08/07/2025
جوهي: ڪاڇي جي ڊرگه بالا ٿاڻي جي حد ڊرگه بالا شھر ۾ ٽن برادرين ساند,جوکيه ۽ ڏاهري برادري وچ ۾ ٻارڙن جي معمولي ڳالھ تان جهيڙو ٿي پيو جنهن جي نتيجي ٻنهي برادرين جا ٽن عورتن سميت 7 ڄڻا زخمي ٿي پيا آهن, زخمين ۾ در محمد ساند , محمد عيسا ساند , محمد خان ساند , محمد اسحاق ساند, جمالا ڌي محمد ڏاهري ,حسينه زال غلام شبير ڏاهري , عائشه ڏاهري, زخمي ٿي پيا آهن, جن کي ڊرگه بالا ٿاڻي تان ليٽر ملڻ بعد تعلقه اسپتال جوهي آندو ويو جتي زخمي عورتن مان جمالان ڏاهري کي ڳڻتي جوڳي حالت ۾ دادو اسپتال رفر ڪيو ويو آهي, ساند برادري جي زخمين موجب ڏاهري ۽ جوکيه ڌُر پاران 8 سالا معصوم رحمان پٽ محمد رمضان ساند تي تشد ڪري سخت زخمي ڪيو, ڊرگه بالا ٿاڻي تي اهڙي جهيڙي جو ڪيس داخل ڪرايو مگر پوليس ڪابه ڪاروائي نه ڪئي , جنهن بعد مخالف ڌر جي ماڻھن هڪ دفعو ٻيهر اسان تي حملو ڪري چئن ڄڻن کي زخمي ڪري ڇڏيو, جڏهن ٻئي طرف ڏاهري برادري جي زخمي عورتن ٻڌايو ته ٻارڙا پاڻ ۾ وڙھيا جنهن تان ساند برادري جي ماڻهن اسان جي گهرن ۾ گهڙي اسان عورتن تي حملو ڪري زخمي ڪري فرار ٿي ويا هوڏانهن ڊرگه بالا ٿاڻي تي ٻنهي ڌرين پاران هڪ ٻئي خلاف جهيڙي جو ڪيس داخل ڪرايو ويو آهي, ڊرگه بالا پوليس ٻنهي جي فرياد بعد ٻنهي ڌرين مان هڪ هڪ جوابدار گرفتار ڪري لاڪ اپ ڪري ڇڏيو آھي
