07/03/2026
کراچی، 5 مارچ 2026
گرینڈ ڈیموکریٹک الائنس کے سربراہ اعلیٰ حضرت پیر صاحب پگارا کی ہدایت پر جی ڈی اے کے ایک اعلیٰ سطحی وفد نے ایرانی قونصل جنرل کراچی سے ملاقات کی اور آیت اللہ علی خامنہ ای کی شہادت پر گہرے رنج و غم کا اظہار کرتے ہوئے تعزیت پیش کی۔
وفد میں معظم علی خان عباسی، سید محمد راشد شاہ، ڈاکٹر صفدر عباسی، بیرسٹر حسنین مرزا، چیف خلیفہ کلیم اللہ وساڻ اور عرفان مہندی شامل تھے۔
اس موقع پر رہنماؤں نے کہا کہ آیت اللہ علی خامنہ ای عالمِ اسلام کی ایک باوقار اور بااثر شخصیت تھے، جنہوں نے امتِ مسلمہ کے اتحاد اور استحکام کے لیے نمایاں کردار ادا کیا۔ ان کی خدمات کو تاریخ میں ہمیشہ یاد رکھا جائے گا۔
وفد نے ایرانی قوم اور حکومت کے ساتھ مکمل یکجہتی کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبرِ جمیل نصیب فرمائے۔
