Karachi Weather Hub

Karachi Weather Hub Real-time weather updates, forecasts, and technical analysis for Karachi.

کراچی — تازہ ترین صورتحالتاریخ: 15 ستمبر 2026آج کا دن شہر میں کافی شدید گرم ہے، جبکہ محسوس کیے جانے والا درجۂ حرارت 50 ...
15/09/2026

کراچی — تازہ ترین صورتحال
تاریخ: 15 ستمبر 2026

آج کا دن شہر میں کافی شدید گرم ہے، جبکہ محسوس کیے جانے والا درجۂ حرارت 50 ڈگری سینٹی گریڈ سے تجاوز کر رہا ہے، خصوصاً شہر کے جنوبی علاقوں میں، جس کی بڑی وجہ رَن آف کچھ پر موجود کم دباؤ کا علاقہ ہے۔

آج بھی سندھ کے بعض جنوبی اور جنوب مشرقی علاقوں میں بارش کے امکانات ہیں، جبکہ کراچی شہر کے حوالے سے بات کی جائے تو شہر میں آج بھی شام سے رات کے دوران کچھ نہ کچھ سرگرمی کے امکانات موجود ہیں۔ شہر کے مختلف علاقوں میں ہلکی سے درمیانی بارش کے 40 سے 60 فیصد امکانات ہیں، جبکہ زیادہ امکانات شہر کے مشرقی علاقوں میں نظر آ رہے ہیں۔

ان شاء اللہ

بے شک اللہ پاک بہتر جانتے ہیں۔

ایڈمن / موسمی تجزیہ کار: محمد اسماعیل

اس وقت بحریہ ٹاؤن کراچی سے دور گرج چمک کے بادل اور ان میں چمکنے والی بجلی نظر آ رہی ہے، تاہم ان بادلوں سے شہر میں بارش ک...
14/09/2026

اس وقت بحریہ ٹاؤن کراچی سے دور گرج چمک کے بادل اور ان میں چمکنے والی بجلی نظر آ رہی ہے، تاہم ان بادلوں سے شہر میں بارش کے امکانات تو کافی کم ہیں، لیکن شہر کے مضافات جیسے بحریہ ٹاؤن، DHA سٹی وغیرہ میں کچھ سرگرمی ہو سکتی ہے۔

فی الحال ان سرگرمیوں کو مانیٹر کیا جا رہا ہے اور آنے والے وقت میں اگر ضروری ہوا تو مزید اپڈیٹ کیا جائے گا۔

ان شاء اللہ

بے شک اللہ پاک بہتر جانتے ہیں۔
تصویر بشکریہ: مہمد عابد

ایڈمن/موسمی تجزیہ کار: محمد اسماعیل

اپڈیٹ:موسمی اپڈیٹ کافی تاخیر کا شکار ہے کیونکہ ایڈمن یعنی میں کافی مشکل اور بُرے کٹھن وقت سے گزر رہا ہوں، لہٰذا میں بھی ...
13/09/2026

اپڈیٹ:

موسمی اپڈیٹ کافی تاخیر کا شکار ہے کیونکہ ایڈمن یعنی میں کافی مشکل اور بُرے کٹھن وقت سے گزر رہا ہوں، لہٰذا میں بھی انسان ہوں اور اتنی پریشانیوں کے عالم میں اپڈیٹ دینا تو کیا، کھانا پینا بھی یاد نہیں رہتا۔آپ سب میرے لیے دعا ضرور کیجئے گا ۔

بہرحال، اپڈیٹ یہ ہے کہ کل شہر کے قریب Convergence Zone بن سکتا ہے، جس کے باعث کل شہر کے مضافاتی اور جنوب مشرقی علاقوں میں بارش کے امکانات ہیں۔ بارش کی شدت کہیں درمیانی تو کہیں کچھ دیر کے لیے تیز رہ سکتی ہے۔

تاہم شہر کے دیگر علاقوں میں بارش کے زیادہ حوصلہ افزا امکانات کم ہیں۔ صرف شہر کے مضافاتی شمال مشرقی اور جنوب مشرقی علاقوں میں سرگرمیاں ممکن ہیں، تاہم شہر کے دیگر علاقوں میں بارش کا انحصار بادلوں کی شدت اور سمت پر ہوگا۔

مزید تفصیلات کل جاری کی جائیں گی،
ان شاء اللہ۔

بے شک اللہ پاک بہتر جانتے ہیں۔

Admin: محمد اسماعیل

کراچی شہر کا آسمان آج کئ ہفتوں بعد نارنجی ہو گیا ہے، جو کہ اس بات کو صاف ظاہر کرتا ہے کہ کل شہر میں بارش کے اچھے امکانات...
13/09/2026

کراچی شہر کا آسمان آج کئ ہفتوں بعد نارنجی ہو گیا ہے، جو کہ اس بات کو صاف ظاہر کرتا ہے کہ کل شہر میں بارش کے اچھے امکانات ہیں۔ اس حوالے سے تفصیلات آج رات،
ان شاء اللہ۔

بے شک، اللہ پاک بہتر جانتے ہیں۔

ایڈمن / موسمی تجزیہ کار: محمد اسماعیل

تصویر بشکریہ: جواد میمن

کراچی میں مون سون کی آخری بارش کے امکانات!تاریخِ اشاعت: 12 ستمبر 2026جیسا کہ گزشتہ اپڈیٹ میں بتایا گیا تھا، اس وقت ایک ہ...
11/09/2026

کراچی میں مون سون کی آخری بارش کے امکانات!

تاریخِ اشاعت: 12 ستمبر 2026

جیسا کہ گزشتہ اپڈیٹ میں بتایا گیا تھا، اس وقت ایک ہوا کا کم دباؤ خلیجِ بنگال میں بننے کے بعد مغرب کی جانب بڑھنا شروع ہو چکا ہے اور اس وقت بھارتی ریاست چھتیس گڑھ کے شہر رائے پور کے قریب موجود ہے۔ یہ نظام اب مزید مغرب کی جانب پیش قدمی کرے گا اور 13 ستمبر کی رات تک بھارتی ریاست گجرات کے شہر احمد آباد تک پہنچ سکتا ہے۔

اس کے بعد یہ نظام ممکنہ طور پر رَن آف کچھ یا گجرات کے علاقے میں رک کر مغربی سلسلے کے زیرِ اثر دوبارہ مشرق کی جانب کھسک سکتا ہے، جبکہ دوسری صورت میں یہی نظام بحیرۂ عرب میں داخل ہو سکتا ہے، تاہم ایسی صورت میں اس کی شدت کم ہو سکتی ہے۔

ان دونوں ممکنہ صورتحال میں صوبۂ سندھ کے جنوبی، جنوب مشرقی اور وسطی علاقوں میں مون سون کی اچھی بارشوں کے امکانات موجود ہیں، خصوصاً جنوب مشرقی سندھ کے علاقوں میں بعض مقامات پر 100 ملی میٹر تک بارش بھی ہو سکتی ہے۔

رہی بات شہرِ کراچی کی تو یہ نظام جتنا مغرب کی جانب آئے گا، اتنا ہی کراچی کے لیے بہتر صورتحال بن سکتی ہے۔ فی الحال 14 سے 16 ستمبر کے دوران کراچی کے مضافاتی اور مختلف علاقوں میں گرج چمک اور تیز ہواؤں کے ساتھ درمیانی سے تیز بارش کے امکانات بن رہے ہیں۔

تاہم اس وقت پورے شہر میں بارش یا شہر کے تمام علاقوں میں یکساں بارش کے امکانات کم ہیں۔ آنے والے ایک سے دو روز کے دوران اس نظام کی پیش رفت اور سمت پر گہری نظر رکھی جائے گی، کیونکہ موجودہ ال نینو کے سیزن میں موسمی نظاموں کی شدت اور سمت میں ایک روز قبل بھی نمایاں تبدیلیاں آ سکتی ہیں۔

اس نظام کے حوالے سے مزید واضح اور پختہ اپڈیٹ کل رات ان شاء اللہ پیج پر شائع کی جائے گی۔

بے شک اللہ پاک بہتر جانتے ہیں۔

ایڈمن / موسمی تجزیہ کار: محمد اسماعیل

11/09/2026

آنے والے سسٹم کے حوالے سے تفصیلات آج رات انشاءاللہ۔

**موسم کی تازہ ترین صورتحال**پچھلے کئی دنوں سے شہرِ کراچی کا موسم تقریباً ایک جیسا ہی چل رہا تھا، جس کی وجہ سے پیج پر کو...
08/09/2026

**موسم کی تازہ ترین صورتحال**

پچھلے کئی دنوں سے شہرِ کراچی کا موسم تقریباً ایک جیسا ہی چل رہا تھا، جس کی وجہ سے پیج پر کوئی خاص اپڈیٹ نہیں دی گئی۔ تاہم اب آنے والے دنوں میں شہر میں دن کے اوقات میں تیز دھوپ نکلنے اور گرمی کی شدت میں بھی اضافے کی توقع ہے، جبکہ اس دوران شہر کا زیادہ سے زیادہ درجۂ حرارت 32 سے 33 ڈگری سینٹی گریڈ تک جا سکتا ہے۔

10 ستمبر کے بعد خلیجِ بنگال میں ہوا کا ایک کم دباؤ بن سکتا ہے، جو ممکنہ طور پر بھارتی ریاست گجرات تک آ سکتا ہے، جس کے بعد اس بات کے امکانات پیدا ہو رہے ہیں کہ یہ بحیرۂ عرب میں داخل ہو جائے۔ تاہم یہ صرف ایک لانگ رینج تجزیہ ہے، حتمی پیش گوئی نہیں۔

اگر موسمیاتی پیٹرنز سازگار رہتے ہیں اور MJO کے ریمیننٹس بھی جلد آ جاتے ہیں تو یہ صورتحال ممکن ہو سکتی ہے۔ ایسی صورت میں صوبۂ سندھ کے جنوبی علاقوں میں مون سون 2026 کی پہلی اچھی بارش ہو سکتی ہے، جس میں کراچی بھی شامل ہے۔

اس حوالے سے مزید تفصیلی اپڈیٹس بعد میں دی جائیں گی، ان شاء اللہ۔

بے شک اللہ پاک ہی بہتر جانتے ہیں۔

**ایڈمن / موسمی تجزیہ کار: محمد اسماعیل**

04/09/2026

الحمدللہ، شہرِ کراچی میں اس وقت موسم انتہائی سہانا ہے، جبکہ مختلف علاقوں سے ہلکی پھوار کی بھی اطلاعات موصول ہو رہی ہیں۔

🌤️ کراچی: تازہ ترین موسمی صورتحال📅 تاریخ: 3 ستمبر 2026گزشتہ تقریباً ایک ماہ سے شہر کا موسم انتہائی خوشگوار ریکارڈ کیا جا...
03/09/2026

🌤️ کراچی: تازہ ترین موسمی صورتحال

📅 تاریخ: 3 ستمبر 2026

گزشتہ تقریباً ایک ماہ سے شہر کا موسم انتہائی خوشگوار ریکارڈ کیا جا رہا ہے۔ دن کے بیشتر اوقات میں سمندری بادلوں کی آمدورفت جاری رہتی ہے، جبکہ شام اور رات کے اوقات میں شہر کے مختلف علاقوں میں بوندا باندی اور ہلکی بارش بھی ریکارڈ کی جا رہی ہے۔

ماہِ ستمبر کے آغاز کے ساتھ ہی شہر میں دھوپ کی واپسی ہوئی ہے، تاہم درجۂ حرارت اب بھی کافی حد تک بہتر اور معمول کے مطابق خوشگوار ہیں۔ آنے والے چند دنوں کے دوران بھی شہر کا موسم مجموعی طور پر اسی طرح بہتر رہنے کا امکان ہے، جبکہ رات کے اوقات میں شہر کے مختلف علاقوں میں بوندا باندی کے امکانات بھی برقرار رہیں گے۔

فی الحال کراچی میں مون سون کی بارشوں کے امکانات کافی کم ہیں۔ البتہ 10 ستمبر کے بعد موسمیاتی ماڈلز اس جانب اشارہ کر رہے ہیں کہ ممکنہ طور پر سندھ ایک آخری مون سون اسپیل سے متاثر ہو سکتا ہے۔ تاہم یہ اس وقت صرف موسمیاتی ماڈلز کی جانب سے سامنے آنے والی طویل مدتی پیشگوئی ہے، اسے حتمی پیشگوئی تصور نہیں کیا جا سکتا۔

آنے والے دنوں میں MJO (میڈن جولین آسیلیشن) کی سرگرمی پر گہری نظر رکھنا ہوگی، کیونکہ یہ سلسلہ صرف اسی صورت میں صوبۂ سندھ کے لیے فائدہ مند ثابت ہو سکتا ہے جب MJO بحیرۂ ہند کے خطے میں داخل ہو۔ لہٰذا اس حوالے سے مزید صورتحال وقت کے ساتھ واضح ہوگی اور مزید اپڈیٹس بھی بعد میں جاری کی جائیں گی۔

ان شاء اللہ
بے شک اللہ پاک بہتر جانتے ہیں۔ 🤲

ایڈمن/ موسمی تجزیہ کار: محمد اسماعیل

20/08/2026

شہر میں اگلے 24 گھنٹوں کے دوران بھی موسم خوشگوار رہے گا جب کے گہرے سمندری بادلوں کے باعث بونداباندی کا بھی امکان ہے
انشاء اللہ

Address

Karachi

Website

Alerts

Be the first to know and let us send you an email when Karachi Weather Hub posts news and promotions. Your email address will not be used for any other purpose, and you can unsubscribe at any time.

Shortcuts

Share

Category