Candid Show

Candid Show We Will Show Real Stories And Raw Emotions To Connect ,Entertain And Inspire Pakistan

03/06/2026

بلاول بھٹو کی ننھے سوشل میڈیا ستارے شیراز اور مسکان سے ملاقات

پیپلز پارٹی کی رہنما شرمیلا فاروقی نے نجی ٹی وی کے پروگرام میں گفتکوکرتے ہوئے کہا کہ وہ پہلے بھی بہت سے پروگرام کراچی کی...
02/06/2026

پیپلز پارٹی کی رہنما شرمیلا فاروقی نے نجی ٹی وی کے پروگرام میں گفتکوکرتے ہوئے کہا کہ وہ پہلے بھی بہت سے پروگرام کراچی کی سڑکوں سے کر چکی ہیں،اگلہ پروگرام بھی گاڑی سے کروں گی، گھر سے اسٹوڈیو تک کا سفر کروں گی،پھر آپ دیکھئے گا کہ راستے میں کتنے جمپ آتے ہیں۔
اس دوران پروگرام کے میزبان نے شرمیلا فاروقی سے کہا کہ آپ کو بھائیوں والا مشورہ دیتا ہوں کہ گھر سے نکلیں اور شاہراہ بھٹو سے سفر کریں تو یہ چل جائے گا۔ آپ اگر ہمارے آفس آئیں گی تو فون پر پروگرام نہیں ہو پائے گا، آپ کے ساتھ سیکیورٹی گارڈ ہونگے، ظاہر ہے فون تو نہیں چھینا جائے گا لیکن گاڑی اتنی ہلے گی کہ پروگرام نہیں ہو پائے گا۔

پاکستان پیپلز پارٹی (پی پی پی) کے چیئرمین بلاول بھٹو زرداری نے گلگت بلتستان کے علاقے اسکردو میں ایک بہت بڑے انتخابی جلسے...
02/06/2026

پاکستان پیپلز پارٹی (پی پی پی) کے چیئرمین بلاول بھٹو زرداری نے گلگت بلتستان کے علاقے اسکردو میں ایک بہت بڑے انتخابی جلسے سے خطاب کرتے ہوئے تاریخی حقائق کو دہرایا ہے۔ انہوں نے مجمعے کو یاد دلایا کہ قائدِ عوام شہید ذوالفقار علی بھٹو نے پاکستان کو ایٹم بم کا تحفہ دینے کا تاریخی اعلان اسی بلتستان کی پاک سرزمین سے کیا تھا۔ بلاول بھٹو نے فخر سے اس بات کا اعادہ کیا کہ آج پوری مسلم دنیا میں اگر کسی ملک کے پاس ایٹمی طاقت موجود ہے تو وہ صرف پاکستان کے پاس ہے، جو کہ بھٹو شہید کے وژن کا نتیجہ ہے۔
اپنے پختہ اور جاندار خطاب میں انہوں نے مزید کہا کہ جہاں ملک کو ایٹمی قوت ذوالفقار علی بھٹو نے بنایا، وہیں پاکستان کے دفاع کو ناقابلِ تسخیر کرنے کے لیے جدید میزائل ٹکنالوجی کا پورا پروگرام شہید محترمہ بے نظیر بھٹو نے دیا تھا۔ پی پی پی چیئرمین نے واضح کیا کہ پیپلز پارٹی نے ہمیشہ ملکی دفاع اور غریب عوام کے حقوق کی جنگ لڑی ہے اور ملک کو معاشی بحران سے نکالنے کا وژن بھی صرف انھی کے پاس ہے۔

02/06/2026

گلستان جوہر میں پولیس نے خفیہ اطلاع پر کارروائی کرتے ہوئے انتہائی مطلوب منشیات فروش شیریں عرف شرینہ کو گرفتار کرلیا ہے۔ ایس ایس پی ایسٹ زبیر نذیر شیخ کے مطابق ملزمہ کو دونوں بیٹوں کے ساتھ کامران چورنگی سے گرفتار کیا گیا، شیریں، ہیروئن، چرس اور دیگر منشیات فروشی کا مکروہ دھندہ کرتی ہے، گرفتار ملزمہ منشیات کے درجنوں مقدمات میں ملوث ہے

وفاقی وزیرداخلہ محسن نقوی نے کراچی میں صفورا پر واقع نادرا میگا سینٹر کا اچانک دورہ کیا اور شہریوں کے لئے سہولتوں کا جائ...
01/06/2026

وفاقی وزیرداخلہ محسن نقوی نے کراچی میں صفورا پر واقع نادرا میگا سینٹر کا اچانک دورہ کیا اور شہریوں کے لئے سہولتوں کا جائزہ لیا ۔ وزیرداخلہ محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے اور شناختی کارڈز اور دیگر دستاویزات بنوانے کے عمل بارے پوچھا۔ شہریوں نے نادرا میگا سنٹر میں مہیا کردہ سہولیات پر اطمینان کا اظہار کیا جس پر وزیر داخلہ محسن نقوی نے نادرا سنٹر کے انچارج اور عملے کی کارکردگی کی تعریف بھی کی۔

سوشل میڈیا پر ایک تصویر تیزی سے وائرل ہو رہی ہے جس میں حج کے دوران حجاج کرام کی خدمت اور سیکیورٹی کے فرائض انجام دینے وا...
01/06/2026

سوشل میڈیا پر ایک تصویر تیزی سے وائرل ہو رہی ہے جس میں حج کے دوران حجاج کرام کی خدمت اور سیکیورٹی کے فرائض انجام دینے والے اہلکاروں کو ڈیوٹی کے بعد سڑک کنارے آرام کرتے ہوئے دیکھا جا سکتا ہے۔ تصویر نے صارفین کو جذباتی کر دیا ہے اور لوگ حجاج کی خدمت میں مصروف ان اہلکاروں کی محنت، لگن اور قربانی کو خراجِ تحسین پیش کر رہے ہیں۔

ضلعی انتظامیہ اسلام آباد نے توانائی کے مؤثر استعمال اور بجلی کی بچت کے پیش نظر کاروباری سرگرمیوں کے اوقات کار میں تبدیلی...
01/06/2026

ضلعی انتظامیہ اسلام آباد نے توانائی کے مؤثر استعمال اور بجلی کی بچت کے پیش نظر کاروباری سرگرمیوں کے اوقات کار میں تبدیلی کا اعلان کر دیا ہے۔
ضلعی مجسٹریٹ اسلام آباد کی جانب سے جاری کردہ نوٹیفکیشن کے تحت وفاقی دارالحکومت میں مختلف کاروباری مراکز کو مقررہ اوقات کے مطابق بند کرنا ہوگا، اور یہ احکامات فوری طور پر نافذ العمل ہوں گے۔
نوٹیفکیشن کے مطابق تمام چھوٹی بڑی مارکیٹس، شاپنگ مالز اور تجارتی مراکز رات 8 بجے بند کر دیے جائیں گے، جبکہ ہوٹلز، ریسٹورنٹس، فوڈ آؤٹ لیٹس اور تندور رات 10 بجے تک کاروبار جاری رکھ سکیں گے۔ اسی طرح کریانہ اسٹورز، سبزی و فروٹ کی دکانیں اور بیکریاں بھی رات 10 بجے بند کرنا لازم ہوگا۔
شادی ہالز، کیٹرنگ سینٹرز اور مارکیز کو بھی پابند کیا گیا ہے کہ وہ تمام تقریبات رات 10 بجے تک ختم کریں۔
اسپتال، میڈیکل اسٹورز، لیبارٹریز، پٹرول پمپس، سی این جی اسٹیشنز، دودھ و ڈیری شاپس، ٹیک اوے اور ہوم ڈیلیوری سروسز کو اس پابندی سے استثنیٰ دیا گیا ہے۔
اسی طرح جم، اسپورٹس سہولیات، آئی ٹی کمپنیز اور انٹرنیشنل کال سینٹرز بھی معمول کے مطابق کام جاری رکھ سکیں گے۔

ایم کیو ایم والوں نے شہر کا ورثہ تباہ کردیا میں اسے بحال کر رہا ہوں، میئر کراچی
01/06/2026

ایم کیو ایم والوں نے شہر کا ورثہ تباہ کردیا میں اسے بحال کر رہا ہوں، میئر کراچی

مسلم لیگ ن کے رہنما سعد رفیق نے کہا کہ کراچی بدقسمتی سے گندگی کا ڈھیر بن گیا اور یہاں کے لوگوں کی دادرسی کرنے والا کوئی ...
01/06/2026

مسلم لیگ ن کے رہنما سعد رفیق نے کہا کہ کراچی بدقسمتی سے گندگی کا ڈھیر بن گیا اور یہاں کے لوگوں کی دادرسی کرنے والا کوئی نہیں۔ اسکردو میں انتخابی جلسے سے خطاب کرتے ہوئے سعد رفیق نے کہا کہ کراچی، پشاور اور لاہور دیکھ لیں اور خود ہی فیصلہ کریں، پنجاب کے کسی شہر بھی جائیں آپ کو تبدیلی نظر آئے گی۔ نوازشریف نے پاکستان میں جدید انفرا اسٹرکچر کی بنیاد رکھی، نواز شریف کی حکومتیں نہ گرائی جاتیں تو یہ ملک ترقی کر چکا ہوتا، ہم اپنی کوتاہی کا اعتراف کرتے ہیں۔ ان کا کہنا تھا کہ این ایف سی میں گلگت بلتستان اور آزاد کشمیر کو شیئر ملنا چاہیے، این ایف سی میں آپ کو حصہ ملے گا تو پیسے مانگنے کی ضرورت نہیں پڑے گی۔ سعد رفیق نے کہا کہ تمام سیاسی جماعتوں کو جلسے کرنے کی اجازت ہونی چاہیے، اٹھارویں ترمیم کے بعد وفاق سے زیادہ صوبوں کے پاس فنڈز ہیں۔

رویت ہلال ریسرچ کونسل نے پاکستان میں محرم الحرام کے چاند سے متعلق پیش گوئی کردی۔ رویت ہلال ریسرچ کونسل کے سیکرٹری جنرل خ...
01/06/2026

رویت ہلال ریسرچ کونسل نے پاکستان میں محرم الحرام کے چاند سے متعلق پیش گوئی کردی۔ رویت ہلال ریسرچ کونسل کے سیکرٹری جنرل خالد اعجاز مفتی کے مطابق یکم محرم الحرام بدھ 17 جون کو ہونے کا امکان ہے۔ نیا چاند 15 جون 2026ء کو پاکستانی وقت کے مطابق صبح 7 بج کر 54 منٹ پر پیدا ہوگا تاہم اسی روز غروب آفتاب کے وقت چاند کی عمر پاکستان کے تمام علاقوں میں 12 گھنٹوں سے بھی کم ہوگی، جبکہ ہلال کی رویت کے لیے عموماً چاند کی عمر 18 گھنٹے سے زائد ہونا ضروری سمجھی جاتی ہے۔

Address

Gulistan-e-johar Block/18
Karachi

Telephone

+923002667595

Website

Alerts

Be the first to know and let us send you an email when Candid Show posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Candid Show:

Shortcuts

Share

Category