13/06/2025
خيال جي سرحدن تي حملو / هنيئر جي دور جي حقيقي جنگ
( حق سچ فرسٽ نيوز )
دنيا خاموش آهي، پر رت وهندڙ آهي. اخبارون هنيئن ته واقعن سان ڀريون پيون آهن، پر واقعي جي معنيٰ ڪنهن جو ضمير ٿو پڇي؟ هتي ڳالهه فقط ايران تي حملي جي نه آهي، پر ڳالهه انسان جي عقل، آزادي ۽ شعور تي حملو آهي.
جڏهن علم تي بارود لڳندو آهي، تڏهن سائنسدان نه رڳو شهيد ٿين ٿا، پر نسلون يتيم ٿي پون ٿيون. اسرائيل پاران ايران تي ٿيل تازو حملو – "Operation Rising Lion" / نه فقط ملٽري اسٽريٽجي آهي، پر اها هڪ فڪري جنگ آهي، جيڪا قلم، فلسفي، علم ۽ قوم جي خوديءَ کي ختم ڪرڻ لاءِ مسلط ڪئي وئي آهي.
اڄ آيت الله خامنه اي جي زبان مان نڪتل جملا صرف سياسي بيانيه نه، بلڪه اميد ۽ مزاحمت جي بيداري آهي. سندس الفاظ صرف ايران لاءِ نه، پر هر اُن ڌرتي لاءِ پيغام آهن، جتي قومون پنهنجي سڃاڻپ، فڪر ۽ آزادي لاءِ وڙهي رهيون آهن.
اقوام متحده، مغرب، ۽ عالمي ادارا خاموش آهن – هيءَ خاموشي فطري ناهي، بلڪه منظم آهي. ڇو ته جڏهن سائنسدان مسلمان هوندا آهن، ته سندن رت، سندن علم، سندن حوصلو، انسانيت جي "بين الاقوامي معيارن" ۾ فٽ نٿو ٿئي.
پر هتي هڪ سوال بچي ٿو / ڇا قومون قلم کان اڳ هٿيار کڻن؟ نه! دانشور جو قلم، شهيد جي رت، ۽ فڪر جي روشني، گڏجي ظلم جي انڌاريءَ کي شڪست ڏيندي.
"حق سچ" جي هن قلم سان اسان اهو پيغام ڏيون ٿا ته:
اڄ جي جنگ، مذهبن جي نه، ملڪن جي نه / پر انسانيت ۽ بربريت جي وچ ۾ آهي.
۽ اتي، هر سچو قلم ڪار، حق جي پاسي تي بيٺو آهي.
