب جو گلیوں کو صاف رکھتا ہے، وہ مالی جو پارک کی خوبصورتی کو برقرار رکھتا ہے، وہ امام جو مسجد میں نماز پڑھاتا ہے، وہ بارہ تیرہ سالہ بچہ جو ورکشاپ میں کام کرتا ہے، وہ مزدور جو دھوپ میں سخت محنت کرتا ہے، اور وہ شخص جو اپنے گھر کا واحد کمانے والا ہوتا ہے۔ یہ سب سفید پوش ہیں۔

رمضان المبارک کا یہ پاک مہینہ ہمیں ان لوگوں کی مدد کرنے کی ترغیب دیتا ہے۔ ہمیں چاہیے کہ انہیں تلاش کریں، ان کے چہروں کو پہچانیں، اور ان کی مدد کریں۔ ان کے ہاتھوں میں، ان کے گھروں میں چپکے سے کچھ دے آئیے۔ یہ نہ صرف ایک مالی مدد ہوگی، بلکہ ان کی محنت کی قدر دانی بھی ہوگی۔

رمضان کے اس مقدس مہینے میں ہمارے اردگرد ایسے بے شمار لوگ ہیں جو خاموشی سے اپنا فرض نبھا رہے ہیں۔ ان کی مدد کرنا، ان کی قدر کرنا، اور ان کے کام کو سراہنا ہمارا فرض ہے۔ یہی اصل خدمت ہے، یہی انسانیت ہے۔ تو آئیے، اس رمضان المبارک میں عہد کریں کہ ہم ان سفید پوش لوگوں کو تلاش کریں گے، ان کی مدد کریں گے، اور ان کی محنت کو خراج تحسین پیش کریں گے۔
بقلم خود وقاص خان

11/02/2025

مونگ پھلیاں اور ایک بیمار ماں جی
میڈیکل کی دنیا کے سفید کوٹ، اسٹیتھوسکوپ، لیبارٹریاں ہسپتال یہ سب کچھ میرے روزمرہ کا حصہ ہے۔ مگر آج جب میں ایک سانس کی مرض میں مبتلا مریض کے گھر انجیکشن لگانے پہنچا تو محسوس ہوا کہ اس پیشے کا اصل جوہر "انجیکشن" لگانے سے کہیں آگے ہے۔

سرد ہوا کے جھونکوں میں آکسیجن کنسنٹریٹر کی یکسان آواز... ایک چھوٹا سا کمرہ جہاں سانس لینا بھی آکسیجن کنسنٹریٹر کے بغیر ماں جی کیلئے مشکل تھا۔ وہ ماں جی جو اپنی ہر سانس کو مشقت سے سنبھال رہی تھیں انہوں نے مجھے دیکھتے ہی مسکراتے ہوئے کہا: "کل تمہیں مونگ پھلی کھانے کو بولا تھا؟" اور تم نے ہنستے ہوئے ٹال دیا: "کون چھیلے گا؟ یہ تو مشکل کام ہے۔" جی جی ایسے ہی ہے ماں جی میں نے جواب دیا
آج جب میں لوٹا تو ان کے ہاتھوں میں وہی مونگ پھلیاں تھیں—چھلی ہوئی، صاف کی ہوئی، پیکٹ میں بندھی ہوئی۔ انہوں نے کہا: "لو اب کھا لو... میں نے خود چھیل لی ہیں۔"
میں نے پیکٹ لے کر سامنے پڑے ٹیبل پر رکھ دیے
وہ ماں جی جو آکسیجن کنسنٹریٹر سے جُڑی ہوئی تھیں، ان کی ہر سانس ایک جنگ تھی۔ وہ یہ سب کیسے کر سکتی ہیں یہ سوچتے ہوئے میں نے معمول کے مطابق ان کا بلڈ پریشر چیک کیا، آکسیجن کنسنٹریٹر پر نظر ڈالی، اور انجیکشن تیار کرنے لگا۔ جب میں سرنج میں دوا بھر رہا تھا، تب انہوں نے اپنی کمزور آواز میں پوچھا:
آج چھوٹا بھائی ساتھ نہیں آیا؟ یہ دوسرا پیکٹ میں نے اس کیلئے بنایا ہے
سمجھ نہیں پا رہا تھا کیا جواب دوں خاموشی اختیار کی اور انجیکشن لگانے لگا

یہ صرف مونگ پھلیاں نہیں تھیں۔ یہ ایک مریض کا اپنے درد کو پھلانگ کر دوسروں کو خوشی دینے کا ہنر تھا۔ جو خود سانسوں کی جنگ میں الجھی ہے، مگر دوسروں کے لیے اپنے ہاتھوں کی مشقت بانٹنے کو بے تاب ہے۔ تحقیق کہتی ہے کہ مونگ پھلی دل کی دوست ہوتی ہے، مگر ماں جی نے تو اسے روح کی غذا بنا دیا۔ شاید وہ جانتی تھیں کہ یہ ننھے دانے میری تھکاوٹ کو بھی اپنے ساتھ بہا لے جائیں گے۔

ان کے ہاتھوں پر نظر پڑی تو سوچا: کس طرح ایک مریضہ، جس کے لیے چھوٹی سی حرکت بھی ایک معرکہ ہو، اس نے میری خاطر یہ سب کیا ہو گا؟ شاید دن بھر وہ اپنی سانسوں کو سمیٹتے ہوئے، ایک ایک دانہ چھیلتی رہی ہوں گی۔ شاید یہ ہی ایک عمل ہے جو انسان کو انسان بناتا ہے—دکھ میں بھی دینے کی لگن۔

جب میں نے پیکٹ کھولا تو ہر گری پر ان کی انگلیوں کے نشان تھے۔ کچھ دانے ادھورے تھے، شاید سانس کی تکلیف نے بیچ میں روک لیا ہو۔ مگر ان کی نیت میں کوئی کمی نہ تھی۔ یہ مونگ پھلیاں ان کی خاموش زبان تھیں جو کہہ رہی تھیں: "تمہاری آمد نے میرے دن کو روشن کر دیا۔"

میڈیکل سائنس ہمیں سکھاتی ہے کہ مریض کو صرف "کیس" کی نظر سے نہ دیکھیں، مگر آج اس مریض نے مجھے سکھایا کہ "کیئر گیور" بھی کبھی "کیئر ریسیور" بن سکتا ہے۔ جب میں نے انجیکشن لگایا تو انہوں نے درد پر مسکراہٹ چپکا لی، مگر جب انہوں نے وہ پیکٹ میرے ہاتھ میں تھمایا تو میں سمجھ گیا کہ یہ صرف Vitamin B12 کا انجیکشن نہیں تھا—یہ ان کا Vitamin Love کا انجیکشن تھا جو میری روح میں اتر گیا۔

آج میں نے سیکھا کہ خلوص اور نیکی کی کوئی عمر نہیں ہوتی، اور نہ ہی اسے بیماری باندھ سکتی ہے۔ یہ تو وہ پودا ہے جو چٹانوں کے بیچ بھی پھوٹتا ہے۔ آزمائش انسان کو کمزور نہیں کر سکتی جب تک وہ خود ہار نہ مان لے۔
ماں جی آپ کی محبت کا مقروض آپ کا بیٹا سمجھ نہیں پا رہا کہ یہ مونگ پھلی کے دانے کھاؤں! یا ان محبت بھرے موتیوں کو دھاگے میں پرو کر ہمیشہ کیلئے اپنے پاس رکھ لوں۔
بقلم خود وقاص خان

09/02/2025

دوستوں کی محفل میں ہیروں کی چمک
الفاظ کا چناؤ نہایت اہمیت کا حامل ہوتا ہے۔ الفاظ ہی ہیں جو ہمارے خیالات کو واضح اور مؤثر طریقے سے پیش کرتے ہیں۔ اچھے الفاظ کا انتخاب نہ صرف گفتگو کو پرکشش بناتا ہے بلکہ اس میں تاثیر بھی پیدا کرتا ہے۔

کل کی شام میرے دوست ملک فیاض احمد بشیر کے گھر پر ایک یادگار محفل سجی۔ یہ محفل کوئی عام ملاقات نہ تھی، بلکہ ہیروں کی ایک چمکدار محفل تھی، جہاں ہر دوست ایک تراشا ہوا ہیرا تھا۔ جیسے ہیرے اپنی چمک اور خوبصورتی سے دلوں کو موہ لیتے ہیں، ویسے ہی اس محفل میں موجود ہر شخص اپنی علمیت، شائستگی، اور خوش مزاجی سے چمک رہا تھا۔

ملک فیاض احمد بشیر کا گھر ایک ایسا گہوارہ تھا جہاں علم و ادب کی خوشبو ہر طرف پھیلی ہوئی تھی۔ ان کی میزبانی کا انداز ایسا تھا کہ ہر مہمان خود کو خاص محسوس کر رہا تھا۔ ان کی باتوں میں حکمت کی چاشنی تھی اور ان کی ہنسی میں خلوص کی مٹھاس۔ وہ خود بھی ایک تراشا ہوا ہیرا تھے، جن کی شخصیت کی چمک نے محفل کو روشن کر دیا تھا۔

محفل میں موجود ہر دوست اپنی ایک منفرد خوبی لے کر آیا تھا۔ طاہر اسیر صاحب کی باتوں میں فلسفے کی گہرائی تھی تو ملک امداد صاحب کی ہنسی میں زندگی کا رنگ۔ ہادی صاحب کے پاس علم کا خزانہ تھا تو رضا سید صاحب کے پاس تجربے کی دولت۔ صوبیدار صاحب کے پاس داد تھی تو مجتبٰی صاحب اور کاظمی صاحب کے پاس خلوص توصیف صاحب کی محبت تھی تو دانیال خان ملک فیضیاب کا لاڈ۔

سب ایک دوسرے کے ساتھ مل کر ایک ایسا حسین موتی پرو رہے تھے، جس کی چمک ہمیشہ یاد رہے گی۔

اس محفل میں وقت کا احساس ہی نہیں ہوا۔ گھڑی کی سوئیاں چلتی رہیں، لیکن ہم سب اپنی باتوں اور ہنسی میں کھوے ہوئے تھے۔ یہ وہ لمحات تھے جو زندگی کو خوبصورت بناتے ہیں۔ دوستوں کی یہ محفل نہ صرف دل کو تسکین دینے والی تھی، بلکہ یہ ہمارے دلوں کو ایک دوسرے کے قریب لانے کا بھی ذریعہ بنی۔

جب میں وہاں سے رخصت ہوا تو دل میں ایک عجیب سی مٹھاس تھی۔ یہ محفل نہ صرف ہیروں کی چمک تھی، بلکہ یہ دوستی، محبت، اور خلوص کا ایک حسین امتزاج تھی۔ ملک فیاض احمد بشیر کا شکریہ کہ انہوں نے ہمیں ایک ایسی محفل میں جمع کیا، جہاں ہر شخص ایک ہیرا تھا اور ہر لمحہ ایک موتی۔

بہت شکریہ تمام احباب کا جن کی وجہ سے محفل کو چار چاند لگے ہادی صاحب، طاہر اسیر صاحب، رضا سید صاحب، سید مجتبٰی حسین صاحب، توصیف نقوی صاحب، صوبیدار صاحب، کاظمی صاحب دانیال خان سلامت رہیں۔

یہ شام ہمیشہ میرے دل میں محفوظ رہے گی، جیسے ایک خوبصورت ہیرا، جو وقت کے سمندر میں چمکتا رہے گا۔
بقلم خود وقاص خان

24/01/2025

آکسیجن کنسنٹریٹر اور آکسیجن سلنڈر کسی کے پاس موجود ہے ؟؟؟
ایک مریض کی قیمتی جان بچانے میں مدد کیجیے
Contact No #03139628790

20/12/2024

محترم سجاد حسین ساجد صاحب سرپرست اعلیٰ شعور ادبی بیٹھک کامرہ ______ نعت کے چند اشعار غالب کی زمین ______ لطف لیجیے احباب شاعری کا
پیج فالو ضرور کیجئے گا شکریہ

11/12/2024