01/10/2024
کاظی نامہ
جیسا کہ آپکو پتہ ہے کہ آئی ایم ایف کا پیکج منظور ہوگیا ہے بہت اچھی بات ہے ملکی معیشت کے لئے لیکن آخر کب تک عوام بوجھ برداشت کرے گی عام عوام ہمیشہ سے ملک کے لئے قربانیاں دیتی آرہی ہے لیکن ایک خاص طبقے کو اس سے کوئی فرق نہیں پڑتا ان قرضوں کے بوجھ کو وہ محسوس نہیں کرسکتے بلکہ اس حاصل کردہ قرضے کی وجہ سے ان کی ذندگی اور بہتر ہوجاتی ہے پرانی گاڑیاں بیچ کر نیو ماڈل کی گاڑیاں آجاتیں ہیں کہیں وزیروں کے لئے ہیلی کاپٹر خریدے جاتے ہیں کہیں ان کے محلوں کے سجاوٹ کےنام پر کروڑوں خرچ کئے جاتے ہیں عوام کو سادگی کا درس دے کر ان کاخون نچوڑا جاتا ہے لیکن اس ملک کی اشرافیہ عیاشیوں میں مصروف ہے ایک عام پاکستانی کو یہ سوچنا چائیے کے وہ سیاسی پارٹیوں کی وجہ سے خود تقسیم ہو گئے ہیں لیکن آج تک کسی حکومت نے وہ قدم نہیں اٹھایا جو اشرافیہ تک جاتا ہو بلکہ عام عوام ہی ان کا ٹارگٹ رہی ہے یقین کریں جو بیوروکریسی اس غریب ملک پاکستان کی ہے دنیا کے کسی ملک کی نہیں ہے سوچنے کی بات ہے بیوروکریسی ترقی یافتہ ممالک میں سسٹم کو چلانے کے لئے ہوتی ہے اور یہ اتنے ٹھاٹھ والی نوکری بھی نہیں ہوتی لیکن ہمارے ملک میں ایک اے سی لیول کا بندہ اپنے علاقے کا خدا ہوتا ہے اور بڑی گاڑی ہونا اس کے لئے ضروری ہوتا ہے وہ سسٹم کو چلانے کے لئے نہیں بلکہ خود ایک ایسے سسٹم کا حصہ ہوتا ہے جو ہمارا استحصال کرنے کے لئے قائم کیا گیا ہے انگریزوں کے بعد ایک ایسا طبقہ ہم پرمسلط کر دیا گیا ہے جو جونکوں کی طرح ہمارے ساتھ ہیں اور ان کا گزارا ہی ہمارے خون چوسنے سے ہوتا ہے اور ہم ان جونکوں کا علاج کرنے کی بجائے جونکوں کے لئے لڑ رہے ہوتے ہیں کہ فلاں جونک ہمارے لئے بہتر ہے یہ والی نہیں
نوٹ:جونکیں جونکوں کی بہنیں ہیں لہذا آپ بھی بھائی بھائی بن جاؤ
کاظم کلیم
