26/08/2026
بسم اللہ الرحمن الرحیم"يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا وَدَاعِيًا إِلَى اللّٰهِ بِإِذْنِهِ وَسِرَاجًا مُّنِيرًا"جشنِ عید میلاد النبی ﷺ کے اس نورانی اور بابرکت موقع پر میں تمام امتِ مسلمہ، بالخصوص اپنے اساتذہ، طلبہ اور والدین کو دل کی گہرائیوں سے مبارکباد پیش کرتا ہوں۔اللہ تعالیٰ نے حضورِ اکرم ﷺ کو گواہ، خوشخبری دینے والا، ڈرانے والا اور اپنی اجازت سے اللہ کی طرف بلانے والا اور ایک روشن چراغ بنا کر بھیجا۔ آپ ﷺ کی ذاتِ گرامی وہ سرچشمۂ نور ہے جس نے انسانیت کو جہالت کے اندھیروں سے نکال کر علم، امن اور محبت کی روشنی سے منور کیا۔
"دی آرسم ایجوکیشنل کمپلیکس" کا اصل مشن بھی یہی ہے کہ ہم اپنے بچوں کو نہ صرف جدید علوم سے آراستہ کریں، بلکہ اسوۂ حسنہ کی روشنی میں ان کی ایسی اخلاقی تربیت کریں کہ وہ معاشرے کے لیے ایک "روشن چراغ" بن سکیں۔آئیے! آج کے دن ہم عہد کریں کہ ہم سیرتِ طیبہ کو اپنی زندگیوں کا عملی حصہ بنائیں گے، علم کو عام کریں گے اور آپ ﷺ کی سکھائی ہوئی محبت، رواداری اور بلند اخلاق کا عملی نمونہ بنیں گے۔
چیئرمین،دی آرسم ایجوکیشنل کمپلیکس
