Sang e Pothohar

31/01/2023

اناللہ واناالیہ راجعون
پوٹھوہاری شاعر احتشام شعور بھٹی کی والدہ محترمہ کا قضائے الٰہی سے انتقال ہو گیا ہے
نمازِ جنازہ آج بروز منگل دن 2 بجے بٹوہا سٹاپ پیکاں نزد نوگراں کہوٹہ روڈ پر ادا کی جائے گی

رابطہ نمبر ۔ 03318988691

08/01/2023

سائیں محمد فیاض ویران رح

کاہرو کی دھرتی جنجووں کے جد امجد حضرت پیر سلطان احمد ثانی المعروف دادا پیر کالا رحمتہ اللہ علیہ کی قرار گاہ ہے
اور کنڈیاری (سلطان خیل) اور میرا راجگان کے عین درمیان دادا جی رح کا مزار پرانوار ہے
یہ علاقہ کاہروال جنجوعہ جو دادا رح کے بڑے بیٹے کی اولاد ہے ان کا مسکن ہے جبکہ باقی بیٹوں کی اولادیں کہوٹہ و کلرسیداں کے مختلف علاقوں میں رہائش پذیر ہیں
میرا راجگان اور مٹور یوں تو جرنیلوں اور عسکری قیادت کی وجہ سے پوری دنیا میں مشہور ہے اس علاقے نے بلاشبہ پاک و ہند میں عسکری و سیاسی قیادت فراہم کی لیکن یہی سے وقت کے اولیاء اللہ اور پوٹھوہار کے ادب کے سرخیل بھی نکلے ہیں ۔
آج جس شخصیت کا ذکر مقصود ہے وہ راجہ محمد فیاض جنجوعہ کی ہے جنہیں آج دنیا سائیں فیاض ویران رح کے نام سے جانتی ہے
آپ ماسٹر کریم داد جنجوعہ کے ہاں 25 مئی 1948 ء کو میرا تحصیل کہوٹہ میں پیدا ہوئے آپ تین بھائی اور ایک بہن میں دوسرے نمبر پر ہیں
آپ کے والد محترم درس و تدریس کے شعبے سے منسلک تھے اس لیے آپ کا گھرانہ بھی تعلیم کی طرف راغب تھا اس لیے آپ نے قرآن مجید ناظرہ کی دینی تعلیم بھی اور نویں جماعت تک گورنمنٹ ہائی سکول مٹور میں دنیاوی تعلیم بھی حاصل کی ۔
تعلیم کے بعد کچھ وقت آپ نے سماجی رابطوں میں گزارے جس میں واقفان حال یہ کہتے ہیں کہ سائیں رح کا نفیس لباس جس میں بوسکی کی قمیض اور لٹھے کی شلوار نیچے"تلے" والی جوتی خوبصورت انداز تکلم انتہائی متانت اور سنجیدگی کے ساتھ گفتگو کرتے ۔
عملی زندگی میں 1965 ء میں پاکستان آرمی کی ایف ایف رجمنٹ میں شمولیت اختیار کی کھیلوں میں حصہ لیا آپ نے کبڈی، باکسنگ، ہائی جمپ اور پیرا شوٹ میں نمایاں کارکردگی دکھائی لیکن طبع کا میلان نہ ہونے کی وجہ سے 1969 ء میں نوکری چھوڑ دی۔ 1971 ء کی پاک بھارت جنگ میں شریک ہوئے لیکن سقوطِ ڈھاکہ کے بعد نوکری کو ہمیشہ کے لیے خیر باد کہہ دیا ۔آپ نے شادی کے حوالے سے آپ نے اوائل جوانی میں ہی والدہ محترمہ سے کہا کہ میں شادی نہیں کروں گا ۔
بچپن ہی سے پوٹھوہاری ادب اور ثقافت کی طرف میلان تھا چُونکہ اس وقت شعراء میں نابغہ روزگار شخصیات انور فراق قریشی رح مرزا شیر زمان رح ماسٹر شریف نثار مرحوم و دیگر ایسے شعراء موجود تھے جنہوں نے اس زبان وادب کے لیے گراں قدر خدمات انجام دیں ہیں پوٹھوہاری بیت بازی کا عروج تھا آپ نے بھی شعر کہنے شروع کیے اور بقول راجہ معروف (کو آپ کے بچپن کے دوست ہیں) 1969 ء میں راولپنڈی جیل میں ایک دن سائیں رح نے مجھے کہا کہ یہ شعر لکھا ہے ۔
آپ نے باقاعدہ طور پر شعر کہنے شروع کیے لیکن کسی کی شاگردی اختیار نہیں کی حالانکہ اس حوالے سے بہت قصے مشہور ہیں کہ آپ ماسٹر نثار مرحوم کے ہاں گئے یا سردار خداداد دکھیا مرحوم کے شاگرد ہوئے لیکن بقول آپ کے برادرِ اصغر سائیں محمد اخلاص آپ کسی کے شاگرد نہیں ہوئے البتہ مرزا شیر زمان رح سے ملاقات رہی دوستوں میں مشہور شاعر صدیق گمنام ، عبدالخالق قلی مرحوم ، ماسٹر دلپذیر شاد مرحوم سائیں گل فیاض کیانی رح، راجہ مختار شاد شامل رہے جبکہ شعرخوان دوستوں میں راجہ ابراہیم اسیر سکنہ نمبل اور سائیں مہربان ڈڈیال آزاد کشمیر شامل رہے ۔ آپ رح نے دو یا تین مشاعرے بھی پڑھے کھڑی شریف مٹور اور تھوہا خالصہ دربار پر آخری مشاعرہ تھا اس کے بعد آپ سامٹھی روڈ تھوہا گلہ موضع میرا میں جھگی نشین ہوئے اور دو سال تک زائرین بابا غلام بادشاہ رح نوتھیا شریف کی خدمت کرتے رہے۔ 1975 ء میں مکمل گوشہ نشینی اختیار کی جو تادم وصال یعنی وقت ظہر 31 دسمبر 2022 ء جاری وساری رہی ۔ آپ کی نمازِ جنازہ یکم جنوری 2023 ء کو دن ایک بجے میرا کے وسیع وعریض میدان میں ادا کی گئی جس میں بلا مبالغہ لاکھوں افراد نے شرکت کی ۔ آپ کی تربت سامٹھی روڈ موضع میرا تحصیل کہوٹہ میں بنائی گئی جس کو آپ نے بقول سائیں محمد اخلاص خود مختص کر کے "ویران آباد" کے نام سے موسوم کیا ۔
آپ نے شاعری میں ویران کے علاؤہ رونقی ، رونق ، غازی ، درویش ، شیشہ ، سورج ، جاگ رانی ، سمیت کم و بیش تیس کے قریب تخلص استعمال کیے ۔ آپ کے اشعار زبان زد عام ہیں آپ کی شاعری کے کمال کا اندازہ اس بات سے لگایا جا سکتا ہے کہ آپ کی شاعری بوڑھوں جوانوں بچوں اور خواتین تک مقبول ہے آپ کی حیات ظاہری میں زائرین کا تانتا بندھا رہتا تھا اور یہی حالات اب بھی ہیں۔
آپ کے خاندان کی روحانی نسبت نقیب اللہ شاہ قصوری رحمتہ اللہ علیہ کے ساتھ ہے اور آپ کے بڑے بھائی صوبیدار ماسٹر محمد الیاس دربار عالیہ قصور شریف کے خلیفہ مجاز بھی ہیں ۔
آپ کے دوستوں میں صدیق گمنام ، راجہ معروف پنگالہ ، سائیں تاج میرا، راجہ ابراہیم اسیر ، راجہ آزاد کاکا مٹور ،راجہ مشتاق مندری بھلوٹ ، حاجی تاج نارہ ، ملک نثار نارہ، راجہ رضا مٹور اور نمبردار اکرام الحق مٹور شامل ہیں ۔
آپ کی دو کتابیں آپکی حیات میں منصہ شہود پر آئیں جن میں پہلی کتاب "گلستانِ ویران" راقم الحروف نے مئی 2015ء میں تدوین کی جبکہ دوسری کتاب " داستان ویران" 2022ء میں آئی ہے ۔
سنہ دو ہزار سے دو ہزار پندرہ تک "جشنِ ویران رح" کی محافل انعقاد پذیر ہوتی رہیں جن میں پوٹھوہاری مشاعروں اور بیت بازی (شعرخوانی) کا انعقاد کیا جاتا رہا ہے جبکہ آخری محفل 2015ء کو ہوئی جس میں سائیں محمد فیاض ویران رح نے اپنا عبا (چغہ) برادر اصغر سائیں محمد اخلاص کو پہنایا ۔ اس کے بعد بھی ماہانہ گیارہویں شریف کی محفل آپ کے آستانہ عالیہ پر ہوتی رہی ہے ۔
آپ رح ایک عظیم صوفی شاعر ، مجذوب ، ہمہ جہت شخصیت اور اعلیٰ ترین کردار کے حامل تھے آپ نے اپنی تمام زندگی زکر الٰہی میں مشغول رہ کر گزاری جس کا ثبوت آپکے افکارِ بلند پایہ ہیں جن میں آپ نے ہمیشہ عشق و مستی اور محبت و اخوت کا درس اور پرچار کیا ہے ۔
ہم تمام محبان ویران اور اہلیانِ پوٹھوہار اربابِ اختیار سے یہ پرزور مطالبہ کرتے ہیں کہ میرا روڈ کو سائیں محمد فیاض ویران رح کے نام سے موسوم کر کے باقاعدہ اندراج کیا جائے ۔
آخر میں ایک سخن حضرت سائیں محمد فیاض ویران رح کی مدح میں پیش خدمت قارئین ہے،
درد دی نگری ویران ہو گئی ،
سائیں فیاض پوٹھوہار ویران کر گئے ۔
بزمِ سخن کی بزمِ فقراء دے وی،
سارے رنگ بے رنگ بے جان کر گئے ۔
رہسن قصے موجود ہر دور اندر ،
ایسے لطف سیں درد بیان کر گئے ۔
کیتی عشق دی شرح حقیر ایسے ،
طائرِ سخن نوں ہم زبان کرگئے ۔

31/12/2022

اناللہ واناالیہ راجعون
پوٹھوہاری شاعری کا ایک عظیم نام۔ معروف مجذوب سائیں محمد فیاض ویران رحلت فرما گئے۔ نماز جنازہ کل بروز اتوار یکم جنوری 2023 کو دن 1 بجے گاؤں میرا نزد مٹور تحصیل کہوٹہ میں ادا کی جائے گی۔
اللہ پاک مرحوم کی مغفرت فرمائے۔ لواحقین اور عقیدت مندوں کو صبر جمیل عطا فرمائے آمین یارب

03/11/2022

عکس قلندر واجد اقبال حقیر کا اک خوبصورت سخن اہل فن کی نظر

26/10/2022

13/10/2022

ان شاء اللہ
#چوکپنڈوڑی میں ایک اور تاریخی مشاعرہ

30/08/2022

کالا باغ ڈیم ہوتا تو کیا سیلاب سے کم نقصان ہوتا؟
موجودہ بارشوں کے پانی کو محفوظ کرنے کے لیئے کتنے تربیلا ڈیم جتنے بڑے ڈیم ضرورت ہیں؟
ڈیم کی بحث کے بجائے متاثرین کی مدد پر توجہ دیں
Plz subscribe channel, like and share video

https://youtu.be/F9yUstWzp0E

کالاباغ ڈیم ہوتا تو کیا یہ نقصان نہ ہوتا؟

28/05/2022

خانوادہ بلبل پوٹھوہار و بلبل فضل (رح) سائیں گل فیاض کیانی مرحوم پہلی برسی پر یادگار و کامیاب مشاعرہ پر خراج تحسین کا مستحق

23/05/2022

بلبل پوٹھوہار بلبل فضل (رح) سائیں گل فیاض کیانی کی پہلی برسی کے موقع پر
ان شاء اللہ ایک یادگار مشاعرہ ہوگا

17/05/2022

#واجدحقیر ، #عمیرفیضی اور کی چوکپنڈوڑی مشاعرہ کی ویڈیو
https://youtu.be/04jJaEsUbhc

/اردو مشاعرہ بمقام چوکپنڈوڑی کلرسیداں زیر اہتمام: بزم دوستاں چوکپن...

05/05/2022

ان شاء اللہ

03/05/2022

#عیدمبارک
اللہ پاک بحق محمد وآل محمد علیھم السلام ایسی انگنت عیدیں آپ کو نصیب فرمائے
آمین یارب