09/02/2026
اسلام آباد: چیئرمین اسلامی نظریاتی کونسل علامہ ڈاکٹر راغب حسین نعیمی نے رواں سال صدقہ فطر اور فدیۂ صوم کا باقاعدہ نصاب جاری کر دیا ہے۔
ان کے مطابق اس سال کم از کم صدقہ فطر اور فدیۂ صوم 300 روپے فی کس مقرر کیا گیا ہے۔
اجناس کے حساب سے نصاب درج ذیل ہے:
🔹 گندم: 300 روپے
🔹 جو: 1100 روپے
🔹 کھجور: 1600 روپے
🔹 کشمش: 3800 روپے
🔹 منقیٰ: 5400 روپے
🔹 سرکاری آٹا: 200 روپے
ڈاکٹر راغب حسین نعیمی نے بتایا کہ صدقہ فطر ہر مسلمان مرد و عورت، چھوٹے بڑے پر فرض ہے اور صاحبِ استطاعت افراد کو اپنی حیثیت کے مطابق زیادہ صدقہ فطر ادا کرنا چاہیے تاکہ مستحقین کی بہتر مدد ہو سکے۔
انہوں نے واضح کیا کہ جان بوجھ کر روزہ توڑنے کا کفارہ 60 روزے رکھنا یا 60 مساکین کو دو وقت کا کھانا کھلانا ہے۔
جبکہ 30 روزوں کے فدیے کی رقم گندم کے حساب سے 9 ہزار اور منقیٰ کے حساب سے ایک لاکھ 62 ہزار روپے تک بنتی ہے۔
چیئرمین اسلامی نظریاتی کونسل نے کہا کہ پنجاب کے علاوہ دیگر صوبوں میں مقامی قیمتوں کے مطابق صدقہ فطر اور فدیۂ صوم ادا کیا جائے۔
