12/09/2024
*تھا ماں کے جَب شِکَم میں سُنا ”یاعلی ؑمدد“*
*پِھر غُسل میں بھی مُجھ کو دِیا ” یاعلیؑ مدد“*
*بعد اُس کے گُھٹِیوں میں مِلا ”یاعلیؑ مدد“*
*مَادر کے شِیر ہی سے پِیا ”یاعلیؑ مدد“*
*”نَادِعلیؑ“ ہی پَڑھ کے سُلاتی رہی سدا*
*جاگا تو میری ماں نے پَڑھا ”یاعلیؑ مدد“*
*گُھٹنوں کے بَل جو چلتا ہُوا اُٹھ کَھڑا ہُوا*
*گِرنے لگا تو ماں نے کہا ”یاعلیؑ مدد“*
*دو لَفظ بولنے بھی نہ آتے تھے جِس گَھڑی*
*تَب سے ہی سُن رہا ہُوں سدا ”یاعلیؑ مدد“*
*پِھر حُکمِ کِبریاءﷻ سے مَیں جَب بولنے لگا*
*جو لَفظ ” پہلا “ بولا وہ تھا ”یاعلیؑ مدد“*
*پِھر تو یہ وِرد میری زُباں پہ ہی چَڑھ گَیا*
*کہنے لگا مَیں صُبح و مَساء ”یاعلیؑ مدد“*
*اللہ گواہ ہے دِل کو سُکُوں کَب تَلک رہا*
*جَب بھی کِسی زُباں سے سُنا ”یاعلیؑ مدد“*
*بچپن کو چھوڑ کے مَیں لڑکپن مَیں آ گیا*
*پِھر تو یہ نَقش دِل پہ ہُوا ”یاعلیؑ مدد“*
*تیرے سِوا ہے کون، پُکاروں کِسے مَیں اور؟*
*میری مَدد کو اَب تو تُو آ ”یاعلیؑ مدد“*
*لڑکپن سے بھی گُزر کے جوانی مَیں آ گیا*
*اِس دَور میں بھی میری صَدا ”یاعلیؑ مدد“*
*چَندہ اِکھٹا کرنے کو آۓ تھے ایک روز*
*بَھاگے تھے جَب یہ کہہ کے مِلا ”یاعلیؑ مدد“*
*پِیری میں آ گیا ہُوں جَوانی بِھی ڈَھل گئ*
*پِیری میں بھی ہے میرا عصاء ”یاعلیؑ مدد“*
*اَب دَرس میرے ساتھ رہے گا یہ حَشر تک*
*یہ دَرس مُجھ کو ”ماں“ نے دِیا ”یاعلیؑ مدد“*
*اِس وِرد نے ہی مُجھ کو بچایا ہے بارہا*
*مُشکِل میں جَب بھی مَیں نے کہا ”یاعلیؑ مدد“*
*نُسخہ بتا رہا ہُوں یہ مُشکِل کُشائی کا۔ ۔ ۔*
*مُشکِل پڑے تو وِرد پَکا ”یاعلیؑ مدد“*
*مُشکِل کی کیا مجال جو بھاگے نہ سَرکے بَل*
*کُیونکہ ہے مُشکِلوں کا کُشاء ”یاعلیؑ مدد“*
*سُن سُن ہر اَیک شَے کے جَلانے کو آگ ہے*
*مُنکر کو بَس یہ کہہ کے جَلا ”یاعلیؑ مدد“*
*بیٹھا تھا مُنکروں کو جَلانے کے وَاسطے۔ ۔*
*اِس وَاسطے ہی کہہ کے اُٹھا ”یاعلیؑ مدد“*
*اَب اِس سے بَڑھ کے اَور عِبادت ہو کِس طرح*
*میرے لِیۓ ہے غَارِحِرا ”یاعلیؑ مدد“*
*ساۓ کا شَوق اَب جو کَرؤں بَد نَصیب ہُوں*
*چَھایا ہے بَن کے ظِلِ ہُما ”یاعلیؑ مدد“*
*ذہن و زُباں و قَلب و جِگر پہ ہے نَقش یہ*
*حیدر کی ہے لَحد میں پَناہ ”یاعلیؑ مدد“*
