Monthly Musbit Soch

29/07/2026

دنیا کا بوجھ اپنے دل سے اتار دو
چھوٹی سی زندگی ہے ہنس کر گزار دو

29/07/2026

29/07/2026

ایک اور بیٹی کی باعزت رخصتی

خدمتِ انسانیت کے مشن کو جاری رکھتے ہوئے ٹیم پیاراپاکستان ویلفئیر سوسائٹی رجسٹرڈ نے ایک مستحق بچی کی شادی کیلئے ضروری گھریلو سامان کی خریداری کی غرض سے پیاراپاکستان ووکیشنل ٹریننگ سنٹر، محلہ فتح پور کمالیہ میں ڈیڑھ لاکھ روپے کا چیک فراہم کیا، تاکہ اس کی باعزت رخصتی ممکن بنائی جا سکے۔

ہمارا یقین ہے کہ کسی مستحق بیٹی کے چہرے کی مسکراہٹ ہی خدمتِ انسانیت کا سب سے قیمتی انعام ہے۔

ٹیم پیاراپاکستان

29/07/2026

پیاراپاکستان آفس مامونکانجن کی ٹیم کا قابلِ فخر کارنامہ

اللہ تعالیٰ کے فضل و کرم سے پیاراپاکستان ویلفئیر سوسائٹی رجسٹرڈ کی مامونکانجن ٹیم نے دو فریقین کے درمیان دیرینہ تنازع خوش اسلوبی، حکمت اور باہمی افہام و تفہیم کے ذریعے ختم کروا کر صلح کروا دی۔ اس کامیاب مصالحت سے نہ صرف ایک پرانا مسئلہ حل ہوا بلکہ محبت، بھائی چارے اور سماجی ہم آہنگی کو بھی فروغ ملا۔

ٹیم پیاراپاکستان ہمیشہ کسی ذاتی مفاد کے بغیر، صرف اور صرف اللہ تعالیٰ کی رضا اور خدمتِ انسانیت کے جذبے کے تحت لوگوں کے درمیان امن، محبت اور بھائی چارہ قائم کرنے کے لیے کوشاں رہے گی۔

اس موقع پر بانی و منتظم پیاراپاکستان ساجدکمبوہ،مہر عمران وہنیوال ایڈووکیٹ،بابر امداد اور صدر پیاراپاکستان مامونکانجن مہر محسن علی وہنیوال موجود تھے

"جو دلوں کو جوڑ دے، وہی حقیقی خدمت ہے، اور یہی پیاراپاکستان کا مشن ہے۔"

29/07/2026

خاندان کی سب سے فسادی عورت سب سے زیادہ اسلامی سٹیٹس لگاتی ہے

17/07/2026

وزیراعظم روشن پاکستان قومی لٹریسی ڈرائیو: نیشنل کمیشن فار ہیومن ڈویلپمنٹ اور پیاراپاکستان ویلفئیر سوسائٹی رجسٹرڈ کے درمیان شراکت داری کا معاہدہ

کمالیہ کی خواتین کی تعلیم، خواندگی اور ہنر مندی کے فروغ کیلئے اہم پیش رفت، وزیراعظم پاکستان اور وفاقی وزارتِ تعلیم و پیشہ ورانہ تربیت کے تحت جاری "وزیراعظم روشن پاکستان قومی لٹریسی ڈرائیو" کے سلسلے میں (NCHD) کے اسسٹنٹ ڈائریکٹر لٹریسی ساجد حسین نے فیلڈ آفیسرز زاہد عباس، محمد بنیامین اور وسیم ثقلین کے ہمراہ پیاراپاکستان کے بانی و منتظم انجینئر ساجد کمبوہ کے دفتر کا دورہ کیا۔

دورے کے دوران تحصیل کمالیہ میں ان پڑھ خواتین کو بنیادی تعلیم، عملی تربیت اور ہنر مند بنانے کے لیے باہمی تعاون اور شراکت داری کے معاہدے پر دستخط کیے گئے۔ معاہدے پر نیشنل کمیشن فار ہیومن ڈویلپمنٹ کی جانب سے اسسٹنٹ ڈائریکٹر لٹریسی ساجد حسین جبکہ پیاراپاکستان کی جانب سے بانی و منتظم ساجد کمبوہ نے دستخط کیے اس موقع پر ٹیم پیاراپاکستان کے عہدیدارن بابا امین گڈو،وقاص انور،ماسٹر لیاقت جاوید چوہان،لالہ توقیر موجود تھے

لٹریسی سنٹر کا باقاعدہ آغاز رواں ہفتے کے دوران کر ہوگا۔ اس شراکت داری کے تحت ادارہ پیاراپاکستان لٹریسی سنٹر کیلئے ٹیچر کا اعزازیہ اور خواتین کو سلائی کڑھائی کی عملی تربیت دینے کیلئے سلائی مشینیں فراہم کرے گا، جبکہ نیشنل کمیشن فار ہیومن ڈویلپمنٹ کی جانب سے لرنرز کیلئے کتابیں اور تعلیمی مواد، اساتذہ کی تربیت، طلبہ کی تعلیمی جانچ، نیز اساتذہ اور لرنرز کو سرٹیفکیٹس فراہم کیے جائیں گے۔۔۔

17/07/2026

پیاراپاکستان ویلفیئر سوسائٹی رجسٹرڈ کے زیرِاہتمام پیاراپاکستان آفس بنگلہ چوک مامونکانجن میں کارنر میٹنگ کا انعقاد

پیاراپاکستان آفس میں ایک اہم کارنر میٹنگ کا انعقاد کیا گیا۔ اجلاس میں خدمتِ انسانیت کے مختلف پہلوؤں، عوامی فلاح و بہبود، سماجی ذمہ داریوں اور ماموں کانجن کو درپیش مسائل پر تفصیلی غور و خوض کیا گیا۔

شرکاء نے اس عزم کا اظہار کیا کہ وہ علاقے کے مسائل کی مؤثر نشاندہی کے ساتھ ساتھ ان کے حل کے لیے عملی اقدامات کریں گے اور عوامی خدمت کے جذبے کے تحت اپنی ذمہ داریاں بھرپور انداز میں ادا کریں گے۔

اجلاس میں بانی و منتظم پیاراپاکستان ویلفئیر سوسائٹی رجسٹرڈ انجینئر ساجدکمبوہ نے خصوصی شرکت کرتے ہوئے تنظیم کے مستقبل کے اہداف، خدمتِ خلق کے مشن اور عوامی فلاح کے منصوبوں پر تفصیلی گفتگو کی۔ اجلاس کی صدارت مہر محسن علی وہنیوال صدر پیاراپاکستان نے کی، جبکہ چوہدری امین نائب صدر، محمد شیر اور جاوید اقبال بگدار سمیت دیگر ذمہ داران نے بھی شرکت کی۔

اجلاس کے اختتام پر اس عزم کا اعادہ کیا گیا کہ پیاراپاکستان اپنے 22 سالہ خدمتِ انسانیت کے سفر کو مزید وسعت دیتے ہوئے بلاامتیاز عوام کی خدمت، سماجی ترقی اور فلاحی سرگرمیوں کو مزید مؤثر انداز میں جاری رکھے گی۔