Paro ki duniya

28/09/2025

جس طرح مرے ہوئے لوگ دوسروں کے معاملات میں دخل نہیں کرتے ان کے غم یا خوشی میں شریک نہیں ہو سکتے،
اس طرح مرے ہوئے دل بھی کسی سے حسد نہیں کرتے نہ ہی کسی کے چھوڑ جانے کا دکھ کرتے ہیں
وہ بس اپنا سفر طے کرتے ہیں، اور خدا کی طرف لوٹ جانے کا انتظار کرتے ہیں۔🖤

27/09/2025

26/09/2025

سب جن کے لیے جھولیاں پھیلائے ہوئے ہیں
وہ رنگ مری آنکھ کے ٹھکرائے ہوئے ہیں

اک تم ہو کہ شہرت کی ہوس ہی نہیں جاتی
اک ہم ہیں کہ ہر شور سے اکتائے ہوئے ہیں

دو چار سوالات میں کھلنے کے نہیں ہم!
یہ عقدے ترے ہاتھ کے الجھائے ہوئے ہیں

اب کس کے لیے لائے ہو یہ چاند ستارے؟
ہم خواب کی دنیا سے نکل آئے ہوئے ہیں

ہر بات کو 'بے وجہ اداسی' پہ نہ ڈالو!
ہم پھول کسی وجہ سے کملائے ہوئے ہیں

کچھ بھی تری دنیا میں نیا کیوں نہیں لگتا...
لگتا ہے کہ پہلے بھی یہاں آئے ہوئے ہیں

ہے دیکھنے والوں کے لیے اور ہی دنیا
جو دیکھ نہیں سکتے وہ گھبرائے ہوئے ہیں

سب دل سے یہاں تیرے طرف دار نہیں ہیں!
کچھ صرف مرے بُغض میں بھی آئے ہوئے ہیں

"ہیں اور بھی دنیا میں سخن ور" بڑے لیکن
کہتے ہیں کہ سادات یہاں چھائے ہوئے ہیں

25/09/2025

چاند سا حسین!!!

کچھ لوگ زندگی میں ایسے آتے ہیں جیسے رات کے آسمان پر چمکتا ہوا چاند خاموش رہ کر بھی دل کو سکون دے جاتے ہیں، ان کی موجودگی ہی ہر چیز کو خوبصورت بنا دیتی ہے۔ وہ بھی میرے لیے کچھ ایسا ہی ہے، بے حد حسین مگر دور سا جیسے چاند کو دیکھ کر دل بے اختیار کھنچتا ہے مگر ہاتھ بڑھانے پر ہمیشہ خالی رہ جاتے ہیں، بالکل ویسے ہی میں جب بھی اس کی طرف ہاتھ بڑھاتا ہوں تو اپنے ہاتھوں کو خالی ہی پاتا ہوں۔ وہ میری خاموش دعاؤں کا حصہ ہے میرا ادھورا خواب، میرا وہ احساس جسے لفظوں میں بیان کرنا ناممکن!!!...💔🙂

25/09/2025

کمرے میں اندھیرا تھا، صرف کھڑکی سے آتی مدھم روشنی دیوار پر تھر تھرا رہی تھی۔ دل جیسے بہت دنوں سے بوجھ اٹھائے ہوئے تھا۔ آنکھیں بھیگتی رہیں اور زبان پر ایک لفظ بھی نہ آیا۔
دل میں بہت کچھ تھا کہنے کو مگر کسی کے سامنے لب نہیں ہلے۔ روز مرہ کی باتوں میں سب کچھ ٹھیک لگتا لیکن اندر ایک ایسا خلا تھا جسے کوئی دیکھ نہیں سکتا تھا۔
کئی بار دل چاہا، کسی کے سامنے بیٹھ کر سب کچھ کہہ دیا جائے۔ خاص طور پر ماں کے سامنے - جو سب سے زیادہ چاہتی ہے، سب سے زیادہ سنتی ہے۔ مگر جب وہ پوچھتی کیا ہوا؟ جواب صرف ایک ہوتا: "کچھ نہیں۔
دراصل کچھ تھا۔ اور بہت کچھ تھا۔ وہ دکھ جو الفاظ میں نہیں ڈھلتے، وہ آنسو جو چھپ کر بہتے ہیں۔ وہ درد جو اتنا گہرا ہے کہ دنیا کی سب سے مہربان آنکھ بھی اسے نہیں پہچان سکتی۔
اسی خاموشی میں خود سے ایک سوال بار بار ابھرتا
میں کس سے جا کر کہوں حالِ دیده نم کا
میرے دکھ سے آگاہ تو میری ماں بھی نہیں ہے

ــــــــ

25/09/2025

اک قصہ اڑتے پتوں کا
جو سبز رتوں میں خاک ہوئے
اک نوحہ شہد کے چھتوں کا
جو فصل گل میں راکھ ہوۓ
کچھ باتیں ایسے رشتوں کی
جو بیچ نگر میں ٹوٹ گئے
کچھ یادیں ایسے ہاتھوں کی
جو بیچ بھنور میں چھوٹ گئے
ہم دشت طلب میں ٹھہر گئے
ہم دریا جاں کے پار گئے
یہ بازی جان کی بازی تھی
تم جیت گئے ہم ہار گئے

25/09/2025

ہم کہ اب پیاس کے مارے بھی نہیں آئیں گے
یم بہ یم آب پکارے بھی نہیں آئیں گے

رائیگانی کا وہ عالم ہے کہ یوں لگتا ہے
میرے حصے میں خسارے بھی نہیں آئیں گے

24/09/2025

بیوی اور گرل فرینڈ

بیوی پر لاکھ خرچ کرو تو وہ اسکا حق ہوتا ہے اور یہ وہ جانتی بھی ہے لہذا چپ کرکے رکھتی ہے دکھاوے کا شکریہ بھی ضروری نہیں سمجھتی ،اور مرد اس بات کی ضرورت بھی محسوس نہیں کرتا

گرل فرینڈ پر ہزار بھی خرچ کیا جائے تو وہ اس پر احسان ہوتا ہے اور یہ بات گرل فرینڈ بھی جانتی ہے لہاذا لہرا لہرا کر جھپیان شپیاں پاتی ہے تاکہ سلسلہ بحال رہے

بیوی کو مہنگے ریسٹورنٹ کھانا کھلانے لے جائیں تو وہ گھر سے پانی کی دو بوتلیں اٹھالیگی کہ اس کے پیسے وہاں کیوں دئیے جائیں وہ پانی ویسے بھی بہت مہنگا دیتے ہیں

گرل فرینڈ کو کسی ریسٹورنٹ لے جائیں ،تو جو اس نے زندگی میں کبھی چکھا بھی نہ ہو، قیمت کی پرواہ کئیے بغیر وہ ڈش آڈر کرے گی

جب آپ پر مصیبت آئے یا آپ بیمار ہو جائیں، تو سب چلے جاتے ہیں ،اور بیوی ہی اخری سہارا بچ جاتی ہے

اور جب کوئی مشکل صورتحال ہو تو سب سے پہلے گرل فرینڈ آپ کی زندگی سے کھسک جاتی ہے

بیوی اپ کے سینے پر سر رکھ کر سوتی ہے اور گرل فرینڈ کا سر آپ کی جیب پر ہوتا ہے

ایسا نہیں ہے کہ ہر معاملے میں ہی بیوی بہتر ہوتی ہے، کیوں کہ گرل فرینڈ کبھی ایسا نہیں کرتی بلکہ یہ بیوی منحوس ہی ہوتی ہے جو قربت کے محبت بھرے لمحات میں آپ کو یاد دلاتی ہے کہ کل بجلی کے بل کی اخری تاریخ ہے ، ادا کردینا ورنہ جرمانہ لگ جائگا

سکندر حیات بابا

24/09/2025

ميرا تو پڑه‍ كر ہنس ہنس كے برا حال هے 😁🔥
مائ ڈیر ایکس!
کیسی ہو تم ؟ امید کرتا ہوں بخیر و عافیت کسی کی زندگی جہنم بنانے میں محو ہو گی ۔ مجھے آج مال سے گزرتے ہوئے ارم ملی تھی جس نے تمہارا نمبر دیا اور بتایا کہ تم نے شادی کر لی ہے ۔ میرے لیے یہ بالکل بھی حیرانی کی بات نہیں تھی کیونکہ جتنی تم تھڑی ہوئی تھی شادی کرنا ہی بہتر تھا ۔ یہ خط نما میسج لکھنے کا مقصد کچھ یوں تھا کہ میں وہ باتیں کہنا چاہتا ہوں جو میں ریلشن میں رہتے ہوئے نا کہہ سکا ۔ میرے دل میں جو کسک ہے وہ میں نکالنا چاہتا ہوں ۔
جو تم نے زیبا کی شادی پر جھمکے پہنے تھے وہ آرٹیفیشل تھی ۔ اتنی تم سنار کی بچی کہ سونا سونا کر کے سب کو دکھا رہی تھی ۔
وہ جو تمہارے پرس میں سے یکے بعد دیگرے تین اور دو ہزار گم ہوا تھا جو بقول تمہارے تم نے گرا دیا تھا وہ میں نے نکالا تھا ۔
تمہاری گاڑی جو چوری ہوئی تھی جو تاحال لاپتہ ہے وہ میں نے ہی بیچ کھائی تھی ۔
ہوٹل میں ہمارے سٹے کے دوران جو تمہارے کبٹ میں سے چوہا نکلا تھا وہ میں نے ہی ڈالا تھا ۔
تمہارے ایک بھی تصویر اچھی نہیں آئی تھی کیونکہ اچھی تصاویر کے لیے شکل اچھی ہونا ضروری ہے جو کہ تمہارے پاس دور دور تک آثار نہیں ملتے۔
تمہارے تمام میسجز میں ڈلیٹ کر چکا ۔ تمہارے سبھی گفٹ میں نظر آتش کر چکا ۔ تمہاری یادیں میں مٹا چکا ہوں ۔ تمہاری سب تصاویر مٹا چکا ہوں ۔ چند ایک جو رہ گئی ہیں وہ ہماری ساتھ میں سیلفیر ہیں ۔ آج تمہیں وہ بھی بھیج کر ڈلیٹ کر کے دل سے بوجھ اتار رہا ہوں ۔
اور ایک آخری بات میں نے بھی شادی کر لی ہے۔ تمہیں یاد ہو گا تمہیں ہماری ایک کالج فیلو جس کا نام سحر تھا تمہیں زہر لگتی تھی ۔ بس وہی میری شریک حیات ہے۔ خوش رہو ۔ اللہ تمہارے شوہر کو اپنے امان میں رکھے ۔ اللہ حافظ ۔
******* ۔
ہیلو کھڑوس ۔۔!
مجھے تمہارا مسیج ملا ۔ بہت اچھی بات ہے کہ تم نے مجھے حقائق سے بہرمند کروایا جو کہ اس وقت کی اشد ضرورت تھا ۔ تم نے دل کی بھڑاس تو نکال لی اب چلو میں تمہیں کچھ جوابی جھٹکے دینے والی ہوں ۔ امید ہے برداشت کر لو گے ۔
جن جھمکوں کو تم آرٹیفیشل کہہ رہے ہو وہ تمہارے ہی انکل کی دوکان سے گمشدہ سونے کا جوڑا تھا جس پر انہیں غشی کے دورے پڑے تھے ۔
مجھے علم تھا کہ وہ پیسے تم نے نکالے ہیں مگر تم شاید یہ بھول جاتے ہو کہ تمہارا اے ٹی ایم اور پن کوڈ تاحال میرے پاس ہے ۔ تم نے نا بدل کر صریحا غلطی کی ۔ اپنا اکاونٹ بیلنس چیک کرو تو تمہیں عقل آ جائے گی کہ ایسے سچ کتنے مہنگے پڑتے ہیں ۔
میری گاڑی کے چوری ہونے کا اقرار چونکہ تم کر چکے ہو تو اب پولیس تم سے خود نمٹ لے گی ۔ مجھے مزید کہیں تلاشنے کی ضرورت نہیں ۔
مجھے پتہ تھا کہ یہ چوہا ڈالنا تمہارا ہی چھچھور پن تھا اسی لیے اس سے اگلے دن جو میں نے تمہیں بریانی کھلائی تھی وہ کوا بریانی تھی ۔ امید ہے تمہیں ہضم ہو چکی ہو گی ۔
میری تصاویر اچھی نا آنے کی وجہ تمہارا موبائل ہے ۔ جیسے تم سستے ویسا ہی موبائل سستا ۔
یہ تم نے بہت اچھا کیا جو میرے میسجز ڈلیٹ کر دیے ۔ مگر میں نے تمہارے میسج بالکل بھی ڈلیٹ نہیں کیے ۔ تمہارے پیار محبت اور فلرٹ کی داستانیں آج بھی جوں کی توں محفوظ ہیں ۔
اور تمہیں بتانا چاہتی ہو سحر میرے ساتھ فیسبک پر ایڈ ہے اور اس وقت وہ آن لائن ہے ۔ ہماری سیلفیز اور تمہارے میسجز کے سکرین شاٹ اسے انباکس کر دیے ہیں ۔
اور تمہارا نمبر میں بلاک کر رہی ہوں۔ امید ہے عقل ٹھکانے آ گئی ہو گی ۔
اللہ پاک تمہاری بیوی کے شوہر کا حامی و ناصر ہو ۔
اللہ حافظ ۔

23/09/2025

مجھے لوگوں نے اپنے رویوں سے سمجھایا کہ وقت ہمیشہ ایک جیسا نہیں رہتا, چاہتوں میں شدت ہمیشہ ایک جیسی نہیں رہتی, کسی کے لیے ہم عمر بھر تجسس کا پہلو بن کر نہیں رہتے, کوئی ہر وقت ہمارے لےمنتظر نہیں رہتا, کسی کے دل میں ساری عمر ہمارا وہی مکام نہیں رہتا,ہم تمام عمر اہم نہیں رہتے, وقت بدل جاتا ہے لوگ بدل جاتے ہیں, ہاں لوگوں نے مجھے سمجھایا کے لوگ سچ میں بدل جاتے ہیں

23/09/2025

میں ناراض نہیں ہوں میں پریشان ہوں مجھے سمجھو یہ وہ جملہ ہے جو انسان کے دل کے بوجھ کو ظاہر کرتا ہے کبھی کبھی ہم غصے میں نہیں ہوتے بلکہ حالات اور سوچوں کا دباؤ ہمیں تھکا دیتا ہے دل چاہتا ہے کہ کوئی ہمیں بغیر سوال کیے سمجھ لے۔ ہماری خاموشی کے پیچھے کی کہانی کو محسوس کرے۔ ناراضگی وقتی ہوتی ہے، مگر پریشانی دل اور دماغ کو الجھا دیتی ہے۔ اس لئے ضرورت ہے کہ ہمیں سمجھا جائے، نہ کہ صرف یہ سوچا جائے کہ ہم روٹھے ہیں۔

🦋