Ibrahimi TV

31/07/2025

آمو نهنګانو د لسم پړاو شپږيزې اتلولي وګتله
په سږکال شپږيزه کې ځوانو لوبغاړو خپل استعداد وښود او ثابته يې کړه، چې د افغانستان د کرکټ راتلونکی روښانه دی.
د آمو لوبډلې ټولو مينه والو ته مبارک او د مس عينک مینه والو ته د زړه صبر.

31/07/2025

مس عینک اتلانو په پایلوبه کې امو نهنګانو ته د ۱۲۲ منډو هدف وټاکه!
امو نهنګانو لوبډلې د لسم پړاو شپږیزه کرکټ لیګ سیالیو په پایلوبه کې بهترینه توپ اچونه وکړه او مس عینک اتلانو لوبډله یې په ۱۲۱ منډو له ډګره بهر کړه. د اتلانو لپاره رحمن الله ګربز ۴۸ منډې جوړې کړې خو د امو نهنګانو په ګټه عظمت الله عمرزي بهترینه توپ اچونه وکړه او ۴ ویکټې یې ترلاسه کړې. د نوموړي ترڅنګ عبدالله احمدزي هم غوره توپ اچونه وکړه او د ۲۱ منډو په بدل کې یې ۳ ویکټې ترلاسه کړې.

31/07/2025

نن پنج شنبه سهار لس بجې د شپږیزه کرکټ لیګ پایلوبه د آمو نهنګانو او میس عینک اتلانو لوبډلو ترمنخ ترسره کېږي.

30/07/2025

د شپږیزې لیګ پایلوبه له ټاکلې نېټې یوه ورځ مخکې تر سره کېږي.
پایلوبې ته د جمعې ورځ ټاکل شوې وه؛ خو اوس تازه خبر دا دی، چې پایلوبه به سبا پنجشنبه لس بجې پیل شي.
د شپږیزې لیګ پایلوبې ته د آمو نهنګانو او مس عینک اتلانو لوبډلو لار موندلې ده.

30/07/2025

مبارک یې شه 🏆
د شپږيزه کرکټ لیګ د نننۍ لوبې ټولې جایزې نورالرحمن واخيستې.
هم د لوبې غوره لوبغاړی شو. هم د لوبې بدلوونکی لوبغاړی، هم سټايلش لوبغاړی او هم یې تر ټولو ډېرې شپږېزې وهلې وې.
دا ورځ د یوه لوبغاړي لپاره ډېره ځانګړې وي.
نورالرحمن له لوبې وروسته په خپلو خبرو کې وویل چې شپږېزې ته یې ډېر چمتووالی نيولی وو؛ خو په لومړيو لوبو کې فرصت ورنغی او اوس چې فرصت په لاس ورغی، استفاده یې ترې وکړه.

30/07/2025

د نورالرحمان غوره توپوهنې پر مټ امو نهنګان لوبډلې په ۱۴م اور کې د بند امیر ستر هدف پوره کړ
د شپږیزه کرېکټ لیګ په ۱۹مه لوبه کې امو نهنګان لوبډلې د نورالرحمان د ۱۱۵ نا سوځېدلو منډو پر مټ د سیالې بند امیر لوبډلې ۱۸۱ هدف پوره کړ.
نورالرحمان د دې لوبې غوره لوبغاړی شو.

30/07/2025

بند امیر ښاماران لومړی توپوهنه کوي!
بند امیر ښامارانو لوبډلې د لسم پړاو شپږیزه کرکټ لیګ سیالیو د ۱۹مې لوبې پچه وګټله او لومړی یې د امو نهنګانو پر وړاندې د توپوهنې پرېکړه وکړه.

29/07/2025

امو نهنګانو د لسم پړاو شپږیزه کرکټ لیګ سیالیو پایلوبې ته لاره ومونده!
امو نهنګانو لوبډلې د یوې بهترینې توپ اچونې په پایله کې د بست ساتونکو لوبډله په ۵۱ منډو له ډګره بهر کړه او د ۷۷ منډو په توپیر یې ستره بریا خپله کړه.
په دې سره دغې لوبډلې په روانو سیالیو کې پنځمه بریا خپله کړه او د روانو سیالیو پایلوبې ته یې لاره ومونده.

29/07/2025

د شپږیزه کرېکټ لیګ د ۱۷مې لوبې پچه د بست ساتونکي لوبډلې لوبډلمشر ابراهیم ځدران وګټله او د امو نهنګانو پر وړاندې یې د توپ‌اچونې پرېکړه وکړه.

27/07/2025

محمد نبي عيسی خېل وايي:
ګاونډي هېوادونه دې له افغان کډوالو سره ناوړه چلند پای ته ورسوي.
وايي په ټولو افغان سوداگرو هم غږ کوم چې له ایران راستانه شویو کډوالو ناوړه وضعیت درک او مرستې ورسره وکړي.

26/07/2025

راتلونکی اسیا جام د افغانستان او هانګ کانګ په لوبه پایلیږي. یاده لوبه د سپټمبر په نهمه نېټه ده.
له افغانستان سره په ګروپ کې سریلانکا او بنګلادیش هم دي.
یادو لوبو ته یوه میاشت او دیارلس ورځې وخت پاتې دی.

26/07/2025