Malir News

02/03/2025

02/03/2025

09/08/2024

راڌڻ جي سبزي پڙي چيف سردار حوالي ٿي وئي. حاجي نفيس خانزادھ آئوٽ

16/10/2022

ملير جي غزالي اسڪول جي پولنگ اسٽيشن تي پي ٽي آءِ ۽ پ پ ڪارڪنن ۾ ڇڪتاڻ، بلال غفار زخمي

01/10/2022

ڈسٹرکٹ ملیر

سابق ایس ایچ او ممتاز مروت کے پالے گئے 35رکنی گینگ کے اہم کارندے ملیر پولیس کے ہاتھوں گرفتار

گرفتار ملزمان مین نیشنل ہائی وے پر آئل ٹینکرز،چھالیہ کی گاڑیوں و منشیات کی گاڑیوں کو پکڑ کر ملیر پولیس کے نام پر لاکھوں روپے وصول کرتے تھے

ڈی ایس پی بن قاسم نے اپنے پرسنل اسکوارڈ کے ہمراہ کارروائی کرتے ہوئے ملزمان برہان،میر افضل اور سلیم چانڈیو کو گرفتار کرلیا

پولیس نے گرفتار ملزمان کے قبضے سے بھتہ وصولی کی رقم 33لاکھ روپے،دو عدد پسٹل اور گاڑی برآمد کرکے ملزمان کے خلاف مقدمہ درج کردیا ہے:رپورٹ

کراچی(کرائم رپورٹر/وضاحت نیوز) ڈسٹرکٹ ملیر پی ایس شاہ لطیف ٹاون کے سابق ایس ایچ او ممتاز خان مروت کے پالے گئے 35رکنی گینگ میں سے 4ملزمان کو ملیر پولیس نے گرفتار کرکے مقدمہ درج کردیا ہے

گرفتار ملزمان برہان ولد اختر،میر افضل ولد امیر بادشاہ،نزاکت ولد ولی محمد اور محمد سلیم چانڈیو ولد علی نواز پورٹ قاسم چورنگی کے قریب پکٹ لگا کر آئل ٹینکرز ڈرائیورز سے بھتہ وصولی کرنے میں مصروف تھے جس کی اطلاع ڈی ایس پی بن قاسم کو ملی

ڈی ایس پی بن قاسم اپنے پرسنل اسکوارڈ کے ہمراہ فوری طور پر پورٹ قاسم چورنگی پر پہنچے تو ملزمان ٹینکرز ڈرائیورز سے بھتہ وصول کررہے تھے اور موقع پر موجود ٹینکرز ڈرائیورز نے ڈی ایس پی بن قاسم کو جملہ صورتحال سے آگاہ کیا جس پر پولیس نے چاروں ملزمان کو گرفتار کرلیا

ڈی ایس پی بن قاسم کی جانب سے مذکورہ واقعے کی اطلاع فوری طور پر ایس ایس پی ملیر سید عرفان علی بہادر کو دی گئی جس پر ایس ایس پی ملیر سید عرفان علی بہادر نے ملزمان کے خلاف سخت کارروائی کرنے کے احکامات جاری کیے

ڈی ایس پی بن قاسم نے موقع پر ایس ایچ او اسٹیل ٹاون کو بلایا اور گرفتار ملزمان کو ایس ایچ او کے حوالے کیا جس کے بعد ایس ایچ او اسٹیل ٹاون گلبہار رند نے گرفتار ملزمان کے خلاف مقدمہ درج کرتے ہوئے ملزمان سے 33لاکھ روپے بھتہ وصولی کی رقم،دو عدد پسٹل اور گاڑی برآمد کرکے ملزمان کو حوالات میں بندکردیا

ذرائع کے مطابق پورٹ قاسم چورنگی پر پی ایس شاہ لطیف ٹاون کی پولیس موبائل بھی ملزمان کو بیک اپ دینے کے لیے موجود تھی ڈی ایس پی بن قاسم کے پہنچنے پر پی ایس شاہ لطیف ٹاون کی پولیس موبائل موقع سے چلی گئی ایسی غفلت و لاپرواہی برتنے پر ایس ایچ او شاہ لطیف ٹاون چودھری اسلم کو فوری طور پر ایس ایس پی ملیر عرفان بہادر نے معطل کردیا ہے

واضح رہے کہ سلیم چانڈیو سابق ایس ایچ او ممتاز خان مروت کا بیٹر تھا جوکہ پی ایس شاہ لطیف ٹاون کی حدود میں گٹکا ماوا مافیا کی سرپرستی کرتا تھا اور سابق ایس ایچ او ممتاز خان مروت کی جانب سے گرفتار ملزمان سے برآمد منشیات بھی سلیم چانڈیو اپنے منشیات فروشی کے اڈے صالح محمد گوٹھ میں پہنچاتا اور فروخت کرتا تھا

سابق ایس ایچ او ممتاز خان مروت کے معطل ہونے و بلیک کمپنی ہونے کے بعد بھی سلیم چانڈیو اپنے دیگر ساتھیوں کے ہمراہ ملیر پولیس کو بدنام کرنے کے لیے جرائم پیشہ وسماج دشمن عناصر سے ملیر پولیس کے نام پر بھتہ وصول کرنے میں مصروف عمل تھا جس کی نشاندہی پہلے بھی میڈیا کے ذریعے کروائی گئی تھی

اسی طرح پی ایس قائد آباد پر سابق ایس ایچ او ممتاز مروت کے 35 رکنی گینگ کا کارندہ فدا کشمیری اس وقت ایس ایچ او امین کھوسہ کی اسپیشل ٹیم میں چل رہا ہے ْاور پی ایس قائد آباد پولیس کے خلاف شہریوں کو گھروں سے اٹھا کر نجی ٹارچر سیلز میں تشدد کرنا اور پھر معصوم و بےگناہ شہریوں کے گھر والوں سے رہائی کے عوض تاوان وصول کرنے سمیت گھروں سے نقدی و طلائی زیورات چوری کرنے جیسی متعدد شکایات موصول ہورہی ہیں

ایس ایس پی ملیر سید عرفان علی بہادر کو چاہیے کہ ملیر پولیس کو بدنام کرنے والے عناصر کے خلاف کارروائی عمل میں لائیں اور ضلع میں امن وامان قائم کرنے و شہریوں کے جان ومال کے تحفظ کو یقینی بنائیں۔

02/09/2022

کراچی

ڈی جی ایم ڈی اے محمد سہیل کے پرائیویٹ بیٹر میدان میں آگئے،سیکٹر 26-اے امان اللہ ابڑو،سجاد ابڑو اور نذیر ابڑو کے حوالے

ڈیمارکیشن اور نہ ہی پزیشن بس کٹنگ کرو اور ہمیں حصہ دو،ایم ڈی اے ملیر کی فائلوں کے پیٹرن تک مارکیٹوں میں سرعام فروخت ہونے لگے

لینڈ مافیا کی جانب سے سیکٹر 26-اے میں مسجد کی آڑ میں کٹنگ کا آغاز ہوچکا،اینٹی انکروچمنٹ ڈیپارٹمنٹ کی سرعام لینڈ مافیا کی سرپرستی جاری،کوئی پوچھنے والا نہیں

کراچی(اسٹاف رپورٹر) ڈی جی ایم ڈی اے محمد سہیل کے پرائیویٹ بیٹروں نے اسکیم 25-اے شاہ لطیف ٹاون سیکٹر 26-اے کا کنٹرول سنبھال لیا ہے ڈی جی ایم ڈی اے محمد سہیل اور ایم ڈی اے اینٹی انکروچمنٹ سیل نے پرائیویٹ بیٹروں کو ڈیمارکیشن اور پزیشن کے اختیارات بھی سونپ دئیے ہیں

سیکٹر 26-اے کے 1ہزار سے زائد الاٹیز میں سے کسی ایک کو بھی تاحال ایم ڈی اے کی جانب سے نہ تو ڈیمارکیشن کرکے دی گئی ہے اور نہ ہی پزیشن دی گئی ہے

لیکن ڈی جی ایم ڈی اے کے پرائیویٹ بیٹروں امان اللہ ابڑو،سجاد ابڑو اور نذیر ابڑو نے سیکٹر26-اے میں اپنی انٹری ماردی ہے

ڈی جی ایم ڈی اے محمد سہیل کے پرائیویٹ بیٹروں نے سب سے پہلے سیکٹر26-اے میں مسجد کی اراضی پر ٹرسٹ کے نام سے قبضہ کرلیا ہے

پرائیویٹ بیٹروں کی جانب سے جعلی فائلیں ایم ڈی اے کے پیٹرن پر بھی بنا لی گئی ہیں کہ اصل الاٹیز اگر اپنے پلاٹ پر آئے تو جعلی فائل کے ذریعے سب سے پہلے اصل الاٹی کے خلاف سول سوٹ دائر کردیا جائے اور اصل الاٹی کو عدالتوں کے چکروں میں الجھا کر رکھا جائے

دوسری جانب ڈی جی ایم ڈی اے کے پرائیویٹ بیٹروں نے سیکٹر 26-اے میں اپنی طرف سے ڈیمارکیشن کرکے تعمیراتی کام بھی شروع کردیا ہے

ذرائع نے بتایا کہ پرائیویٹ بیٹر امان اللہ ابڑو،سجاد ابڑو اور نذیر ابڑو مقامی افراد کو دبانے اور حراساں کرنے کے لیے اپنا تعلق وزیر بلدیات ناصر حسین شاہ کے ساتھ ظاہر کرتے ہیں

کراچی کی شہریوں نے اپنے حق حلال کی کمائی سے اسکیم 25-اے میں اپنے پلاٹ خریدے تھے جنکو تاحال ایم ڈی اے ملیر نے ڈیمارکیشن کرکے نہ دی ہے اور وہ آج بھی در در کی ٹھوکریں کھانے پر مجبور ہیں

ڈائریکٹر ایم ڈی اے ملیر محمد سہیل اور اینٹی انکروچمنٹ ڈیپارٹمنٹ ملیر کی جانب سے غیر قانونی طور پر ڈیمارکیشن کر کے قبضہ کرنے والوں کے خلاف کارروائی نہ کرنا علی الاعلان قبضہ مافیا کو سپورٹ کرنے کے مترادف ہے

رہی سہی کسر مقامی پولیس پی ایس شاہ لطیف ٹاون نے پوری کر رکھی ہے اگر سیکٹر26-اے میں تعمیراتی کام کرنا ہے تو مقامی پولیس اپنا حصہ وصول کرنے پہنچ جاتی ہے اور فی پلاٹ 25سے 30ہزار روپے وصول کیے جاتے ہیں

وزیر اعلی سندھ سید مراد علی شاہ،چیف سیکریٹری سندھ اور سیکریٹری لینڈ ڈیپارٹمنٹ کو معاملے کا نوٹس لینا چاہیے اور کرپٹ ڈی جی ایم ڈی اے محمد سہیل کے خلاف کارروائی کرنی چاہیے۔

26/08/2022

کراچی

قبضہ مافیا کی بی ٹیم ڈائریکٹر جنرل ایم ڈی اے محمد سہیل نے کرپشن کے سارے ریکارڈ توڑ دئیے

اسکیم 25اے شاہ لطیف ٹاون کے مختلف سیکٹرز لینڈ مافیا کے حوالے،الاٹیز در در کی ٹھوکریں کھانے پر مجبور

کرپٹ ڈی جی ایم ڈی اے اسکیم 25اے کے پبلک پارکس،ڈسپنسریز،مساجد،کھیل کے میدان اور اسکولز کے لیے مختص اراضی بھی بیچ کر کھا گیا،کوئی پوچھنے والا نہیں

ڈائریکٹر اینٹی کرپشن،ایف آئی اے،چیف سیکریٹری سندھ،سیکٹری لینڈ اور وزیر اعلی سندھ کو کرپٹ ڈی جی ایم ڈی اے کے خلاف کارروائی کرنی چاہیے:رپورٹ

کراچی(اسٹاف رپورٹر)کراچی کے شہریوں و غریب عوام نے اپنی حلال کمائی کی جمع پونجی سے اپنے لیے و اپنے بچوں کے لیے سرپر چھت بنانے کے لیے اسکیم 25اے شاہ لطیف ٹاون میں پلاٹ خریدے

یہ اسکیم کراچی ڈویلپمنٹ اتھارٹی/ادارة ترقیات کی جانب سے سال1982 میں متعارف کروائی گئی تھی جسے بعد میں ایم ڈی اے اسکیم 25اے کا نام دیا گیا تھا

سندھ گورنمنٹ کے پے رول پر متعین کردہ ڈائریکٹر ایم ڈی ایز نے شاہ لطیف ٹاون کے مختلف سیکٹرز قبضہ مافیا کے حوالے کردئیے اور قبضہ مافیا نے اونے پونے پورے پورے سیکٹرز جعلی گوٹھ آباد کی فائلیں بنا کر ایم ڈی اے کی مبینہ ملی بھگت سے انکو فروخت کردیا

اسکیم 25اے شاہ لطیف ٹاون سیکٹر 26اے کو کرپٹ ڈی جی ایم ڈی اے محمد سہیل نے قبضہ مافیا کے حوالے کرکے سیکٹر 26اے پر غیر قانونی طور پر پٹھان کالونی/پٹھان گوٹھ کے نام سے پرائیوٹ دلالوں کے ذریعے تعمیر کروا کر فروخت کردیا ہے

واضح رہے کہ سیکٹر 26اے میں ٹوٹل 812 الاٹیز ہیں جو اسوقت زندہ یا انکی اولادیں در در کی ٹھکریں کھانے پر مجبور ہیں جنہوں نے اپنی ساری زندگی کی جمع پونجی سے یہاں پلاٹ خرید کیے تھے موجودہ ڈی جی ایم ڈی اے محمد سہیل قبضہ مافیا کی خود بی ٹیم بن گیا ہے اور پورے سیکٹر پر قبضہ کروادیا ہے

شاہ لطیف ٹاون سیکٹر 26اے میں ٹوٹل 10ایس ٹی پلاٹس ہیں جن میں پرائمری اسکول،ہائی اسکول،مسجد،پارکس، ڈسپنسری اور پلے گراونڈز کے لیے اراضی مختص کی گئی تھی

کرپٹ ڈی جی ایم ڈی اے محمد سہیل اسکیم 25اے کے پبلک پارکس،ڈسپنسریز،مساجد،کھیل کے میدان اور اسکولز کے لیے مختص اراضی بھی قبضہ مافیا کے ذریعے بیچ کر کھا گیا ہے اور تاحال کرپٹ ڈی جی ایم ڈی اے محمد سہیل کے پیٹ کا دوزخ نہیں بھرا ہے

اگر سندھ گورنمنٹ سے منظور شدہ رہائشی اسکیموں کا یہ عالم ہے کہ غریب عوام کی پوری زندگی کی جمع پونجی برباد ہوگئی ہے تو عام پرائیویٹ رہائشی اسکیموں کی کیا حالت ہوگی اسکا اندازہ بخوبی لگایا جاسکتا ہے

سپریم کورٹ آف پاکستان کے احکامات کے باوجود بھی کرپٹ ڈی جی ایم ڈی اے محمد سہیل نے تاحال اینٹی انکروچمنٹ کے ذریعے شاہ لطیف ٹاون سیکٹر 26اے پر قبضہ مافیا کے خلاف کارروائی عمل میں نہ لائی ہے اور مزید شاہ لطیف ٹاون کے سیکٹرز کو بھی قبضہ مافیا کے حوالے کرکے فروخت کرنے کے گھناونے دھندے پر گامزن ہے

ڈائریکٹر اینٹی کرپشن،ایف آئی اے،چیف سیکریٹری سندھ،سیکٹری لینڈ اور وزیر اعلی سندھ کو کرپٹ ڈی جی ایم ڈی اے خلاف کارروائی کرنی چاہیے اور قبضہ مافیا کے خلاف کارروائی عمل میں لانی چاہیے۔

19/08/2022

ڈسٹرکٹ ملیر

پی ایس شاہ لطیف ٹاون کی حدود میں ظلم کی ایک اور داستان رقم،بااثر وڈیرے نے ریاست کے اندر ریاست قائم کردی

جام کنڈو کے راہواسی گلزار خاصخیلی پر چوری کے الزام میں بہیمانہ تشدد،ڈسٹرکٹ ملیر لاء اینڈ آرڈر کے حوالے سے بدترین ڈسٹرکٹ بن گیا

بااثر ملزم شاہ زیب بلوچ اور امجد بلوچ نے اپنے ساتھیوں کے ہمراہ میرے بھائی کو تشدد کا نشانہ بناتے رہے:میر حسن خاصخیلی

میرے بھائی کو بااثر ملزمان تشدد کا نشانہ بناتے رہے اور پانی میں ڈبکیاں دیتے رہے:میر حسن خاصخیلی

ہم غریب لوگ ہیں بااثر وڈیروں کے خلاف متعلقہ پولیس نے کوئی بھی کارروائی نہ کی ہے:میرحسن خاصخیلی

میرے بھائی کے پانچ بچے ہیں جن میں سے چار کا دماغی توازن ٹھیک نہیں ہے:میر حسن خاصخیلی

میرا بھائی اسوقت موت کی کشمکش میں اسپتال میں داخل ہے ہمیں انصاف فراہم کیا جائے اور ملزمان کو گرفتار کیا جائے:میرحسن خاصخیلی

09/08/2022

Shahbaz Gill arrested for provocation against institutions: Islamabad Police.