
15/11/2024
بريڪنگ نيوز
اسماعيل ڏاهري ضمانت منظور
نوابشاهه جي ٿرڊ ايڊيشنل عدالت ۾ اڳوڻي صوبائي صلاحڪار اسماعيل ڏاهري ۽ علي رضا ڏاهري جي ضمانت واري درخواست تي ٻڌڻي ٿي.
اسماعيل ڏاهري ۽ علي رضا ڏاهري جا وڪيل سچل مجيب ماڇي ۽ مختيار رند پيش ٿيا.
عدالت ٻه ڏينهن اڳ دليل ٻڌي فيصلو محفوظ ڪيو هو.
عدالت ضمانت واري درخواست تي فيصلو ٻڌائي 30، 30 هزار جي مچلڪن عيوض اسماعيل ڏاهري ۽ علي رضا ڏاهري جي ضمانت منظور ڪري ورتي آهي.
محمد عظيم ڏاهري پاران داخل ڪرايل ڪيس ايف آئي آر نمبر 170 دولتپور ٿاڻو ۾ اسماعيل ڏاهري ۽ علي رضا ڏاهري تي الزام هو ته 60 ماڻهن سان گڏجي ڳوٺ تي ڪاهه ڪري، ڀڄ ڊاهه ڪري هوائي فائرنگ ڪئي آهي.
هوڏانهن اسماعيل ڏاهري جي وڪيلن سچل مجيب ماڇي ۽ مختيار رند موقف اختيار ڪندي چيو ته اسين عدالت مان پراميد آهيون، تمام جلد ٻين ڪيسن ۾ ضمانت جي درخواستن تي فيصلو اچي ويندو.
عدالت ۾ اسماعيل ڏاهري جي ڀيڻ حميدا ڏاهري پڻ پيش ٿي.