Hayatullah Mahsud/حیات اللہ محسود

17/09/2025

ڈسٹرکٹ پولیس، جنوبی وزیرستان اپر

سراروغہ میں منعقدہ ایک روزہ تبلیغی اجتماع کے موقع پر ضلعی پولیس کی جانب سے فول پروف سکیورٹی انتظامات کیے گئے۔ ڈسٹرکٹ پولیس آفیسر ارشد خان (PSP) کی خصوصی ہدایات کے تحت DSP ہیڈکوارٹر احمد شاہ مسعود، DSP لدا سرکل پیر فہیم اور SHO سرا روغہ نیاز محمد کی نگرانی میں داخلی و خارجی راستوں پر پولیس اہلکار تعینات ہیں۔

شرکاء کی حفاظت اور امن و امان کو یقینی بنانے کے لیے اضافی نفری بھی تعینات کی گئی ہے۔ علاقے کی نگرانی کے لیے چیکنگ پوائنٹس قائم کیے گئے اور پیٹرولنگ ٹیمیں فعال طور پر خدمات سر انجام دے رہی ہیں۔

ڈی پی او نے کہا ہے کہ پولیس عوام کے جان و مال کے تحفظ کے لیے ہمہ وقت تیار ہے اور ایسے اجتماعات میں آنے والے شہریوں کو پرامن اور محفوظ ماحول فراہم کرنا پولیس کی اولین ترجیح ہے۔

08/09/2025

*ڈسٹرکٹ پولیس آفیسر جنوبی وزیرستان اپر ارشدخان(پی ایس پی) نے ہمراہ ڈی ایس پی ہیڈکوارٹر احمدشاہ و لائن آفیسر انورخان کے آج ضیاء اسلامک ماڈل سکول سراروغہ کی تقریب تقسیم انعامات میں بطور مہمانِ خصوصی شرکت کی اس موقع پر انہوں نے نمایاں کارکردگی دکھانے والے طلباء و طالبات میں انعامات تقسیم کیے*
*اپنے خطاب میں ڈی پی او نے کہا کہ تعلیم ہی کامیابی اور ترقی کی بنیاد ہے، محنتی اور باصلاحیت بچے ہی مستقبل میں ملک و قوم کی قیادت کریں گے۔ انہوں نے طلباء کو علم کے ساتھ ساتھ اخلاق، محنت اور والدین و اساتذہ کے احترام کو اپنی زندگی کا لازمی حصہ بنانے کی تاکید کی*
*تقریب کے اختتام پر ڈی پی او نے سکول انتظامیہ کی تعلیمی کاوشوں کو سراہا اور امید ظاہر کی کہ ضیاء اسلامک ماڈل سکول کے طلباء مستقبل میں ملک و قوم کا نام روشن کریں گے*

30/08/2025

ٹانک: واپڈا کالونی سے چوری ہونے والی کار کا تاحال سراغ نہ لگ سکا، مالک سخت پریشان

ٹانک (رپورٹ) – ٹانک پولیس کے لیے ایک بڑا چیلنج، واپڈا کالونی سے چوری ہونے والی کار کا 24 گھنٹے گزرنے کے باوجود کوئی سراغ نہیں مل سکا۔ متاثرہ شہری کا کہنا ہے کہ وہ اپنی گاڑی کی بازیابی کے لیے شدید پریشان ہے اور پولیس حکام سے فوری کارروائی کی اپیل کرتا ہے۔

شہری نے الزام لگایا ہے کہ متعلقہ تھانے کو بروقت اطلاع دینے کے باوجود پولیس کی جانب سے کوئی مؤثر قدم نہیں اٹھایا گیا۔ شہریوں نے بھی پولیس کی کارکردگی پر سوالات اٹھائے ہیں اور مطالبہ کیا ہے کہ چوروں کو فوری گرفتار کر کے گاڑی بازیاب کرائی جائے۔

08/08/2025

جنوبی وزیرستان اپر میں زیتون کے معاشی انقلاب کی جانب
قدم ، مفت پودوں کی تقسیم اور آئل مشین کی تنصیب شروع

(جنوبی وزیرستان( بیورو رپورٹ
تفصیلات کے مطابق جنوبی وزیرستان اپر میں محکمہ ایگریکلچر ایکسٹینشن کی جانب سے ایم پی اے آصف خان محسود کی خصوصی ہدایات پر عمل کرتے ہوئے کسانوں میں مفت زیتون کے پودے تقسیم کر دیے گئے۔ اس موقع پر ایک خصوصی تقریب منعقد ہوئی جس میں ایم پی اے کے فوکل پرسن نور عالم محسود، عزیز مسعود اور جبار خان سمیت دیگر معززین بھی شریک تھے۔

تقریب سے خطاب کرتے ہوئے فوکل پرسن نور عالم محسود نے کہا کہ یہ اقدام جنوبی وزیرستان کے کسانوں کے لیے ایک خوش آئند موقع ہے۔ محکمہ زراعت کی کوششوں اور ایم پی اے آصف خان محسود کی ذاتی دلچسپی سے آج کسانوں کو نہ صرف زیتون کے پودے فراہم کیے جا رہے ہیں بلکہ زیتون سے تیل نکالنے والی جدید مشین بھی جنوبی وزیرستان پہنچا دی گئی ہے۔ یہ مشین عوامی مشاورت کے بعد ایسی جگہ نصب کی جائے گی جہاں سے پورے وزیرستان کے کسان فائدہ اٹھا سکیں۔ ان کا کہنا تھا کہ اس منصوبے سے مقامی نوجوانوں کے لیے روزگار کے مواقع پیدا ہوں گے اور علاقائی معیشت کو تقویت ملے گی۔

بعد ازاں ایم پی اے آصف خان محسود نے ویڈیو پیغام میں اظہار خیال کرتے ہوئے کہا کہ جنوبی وزیرستان کا موسم، زمین اور قدرتی ماحول زیتون کی کاشت کے لیے نہایت موزوں ہے۔ اگر ہم اس موقع سے درست انداز میں فائدہ اٹھائیں تو وزیرستان کو زیتون کی پیداوار میں ملک بھر میں نمایاں مقام حاصل ہو سکتا ہے۔ ان کا کہنا تھا کہ ہمارا مقصد صرف پودے تقسیم کرنا نہیں، بلکہ یہاں ایک زرعی انقلاب لانا ہے، جو روزگار، معیشت اور خود کفالت کی راہ ہموار کرے گا۔

انہوں نے کہا کہ زیتون کے تیل کی عالمی مارکیٹ میں بہت زیادہ مانگ ہے اور پاکستان میں اس کی درآمد پر ہر سال بھاری زرمبادلہ خرچ ہوتا ہے۔ اگر وزیرستان میں زیتون کی پیداوار بڑھائی جائے اور مقامی سطح پر تیل نکالنے، پیک کرنے اور فروخت کرنے کا نظام قائم کیا جائے تو اس سے علاقے کو اربوں روپے کا منافع بخش کاروبار میسر آئے گا۔ مقامی نوجوانوں کو اپنے ہی علاقوں میں روزگار ملے گا اور پورے وزیرستان کی معاشی حالت بہتر ہو گی۔

ایم پی اے نے مزید کہا کہ جنوبی وزیرستان اپر کے مختلف علاقوں، خاص طور پر شکتوئی، لدھا، مکین، سروکئی اور شوال میں زیتون اور جنگلی زیتون (جنگلیز) دونوں وافر مقدار میں موجود ہیں، جو اس بات کا ثبوت ہے کہ یہ زمین زیتون کی کاشت کے لیے قدرتی طور پر موزوں ہے۔ اب جب کہ مزید ہزاروں پودے لگائے جا رہے ہیں، تو آنے والے سالوں میں یہ پودے تناور درخت بن کر اس خطے کی معیشت کا ستون ثابت ہوں گے۔

انہوں نے کسانوں سے اپیل کی کہ وہ ان پودوں کی بھرپور دیکھ بھال کریں، محکمہ زراعت کے ساتھ رابطہ میں رہیں، اور اس انقلابی منصوبے کا حصہ بن کر علاقے کی ترقی میں کردار ادا کریں۔ انہوں نے یقین دہانی کروائی کہ حکومت کی تمام تر کوششیں جنوبی وزیرستان کے عوام کو بااختیار بنانے اور ان کے لیے دیرپا روزگار کے مواقع پیدا کرنے پر مرکوز ہیں۔

19/07/2025