jhang News pakistan

30/06/2023

جھنگ : (چوہدری شوکت علی نصرت) تحصیل اٹھارہ ہزاری کے نواحی علاقہ کوٹلی باقر شاہ میں عید کی خوشیاں ماتم میں تبدیل ہوگئیں ایک نوجوان باپ کا لخت جگر ماں کا لاڈلا 15 سالہ شیخ فرحان علی زندگی کی بازی ہار گیا

جھنگ : تفصیلات کے مطابق کوٹلی باقر شاہ کا رہائشی ایک غریب اور محنت مزدوری کرنے والا باپ شیخ وارث علی اور بیٹا شیخ فرحان علی دونوں باپ بیٹا قربانی کا جانور زبح کرنے اپنی بائیک پر ایک چھوٹے سے راستے پر اپنی بائیک موٹرسائیکل پر جارہے تھے اچانک موٹرسائیکل سلیپ ہونے سے ساتھ جو جانور زبح کرنے والا سامان چھریاں ٹوکہ وغیرہ گرگئے جنہیں پکڑتے ہوئے فرحان علی کا پاؤں پھسل گیا اور وہ اپنے آپکو سمبھال نہ سکا سیدھا انہی تیز دھار چھریاں ٹوکہ کے اورپر گرگیا جس سے ایک بے رحم چھری نے فرحان علی کے جسم کو دل کی جگہ گہرا زخم کردیا اور سیدھا جسم کے اندر چلی گئی جس سے خون کی نہر بہنا شروع ہوگئ فرحان علی کو اپنی مدد آپ کے تحت اکیلا باپ اپنے بیٹے کو لیکر ٹی ایچ کیو ہسپتال واصو پہنچا ہسپتال پہنچتے ہی فرحان علی زخموں کی تاب نہ لاتے ہوئے اپنے غریب باپ کو روتا ہوا چھوڑ کر اس دنیا سے رخصت ہوگیا شیخ وارث علی کا بڑا بیٹا یہی تھا جو حافظ قرآن تھا ۔

30/06/2023

گوجرانوالہ کی سٹی ہاؤسنگ سوسائٹی میں مبینہ طور پر آئس کی زیادتی سے کار سے چار نوجوانوں کی نعشیں برآمد،جانبحق ہونے والوں میں دو بھائی اور دو کزن شامل ہیں،پولیس نے نعشوں کو پوسٹ مارٹم کے لیے ہسپتال منتقل کر دیا
تھانہ ایمن آباد کے علاقہ۔میں واقع سٹی۔ ہاوسنگ سوسائٹی سے کار سے چار نوجوانوں کی لاشیں برآمد جان بحق افراد میں زین ،دانیال ، آفاق اور شہریار شامل ہیں پولیس نے نعشوں کو تحویل میں لے کر پوسٹ مارٹم کے لیے تحصیل ہسپتال کامونکی منتقل کر دیا ہے پولیس کا کہنا ہے کہ ابتدائی تحقیقات کے مطابق جابحق ہونے والوں میں زین اور دانیال سگے بھائی جبکہ آفاق اور شہریار ان کے چچا زاد تھے پولیس کا کہنا ہے کہ واقعہ کی مختلف زاویوں سے تحقیقات کی جا رہی ہیں بظاہرجسم پہ کوئی نشانات نہ ملے ہیں گاڑی سے ایسے آثارملے ہیں جیسے آئس کانشہ کیاگیاہو پوسٹ مارٹم رپورٹ کے بعد مذید قانونی کارروائی عمل میں لائی جائے گی.

06/05/2023

جھنگ : (چوہدری شوکت علی نصرت) محسن علی ولد رمضان سکنہ کوڑھیانوالہ کے ساتھ چنڈ پل پر ڈکیتی میں مزاحمت پر شدید تشدد ڈاکو بیس ہزار لوٹ کر فرار۔

06/05/2023

جھنگ : (چوہدری شوکت علی نصرت) ایس ایچ او تھانہ احمد پور سیال راشد اسلام کا تبادلہ کر دیا گیا ہے
کسی بھی سرکاری افسر کا تبادلہ نوکری کا حصہ ہوتا ہے خاص طور پر پولیس افسران کے تبادلہ جات تو معمول کی بات ہوتی ہے مگر کچھ لوگ بہت کم وقت میں لوگوں کے دلوں میں اپنی جگہ بنا لیتے ہیں انہیں میں سے ایک سب انسپکٹر راشد اسلام ہیں جو کچھ عرصہ قبل ٹرانسفر ہو کر ایس ایچ او تھانہ احمد پور سیال تعینات ہوئے جنھوں نے اپنے قلیل پریڈ میں نہ صرف جرائم کی شرح کم کی بلکہ تھانے آنے والے سائلین کو عوام دوست ماحول دیا
جہاں ایک طرف شہریوں کے دل جیتے وہیں اپنے ماتحت عملہ کے ساتھ بھی اخلاقی اقدار کا خیال رکھا
یہی وجہ ہے کہ آج جب انکا تھانہ احمد پور سیال سے تبادلہ ہوا تو تھانہ احمد پور سیال سے انکو جس انداز میں الوداع کیا گیا اس سے یہی یہ اندازہ لگا سکتا ہے کہ سب انسپکٹر راشد اسلام اپنے ماتحت کام کرنے والے عملے سے کتنی محبت رکھتے تھے ۔

05/05/2023

05/05/2023

جھنگ : (چوہدری شوکت علی نصرت) ڈی پی او جھنگ ملک طارق محبوب نے بچوں کے اغواء اور جنسی زیادتی کے مقدمات کی رپورٹ طلب کر لی

جھنگ پولیس ”ہر بچہ اپنا بچہ“کی پالیسی کے تحت بچوں کا قانون کے مطابق تحفظ کرے گی۔ڈی پی او جھنگ

جھنگ : ڈی پی او جھنگ ملک طارق محبوب نے کم سن بچوں کو ہر قسم کی تشدد سے بچانے کے لئے سخت قانونی اقدامات اٹھانے کے احکامات جاری کر دئیے۔بچوں کے ساتھ جنسی تشدد کے بدنام عادی ملزمان کی لسٹیں اپ ڈیٹ کی جائیں،بچوں کے اغواء،جنسی زیادتی سمیت اس حوالے سے دیگر قانون شکنیوں کے ملزمان فوری گرفتار کئے جائیں،ان خیالات کا اظہارڈی پی او ملک طارق محبوب نے آئی جی پنجاب ڈاکٹر عثمان انور کی ہدایات پر عمل کرتے ہوئے ضلع بھر کے افسران کو پروفیشنل ہدایات دیتے ہوئے کیا۔ڈی پی او کا کہنا تھاکہ بچوں کا اغواء،ان کے ساتھ جنسی زیادتی ایک طرف متاثرہ بچے کی فیملی کے لئے انتہائی تکلیف دہ ہوتی ہے جبکہ دوسری طرف معاشرتی امن بھی عدم توازن کا شکار ہو جاتا ہے۔ڈی پی او نے کہا کہ آئی جی پنجاب کے احکامات کے تحت جھنگ پولیس ”ہر بچہ اپنا بچہ“کی پالیسی کے تحت بچوں کا قانون کے مطابق تحفظ کرے گی۔ڈی پی او نے ضلع بھر میں بچوں کے اغواء،ان کے ساتھ جنسی زیادتی کے زیر تفتیش مقدمات کی رپورٹ طلب کرتے ہوئے کہا کہ جن مقدمات کے ملزمان گرفتار نہیں ہوئے ہوں گے ان مقدمات کے تفتیشی افسران،متعلقہ ایس ایچ اوز کو شوکاز نوٹس جاری کر کے ان کے خلاف محکمانہ احتسابی کارروائی کی جائے گی۔

05/05/2023

جھنگ : (چوہدری شوکت علی نصرت) گھریلو جھگڑے پر خاتون نے ہیڈ تریموں میں چھلانگ لگا دی

جھنگ : ریسکیو 1122 جھنگ کے نوجوانوں نے ڈوبتی خاتون کو زندہ بچا لیا

جھنگ : خاتون کو ریسکیو آپریشن کے بعد زندہ بچا لیا

جھنگ : خاتون نے گھریلو جھگڑے پر خود کشی کرنے کی کوشش کی

جھنگ : خاتون دو بچوں کی ماں ہے

جھنگ : ریسکیو کے بعد خاتون کو فیملی کے حوالے کردیا

جھنگ : چھلانگ والی خاتون کا نام عائشہ زوجہ تنظیم بیگ قوم پھٹان محلہ عشرت آباد جھنگ کی رہائشی ہے

05/05/2023

جھنگ : (چوہدری شوکت علی نصرت) پنجاب ایمرجنسی سروس ڈیپارٹمنٹ جھنگ کے زیرِ اہتمام انٹرنیشنل فائر فائٹرز ڈے کے سلسلے میں آگاہی واک اور سیمینارکا انعقاد۔
بلند و بالا عمارات میں فائر سیفٹی اور بلڈنگز کوڈز کو یقینی بنانے میں پنجاب ایمرجنسی سروس ڈیپارٹمنٹ کا ساتھ دیں ۔ ڈسٹرکٹ ایمرجنسی آفیسر علی حسنین

جھنگ : سیکرٹری / بانی ڈائر یکٹر جنرل پنجاب ایمرجنسی سروس ڈیپارٹمنٹ ڈاکٹر رضوان نصیر (ستارہ امیتاز) کے خصوصی ہدایات کی روشنی میں فائر فائٹرز کے عالمی دن کے موقع پر ریسکیورز نےکمیونٹی سنٹرل اسٹیشن جھنگ آگاہی سیمینار اور واک کا انعقاد کیا گیا۔

اس حوالے سے جھنگ چیمبر آف کامرس اینڈ انڈسٹری کے اشتراک سے ایک سمینار منعقد کیا گیا جس میں ڈسٹرکٹ ایمرجنسی آفیسر نے آگ لگنے کے واقعات اور ان میں ہونے والے جانی و مالی نقصان اور ان واقعات پرریسکیوٹیموں کی جانب سے ریسپانس کرتے وقت درپیش آنے والی مشکلات کے بارے میں شرکاء کو آگاہی فراہم کی۔

جھنگ : ڈسٹرکٹ ایمرجنسی آفیسر علی حسنین نے اپنے بیان میں بتایا کہا کہ اس دن کو منانے کا مقصد دنیا بھر کے فائر فائٹرز کی عظیم قربانیوں کا یاد کرنا ہے جو انہوں نے اپنے فرائض سرانجام دیتے ہوئے دیں۔فائر فائٹرز ہمارے وہ ہیروز ہیں جو اپنی جانوں کی پروا کیے بغیر بڑی آگ اور مشکل ترین حالات میں بھی آگ پر قابو پانے کیلئے مصروفِ عمل ہوتے ہیں۔ انکا مزید کہنا تھا کہ آج کے دن ہمیں یہ عہد بھی کرنا ہے کہ ہمارے اردگرد جو بھی بلندوبالا عمارات تعمیر ہو رہی ہیں یا ہو چکی ہیں ان میں ہم فائر سیفٹی اور بلڈنگز کوڈز کو یقینی بنانے میں پنجاب ایمرجنسی سروس ڈیپارٹمنٹ کے شانہ بشانہ ساتھ دیتے ہوئے محفوظ تعمیرات اور معاشرہ کے قیام میں اپنا کردار ادا کریں گے۔ سیمینار میں شرکاء نے بھی اس دن کے حوالے سے فائر فائٹرز کو خراجِ تحسین پیش کرتے ہوئے ریسکیو 1122 کے اقدام کو سراہا اور اس عزم کا اعادہ کیا کہ محفوظ تعمیرات اور معاشرہ میں اپنا کردار ضرور ادا کریں گے۔ اس موقع پر جان قربان کرنے والے فائر فائٹرز کیلئے خیراور درجات بلندی کیلئے خصوصی دعا بھی کی گئی۔

05/05/2023

جھنگ : (چوہدری شوکت علی نصرت) سابق چیئرمین پنجاب بیت المال جھنگ ریاض حسین عشرت بھٹی ، مہر حاجی ممتاز حسین لک ممبر الخدمت فاؤنڈیشن جھنگ ، معروف سوشل ورکر رانا سجاد حسین راثھور ، ملک محمود حسین ایڈووکیٹ ، چوہدری اکرام ، مہر اعجاز حسین بھوجیا زمیندار ، ملک مزمل حسین کھوکھر ، میر قاسم نیازی ، حاجی محمد زمان گورائیہ ، الحاج ملک نصرت اکیرا ، مخدوم علی عباس قریشی ، طارق فاروق صابری صدر الخدمت فاؤنڈیشن جھنگ ، ڈاکٹر عبدالجبار رہنماء کسان بورڈ جھنگ ، سید چن پیر شاہ ، مہر غلام شبیر سیال و دیگر معززین شہر اور نمائندگان سول سوسائٹی نے بے نظیر انکم سپورٹ دفتر bisp ضلع جھنگ کا دورہ کیا اور عملہ و سٹاف سے ملاقات کی ۔ ملک احسان اللہ کمبوہ ( ڈپٹی ڈائریکٹر ضلع جھنگ نے وزٹ کرنے والی ٹیم کو مکمل بریف دی اور بتایا کہ تحصیل آفس میں نادرا کی ٹیم روزانہ کی بنیاد پر بلکل فری اور میرٹ پر رجسٹریشن کر رہی ہے جبکہ گرانٹ تقسیم کرنے کا ایگریمنٹ ایچ بی ایل کونیکٹ HBL Connect کے پاس ہے ۔ ملک احسان اللہ نے مزید بتایا کہ جولائی تا ستمبر 2022 میں bisp آفس نے کٹوتی کرنے والوں کے خلاف 20 ایف آئی آر بھی کروائیں جبکہ جنوری تا مارچ 2023 میں 7 ایف آئی آر کروائیں ۔ اس موقع پر گفتگو کرتے ہوئے سابق چیئرمین بیت المال ریاض حسین عشرت بھٹی و دیگر نے کہا کہ اج ہم نے اس آفس کا سرپرائز وزٹ کیا ہے اور انہیں یہاں کا ماحول ، آنے والی خواتین سے سٹاف و دیگر عملے کا تعاون اور نرم رویہ دیکھ کر انکو اطمینان ہوا ہے کہ یہاں پر تمام کام میرٹ پر ہو رہا ہے ۔ ڈپٹی ڈائریکٹر احسان اللہ کمبوہ و دیگر آفیسران نہایت ایمانداری سے اپنی ڈیوٹی سرانجام دے رہے ہیں جو قابل ستائش ہے اسی لیے آج ہماری غلط فہمیاں بھی دور ہو گئی ہیں ۔ معاشرے میں کچھ نو سرباز سادہ لوح خواتین کو بے وقوف بنا کر ان سے پیسے بٹور لیتے ہیں جن کے خلاف کاروائی کی جائے گی ۔ اس موقع پر تمام افراد نے عہد کیا کہ وہ ضلع جھنگ میں مستحق خواتین کا حق ان تک پہنچانے میں ٹیم bisp کی مکمل سپورٹ اور مدد فراہم کریں گے اور انکا مکمل تعاون جاری رہے گا ۔

04/05/2023

جھنگ : (چوہدری شوکت علی نصرت) ڈی پی او جھنگ ملک طارق محبوب نے نہایت ہی ملنسار، قابل اور دبنگ پولیس آفیسر سب انسپکٹر محمد عون رضا کو تھانہ موچیوالا تعینات کر دیا

04/05/2023

جھنگ : (چوہدری شوکت علی نصرت) ڈی پی او جھنگ ملک طارق محبوب نے عرفان حیدر کو ترجمان جھنگ پولیس تعینات کردیا، عرفان حیدر نے چارج سنبھال کر کام شروع کر دیا ہے۔
عرفان حیدر بطور نائب پبلک ریلیشن آفیسر عرصہ دراز سے فرائض سر انجام دے رہیں تھے امید ظاہر کی جارہی ہے کہ موصوف پولیس کی عزت اور ساکھ کو برقرار رکھیں گےسیاسی و سماجی حلقوں کی جانب سے نیک خواہشات کا اظہار کیا جارہا ہے ۔

04/05/2023

جھنگ : (چوہدری شوکت علی نصرت) ڈسٹرکٹ ہیڈ کوارٹر ہسپتال جھنگ میں انسولین انجکشن غاٸب مریض رل گٸے ۔مریض بازار سے مہنگی انسولین خریدنے پرمجبور اس پر مزیدظلم یہ کہ بازار میں بھی انسولین اول تو ملتی ہی نہیں اوراگر ملتی ہے تووہ بھی بلیک میں ۔شوگرکے مریض ادویات کی عدم دستیابی اوران کی دن بدن بڑھتی ہوٸی قیمتوں پرپریشان ہیں ۔جوکہ اب مہنگاٸی کے ستاٸے عوام کی قوت خرید سے باہرہوچکی ہیں۔انہوں نے نگران وزیراعلی پنجاب محس نقوی ، سیکریٹری ہیلتھ علی جان ڈپٹی کمشنر جھنگ ایم ایس اورہیلتھ اتھارٹی کے اعلی حکام سے مطالبہ کیاہے کہ ڈسٹرکٹ ہیڈ کوارٹرہسپتال جھنگ میں انسولین کی فوری دستیابی کویقینی بنایا جاٸے۔