Zindagi360 with NasirNouman

14/08/2025

*کیوں نہ پھِر سے اُس دور میں جایا جائے*
*مانگ کر آگ گھر کا چُولھا جلایا جائے*

*بیٹھ کر گلی میں کریں سب دِل کی باتیں*
*رَکھ کر مکئی کی روٹی پہ ساگ کھایا جائے*

*جب درختوں پہ چڑھ کے بیر کھاتے تھے*
*کوئی ویسا درخت پھِر گھر میں لگایا جائے*

*وہ تانگے کی سواری وہ گھوڑے کی ٹپ ٹپ*
*دھیمے سُروں میں پھِر کوئی ترانہ گایا جائے*

*مہمان آئیں گھر میں اور ہو گرمی کا موسم*
*شکر اور ستو کا شربت اُن کو پلایا جائے*

*شام ہو تو بچوں کو گھر بُلائیں آوازیں دے کر*
*ڈال کر مٹی کا تیل لالٹین کو جلایا جائے*

*کاش وہ سادہ لوح لوگ پلٹ آئیں واپس امیر*
*اور جدیدیت کا جنازہ دھُوم سے اُٹھایا جائے*
✔️✨💗

02/08/2025

“Change is the law of life. And those who look only to the past or present are certain to miss the future.”

23/07/2025

وہ اپنی پسندیدہ لپ اسٹک
پستول کی نوک سے لگاتی ہے

کئی طرح کے پسینوں کی خوشبوؤں سے
اس کی ڈریسنگ ٹیبل بھری رہتی ہے

اسے لفافوں کو بوسوں سے
بند کرنے کی پرانی عادت ہے

خواہ ڈاکیہ انہیں خود پڑھ لے
اس کی الماری

جاگ کر بدلے جانے والے کپڑوں سے
خالی خالی

چاند اسے اپنے ماتھے
اور ستارے کلائی پر باندھنے سے فرصت نہیں

ناشتے کی میز پر اخبار میں اسے
گزشتہ شب کی سرخی پسند ہے

اور خادموں میں کتے
کسی نئے مہمان کو خوش آمدید کہنے کو

ہر برانڈ کا سگریٹ
اس نے شام سے پہلے ہی لے رکھا ہے

وہ الکوحل کی بوتل
اپنے بیڈ کے بائیں طرف

کھڑکی کے سامنے چھپائے رکھتی ہے
رات گئے ایک سیب اور خنجر

اس کے سرہانے چمکتے ہیں
اور اندھیرے اس کا لباس بنے

ساری رات بدن چاٹ کر
صبح کی روشنی تیار کرتے رہتے ہیں

22/07/2025

وہ جو پیاسا لگتا تھا سیلاب زدہ تھا
پانی پانی کہتے کہتے ڈوب گیا ہے

03/07/2025

"1 ٹن" اے سی (Air Conditioner) کا مطلب کیا ہوتا ہے۔

تصویر میں دکھایا گیا ہے کہ:

*1 ٹن = 1000 کلوگرام برف*
یعنی ایک ٹن اے سی اتنی ٹھنڈک دیتا ہے جتنی کہ 1000 کلوگرام (1 ٹن) برف 24 گھنٹوں میں پگھل کر دے سکتی ہے۔

یہ ایک تھرمل یونٹ ہے، جس کا مطلب ہے:
*1 ٹن کولنگ = 12000 BTU/hour (British Thermal Units)*
یہ پیمانہ اے سی کی ٹھنڈک کی صلاحیت کو ظاہر کرتا ہے، نہ کہ اس کا وزن۔

01/07/2025

‎شبیرؑ نے دشمن سے صدقہ تو نہ مانگا تھا
‎دو گُھونٹ ہی مانگے تھے دریا تو نہ مانگا تھا
‎ننھے علی اصغرؑ کو دو گُھونٹ کی حاجت تھی
‎معصوم نے تیروں کا تحفہ تو نہ مانگا تھا
‎پانی ہی تو مانگا تھا ہر پیاسے کا جو حق ہے
‎عباسؑ نے کچھ حقِ زہراؑ تو نہ مانگا تھا

‎ٹکرائے تھے فاسق سے اسلام بچانے کو
‎مولاؑ نے حکومت میں حصہ تو نہ مانگا تھا
‎جابر کی اطاعت کو تسلیم نہیں کرتے
‎اک بات اٹھائی تھی قبضہ تو نہ مانگا تھا
‎کس جُرم پہ زنجیریں بیمار کو پہنائی
‎سجادؑ نے بابا کا بدلہ تو نہ مانگا تھا
‎جب نعش حسینؑ اُٹھی طیبہ سے ندا آئی
‎تبلیغ کا یہ تم سے ثمرا تو نہ مانگا تھا
‎حقدار پہ غاصب نے بے وجہ ستم توڑے
‎بیعت ہی نہیں کی تھی کُوفہ تو نہ مانگا تھا
‎تھا رُتبہ انہیں حاصل پہلے ہی امامت کا
‎آلِ ابو طالبؑ نے عہدہ تو نہ مانگا تھا
‎یہ صبر ہی کام آیا کربل میں نواسےؑ کے
‎الله سے ناناﷺ نے بے جا تو نہ مانگا تھا
‎کھینچی گئی کیوں چادر پھر سر سے نصیر آخر
‎زینبؑ نے سکینہؑ کا جُھمکا تو نہ مانگا تھا

‎سید نصیرالدین نصیر

30/06/2025

ابن مسعود بیان کرتےہے کہ: رسول گرامی صلی اللہ علیہ و آلہ وسلم سے پوچھا گیا کہ خدا کےہاں پسندیدہ کام کونسا ہے ؟
فرمایا: وقت پر نماز پڑھنا ،اس کےبعد کونسی چیز افضل ہے؟
فرمایا:ماں باپ کےساتھ نیکی کرنا ، اسکےبعد؟
فرمایا : خدا کی راہ میں جہاد کرنا۔

30/06/2025

24/06/2025

❤️🥰♥️

22/06/2025

محنت سے مل گیا جو سفینے کے بیچ تھا
دریائے عطر میرے پسینے کے بیچ تھا

20/06/2025

یہ درس کربلا کا ہے
خوف بس خدا کا ہے