29/11/2025
ھي آھي ھڪ ملڪ مخالف تنظيم پاران زرعي يونيورسٽي ٽنڊو ڄام ۾ ڪوٺايل پروگرام... جنھن کي نالو بدلائي تعليمي اداري ۾ پروگرام ڪرڻ جي اجازت ڏني وئي..
سوال اھو آھي تہ خالصةً تعليمي اداري ۾ ھڪ ملڪ دشمن تنظيم کي ڪھڙي مقصد تحت پروگرام ڪرڻ جي اجازت ڏني وئي آھي؟؟؟
جڏھن تہ انھن ئي تعليمي ادارن ۾ ڪو ديني پروگرام ڪرائڻ لاءِ اھو چئي ڪري اجازت نہ ٿي ڏني وڃي تہ ھي تعليمي ادارا آھن ھتي صرف تعليمي سرگرميون ئي ٿي سگھن ٿيون..
سوال آھي تہ ھي جيڪو پروگرام ڪيو ويو ڇا اھو تعليمي سرگرمين تي مشتمل ھيو؟؟
ڇا ھن پروگرام ۾ سائنس ۽ ٽيڪنالاجي جي عنوان تي ليڪچر ڏنا ويا؟؟
اسٽيج تي ويٺل ماڻھو جن جي ڪلھن تي پيلي رنگ جو ڪپڙو پيل آھي ڇا اھي سڀ سائينٽسٽ يا ناليوارا پروفيسرز آھن؟؟
ھرگز نہ، ھي پروگرام صرف پنھنجي ملڪ دشمن بيانيي ۽ نظريي کي پروموٽ ڪرڻ لاءِ منعقد ڪيو ويو.. تہ پوءِ اھڙي پروگرام جي اجازت ڪنھن جي اشاري تي ڏني وئي؟؟
ڇا انھن قوم پرست تنظيمن جي ملڪ دشمني ڪنھن کان ڳجھي آھي؟؟ اسٽيج تي ملڪ کي ٽوڙڻ جو نعرو ھڻڻ واري متنازع شخصيت جي ايم سيد جي تصوير پڻ لڳل آھي.
تعليمي ادارن ۾ اھڙن تنظيمن کي پروگرام ڪرڻ جي اجازت ڏيڻ ڇا ملڪ مخالف نظريي کي ھٿي ڏيڻ برابر ناھي؟؟
يونيورسٽي جي وائس چانسر جناب الطاف سيال صاحب، رجسٽرار غلام محي الدين صاحب ۽ ڊاريڪٽر اسٽوڊنٽس آفئيرز جناب ڊاڪٽر عبدالواحد بلوچ صاحب کي وضاحت ڏيڻ کپي تہ آخر اھڙا پروگرام ڪنھن جي اجازت سان ۽ ڪھڙي مقصد تحت ڪيا وڃن ٿا؟
بھرحال اسين انتظاميہ کي گذارش ڪيون ٿا تہ خدارا تعليمي ادارن کي تعليمي ادارا رھڻ ڏنو وڃي ملڪ مخالف تنظيمن کي تعليمي ادارن ۾ سرگرمين جي اجازت ڏيئي ادارن جي ماحول کي خراب ۽ انھن جي ساک کي نقصان نہ پھچايو وڃي..
تعليمي ادارن ۾ والدين پنھنجي اولاد کي تعليم پرائڻ ۽ پنھنجو مستقبل سنوارڻ لاءِ موڪليندا آھن تنھن ڪري کين ملڪ دشمن تنظيمن جي رحم و ڪرم تي ڇڏي انھن جي مستقبل کي برباد نہ ڪيو وڃي..
✍️..... ابو طلحہ سنڌي
29/11/2025
