First Information & Report

17/11/2024

سیکورٹی وجوہات کی بناء پر درج ذیل روڈ ٹریفک کے لیے مورخہ "19" تا "22 نومبر 2024" صبح "07:00" بجے تا "شام 07:00" بجے تک عارضی طور پر بند کیے جائیں گے:

- اسٹیڈیم فلائی اوور سے حسن اسکوائر اور حسن اسکوائر فلائی اوور سے نیشنل اسٹیڈیم تک دونوں فلائی اوورز ٹریفک کے لیے اوپر بتائے گئے اوقات میں بند ہوں گے۔

- اسٹیڈیم روڈ: آغا خان ہسپتال سے بائیں جانب حسن اسکوائر (سر شاہ سلیمان روڈ) ٹریفک کے لیے بند ہوگا۔

- ڈالمیا روڈ: اسٹیڈیم سگنل سے دائیں جانب حسن اسکوائر کی طرف ٹریفک کو جانے کی اجازت نہیں ہوگی۔

- یونیورسٹی روڈ: نیپا سے آتے ہوئے ایکسپو سینٹر سے بائیں جانب اسٹیڈیم کی طرف جانے کی اجازت نہیں ہوگی۔

تمام پبلک، کمرشل گاڑیاں زحمت اور پریشانی سے بچنے کے لیے درج ذیل بتائے گئے راستوں کا انتخاب کریں:

ہیوی ٹریفک کے متبادل / فلٹر کے مقامات، متبادل راستے، ڈائیورژن اور اہم معلومات:

ہیوی ٹریفک کے متبادل / فلٹر کے مقامات:

- کارساز: شارع فیصل سے ہیوی اور کمرشل گاڑیاں / واٹر ٹینکر کا کارساز روڈ پر داخلہ عارضی طور پر ممنوع ہے۔ تمام ہیوی اور کمرشل گاڑیاں ڈرگ روڈ کا راستہ اختیار کریں۔

- ملینیم: ملینئیم مال سے اسٹیڈیم روڈ پر ہیوی اور کمرشل ٹریفک کے داخلے پر عارضی طور پر پابندی ہوگی۔ تمام ہیوی اور کمرشل گاڑیاں نیپا، عسکری IV، ڈرگ روڈ سے شارع فیصل یا ملینیم سے نیپا چورنگی کا راستہ اختیار کریں۔

- نیپا: نیپا سے حسن اسکوائر تک ہیوی اور کمرشل ٹریفک کو جانے کی اجازت نہیں ہوگی۔ ہیوی اور کمرشل گاڑیاں نیپا، گلشن چورنگی سے سہراب گوٹھ یا نیپا سے جانب ملینیم مال سے ڈرگ کا راستہ اختیار کریں۔

- جیل چورنگی: جیل چورنگی سے حسن اسکوائر تک ہیوی اور کمرشل ٹریفک کو جانے کی اجازت نہیں ہوگی۔ تمام کمرشل گاڑیاں شہید ملت روڈ یا تین ہٹی روڈ کا استعمال کریں۔

- نیو ٹاؤن: یونیورسٹی روڈ پر اندرون علاقے سے آنے والی ہیوی اور کمرشل ٹریفک کو اسٹیڈیم روڈ جانے کی اجازت نہیں ہوگی۔ اس ٹریفک کو پی پی چورنگی، شہید ملت روڈ کی جانب بھیجا جائے گا۔

- لیاقت آباد نمبر 10: لیاقت آباد نمبر 10 سے جانب حسن اسکوائر ہیوی اور کمرشل ٹریفک کو جانے کی اجازت نہیں ہوگی۔ ہیوی اور کمرشل ٹریفک لیاقت آباد نمبر 10 سے دائیں جانب تین ہٹی کی جانب جاسکیں گے۔

- سر شاہ سلیمان روڈ: حسن اسکوائر سے جانب نیشنل اسٹیڈیم روڈ کی دونوں اطراف کی سڑکیں عام ٹریفک کے لیے بند رہیں گی۔ اس کے علاوہ غریب آباد سے شارع فیصل براستہ حسن اسکوائر یونیورسٹی روڈ نیپا کا راستہ اختیار کریں۔

عوام الناس سے گذارش ہے کہ زحمت و پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں۔ درج بالا ہدایات پر عمل کریں۔ اپنی گاڑیوں / موٹر سائیکلوں کو کسی سروس روڈ یا مین روڈ پر کھڑی نہ کریں۔

کسی بھی پریشانی کی صورت میں رہنمائی کے لیے ٹریفک پولیس راہنما 1915 ملائیں جہاں ہمارے نمائندے آپ کی رہنمائی کے لیے موجود ہیں یا ہمارے سوشل میڈیا یونٹ (فیس بک www.facebook.com/karachitrafficpolice، واٹس ایپ 03059266907، یا ایف ایم ریڈیو 88.6) سے تازہ ترین اپ ڈیٹ حاصل کرتے رہیں۔

16/11/2024

یہ عبرت کی جا ہے تماشہ نہیں
*۔۔۔۔ ( ایمن العلی محض )23 سالہ اردنی نوجوان ہے۔
انتہائی خوبرو ہے، حسین و جمیل ہے، ٹک ٹوکر ہے، بلاگر ہے، فیشن ماڈل ہے، عرب دنیا میں ٹرینڈ میکر ہے،
لاکھوں دلوں کی دھڑکن ہے۔ انسٹا گرام، سنیپ چیٹ اور ٹک ٹوک پر لاکھوں فالوورز رکھتا ہے،

*۔۔۔۔ اس کی ایک ویڈیو کو ایک ہی دن میں 12 سے 15 لاکھ ویووز ملتے ہیں، ہر مشہور عرب ٹی وی چینل پر مہمان بنا ہوا ہوتا ہے۔
سوشل میڈیا کا بادشاہ ہے اور اسے 2022 میں باقاعدہ (ملك جمال الأردن - اردن میں حسن کا بادشاہ) کا خطاب ملا ہوا ہے۔
سن 2023 میں ھاشمیہ یونیورسٹی اردن سے ماسٹر ڈگری لی، گریجوایشن تقریب میں مخصوص گریجوایشن ٹوپی پر (ملك الإرادة -

*۔۔۔۔ اپنی مرضی اور اپنے ارادے کا بادشاہ) لکھوا کر شامل ہوا،
اس کی یہ ویڈیو لاکھوں لوگوں نے پسند کی۔ اپنی عوامی اور عرب دنیا میں شہرت اور جان پہچان کی وجہ سے،
اردن ٹیلی ویژن کی مشہور بدوی سیریز "هام وشاهة" میں اپنی اداکاری کے جوہر دکھا چکا ہے۔

*۔۔۔۔ ٹک ٹوک پر چلبلے کنٹینٹ کی ویڈیوز بناتا ہے، جو کہہ دے وہ ٹرینڈ بنتا ہے۔ سن 2023 میں اس کا ستارہ بام عروج پر رہا ہے، گریجوایشن کی،
سوشل میڈیا سے لاکھوں ڈالر کمائے، سینکڑوں اشتہارات میں بھاری معاوضے کے ساتھ ماڈلنگ کی۔ مصر اور اردن کی سیاحتی ویڈیوز بنائیں،
اپنی بہن کی عالیشان شادی کی۔

*۔۔۔۔ تاہم 2023 میں اس کے جسم میں (معدے اور ہڈیوں کے پنجر میں) کینسر بھی ڈائیگنوز ہوا۔
اس کینسر کے باوجود (میں اس کینسر کے سامنے ہتھیار نہیں ڈالوں گا) کہہ کر اپنی ہر قسم کی مصروفیات کو جاری رکھے رہا ہے۔

*۔۔۔۔ تاہم: پچھلے دو دن سے اس کی ایک نئی تصویر کی وجہ سے ایک کہرام برپا ہے جس میں یہ ہسپتال میں بستر میں لیٹا ہوا ہے،
ہڈیوں کا ڈھانچہ بنا ہوا، پیٹ انتفاخ سے پھولا ہوا: کیپشن ہے کہ اپنے دل سے میرے لیئے دعا کر دیجیئے۔
عرب میڈیا کے ہر بڑے اخبار پر اس کا چرچا رہا، اس کے مداح روتے رہے، ہر دل گرفتہ اس کیلیئے دعا گو بنا ہوا ہے۔

*۔۔۔۔۔ اخبارات میں اس کی بیماری سے متعلق، اس کی پیدائش سے لیکر اب تک کے حالات زندگی اور اس کی موجودہ حالت کی تفاصیل شائع ہوئی ہیں۔

مشہور ڈیجیٹل اخبار (MSN) نے اس پر ایک خاص مضمون شائع کیا ہے۔

إِنَّا لِلَّهِ وَإِنَّا إِلَيْهِ رَجِعُون
بیشک زندگی موت کی امانت ہے
كل نفس ذائقہ الموت
ﷲ پاک مغفرت فرمائے آمین

13_11_2024
ان کا قضاءالہٰی سے اِنتقال ہوگیا

08/11/2024

سعودی عرب کے شمالی علاقے الجوف میں اس ہفتے کے آغاز میں ہونے والی شدید بارشوں اور ژالہ باری کے بعد تاریخ میں پہلی بار برف ہوئی ہے۔

تفصیلات کے لئے کمنٹ میں موجود لنک پر کلک کریں۔

08/11/2024

کراچی میں کہاں کیا اچھا ملتا ہے
نہاری. جاوید نہاری دستگیر، ادریس نہاری، سہیل نہاری، اقبال نہاری
2. بریانی. نصیب بریانی محمود آباد، فرحان بریانی جوہر، بسم اللہ بریانی
3. سنگا پورین رائس. فوڈ بریک بہادر آباد
4. حلیم. مزیدار حلیم سمن آباد
5. گولہ گنڈہ. انکل گولہ دھورا جی
6. نمکین بوٹی. الحرمین. الاصف اسکوائر
7. گول گپے. لیاقت آباد پل
8. چپلی کباب. اے ون. شاہ فیصل کالونی
9.مٹن کڑاہی. انور بلوچ ملیر
10. چرغہ. کیفے لذیز برنس روڈ
11. کھٹاکھٹ. طیبی حسین آباد
12. برین مسالہ. نورانی خالد بن ولید روڈ
13. ہنٹر بیف. حنیفیہ. بنوری ٹاؤن
14. مرغ چھولے. غوثیہ سٹی کورٹ
15. بلوچی تکہ. مدینہ 2 ہائی وے
16. چکن اینڈ چٹنی رول ہاٹ اینڈ سپائسی کھڈا مارکیٹ
17. بہاری تکہ. میرٹھ
18. ملائی بوٹی. غفار کباب ہاؤس پورٹ لینڈ
19. بن کباب. حنیف بن کباب پاکستان چوک
20. فش تکہ. یادگار جمیشید روڈ
21. بیف برگر. خان بروسٹ نصیر آباد
22. لچھہ پراٹھا. کیفے کوئٹہ عالمگیر روڈ
23. ربڑی. دہلی ربڑی صدر
24. گلاب جامن. شاداب سوئٹ. بلاک 11 ایف بی ایریا
25. دہی بڑے. فریسکو برنس روڈ
26. فرائی کباب. وحید برنس روڈ
27. حلوہ پوری. دھتمل عائشہ منزل
28. چلو کباب. کیفے سیستانی صدر
29. فروٹ چاٹ. پاکستان فروٹ چاٹ. نرسری
30. لسی. اسلم لسی ہاؤس واٹر پمپ
31. سجّی. بولان سجی حسن اسکوائر
32. بیف چانپ. یونائٹد غریب آباد
33. آئس کریم. پشاوری آئس کریم حیدری
34. ریشمی کباب. چوہدری متین. 2 کے اسٹاپ
35. کچوری. پاسپورٹ آفس
36. شاورمہ. جسٹ شاورمہ شان سرکل
37. ڈوسا. ڈوسا ہوائنٹ بہادر، آباد
38. گولہ کباب. قریشی کباب حسین آباد
39. کیلجی. 2کے اسٹاپ
41.کھیر. فوڈ سینٹر صدر
42. قلفی فالودہ. جان بلوچ صدر
43. میٹھا پان. پی آئی ڈی سی
44. بہاری بوٹی. الکباب بہادر، آباد
45. سوپ. الحسن ناظم آباد
48.قلفی. ، رحمت شیریں طارق روڈ
49. مچھلی کا کٹاکٹ. یونس مچھلی ڈاکخانہ لیاقت آباد
50- مال پوڑہ. حنان کھارادر
51. نمکو. رتن تلاؤ پاک کالونی 52 کیک، ماسٹر کیک۔ بنوری ٹاؤن 53 چکن بروسٹ، جان بروسٹ بھوری بازار صدر 54 اسپائسی چرگہ، بروسٹ ٹاؤن، حسین آباد 55 ملای کھجہ،ایم سلیمان کھاراد اور بمبئی بیکری، طارق روڈ، 56 افلاطون، ایم سلیمان مٹھائی والا، کھاراد

06/11/2024

امریکا کے صدارتی انتخابات میں ری پبلکن پارٹی کے ڈونلڈٹرمپ نے کامیابی حاصل کرلی۔ ڈونلڈ ٹرمپ ایک بار پھر امریکا کے صدر منتخب ہوگئے۔ ڈونلڈٹرمپ نے صدارتی انتخابات میں 277 الیکٹورل ووٹ حاصل کرلئے۔ امریکا کے صدارتی انتخاب میں جیت کے لیے 538 میں سے کم از کم 270 الیکٹورل ووٹ حاصل کرنا ہوتے ہیں۔

06/11/2024

امریکی صدر کے انتخاب کیلئے متعدد ریاستوں میں پولنگ کا وقت ختم ہونے کے بعد ووٹوں کی گنتی اور نتائج آنے کا سلسلہ جاری ہے جب کہ بعض ریاستوں میں ابھی بھی ووٹ ڈالے جارہے ہیں۔ میڈیا رپورٹس کے مطابق ابھی تک سامنے آنے والے نتائج میں ری پبلکن پارٹی کے ڈونلڈ ٹرمپ کو برتری حاصل ہے اور انہوں نے 230 الیکٹورل ووٹ حاصل کرلئے ہیں جبکہ ڈیموکریٹ پارٹی کی کاملا ہیرس نے 210 الیکٹورل ووٹ حاصل کئے ہیں۔ صدارتی انتخاب میں جیت کے لیے 538 میں سے کم از کم 270 الیکٹورل ووٹ درکار ہیں۔

04/11/2024

صدر مسلم لیگ (ن) اور سابق وزیراعظم نواز شریف کی ہدایت پر پنجاب حکومت نے ’پنجاب ایئر‘ کے نام سے نئی ایئر لائن لانچ کرنے کا فیصلہ کرلیا۔

پنجاب کی سینئر صوبائی وزیر مریم اورنگزیب نے کہا ہے کہ پنجاب حکومت پاکستان انٹرنیشنل ایئرلائن (پی آئی اے) نہیں خرید رہی۔

03/11/2024

قصہ پی آئی اے کی نجکاری کا۔۔۔

آفس کی جانب سے اس حوالے سے خبریں بنانے کی ذمہ داری ملی تو گزشتہ ایک مہینے سے ورکنگ کر رہا تھا تاکہ کچھ خود سمجھ آئے گا تو دوسروں کو بتایا جا سکے گا۔۔۔۔ کل ہونے والی بولی کے بعد جو بھانت بھانت کے تبصرے سوشل میڈیا پر دیکھنے کو مل رہے ہیں، وہ کسی لطیفے سے کم نہیں۔ اس لیے کوشش ہے کہ آسان الفاظ میں بات واضع کر سکوں۔

پی آئی اے کی نجکاری کی کل سے پہلے چار بار کوشش کی گئی، جو ناکام ہوئی۔ اس میں سیاسی وجوہات بھی تھیں، لیکن سب سے اہم ادارے پر قرضوں کا بوجھ ہے۔

گزشتہ سال نگران حکومت کے دور میں جو اعداد و شمار جاری کیے گئے تھے۔ اُس کے مطابق "پی آئی اے کے کل اثاثے ایک کھرب 71 ارب روپے جبکہ اس کے ذمہ واجبات آٹھ کھرب 30 ارب روپے کے تھے۔ ماہانہ تقریبا 12 ارب روپے خسارے کا سامنا تھا۔ اس لیے کوئی بھی اسے لینے کو تیار نہیں۔

موجودہ حکومت نے نجکاری کے لیے ایک نیا طریقہ کار وضع کیا۔ پی آئی اے کو دو کمپنیوں میں تقسیم کر دیا۔ جن میں سے ایک پاکستان انٹرنیشنل ایئرلائن ہولڈنگ کمپنی اور دوسری کو پاکستان انٹرنیشنل ایئرلائن کارپوریشن لمیٹڈ کا نام دیا گیا۔
آسانی کے لیے یوں سمجھ لیجیے کہ پی آئی اے کی تمام جائیدادیں، زمینیں، ذیلی کمنیاں اور غیر منقولہ اثاثہ جات پاکستان انٹرنیشنل ایئرلائن ہولڈنگ کمپنی کو منتقل ہو گئے۔ جو حکومت نے اپنے پاس رکھنے کا فیصلہ کیا۔

پی آئی اے کا آپریشن اور آپریشنل اثاثے پاکستان انٹرنیشنل ایئرلائن کارپوریشن لمیٹڈ کے نام لگا کر اسے برائے فروخت رکھ دیا۔

اس کمپنی کی نجکاری کے لیے اس سال مئی میں جو اعداد شمار جاری کیے گئے اُسے تمام دلچسبی رکھنے والے سرمایہ کاروں نے گمراہ کُن قرار دے کر مسترد کر دیا۔ جس کے بعد نجکاری کے لیے معروف بین الاقوامی پیشہ ورانہ خدمات دینے والی کمپنی "ارنسٹ اینڈ ینگ" کی خدمات حاصل کی گئیں۔ جس نے تین ماہ کے آڈٹ کے بعد نئے اعداد و شمار جاری کیے۔

پی آئی اے کی دلچسبی رکھنے والے خریداروں کو جو دستاویزات دی گئی، اُن کے مطابق اس کے فروخت کے لیے پیش کیے گئے اثاثوں کی مجموعی مالیت 57 ارب روپے ہے،
جبکہ خریدار کو پی آئی اے کے ذمے قابل ادائیگی واجبات میں سے 200 ارب روپے کی ذمہ داری لینی ہوگی۔
پی آئی اے لیے ابتک لیے گئے قرض پر اگلے دس سال تک 12 فیصد کی منجمد شرح سے سالانہ 32 ارب روپے سود ادا کرنا ہے۔
پی اے اے کے ذمہ اپنے اندونی قرض الگ سے ہیں، مثلا پینشن ٹرسٹ فنڈ کے 40 ارب روزمرہ کے خرچے پورے کرنے کے لیے استعمال کر چکی ہے۔ فیول، پینشن فنڈ اور پراویڈنٹ فنڈ ادھار الگ سے ہے۔
پی آئی اے کے پاس کل 31 جہاز ہیں، جن میں سے 15 لیز پر ہیں۔ اپنے صرف 6 جہاز اس وقت قابل استعمال حالت میں ہیں۔
7200 مستقل ملازمین اور 3 ہزار ڈیلی ویجز ملازمین ہیں۔

سرمایہ کاری کے ماہرین نے حکومت کی جانب سے پی آئی اے کی 25 ارب سے 40 روپے کے درمیان ریزو پرائس کی توقع ظاہر کی۔ جس کو مد نظر رکھ کر کوئی بھی غیر ملکی انویسٹر نہیں آیا۔
صرف چھ مقامی سرمایہ کاروں۔۔۔ ایئر بلیو لمیٹڈ، عارف حبیب کارپوریشن لمیٹڈ، ایئر عربیہ کی فلائی جناح، وائی بی ہولڈنگز پرائیویٹ، پاک ایتھنول پرائیویٹ اور بلیو ورلڈ سٹی نے اظہار دلچسبی کے اشتہار کے جواب دیا۔

تاہم جب حکومت نے برائے فروخت کمپنی کے صرف 60 فیصد تک شیئرز فروخت کرنے کا اعلان کیا تو ان میں سے پانچ انویسٹرز نے بولی میں شرکت نہیں کی۔

واحد کنسوشیم بلیو ورلڈ سٹی تھا۔ جس نے 60 فیصد شیئر کی 10 ارب روپے کی بولی دی۔ لیکن حکومت کی جانب سے 85 ارب روپے کی ریزو پرائس مقرر ہونے کے بعد نجکاری کی یہ کوشش بھی ناکام ہو گئی۔ کیوں کہ یہ رقم 100 فیصد حصص کی متوقع زیادہ سے زیادہ قیمت 40 ارب روپے کے دوگنا سے بھی زیادہ تھی۔

پی آئی اے، نجکاری اور سرمایہ کاری بورڈ جتنے لوگوں سے میری بات ہوئی ہے۔ وہ سب اس بات پر متفق ہیں کہ بیورو کریسی، سیاستدان اور مقتدرہ کے لوگ پی آئی اے کی نجکاری کرنا ہی نہیں چاہتی۔ قومی خزانے کے لیے سفید ہاتھی ادارہ اشرافیہ کی عیاشی کی اہم ضرورت ہے۔ مفت اور رعایتی ٹکٹس، بیرون ملک مفت رہائش، پروٹوکول۔۔ نوکریاں سب اسی کے دم سے ہیں۔
اگر ٹیکس کے ڈھائی سو ارب سالانہ اس کا خسارا پورا کرنے پر لگتے ہیں تو ان کی بلا سے۔

02/11/2024

🚨 SEVERE AIR QUALITY ALERT: For the First time this Year The Air Quality index of and adjoining Areas have crossed 1000+ AQI Values. The Air is Extremely Hazardous in those Areas Right Now. Citizens are Requested to Strictly Take all Precautions. Wear Masks while going Outside and Keep Windows and Doors Shut as much as possible. ⚠️😷

Weather Updates PK 2.0 - Jawad Memon / Pakistan Doppler

01/11/2024