12/09/2026
ڈبل روڈ، آئی جے پی روڈ پر افسوسناک ٹریفک حادثہ،
محنت کش بائیکیا رائیڈر جاں بحق
راولپنڈی کے ڈبل روڈ، آئی جے پی روڈ پر ایک اور افسوسناک ٹریفک حادثہ پیش آیا، جہاں آئی جی ایس سی این جی کے سامنے منتھار ایکسپریس کی زد میں آکر محنت کش بائیکیا رائیڈر جاں بحق ہوگیا۔
عینی شاہدین کے مطابق حادثہ انتہائی افسوسناک انداز میں پیش آیا، جبکہ حادثے کے بعد منتھار ایکسپریس کا ڈرائیور موقع سے فرار ہوگیا۔
حادثے کے باعث موقع پر خوف و ہراس پھیل گیا، جبکہ اطلاع کے باوجود جاں بحق ہونے والے رائیڈر کی لاش تاحال موقع پر موجود ہے اور اسے اٹھایا نہیں گیا۔
اہلِ علاقہ اور موقع پر موجود افراد نے متعلقہ اداروں سے مطالبہ کیا ہے کہ فوری طور پر لاش کو ہسپتال منتقل کیا جائے، حادثے کی مکمل تحقیقات کی جائیں اور فرار ہونے والے ڈرائیور کو گرفتار کرکے قانون کے مطابق کارروائی عمل میں لائی جائے
