APMIA

05/02/2025

ایپمیا کی حالیہ ایگزیکٹو کمیٹی میٹنگ میں چائنہ ویزا کے مسائل سے متعلق خدشات کا اظہار کیا گیا تھا، جسے ہم نے چینی کونسل جنرل، کراچی اور FPCCI کے ساتھ اٹھایا۔
درج ذیل اہم نکات پر تبادلہ خیال کیا گیا:
1. ویزا پراسیسنگ میں تیزی: ہم نے خاص طور پر شامین سٹون فیئر ، چائنہ میں شرکت کرنے والے شرکاء کے لیے ویزا کے تیز تر اجرا کی ضرورت پر زور دیا۔
2. طویل مدت کیلۓ ویزا: ہم نے تجویز دی کہ پاکستانی شہریوں کو 2 سے 3 سال کے ویزے جاری کیے جائیں تاکہ چینی سفارت خانے پر بوجھ کم ہو اور طویل مدتی کاروباری روابط میں آسانی ہو۔
3. چینی شہریوں پر سفری پابندیاں: ہم نے دریافت کیا کہ آیا خیبرپختونخوا، سندھ، پنجاب، گلگت بلتستان اور بلوچستان چینی ویزیٹرز کے لیے ممنوعہ علاقے سمجھے جاتے ہیں۔
4. منرل پارک کا قیام: ہم نے پاکستان میں ایک مخصوص منرل پارک کے قیام کی تجویز دی، جہاں چینی خریدار محفوظ طریقے سے معائنہ، خریداری اور کارگو لوڈ کر سکیں، تاکہ چین میں غیر متوقع کارگو مسائل کے خطرات کم کیے جا سکیں۔

چینی کونسل جنرل نے مثبت ردعمل کا اظہار کیا:
• انہوں نے یقین دلایا کہ ویزا پراسیسنگ میں تیزی لانے اور طویل مدتی ویزوں کے اجرا کی کوشش کی جاۓ گی، بشرطیکہ یہ یقین دہانی کرائی جائے کہ ان ویزا کا غلط استعمال نہ ہو، خاص طور پر ہانگ کانگ جیسے ممنوعہ علاقوں میں داخلے کے لیے۔ APMIA اور FPCCI نے ضروری سپورٹ لیٹر فراہم کرنے پر آمادگی ظاہر کی۔
• انہوں نے وضاحت کی کہ چینی شہریوں کے لیے پاکستان میں کوئی باضابطہ نو گو ایریا نہیں ہیں اور چین پاکستان میں سرمایہ کاری اور طویل مدتی شراکت داری کا خواہاں ہے۔ تاہم، بلوچستان میں سیکیورٹی خدشات ایک چیلنج ہے، جسے جلد حل کرنے کی امید ظاہر کی گئی۔
• انہوں نے منرل پارک کے قیام میں گہری دلچسپی ظاہر کی اور اس منصوبے کو عملی جامہ پہنانے کے لیے مشترکہ کوششوں کی تجویز دی۔

ہم پر امید ہیں کہ ان مذاکرات سے ویزا کے عمل کو مزید آسان بنایا جا سکے گا اور پاکستان اور چین کے درمیان تجارتی تعلقات مزید مستحکم ہوں گے۔

05/02/2025

مورخہ 4 فروری 2025 کو ایکسل لوڈ کے حوالے سے دوسری میٹنگ، چیئرمین APMIA محمد بلال خان کی سربراہی میں APMIA وفد نے چیئرمین NHA محمد شہریار سلطان سے ہوئ۔ وفد میں ایپمیا کی طرف سے زونل وائس چیئرمین جہانگیرہ/خیرآباد امجد علی آفریدی اور ایگزیکٹو ممبران حضرت یونس اور محمد عارف بھی شامل تھے۔
میٹنگ میں، چیئرمین APMIA نے ماربل انڈسٹری کو درپیش ایکسل لوڈ کے مسائل پر تفصیلی گفتگو کی۔ انہوں نے نشاندہی کی کہ مائنز پر بلاکس کے وزن کی پیمائش کا کوئی مؤثر طریقہ کار موجود نہیں ہے، جس کی وجہ سے جب ٹرک مائن سے سڑک پر آتے ہیں تو انہیں آگے جانے کی اجازت نہیں دی جاتی۔ اس سے خام مال فیکٹریز تک نہیں پہنچ پاتا، جس کے نتیجے میں انڈسٹری کو شدید مشکلات کا سامنا ہے۔ انہوں نے مزید کہا کہ ماربل سیکٹر کے لیے خصوصی رعایت دی جائے تاکہ فیکٹریز کو بلا تعطل سپلائی ممکن ہو سکے۔ بصورت دیگر، انڈسٹری کے مکمل بند ہونے کا خدشہ ہے، جو ملکی معیشت اور مختلف افراد کے روزگار پر منفی اثرات مرتب کرے گا۔
اس پر، چیئرمین NHA نے بتایا کہ پہلے ہی 3 فیصد اضافی لوڈ کی رعایت دی گئی ہے، لیکن اس مسئلے پر غور کیا جائے گا اور ممکنہ حل تلاش کرنے کی کوشش کی جائے گی کہ مزید کیسے اس سیکٹر کو ریلیف دیا جا سکتا ہے.

05/02/2025

مورخہ 4 فروری 2025 کو، چیئرمین APMIA محمد بلال خان نے APMIA کے وفد کی IG نیشنل ہائی ویز اینڈ موٹروے پولیس (NHMP)، رفت مختار اور DIG محمد سلیم سے میٹنگ کا انعقاد کروایا۔
APMIA وفد میں وائس چیئرمین (نارتھ) شاہ خالد صافی، زونل وائس چیئرمین جہانگیرہ/خیرآباد امجد علی آفریدی، ایگزیکٹو ممبران حضرت یونس، محمد عارف، کامران ریاست، نور حیات خان، امتیاز خان اور زر خان شامل تھے۔
اس میٹنگ میں ماربل اور گرینائٹ انڈسٹری کو درپیش ایکسل لوڈ کے مسائل پر تفصیلی گفتگو کی گئی۔ خصوصاً جہانگیرہ، خیرآباد، باہتر موڑ، اور سنگجانی کانٹا پر ایکسل لوڈ کی سختی کی وجہ سے خام مال کی سپلائی میں نمایاں کمی آئی ہے، جس کے باعث 50 فیصد انڈسٹری بند ہو چکی ہے۔ اگر اس مسئلے کا حل نہ نکالا گیا تو پوری انڈسٹری کے بند ہونے کا خدشہ ہے۔
آئی جی موٹروے پولیس نے اس مسئلے کو جائز اور منطقی قرار دیتے ہوئے کہا کہ ماربل سیکٹر کو سہولت فراہم کی جانی چاہیے۔
انہوں نے یقین دہانی کرائی کہ متعلقہ اداروں کو ایکسل لوڈ کے مسائل کے حوالے سے تفصیلی طور پر آگاہ کیا جاۓ گا تاکہ ماربل سیکٹر کے لیے ریلیف حاصل کیا جا سکے۔

05/02/2025

مورخہ 1 فروری 2025 کو فیڈریشن آف پاکستان چیمبرز آف کامرس اینڈ انڈسٹری (FPCCI) میں کینیا کے ہائی کمشنر لیفٹیننٹ جنرل (ریٹائرڈ) پیٹر مپگو نجیرو کے ساتھ میٹنگ کا انعقاد ہوا، جس میں FPCCI کے اعلیٰ عہدیداران سمیت چیئرمین APMIA محمد بلال خان صاحب نے بھی شرکت کی۔
چیئرمین APMIA نے ہائی کمشنر، کینیا کو ماربل اور مائننگ سیکٹر کے بارے میں تفصیلی طور پر آگاہ کیا اور درخواست کی کہ کینیا میں اپنے ماربل/گرینائٹ پراڈکٹز کے لیے نئی مارکیٹ تلاش کرنے کی ضرورت ہے۔ اس موقع پر، انہوں نے یہ بھی تجویز دی کہ APMIA کے وفد کی بی ٹو بی (B2B) میٹنگز کروائی جائیں اور اپنے پراڈکٹز کی مارکیٹنگ کے لیے ایک وفد تشکیل دیا جائے، جس میں کینیا کی حکومت کا تعاون بھی درکار ہوگا۔
اپنی پراڈکٹ کی مارکیٹنگ اور پروموشن کے لیے جلد ہی APMIA کا ایک ڈیلیگیشن کینیا کے لیے بنایا جائے گا۔
چیئرمین APMIA کی ان تجاویز کو کینیا کے ہائی کمشنر نے بہت سراہا اور مکمل تعاون کی یقین دہانی کرائی۔

21/01/2025

21/01/2025

20 جنوری 2025 – آل پاکستان ماربل انڈسٹریز ایسوسی ایشن (APMIA) کے چیئرمین محمد بلال خان کی سربراہی میں نیشنل ووکیشنل اینڈ ٹیکنیکل ٹریننگ کمیشن (NAVTTC) ہیڈ آفس، اسلام آباد میں ایک اہم میٹنگ منعقد ہوئی۔ میٹنگ میں مائننگ اور پروسیسنگ سیکٹر میں لیبر کو جدید ٹریننگ فراہم کرنے کے لیے تعاون پر تفصیلی بات چیت کی گئی۔
میٹنگ میں APMIA کی جانب سے سینئر وائس چیئرمین میاں عرفان ظفر، سابقہ چیئرمین محمد شکیل منیر، اصغر خان اتمان خیل، شیخ محمد رضوان، الیاس محمد، زونل وائس چیئرمین مردان نہاد علی، زونل وائس چیئرمین جہانگیرہ امجد علی آفریدی، زونل وائس چیئرمین مالاکنڈ اکمل خان، سینئر ممبر میاں فرخ منیر، محمد فرحان خان اور مکرم شاہ نے شرکت کی۔ NAVTTC کی جانب سے ایگزیکٹو ڈائریکٹر محمد عامر جان، ڈی جی پلاننگ شفیق حسین ڈوگر، نیشنل کوآرڈینیٹر شعیب شہزاد، لیبر اکنامسٹ ڈاکٹر لبنیٰ شہناز، ڈپٹی ڈائریکٹر احمد کمال اور دیگر نمائنگان موجود تھے۔
میٹنگ کے دوران فیصلہ کیا گیا کہ مائننگ اور پروسیسنگ کے سیکٹر میں سکل لیبر تیار کرنے کے لیے NAVTTC، APMIA کو 10 زونز نامزد کرے گا، تاکہ ان زونز نامزد شدہ فیکٹریز یا انڈسٹریز کو ٹریننگ انسٹیٹیوٹ کا درجہ دیا جا سکے۔ اس کے علاوہ، APMIA چیئرمین کی تجویز پر نارتھ اور ساؤتھ زونز سے دو فوکل پرسنز نامزد کرنے پر بھی اتفاق کیا گیا۔
اس موقع پر محمد بلال خان (چیئرمین APMIA) اور محمد عامر جان (ایگزیکٹو ڈائریکٹر NAVTTC) نے میمورینڈم آف انڈرسٹینڈنگ (MoU) پر دستخط کیے۔ اس MoU کا مقصد APMIA اور NAVTTC کے درمیان تعاون کے لیے ایک فریم ورک قائم کرنا ہے، جس کا مقصد ڈائمنشن اسٹون انڈسٹری میں اسکل ڈیولپمنٹ کورسز کو فروغ دینا، لیبر کو مائننگ، پروسیسنگ اور ویلیو ایڈیشن کے حوالے سے جدید ٹریننگ فراہم کرنا اور نوجوانوں کے لیے روزگار کے مواقع پیدا کرنا ہے.
حکومتی تعاون کے تحت اس اقدام کا مقصد پاکستان کی ڈائمنشن سٹون انڈسٹری کو جدید خطوط پر استوار کرنا اور ملکی معیشت کو مضبوط بنانا ہے۔ NAVTTC کے ایگزیکٹو ڈائریکٹر محمد عامر جان نے اس عزم کا اظہار کیا کہ حکومت، ڈائمنشن سٹون انڈسٹری کی ضروریات کے مطابق سکل ڈیولپمنٹ کو فروغ دینے کے لیے بھرپور تعاون کرے گی۔

21/01/2025

مورخہ 14 جنوری، 2025 - ‎اللہ کے فضل سے اور چیئرمین APMIA محمد بلال خان صاحب اور ان کی ٹیم کی کاوشوں سے امپورٹڈ بلیڈز اور سیگمنٹس کی قیمت میں کمی لانے کا سنگِ میل حاصل کر لیا ہے۔ یہ ہمارے سیکٹر کے لیے بہت اہم اور مثبت پیش رفت ہے۔
ہمیں امید ہے کہ اس سے ہمارے سیگمنٹس اور بلیڈز کے سپلائرز کو ہمارے ڈائمنشن سٹون پروسیسرز کے لیے قیمتوں میں کمی کرنے میں مدد ملے گی۔

21/01/2025

مورخہ 7 جنوری 2025 بروز منگل، چیئرمین APMIA محمد بلال خان کی سربراہی میں ڈی جی TDAP اظہر علی کے ساتھ ماربل سٹی، گڈانی میں میٹنگ ہوئی۔ میٹنگ میں وائس چیئرمین ایپمیا (ساؤتھ) راحت شاہ، سابق چیئرمین حاجی شبیر صاحب، محمد ندیم شہنشاہی، سابق سینئر وائس چیئرمین شعیب سلطان، جمشید خان اور دیگر ممبران نے شرکت کی۔
میٹنگ میں ماربل اور گرینائٹ سیکٹر کے مسائل پر گفتگو کی گئی۔ ایکسپورٹ کو بڑھانے اور اس میں بہتری لانے کے حوالے سے بھی بات ہوئی۔ مختلف ممالک میں ایپمیا ممبران کی سٹون فیئرز میں شرکت اور نئی مارکیٹس تلاش کرنے پر بھی تفصیلی گفتگو کی گئی۔

20/01/2025

APMIA is proud to partner with NAVTTC to promote skill development in the marble industry. We extend our gratitude to Mr. Muhammad Amir Jan, ED NAVTTC, for his leadership in driving this collaboration, and Mr. Shoaib Ahmad, Advisor to NAVTTC, for his valuable support. This MoU is a milestone toward enhancing industry competitiveness, adopting modern techniques, and creating employment opportunities for Pakistan’s youth.

20/11/2024

11/10/2024

اسلام علیکم

معزز ممبران،

پیسکو ڈائریکٹر کمرشل نے تصدیق کی ہے کہ خیبر پختونخوا میں اکتوبر 2024 سے صنعتوں کے بجلی بل نئے فارمیٹ (آن لائن بل فارمیٹ) میں جاری کیے جائیں گے۔ اس فارمیٹ میں بجلی کے چارجز اور حکومتی چارجز کے لیے الگ الگ کالمز ہوں گے، جس سے بل کو سمجھنا آسان ہو جائے گا۔

اس کی اہمیت یہ ہے کہ جتنا آپ اپنے بجلی بل کو بہتر طریقے سے سمجھیں گے، اتنا ہی مؤثر طریقے سے آپ اپنی فیکٹری میں انرجی مینجمنٹ کر سکیں گے۔ ہماری حساب کے مطابق، بجلی کا بل ریگولر آئٹم کٹنگ میں کل ان پٹ کاسٹ کا 35% بنتا ہے، جو بلاک شیئر کے بعد دوسرا بڑا ان پٹ کاسٹ ہے۔

پرانے فارمیٹ میں اکثر چیزیں غلط خانوں میں درج کی جاتی تھیں اور اگر کوئی نیا چارج شامل کیا جاتا تو پیسکو کے مقامی افسران کو بھی اکثر یہ سمجھنے میں مشکل ہوتی کہ یہ چارجز کس مد میں ہیں۔

لہٰذا، اس فارمیٹ کی تبدیلی اپمیاء کا دیرینہ مطالبہ تھا جو الحمدللہ اب پورا ہو گیا ہے۔

شکریہ