Urdu Line News HD

Urdu Line News HD BREAKING NEWS

04/06/2026

کراچی کے علاقے اورنگی ٹاؤن، ڈسٹرکٹ ویسٹ میں پاکستان بازار تھانے کی حدود جوہر چوک کے قریب ڈکیتی کی واردات پیش آئی۔ مسلح ملزمان نے گن پوائنٹ پر شہریوں کو روک کر لوٹ مار کی۔

واردات کے دوران دو خواتین سے 80 ہزار روپے نقدی اور موبائل فون چھین لیے گئے، جبکہ دو نوجوان بھی ڈاکوؤں کا نشانہ بنے جن سے موبائل فونز چھین کر ملزمان فرار ہوگئے۔

04/06/2026

کراچی: لیاری ایکسپریس وے پر شدید ٹریفک جام، گاڑیوں کی لمبی قطاریں

حکومت نے صنعتوں کیلئے نیا بجلی ٹیرف لانے کا منصوبہ تیار کرلیا۔ بجلی کے کم استعمال پر بھاری چارجز عائد ہوں گے جبکہ زیادہ ...
04/06/2026

حکومت نے صنعتوں کیلئے نیا بجلی ٹیرف لانے کا منصوبہ تیار کرلیا۔ بجلی کے کم استعمال پر بھاری چارجز عائد ہوں گے جبکہ زیادہ استعمال پر رعایت ملے گی۔

ذرائع کے مطابق سولر پر منتقل ہونے والی صنعتوں کی حوصلہ شکنی کےلیے حکومت نے صنعتوں کیلئے نیا بجلی ٹیرف لانے کا منصوبہ تیار کرلیا۔ کم بجلی استعمال کرنے والی صنعتوں پر زیادہ فکسڈ چارجز لگانے کی تجویز ہے۔

ذرائع پاور ڈویژن کے مطابق نئی ٹیرف پالیسی آئندہ 2 ماہ میں نافذ ہونے کا امکان ہے، زیادہ بجلی استعمال کرنے والوں کو فی یونٹ سستی بجلی دینے کی تجویز ہے، صنعتی بجلی 6 سے 8 سینٹ فی یونٹ تک لائی جا سکتی ہے۔

نیا ٹیرف منصوبہ آئی ایم ایف کے ساتھ بھی شیئر کر دیا گیا، آئی ایم ایف نے بجلی کے استعمال اور گرڈ چھوڑنے والی صنعتوں کا ڈیٹا مانگ لیا۔

ذرائع کے مطابق ابتدائی مرحلے میں ٹیرف کا اطلاق صرف صنعتی صارفین پر ہوگا، اگلے مرحلے میں کمرشل اور گھریلو صارفین تک توسیع دینے کا امکان ہے۔ نئی پالیسی سے بجلی کی طلب میں ایک ہزار میگاواٹ اضافہ ہونے کا تخیمینہ ہے۔

حکام کا مؤقف ہے کہ قومی گرڈ کے اخراجات پورے کرنے کے لیے نئی پالیسی ضروری ہے، پالیسی کا مقصد صنعتوں کو قومی گرڈ استعمال کرنے کی ترغیب دینا ہے۔

ملک بھر کی صرافہ مارکیٹوں میں سونے کی قیمتوں کو پر لگ گئے۔آل پاکستان صرافہ جیمز اینڈ جیولرز ایسوسی ایشن کے مطابق آج سون...
04/06/2026

ملک بھر کی صرافہ مارکیٹوں میں سونے کی قیمتوں کو پر لگ گئے۔

آل پاکستان صرافہ جیمز اینڈ جیولرز ایسوسی ایشن کے مطابق آج سونا فی تولہ 1 ہزار 523 روپے مہنگا ہو گیا۔

اس اضافے کے ساتھ ملک میں فی تولہ سونے کا بھاؤ 4 لاکھ 69 ہزار 285 روپے ہو گیا۔

اسی طرح 10 گرام سونے کا بھاؤ 1 ہزار 305 روپے بڑھ کر 4 لاکھ 2 ہزار 335 روپے ہو گیا۔

ایسوسی ایشن کے مطابق عالمی بازار میں سونے کا بھاؤ 14.49ڈالرز کے اضافے سے 4468.49 ڈالرز فی اونس ہو گیا۔

04/06/2026

گھر سے باہر نکلتے وقت اپنے غصے اور جذبات پر قابو رکھیں۔ آج کل معاشرے میں برداشت اس قدر کم ہو چکی ہے کہ لوگ ذرا سی بات پر مرنے مارنے پر آمادہ ہو جاتے ہیں۔ یہ ایک اصلاحی ویڈیو ہے، اسے خود بھی دیکھیں اور دوسروں کے ساتھ بھی شیئر کریں تاکہ معاشرے میں مثبت تبدیلی آ سکے۔

کویت انٹرنیشنل ایئرپورٹ پر ایران کی جانب سے کیے گئے ڈرون اور میزائل حملوں کے بعد فضائی آپریشن معطل کر دیا گیا ہے۔ ان حمل...
03/06/2026

کویت انٹرنیشنل ایئرپورٹ پر ایران کی جانب سے کیے گئے ڈرون اور میزائل حملوں کے بعد فضائی آپریشن معطل کر دیا گیا ہے۔ ان حملوں کے نتیجے میں ایک شخص ہلاک اور 60 سے زائد زخمی ہوئے ہیں، جبکہ ہوائی اڈے کی عمارت اور قریبی سفارتی دفاتر کو بھی نقصان پہنچا ہے۔ اس واقعے کے بعد دونوں ممالک کے درمیان تلخی انتہا کو پہنچ گئی ہے اور دونوں جانب سے سخت بیانات سامنے آ رہے ہیں۔

کویت کی وزارتِ خارجہ نے اس واقعے پر شدید ردعمل کا اظہار کرتے ہوئے ایک باضابطہ بیان جاری کیا ہے۔

بیان میں مزید کہا گیا ہے کہ کویت انٹرنیشنل ایئرپورٹ سمیت شہری اور اہم تنصیبات کو ایک بار پھر نشانہ بنانے کے نتیجے میں ایک فرد کی موت واقع ہوئی ہے اور کم سے کم 63 افراد زخمی ہوئے ہیں، سفارتی مشنز سمیت اہم املاک کو بھی نقصان پہنچا ہے۔

کویت نے واضح کیا ہے کہ وہ ان بار بار کی ایرانی جارحیت کا جواب دینے کے لیے اقدامات کرنے کا اپنا مکمل اور موروثی حق محفوظ رکھتا ہے۔

دوسری جانب ایران نے ان حملوں کے پیچھے اپنا مؤقف پیش کرتے ہوئے کویت اور بحرین کو خطے میں ہونے والی کشیدگی کا ذمہ دار ٹھہرایا ہے۔

ایرانی وزارتِ خارجہ نے امریکی کارروائیوں کی مذمت کرتے ہوئے کہا ہے کہ امریکا نے جنگ بندی کے معاہدے اور بین الاقوامی قوانین کی خلاف ورزی کی ہے۔

ایران نے اپنے بیان میں دعویٰ کیا ہے کہ کویت اور بحرین ان امریکی حملوں کی براہِ راست اور واضح ذمہ داری اٹھائیں کیونکہ ان دونوں ممالک کی سرزمین اور فوجی سہولیات کو ایران کے خلاف امریکی فوجی آپریشنز کی مدد کے لیے استعمال کیا گیا ہے۔

ایرانی حکام کا کہنا ہے کہ وہ اپنے دفاع کا حق محفوظ رکھتے ہیں اور مستقبل میں کسی بھی حملے کے مرکز کو نشانہ بنانے سمیت ہر دستیاب طریقہ استعمال کریں گے۔

کراچی کے علاقے کورنگی انڈسٹریل ایریا میں گلی میں کھیلتی بچی پر آوارہ کتوں نے حملہ کر دیا۔متاثرہ لڑکی کے والد کا کہنا ہے ...
03/06/2026

کراچی کے علاقے کورنگی انڈسٹریل ایریا میں گلی میں کھیلتی بچی پر آوارہ کتوں نے حملہ کر دیا۔

متاثرہ لڑکی کے والد کا کہنا ہے کہ آوارہ کتوں کے حملے سے بچی کے چہرے پر گہرے زخم آئے ہیں۔

اسپتال انتظامیہ نے کہا ہے کہ آوارہ کتوں کے حملوں کے سرکاری اسپتالوں میں یومیہ 150 سے زائد کیسز آرہے ہیں، زیادہ تر کیسز کورنگی، لانڈھی اور حب چوکی سے رپورٹ ہوتے ہیں۔

ذرائع کے مطابق رواں سال شہر میں آوارہ کتوں کے حملوں سے 10 اموات اور 40 ہزار سے زائد زخمی کیسز رپورٹ ہوئے ہیں۔

محکمۂ موسمیات نے بتایا ہے کہ بحرالکاہل میں ایل نینو سرگرم ہو رہا ہے، جس کے اثرات دنیا بھر کے موسموں پر پڑتے ہیں۔محکمۂ ...
03/06/2026

محکمۂ موسمیات نے بتایا ہے کہ بحرالکاہل میں ایل نینو سرگرم ہو رہا ہے، جس کے اثرات دنیا بھر کے موسموں پر پڑتے ہیں۔

محکمۂ موسمیات کے مطابق ایل نینو 2016ء کے بعد اب سرگرم ہو رہا ہے، جس کے باعث پاکستان میں معمول سےکم بارشیں ہو سکتی ہیں۔

محکمۂ موسمیات نے بتایا ہے کہ تھر پارکر ریجن سمیت سندھ میں رواں مون سون میں معمول سے کم بارشیں ہونے کا امکان ہے جب کہ ملک کے شمالی علاقوں میں مغربی ہواؤں کے سلسلے بارش کا سبب بنتے رہیں گے۔

محکمۂ موسمیات کے مطابق کراچی میں آئندہ دنوں میں بھی موسم گرم اور مرطوب رہےگا، کراچی میں درجۂ حرارت 38 ڈگری سینٹی گریڈ تک رہ سکتا ہے۔

محکمۂ موسمیات نے بتایا ہے کہ ملک کے بالائی علاقوں میں 5 جون تک آندھی اور گرج چمک کے ساتھ بارش کا امکان ہے۔

محکمۂ موسمیات کے مطابق مغربی ہوائیں چلنے کا سلسلہ گزشتہ رات سندھ کے مختلف علاقوں میں بارش کا باعث بنا۔

محکمۂ موسمیات نے بتایا ہے کہ موئن جوداڑو میں گزشتہ 24 گھنٹوں کے دوران 32 ملی میٹر بارش ریکارڈ ہوئی، مانو روہڑی میں 20 ملی میٹر بارش جب کہ ہواؤں کی رفتار 104 کلو میٹر فی گھنٹہ ریکارڈ ہوئی۔

محکمۂ موسمیات کے مطابق اس سسٹم کے زیرِ اثر خیر پور، دادو، گھوٹکی، تھر پارکر اور ملحقہ اضلاع میں بھی بارش کا امکان رہے گا۔

02/06/2026

کراچی :مرکزی مسلم لیگ کا مہنگائی کے خلاف تین بڑے شہروں میں دھرنوں کا اعلان
کراچی حیدرآباد سکھر میں مہنگائی کے خلاف دگرنے دیے جائیں گے ۔مرکزی مسلم لیگ

ملک بھر میں فی تولہ سونےکی قیمت میں 4600 روپے کا اضافہ ہوا ہے۔ آل پاکستان جیمز اینڈ جیولرز ایسوسی ایشن کے مطابق ایک تول...
02/06/2026

ملک بھر میں فی تولہ سونےکی قیمت میں 4600 روپے کا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔

اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔

عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔

Address

Karachi

Website

, ,

Alerts

Be the first to know and let us send you an email when Urdu Line News HD posts news and promotions. Your email address will not be used for any other purpose, and you can unsubscribe at any time.

Shortcuts

Share

Category