Pakistan Defense

06/11/2025

پاکستان زندہ باد۔۔۔
امریکی صدر ڈونلڈ ٹرمپ نے اپنے وار منسٹر کو ایٹمی تجربات کرنے کا حکم دے دیا ہے اور بیان میں یہ بھی اشارہ دیا ہے کہ چائنہ، پاکستان، روس اور شمالی کوریا زیرزمین ایٹمی تجربات کر رہے ہیں۔
صدر ڈونلڈ ٹرمپ کے اس بیان کے بعد دنیا بھر کےدفاعی ماہرین اور بالخصوص پاکستان اور چائنہ کے دشمنوں کے کان کھڑے ہو گئے ہیں۔
عالمی دفاعی تجزیہ نگاروں نے لکھنا شروع کر دیا ہے اور حالیہ رونما ہونے والے واقعات، تبدیلیوں اور طاقت کے توازن پر بحث چھِڑ چکی ہے،
کچھ ماہرین کا کہنا ہے کہ پاکستان نے جس طرح رازداری اور خفیہ طریقے سے ایٹم بم بنایا، اُسی طرح نہایت رازداری اور مہارت کے ساتھ بہت ہی کم بجٹ میں ملٹی ڈومین وار اسٹریجی اور ایلکٹرونکس وار فئیر کا استعمال کرتے ہوئے بھارت کو جس طرح واضع شکت سے دوچار کیا اور بھارت کے سات برینڈ نیو چم چم کرتے فائٹر جیٹ مار گرائے پوری دنیا کا فوکس پاکستان کی کمال اور خاموش طاقت پر ہے،
آج یہ بحث شروع ہو گئی ہے اور کچھ دفاعی ماہرین تو یہ تک کہہ رہے ہیں کہ پاکستان نے چند روز قبل نہ صرف ہائپر سونک میزائل ٹیسٹ کیا ہے بلکہ اس بات کی بھی توقع کی جارہی ہے کہ پاکستان زیر زمین اور زیر سمندر ایسے بنکرز بنا چکا ہے جہاں اپنے ایٹمی اثاثے مکمل طور پر محفوظ بنا چکا ہے کیونکہ پاکستان کو یہ بخوبی اندازہ تھا کہ بھارت اور اسرائیل کسی بھی وقت پاکستان کے ایٹمی اثاثوں کو نشانہ بنا سکتے ہیں۔
لہذا پاکستان نے بڑی سمجھداری اور پیشہ وارانہ مہارت سے اپنے تمام ایٹمی اثاثے ایسی جگہوں پر محفوظ کر لئے ہیں کہ اب اگر خدانخواستہ کوئی دشمن ایٹمی حملہ بھی کرے گا تو وہ ایک ہی حملہ کر سکے گا اور اس حملے کے بعد جو پاکستان کرے گا وہ کوئی سوچ بھی نہیں سکتا۔
یہ جو بار بار امریکی صدر ٹرمپ فیلڈ مارشل زندہ باد، شہباز شریف زندہ باد ، پاکستان زندہ باد کے نعرے لگا رہا ہے یہ ایسے ہی نہیں لگا رہا۔
صدر ٹرمپ کو امریکی ایجنسیاں شاید بتا چکی ہیں کہ پاکستان کے ایٹمی اثاثے نہ صرف محفوظ ہیں بلکہ اتنے محفوظ، ماڈرن اور ایڈوانس ہیں کہ اب امریکہ بھی پاکستان کے ایٹمی اثاثے تباہ نہیں کر سکتا، اور شاید یہی بات ٹرمپ نے مسٹر مودی کو بھی سمجھائی کہ دوبارہ پاکستان کےساتھ جنگ کا کبھی سوچنا بھی نا، اگر کوئی شرارت کی تو اب پاکستان تمھارا وہ حشر کرے گا کہ شاید بھارت صدیوں تک سنبھل نہیں پائے گا۔۔۔۔
فی الحال یہ افواہیں، خبریں اور تُکے ہی لگائے جا رہے ہیں کیونکہ ایسی خفیہ معلومات کی تصدیق تو کوئی بھی ملک نہیں کرتا۔
لیکن الحمدللہ یہ سن کر بےحد خوشی اور دل کو سکون ملتا ہے کہ پاکستان نے ہزار مشکلات، اختلافات اور معاشی بحرانوں کے باوجود اپنے ملک کو ناقابل تسخیر بنا لیا ہے اور دنیا پر ثابت کر دیا ہے کہ جب دشمن دس گنا بڑی طاقت ہو تو تیاری بھی دنیا سے دس گنا زیادہ کرنا پڑتی ہے۔
پاکستان ہمیشہ زندہ باد
تحریر:محمدافضل۔۔ی،
نیوجرسی، امریکہ۔

19/06/2025

اگر ایٹمی حملہ ہو جائے تو سب سے پہلے دل کو قابو میں رکھو گھبراہٹ موت کا پہلا دروازہ ہے
جو شخص گھبرا جاتا ہے وہ سوچ نہیں سکتا اور جو سوچ نہیں سکتا وہ بچ نہیں سکتا
اس لیے دل مضبوط رکھو اور بس وہی کرو جو میں تمہیں ابھی سمجھانے لگا ہوں

پہلا کام یہ ہے کہ جیسے ہی تمہیں پتہ چلے کہ ایٹمی دھماکہ ہوا ہے یا ہونے والا ہے
سب کچھ چھوڑ دو اور نیچے زمین پر لیٹ جاؤ
کبھی بھی روشنی کو مت دیکھنا
یہ روشنی آنکھیں جلا سکتی ہے چاہے تم دھماکے سے دور ہی کیوں نہ ہو
اپنے چہرے کو دوسری طرف موڑ لو
اپنی آنکھوں پر ہاتھ رکھ لو
اگر کوئی چادر یا کپڑا ہے تو اس سے منہ ڈھانپ لو

پھر دوسرا کام فوراً کرنا ہے
دھماکے کے بعد چند لمحوں میں ایک زوردار ہوا کی لہر آئے گی
وہ سب کچھ گرا سکتی ہے
اس لیے تمہیں فوراً کسی مضبوط دیوار یا کھڈے کے پیچھے چھپنا ہے
زمین پر لیٹ جانا ہے
سر کو ہاتھوں یا بیگ یا کسی چیز سے ڈھانپ لینا ہے
یہ دس سیکنڈ کا وقت ہوگا
اگر تم کھڑے رہے تو چوٹ لگے گی
اگر تم کسی عمارت کے اندر ہو تو کھڑکیوں سے فوراً دور ہو جاؤ
شیشے ٹوٹ کر زخمی کر سکتے ہیں

تیسرا کام یہ ہے
دھماکے کے بعد دیر مت کرو
جلدی سے کسی پکی اور مضبوط عمارت میں داخل ہو جاؤ
اگر تہہ خانہ ہے تو وہ سب سے بہتر جگہ ہے
دروازے بند کر دو
کھڑکیاں بند کر دو
جہاں کہیں سے ہوا آ سکتی ہو اسے بند کر دو
کپڑا یا پلاسٹک یا ٹیپ جو بھی ہو استعمال کرو
تاکہ باہر کی ہوا اندر نہ آ سکے

چوتھی بات یہ ہے کہ کم از کم چوبیس گھنٹے اور اگر ہو سکے تو بہتر گھنٹے وہیں اندر رہو
باہر کی ہوا زہریلی ہوگی
ریڈی ایشن تمہیں نظر تو نہیں آئے گی مگر وہ اندر جا کر جسم کو ختم کر سکتی ہے
کوئی تمہیں کہے بغیر باہر مت نکلو

پانچواں کام یہ ہے
اگر تم باہر تھے جب دھماکہ ہوا تو اپنے سارے کپڑے اتار دو
کیونکہ وہ آلودہ ہو چکے ہوں گے
انہیں کسی پلاسٹک بیگ میں رکھو اور اچھی طرح باندھ دو
پھر ٹھنڈے پانی اور صابن سے نہاؤ
لیکن جسم کو مت رگڑو
نرم ہاتھ سے دھونا ہے تاکہ جلد کے سوراخ نہ کھلیں
ورنہ نقصان زیادہ ہوگا

اور آخر میں ایک بات بہت اہم ہے
ابھی سے ایک ایمرجنسی بیگ تیار رکھو
اس میں پینے کا صاف پانی رکھو
خشک کھانے رکھو جیسے بسکٹ یا خشک میوہ
کچھ دوائیں رکھو جیسے درد کی دوا بخار کی دوا اور کوئی زخم پر لگانے والی کریم
ایک فون چارجنگ بینک بھی رکھ لو
کچھ نقد رقم بھی رکھ لو
اور کوئی چھوٹا سا قرآن پاک بھی رکھ لو
کیونکہ اس وقت اللہ ہی کام آئے گا

اور ہاں
کبھی نلکے کا پانی مت پیو جب تک کوئی نہ کہے کہ وہ محفوظ ہے
دودھ بھی تبھی پیو جب یقین ہو کہ وہ آلودہ نہیں

اتنی باتیں یاد رکھنا
اور اللہ سے دعا کرتے رہنا کہ وہ ہمیں اور ہمارے ملک کو محفوظ رکھے
مگر اگر آزمائش آ جائے تو ہم تیاری کے ساتھ اس کا سامنا کریں
کیونکہ جان اللہ کی امانت ہے
اور بچاؤ بھی اللہ ہی کی مدد سے ممکن ہے

10/05/2025

اس وقت بھارت پر کیا گزر رہی ہوگی؟
سید مصعب غزنوی کی وال سے
پہلے آپ کو پورا منظر دکھاتے ہیں اور سمجھاتے ہیں
بھارت پاکستان پر پہل گام کا الزام لگا کر سویلین آبادی پر حملہ آور ہوگیا، اور 26 پاکستانی شہریوں کو شہید کردیا۔
اس کے فوری جواب میں اسی رات پاکستانی فضائیہ اور آرمی نے 5 بھارتی فائٹر جیٹس مار گرائے، سری نگر ایئر بیس کو نقصان پہنچایا، برگیڈ ہیڈکوارٹر اڑا دیا، چالیس سے پچاس چیک پوسٹس تباہ کردیں۔
یہ اتنا آسان نہیں ہے جتنا آپ کو دکھ رہا ہے
ایک ملک جو حملہ آور ہوا اسے دفاع کرنے والے ملک نے منہ کے بل گرادیا۔ اور رافیل جیسا برج الٹ گیا، اور گرایا بھی پاکستان نے اپنی ہی حدود سے۔ جس نے پوری دنیا پر پاکستانی فضائیہ کی نہ صرف برتری ثابت کی بلکہ دھاک بٹھا دی۔
اسے ڈاگ فائٹ اور پاکستانی کامیابی کو دنیا کے بڑے بڑے وار کورسز میں شامل کیا جائے گا۔
یہ ایک خفت تھی جو مودی اور بھارتی اعصاب کو ہر گزرتے گھنٹے توڑ رہی تھی، اور ان سے برداشت نہیں ہو پارہا تھا کہ کسی بھی طرح حساب چکتا نہ بھی کریں مگر ایک دو جہاز کم از کم پاکستان کے بھی گرادیں۔
خیر اس دفاع کے باوجود پاکستان نے واپس بھارت پر فی الحال تک کوئی جوابی کارروائی نہیں کی تھی، کہ بھارت کو ایک بار پھر مخصوص مقام پر کیڑے نے کاٹا اور درجنوں اسرائیلی ساختہ ہیروپ ڈرون جن کا دنیا میں تہلکہ تھا پاکستان میں اتار دیے بھارت نے۔
ان ڈرونز سے فصلوں میں کام کرتے دو سول کسان شہید ہوئے اس کے علاہ گھنٹہ نقصان نہیں ہوا پاکستان کا۔ اب پاکستان نے بھی ساٹھ سے زائد ڈرون مار گرائے یا اپنے قبضے میں لے لیے۔
یوں بھارت اور مودی کے منہ پر ایک اور لعنت مل دی پاکستان نے، یا یوں کہ لیں مودی مودا ہوگیا اب تو۔
اس کے بعد فیک نیوز کی بھرمار، کہیں جنرل عاصم منیر کو گرفتار کروا دیا، کہیں وزیر اعظم ہاؤس پر حملہ کروا دیا، کہیں لاہور کے ساحل پر بھارتی بحریہ کا قبضہ کروا دیا گیا اور کہیں بھارتی حملے میں کراچی کی بندرگاہ اور آدھا کراچی تک تباہ کروا دیا۔
صرف ادھر ہی بس نہیں ان سارے جھوٹ کے پلندوں کے ساتھ اپنے ہی پنجاب پر خود ہی میزائل داغ کر ایک اپنا ہی جہاز گرا لیا اور الزام پاکستان پر دھر دیا، کہ پنجابیوں کی ہمدردی لے لیں مگر پھر بھی کوئی کامیابی نہ ملی۔
پاکستان کے پی ایس ایل کے پیش نظر پنڈی سٹیڈیم کی طرف ڈرون بھیج دیا، جواب میں پاکستانی حملے کے خوف سے اپنا آئی پی ایل میچ چھوڑ کر بھاگنا پڑا اور ملتوی کرنا پڑگیا۔
اور ان سب خفتوں کے بعد کل ایک بار پھر پاکستان کے مختلف شہروں پر میزائل اور ڈرونز سے بھارت حملہ آور ہوا، تین پاکستانی ایئر بیس نشانے پر رکھنے کے ساتھ ساتھ سیالکوٹ اور نارووال سیکٹرز پر جھڑپیں اور میزائل مارے گئے۔ پاکستان نے سب کچھ کامیابی سے انٹرسیپٹ کرلیا اور شیخ زید انٹرنیشنل ایئرپورٹ کو بھی ٹارگٹ کیا گیا۔
اس سب کے بعد رات ساڑھے تین بجے کے قریب ڈی جی آئی ایس پی آر ہنگامی پریس کانفرنس کرتے ہیں اور بھارت کو بتاتے ہیں کہ اب تم انتظار کرو ہم بتاتے ہیں تمہیں کہ ہم کون ہیں۔
آن کی آن تین درجن جہاز بھارت میں گھسا دیے پاکستان نے، فتح میزائل داغ دیے، ترکش بیرکتار ڈرون دہلی تک پہنچا دیے، اور حالت یہ ہوئی کہ انڈیا کے تمام بڑے ایئر بیس تباہ کردیے، روسی ساختہ ڈیڑھ ارب ڈالر کا ایس 400 تباہ کردیا ایک اور جہاز ود پائلٹ گرا دیا اور پائلٹ پکڑ لیا۔
انڈین میڈیا چیخ اٹھا کہ پاکستان نے تباہی پھیر دی ہے ہر جانب۔
اور اندازہ کریں سب سے مزے کی بات پاکستان نے پورا انڈین ملٹری سسٹم جام کردیا، اپنے اشاروں پر چلا کر دنیا کو حیران کردیا۔
اس سب صوتحال میں ایک بھی پاکستانی کو نقصان نہیں پہنچا الحمدللہ، اور تین درجن بھر جہاز خیر خیریت سے اپنے ٹارگٹس کو نشانہ بنا کر واپس وطن لوٹے جو یہ عہد کرکے گئے تھے کہ جب تک ٹارگٹ کو نشانہ نہ بنائیں گے واپس نہیں آئیں گے چاہے وہیں مر جائیں۔
سمجھ رہے ہیں؟؟؟
بھارت کے حصے میں خفت ہی خفت تھی، لعنت ہی لعنت تھی نہ حملہ میں کچھ ہاتھ آیا اور نہ دفاع میں، مگر پاکستان نے ثابت کر دکھایا کہ جو کہا تھا کہ جب ہم حملہ آور ہوں گے تو اس وقت دنیا بولے گی کہ پاکستان نے بھارت پر حملہ کردیا بھارتی میڈیا کو سانپ سونگھ جائے گا۔
اور عین یہی ہوا
اس وقت پوری دنیا بول رہی ہے، فون پر فون کھڑک رہے ہیں امریکہ و اس کے پٹھووں کے پاکستانی حکومتی عہدیداروں کو۔ دنیا پاکستانی فضائیہ کو فضا کا بادشاہ قرار دے رہی ہے۔
جبکہ انڈیا، پہلے اس نے فرانس کو ذلیل کروایا۔ پھر اسرائیل کو ذلیل کروایا، پھر روس کو خجل کروایا۔ پوری دنیا میں تماشہ بن گیا۔
آج بھارتیوں کی پھٹی پڑی تھی، دہلی میں پاکستانی سفارت خانے پر احتجاج کررہے تھے، کہیں اپنی ہی حکومت کے خلاف احتجاج چل رہا تھا، اس سے بڑی لعنت اور کیا ہوگی ایک ریاست یا ملک کے لیے؟؟
پاکستان نے بھارت کو چاروں شانے چت کیا ہے، دھول چٹائی ہے اور دنیا میں اپنا لوہا منوایا ہے، خطے میں بھارتی اجارہ داری کا دھڑن تختہ کردیا ہے، خود سے دس گنا بڑی ریاست کے ساتھ بلاتکار کردیا ہے۔
فخر کریں کہ ہم پاکستانی ہیں، پاک فوج، پاک بحریہ و پاک فضائیہ ہماری شان ہیں۔
الحمدللہ رب العالمین
(سید مصعب غزنوی)

07/05/2025

07/05/2025