Daily Awaz Times Navel Colony, HBCHS Haroon Behria Co Operative Housing Society Navel Colony Hub River Road (2025)

29/08/2023

بجلی بلوں کے ٹیکسیشن میں کمی آئی ایم ایف کو اعتماد میں لیے بنا نہیں کی جاسکتی: ذرائع

اسلام آباد: وزارت خزانہ کے ذرائع کا کہنا ہےکہ بجلی کے بلوں میں ممکنہ ریلیف پر آئی ایم ایف کو اعتماد میں نہیں لیا گیا ہے۔

ذرائع کے مطابق بجلی کے بلوں میں ٹیکسیشن میں کمی آئی ایم ایف کو اعتماد میں لیے بنا نہیں کی جاسکتی اور بلوں میں ٹیکسیشن میں کمی کی تو آئی ایم ایف معاہدے کی خلاف ورزی ہوگی۔

ذرائع نے بتایا کہ سہ ماہی ایڈجسٹمنٹس اور ٹیکسیشن کیلئے آئی ایم ایف سے معاہدہ طے ہوا ہے جس کے تحت سہ ماہی ایڈجسٹمنٹ کو بجلی بلوں میں ریلیف نہیں دیا جاسکتا، دسمبر تک سہ ماہی ایڈجسٹمنٹ کی مد میں 4.37 روپے مزید فی یونٹ مہنگا ہوگا جس کے بعد سہ ماہی ایڈجسٹمنٹ کی مد میں 122 ارب وصول کیے جائیں گے۔

16/08/2023

پٹرولیم مصنوعات کی قیمتوں میں اضافہ کے بعد پاکستان ریلویز نے تمام مسافر بردار ٹرینوں کے کرایوں میں دس فیصد اضافہ کریا۔

ریلوے ہیڈکوارٹر کی جانب سے جاری نوٹیفکیشن کے مطابق تمام میل ایکسپریس ٹرینوں کے کرایوں میں 10 فیصد جبکہ مال گاڑیوں کے کرایوں میں 5 فیصد اضافہ کیا گیا ہے۔

نوٹیفکیشن کے مطابق کرایوں میں کیے گئے اضافے کا اطلاق کل 17 اگست سے ہوگا۔

ترجمان ریلویز کے مطابق کرایوں میں اضافے کا اطلاق میل، ایکسپریس، انٹر سٹی، شٹل، مسافر اورمال بردار ٹرینوں پر بھی ہوگا۔

15/08/2023

نیپرا نے کے الیکٹرک صارفین پر اضافی سرچارج کی حکومتی درخواست پرفیصلہ محفوظ کرلیا
نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے صارفین پر 1 روپے 52 پیسے اضافی سرچارج کی حکومتی درخواست پر سماعت مکمل کرنے کے بعد فیصلہ محفوظ کر لیا۔

حکومتی درخواست کی منظوری کی صورت میں کے الیکٹرک صارفین پر 24 ارب 50 کروڑ سے زائد کا بوجھ پڑے گا جبکہ نیپرا کی جانب سے اعداد و شمار کا جائزہ لینے کے بعد فیصلہ جاری کیا جائے گا۔

چیئرمین نیپرا وسیم مختار کی زیر صدارت پاور ڈویژن کی جانب سے 2019 کی سہ ماہی ایڈجسٹمنٹس کی مد میں سرچارج وصول کرنے کی درخواست پر ہونے والی سماعت میں پرانی وصولیوں سے متعلق تحفظات کا اظہار بھی کیا گیا۔
پاور ڈویژن کے حکام نے بتایا کہ مئی 2019 میں سہ ماہی ایڈجسٹمنٹس پر نوٹیفکیشن کیا گیا اور کورونا کے باعث حکومت نے اس وقت اضافی بوجھ کو روک دیا تھا۔

نیپرا اپنا فیصلہ وفاقی حکومت کو بھجوائے گا، وفاقی حکومت کے نوٹیفکیشن کے بعد کے الیکٹرک صارفین پر سرچارج عائد ہوجائے گا۔

نیپرا میں کے الیکٹرک کے صارفین سے فی یونٹ سرچارج وصول کرنے سے متعلق حکومتی درخواست کی منظوری کی صورت میں کراچی کے صارفین پر جی ایس ٹی سمیت 28 ارب 91 کروڑ روپے کا اضافی بوجھ پڑے گا۔

13/08/2023

لاہور: لبرٹی مارکیٹ میں جشن آزادی کے حوالے سے پرچم کشائی کی تقریب
سی بی ڈی پنجاب اور لوکل گورنمنٹ کے اشتراک سے جشن آزادی کی تقریبات کے سلسلے میں لبرٹی مارکیٹ پر پرچم کشائی کی تقریب کا اہتمام کیا گیا۔تقریب میں اے سی ماڈل ٹاؤن صاحبزادہ محمد یوسف ، سی بی ڈی پنجاب کے ڈائریکٹر مارکیٹنگ وسیم صدیق، ڈائریکٹر ٹیکنیکل آصف اقبال اور دیگر حکام نے شرکت کی۔لبرٹی مارکیٹ میں لگائے گئے پرچم کی لمبائی 75 فٹ اور چوڑائی 50 فٹ ہے۔

پرچم کشائی کی تقریب میں اے سی ماڈل ٹاؤن صاحبزادہ محمد یوسف نے کہا کہ پرچم کشائی جیسی تقاریب کا مقصد عوام میں جشن آزادی کے حوالے سے جوش اور ولولہ پیدا کرنا ہے، لاہور کے مختلف مقامات پر آتش بازی بھی کی جائے گی۔ڈائریکٹر مارکیٹنگ سی بی ڈی پنجاب وسیم صدیق کا کہنا ہے کہ وقت کم تھا ورنہ جھنڈے کا سائز مزید بڑا کر سکتے تھے جبکہ ڈائریکٹر ٹیکنیکل آصف اقبال نے کہا کہ جشن آزادی کے موقع پر رات کو سی بی ڈی کی جانب سے 15 منٹ تک آتش بازی کی جائے گی۔

07/08/2023

رپورٹ (ملک اسد) روزنامہ آواز ٹائمز کراچی
مختلف اضلاع میں سات روزہ انسداد پولیو مہم کا آغاز آج ہوگیا
کراچی، حیدرآباد، جامشورو، تعلقہ کوٹری سمیت سندھ کے مختلف اضلاع میں سات روزہ انسداد پولیو مہم کا آغاز آج سے ہوگیا۔صوبائی محکمہ صحت کے ترجمان کا کہنا ہے کہ صوبے بھر میں سات روزہ مہم کے دوران 5 سال تک کے 30 لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے۔ترجمان محکمہ صحت کا کہنا ہے کہ انسداد پولیو مہم میں 14 ہزار پولیو رضاکار خدمات فراہم کر رہے ہیں۔ذرائع کے مطابق کراچی کے ضلع شرقی میں پولیو کی خوراک نہ پلانے والے والدین کی شرح سامنے آئی ہے۔

06/08/2023

رپورٹ (ملک اسد):روزنامہ آواز ٹائمز کراچی,
وقت:12:41تاریخ 2023-08-06دن:اتوار
کراچی: کریم آباد فیصل بازار کے قریب فائرنگ ایک شخص زخمی۔چھیپا ذرائع۔
زخمی ہونے والے شخص کو چھیپا ایمبولینس کے ذریعے عباسی ہسپتال منتقل کیا جارہا ہے۔چھیپا ذرائع۔
زخمی ہونے والے شخص کی شناخت علی اقبال ولد شکیل اعوان عمر25سال۔چھیپا ذرائع۔

02/08/2023

ایک ماہ کے دوران مہنگائی میں 3.46 فیصد اضافہ ہو گیا، چاول، گندم، چینی، گوشت دالوں کے نرخ بڑھ گئے۔ادارہ شماریات نے ماہانہ مہنگائی کے اعداد و شمار جاری کر دئیے مہنگائی کی مجموعی شرح 28.31 فیصد تک پہنچ گئی۔اعداد و شمار کے مطابق شہری علاقوں میں مہنگائی کی شرح میں 3.57 فیصد، دیہی علاقوں میں مہنگائی کی شرح میں 3.30 فیصد کا اضافہ ہوا۔ادارہ شماریات کے مطابق ایک سال میں سگریٹ کی قیمت میں 123.46 فیصد آٹے کی قیمت میں 102.43 فیصد کا اضافہ ہوا، چائے 97.26، چاول 68.87 اور گندم 66.58 فیصد مہنگی ہوئی۔ایک سال میں آلو 60.66 فیصد، مرغی 58.13 فیصد اور چینی 56.45 فیصد مہنگی ہوئی، گوشت، دالیں، تازہ دودھ، تازہ سبزیاں، کوکنگ آئل اور بیسن بھی مہنگی ہونے والی اشیاء میں شامل ہیں۔

31/07/2023

حکومت نے ایل پی جی کی قیمت میں ایک مرتبہ پھر اضافہ کردیا ہے ۔ ایل پی جی کی فی کلو قیمت میں 23.86 روپے اضافہ کیا گیا ہے جس کے بعد فی کلو قیمت 201.15 ہوگئی ہے ، ایل پی جی کے 11.8 کلو گرام گھریلو سیلنڈر کی قیمت میں 281.51 روپے اضافہ ہوا ہے جس کے بعد گھریلو سیلنڈر کی نئی قیمت 2373.64 روپے ہوگئی ہے ۔گزشتہ روز ایل پی جی ڈسٹری بیوٹر ایسوسی ایشن نے ملک بھر میں ہڑتال کی دھمکی بھی دی تھی ۔

31/07/2023

نجاب حکومت کی جانب سے چینی کی ذخیرہ اندوزی اور بلیک مارکیٹنگ کرنے والوں کیخلاف سخت کاروائی کا اعلان کردیا گیا۔ چینی کی بلیک مارکیٹنگ اور ذخیرہ اندوزوں کے خلاف کارروائی کی تیاری شروع کردی گئی۔ اس حوالے سے جاری کردہ نوٹیفیکیشن میں پنجاب فوڈ سٹف آرڈر 2023 کا نفاذ کردیا گیا۔نوٹیفیکیشن کے مطابق بلیک مارکیٹنگ کیلئے رکھی گئی چینی ضبط ہوگی جبکہ ضبط شدہ چینی کو مقررہ قیمت پر فروخت کرکے رقم خزانے میں جمع کرائی جائے گی۔ اسی کے ساتھ ساتھ بلیک مارکیٹنگ میں ملوث شوگر مل مالک اور ڈیلر کے خلاف بھی مقدمات درج ہوں گے۔نوٹیفیکیشن میں یہ بھی بتایا گیا کہ بلیک مارکیٹنگ کی سزا 3 سال قید بامشقت ہوگی۔ کین کمشنر کو چینی کی ایکس مل قیمت کے تعین کا اختیار جبکہ ڈپٹی کمشنر کو چینی کی خوردہ قیمت کا اختیار دے دیا گیا۔پنجاب فوڈ سٹف آرڈر 2023 کے مطابق حکومت پنجاب کے مختلف افسران کو چھاپہ مارنے کے اختیارات بھی دے دیے گئے۔

31/07/2023

لاہور بورڈ آف انٹر میڈیٹ اینڈ سکینڈری ایجوکیشن سمیت پنجاب کے تمام تعلیمی بورڈز نے میٹرک کے امتحانات کے نتائج کا اعلان کر دیا ۔
لاہور بورڈ آف انٹر میڈیٹ اینڈ سکینڈری ایجوکیشن نے نے کہاہے کہ میٹرک کے نتائج 74.57 فیصد رہے ہیں، میٹرک کے امتحان میں 2 لاکھ 30 ہزار 915 امیدواروں نے حصہ لیا ،امتحان میں ایک لاکھ 72 ہزار 204 امیدوار کامیاب ہو گئے ہیں ۔اس کے علاوہ ساہیوال بورڈ نے بھی میٹرک کے امتحان کے نتائج کا اعلان کر دیاہے ۔

گوجرانوالہ کے بورڈ نے میٹرک سکینڈل اینول امتحانات کے فیس جمع کروانے کا شیڈول بھی جاری کر دیاہے ،سکینڈاینول امتحانات کا آغاز پندرہ ستمبر سے ہو گا ،امتحانات میں ایک لاکھ 94 ہزار 527 امیدواروں نے حصہ لیا ، امیدوار سنگل فیس کے ساتھ یکم اگست سے 12 اگست تک فیس جمع کروا سکیں گے .

30/07/2023

چیئرمین سینیٹ نے حکومتی اور اپوزیشن ارکان کی مخالفت پر پرتشدد انتہا پسندی کی روک تھام کا بل 2023 ڈراپ کر دیا۔ چیئرمین سینیٹ صادق سنجرانی کی زیر صدارت ہونے والے اجلاس میں پرتشدد انتہا پسندی کی روک تھام کا بل وزیر مملکت شہادت اعوان نے پیش کیا، بل پیش کرنے پر اپوزیشن ارکان اپنی نشستوں پر کھڑے ہوگئے جس پر چیئرمین سینیٹ نے کہا کہ بل کمیٹی کو بجھوانے کا فیصلہ تو کرنے دیں، آپ کو بولنے کا موقع دیا جائے گا۔

پی ٹی آئی سینیٹر ہمایوں مہمند نے کہا کہ اتنا اہم بل ہے اور یہ لوگوں کی زندگی پر اثر ڈالے گا، لگتا ہے رانا ثناء اللہ کا یہ بل تحریک انصاف کو الیکشن سے روکنے کا بل ہے، اس بل کی تمام شقوں سے تحریک انصاف کے خلاف بو آ رہی ہے، اس بل کے دور رس نتائج نکلیں گے۔حکومتی اتحادی جماعت جے یو آئی ف اور نیشنل پارٹی نے بھی عجلت میں قانون سازی کی مخالفت کر دی جبکہ سینیٹر کامران مرتضیٰ اور طاہر بزنجو نے اعتراضات اٹھا دیئے، حکومتی ارکان نے کہا کہ اعتماد میں لئے بغیر قانون سازی نہیں کرنی چاہیے۔

جماعت اسلامى نے بھی بل مخالفت کر دی، سینیٹر مشتاق احمد نے کہا کہ یہ بل ایک نہیں بلکہ تمام سیاسی جماعتوں کے خلاف ہے، یہ بل جمہوریت کے خلاف ہے اور اس بل کو پاس کروانے والے پارلیمنٹ کے ذریعے جمہوریت کی تدفین چاہتے ہیں

30/07/2023

گوادر(روزنامہ آواز ٹائمز‌/شعبہ ڈیولپمینٹ) سی پیک کو ایک اور اہم کامیابی مل گئی تفصیلات کے مطابق سی پیک کو ایک اور اہم کامیابی مل گئی،
گوادر میں ایکسپو اینڈ ٹریڈ سینٹر کی تعمیر مکمل ہوگئی.

بہت جلد گوادر انٹرنیشنل ائیرپورٹ جو کہ جنوبی ایشاء کا سب سے بڑا ائیرپورٹ ہے کی افتتاح ہونے جارہی ہے جس سے سی پیک اور گوادر میں‌ایک نئی روح‌پھونکی جائیگی اور ترقی کا یہ عمل مزید تیزی سے اپنے منزل کی طرف گامزن ہوگی.

Daily Awaz Times Navel Colony

29/08/2023

16/08/2023

15/08/2023

13/08/2023

07/08/2023

06/08/2023

02/08/2023

31/07/2023

31/07/2023

31/07/2023

30/07/2023

30/07/2023

Address

Telephone

Website

Alerts

Contact The Business

Shortcuts

Share