01/05/2026
محمدپوردیوان میں پاکستان پیپلز پارٹی کے زیراہتمام یومِ مزدور کے موقع پر جلسہ اور ریلی کا انعقاد کیا گیا، جس میں پارٹی رہنماؤں اور کارکنان کی بڑی تعداد نے شرکت کی۔ جلسہ عام سے ضلعی صدر نواب وقاص خان گورچانی، جنرل سیکرٹری مرزا طارق خان مغل، تحصیل صدر اسد امین خان گوپانگ سمیت دیگر مقررین نے خطاب کیا۔
تقریب میں سٹیج سیکرٹری کے فرائض سردار شاہد منصور خان گشکوری نے انجام دیے، جبکہ دیگر مقررین میں عبد الکریم خان دریشک، حاجی قدیر خان لاشاری، ملک فاروق تھہیم، منور حسین خان راہی، حاجی ارشاد ناصر، اعجاز حسنین اور دیگر شامل تھے۔
مقررین نے اپنے خطاب میں مزدوروں کے حقوق، بہتر اجرت، روزگار کے تحفظ اور بنیادی سہولیات کی فراہمی پر زور دیا۔ انہوں نے کہا کہ مزدور طبقہ ملک کی معیشت میں کلیدی کردار ادا کرتا ہے اور اس کے مسائل کا حل حکومت کی اولین ترجیح ہونی چاہیے۔ جلسے کے اختتام پر مزدوروں سے اظہارِ یکجہتی کے لیے ریلی بھی نکالی گئی، جس میں شرکاء نے بینرز اور پلے کارڈز اٹھا رکھے تھے۔
