30/06/2026
جڑانوالہ: انسانیت سوز واقعے نے پورے شہر کو سوگوار کر دیا۔
سوشل میڈیا پر سامنے آنے والی ویڈیو میں دیکھا جا سکتا ہے کہ مقتول کمسن بچے کی لاش کو مبینہ طور پر پلاسٹک کے تھیلے میں ڈال کر مدرسے سے تعلق رکھنے والے دو نوجوان سائیکل پر گندے نالے کی جانب لے جا رہے ہیں۔ ویڈیو کے آخری مناظر میں جب بچے کی لاش نالے سے برآمد ہوتی ہے تو ورثا کی آہ و بکا ہر دیکھنے والے کو اشکبار کر دیتی ہے۔یہ افسوسناک واقعہ تھانہ بٹالہ کالونی کی حدود میں واقع ایک مدرسے میں پیش آیا۔ مقتول بچہ شعیب جڑانوالہ کے چک نمبر 237 گ ب کا رہائشی تھا۔
پولیس نے واقعے میں ملوث ملزمان کو گرفتار کر لیا ہے، جبکہ مقدمے کے تمام پہلوؤں پر تحقیقات جاری ہیں۔ حقائق سامنے لانے اور مزید شواہد اکٹھے کرنے کے لیے مختلف تفتیشی ٹیمیں تشکیل دے دی گئی ہیں۔ امید کی جا رہی ہے کہ مکمل تحقیقات کے بعد ذمہ داران کو قانون کے مطابق قرار واقعی سزا دی جائے گی۔
