12/12/2025
گارڈن ایسٹ : خدمتگار کمیٹی کا غفوریہ پاکولا مسجد کے باہر ڈمپر مافیا و بلڈر مافیا کے خلاف شدید احتجاج
کراچی گارڈن ایسٹ خدمتگار کمیٹی کی جانب سے غفوریا پاکولا مسجد کے باہر ڈمپر مافیا، بلڈر مافیا اور سیورچ کی مسلسل مبینہ طبع آزمائیوں کے خلاف بھرپور احتجاجی مظاہرہ کیا گیا۔ احتجاج کا انعقاد شکیل احمد بھائی کی زیرِ سرپرستی کیا گیا، جس میں اہلِ علاقہ، بزرگوں، نوجوانوں اور تاجروں سمیت بڑی تعداد میں علاقے والوں نے شرکت کی۔
مظاہرین نے کہا کہ علاقے میں روزانہ کی بنیاد پر مٹی، ملبہ اور غیرقانونی ڈمپر کھڑے ہونے سے ٹریفک میں خلل پڑتا ہے اور امد و رف سے نئی سڑک تباہ حالی کا شکار ہو رہی ہے ، جبکہ سیورچ کی غفلت کے باعث گٹر اُبلنے سے عوام شدید پریشانی میں مبتلا ہیں۔ شرکا نے انتظامیہ کی عدم توجہی پر سخت برہمی کا اظہار کرتے ہوئے کہا کہ بارہا شکایات کے باوجود کوئی عملی قدم نہیں اٹھایا گیا۔
خدمتگار کمیٹی کے رہنماؤں نے مطالبہ کیا کہ انتظامیہ فوری طور پر ڈمپر اور بلڈر مافیا کی سرگرمیوں کے خلاف کارروائی کرے، سیوریج سسٹم کی مرمت اور علاقے کی بحالی کے لیے ہنگامی اقدامات کیے جائیں، تاکہ عوام کو روزمرہ مشکلات سے نجات مل سکے۔
