NBK

NBK latest news

پرنس رحیم آغا خان کی پاکستان آمد، نور خان ایئربیس پر صدر نے استقبال کیااسماعیلی برادری کے روحانی پیشوا پرنس رحیم آغا خ...
20/05/2026

پرنس رحیم آغا خان کی پاکستان آمد، نور خان ایئربیس پر صدر نے استقبال کیا
اسماعیلی برادری کے روحانی پیشوا پرنس رحیم آغا خان کے پاکستان پہنچنے پر صدر مملکت نے نور خان ایئر بیس پر معززمہمان کا پُرتپاک استقبال کیا، مسلح افواج کی جانب سے ایوان صدر میں گارڈ آف آنر پیش کیا گیا۔

اس موقع پر خاتون اول آصفہ بھٹو زرداری، وزیر اطلاعات عطا تارڑ اور سینیٹر سلیم مانڈوی والا بھی موجود تھے۔ اس موقع پر ثقافتی لباس پہنے بچوں نے معزز مہمان کو پھول پیش کیے۔

نور خان ایئر بیس سے پرنس رحیم آغا خان ایوان صدر پہنچے جہاں تینوں مسلح افواج کے دستے نے انہیں گارڈ آف آنر پیش کیا۔ایوان صدر پہنچنے پر بلاول بھٹو زرداری نے ان کا استقبال کیا جبکہ پرنس رحیم آغا خان نے صدر مملکت آصف علی زرداری سے الگ ملاقات بھی کی جس میں بلاول بھٹوزرداری اور خاتون اول آصفہ بھٹو زرداری بھی شریک ہوئے۔

عالمی منڈی میں تیل کی قیمتوں میں بڑی کمی؛ امریکی خام تیل بھی سستا ہوگیاامریکی صدر ڈونلڈ ٹرمپ کی جانب سے ایران کے ساتھ مذ...
20/05/2026

عالمی منڈی میں تیل کی قیمتوں میں بڑی کمی؛ امریکی خام تیل بھی سستا ہوگیا
امریکی صدر ڈونلڈ ٹرمپ کی جانب سے ایران کے ساتھ مذاکرات پر امید بیانات کے بعد عالمی منڈی میں تیل کی قیمتوں میں نمایاں کمی دیکھی گئی ہے۔

بین الاقوامی خبر رساں ادارے کے مطابق عالمی معیار کے برینٹ خام تیل کی قیمت پانچ فیصد سے زیادہ گر کر تقریباً ایک سو پانچ ڈالر فی بیرل تک آگئی جبکہ امریکی خام تیل کی قیمت میں بھی واضح کمی ریکارڈ کی گئی۔

یاد رہے کہ دن کے آغاز میں برینٹ کروڈ آئل کی قیمت میں 88 سینٹ کمی ہوئی تھی جس کے بعد یہ 110.40 ڈالر فی بیرل پر آ گیا تھااسی طرح امریکی ویسٹ ٹیکساس انٹرمیڈیٹ خام تیل 67 سینٹ سستا ہو کر 103.48 ڈالر فی بیرل تک پہنچ گیا۔

امریکی صدر نے بدھ کے روز صحافیوں سے گفتگو میں کہا کہ ایران کے ساتھ مذاکرات “آخری مراحل” میں داخل ہو چکے ہیں اور انہیں امید ہے کہ جلد کسی معاہدے تک پہنچا جا سکتا ہے۔

اس بیان کے بعد سے سرمایہ کاروں میں وقتی اطمینان پیدا ہوا جس کے باعث تیل کی قیمتوں پر دباؤ کم ہوا ہے۔

البتہ آبنائے ہرمز کی بندش، مشرقِ وسطیٰ میں تیل کی ترسیل میں رکاوٹیں اور ایران سے متعلق غیر یقینی صورتحال اب بھی عالمی توانائی منڈی کے لیے بڑا خطرہ ہیں۔

ادھر خبر رساں ادارے رائٹرز کی رپورٹ میں انکشاف کیا گیا ہے کہ چند بحری جہازوں کی آبنائے ہرمز سے محدود نقل و حرکت نے بھی مارکیٹ کو وقتی ریلیف دیا ہے۔

دوسری جانب عالمی مالیاتی اداروں نے خبردار کیا ہے کہ اگر ایران اور امریکا کے درمیان مذاکرات ناکام ہوئے یا خطے میں دوبارہ فوجی کشیدگی بڑھی تو تیل کی قیمتیں دوبارہ ایک سو بیس سے دو سو ڈالر فی بیرل تک جا سکتی ہیں۔

واضح رہے کہ امریکا اور اسرائیل کی ایران پر مسلط کی گئی جنگ کے باعث رواں برس عالمی تیل منڈی شدید اتار چڑھاؤ کا شکار رہی ہے۔ کچھ روز قبل برینٹ خام تیل کی قیمت ایک سو چھبیس ڈالر فی بیرل سے بھی تجاوز کر گئی تھی

شادی کے بعد رمشا خان سوشل میڈیا سے غائب؟ خوشحال خان نے بھی پروفائل پکچر تبدیل کرلیپاکستانی شوبز انڈسٹری کی معروف اداکارہ...
20/05/2026

شادی کے بعد رمشا خان سوشل میڈیا سے غائب؟ خوشحال خان نے بھی پروفائل پکچر تبدیل کرلی
پاکستانی شوبز انڈسٹری کی معروف اداکارہ رمشا خان کے حوالے سے سوشل میڈیا پر نئی بحث چھڑ گئی ہے، جہاں اطلاعات سامنے آرہی ہیں کہ اداکارہ نے مبینہ طور پر اپنا انسٹاگرام اکاؤنٹ ڈیلیٹ کر دیا ہے۔

شوبز ویب سائٹس اور سوشل میڈیا صارفین کے مطابق رمشا خان کا انسٹاگرام پیج اب کھولنے پر ’’یوزر ناٹ فاؤنڈ‘‘ ظاہر ہورہا ہے، جس کے بعد مداح مختلف قیاس آرائیاں کرنے لگے ہیں۔دوسری جانب اداکار خوشحال خان نے بھی انسٹاگرام پر ایک اہم تبدیلی کرتے ہوئے اپنی ڈسپلے پکچر تبدیل کر دی ہے۔ خوشحال نے اپنی تصویر ہٹا کر اہلیہ رمشا خان کی تصویر ڈی پی کے طور پر لگا دی، جس کے بعد سوشل میڈیا پر دلچسپ تبصروں اور چہ میگوئیوں کا سلسلہ شروع ہوگیا۔ کئی صارفین اس اقدام کو محبت کا اظہار قرار دے رہے ہیں جبکہ بعض لوگ رمشا کے سوشل میڈیا سے اچانک غائب ہونے پر حیرت کا اظہار کررہے ہیںرمشا خان کے انسٹاگرام اکاؤنٹ سے متعلق خبریں ایک ایسے وقت میں سامنے آئی ہیں جب ان کا ایک پرانا انٹرویو بھی سوشل میڈیا پر دوبارہ وائرل ہورہا ہے۔ اس انٹرویو میں اداکارہ نے شادی اور گھریلو زندگی سے متعلق اپنے خیالات کا اظہار کرتے ہوئے کہا تھا کہ بہت سی خواتین ایسی ہوتی ہیں جو کیریئر کے بجائے گھر سنبھالنے کو ترجیح دیتی ہیں اور ان کے مطابق ہاؤس وائف ہونا بھی کسی فل ٹائم جاب سے کم نہیں۔

اداکارہ نے مثال دیتے ہوئے کہا تھا کہ عائزہ خان اور حرا مانی جیسی اداکارائیں بیک وقت اپنے کیریئر اور گھر دونوں کو کامیابی سے سنبھال رہی ہیں، بچوں کی دیکھ بھال بھی کرتی ہیں اور گھر کے معاملات بھی خود دیکھتی ہیں۔ تاہم رمشا کا کہنا تھا کہ وہ خود ایک وقت میں صرف ایک ہی کام بہتر انداز میں کرسکتی ہیں، اسی لیے انہوں نے سوچ رکھا ہے کہ شادی کے بعد شاید وہ گھر کو ترجیح دیں۔

رمشا خان نے اس گفتگو میں مزید کہا تھا کہ اگر وہ شوٹنگ میں مصروف ہوں تو گھریلو معاملات پر توجہ نہیں دے پاتیں اور اسی دباؤ کی وجہ سے جذباتی بھی ہوجاتی ہیں۔ ان کا کہنا تھا کہ وہ بیک وقت متعدد ذمہ داریاں نبھانے کی عادی نہیں ہیں۔

رمشا خان کے انسٹاگرام اکاؤنٹ کے اچانک غائب ہونے اور خوشحال خان کی نئی ڈی پی نے مداحوں کی دلچسپی مزید بڑھا دی ہے، تاہم اس حوالے سے دونوں فنکاروں کی جانب سے تاحال کوئی باضابطہ وضاحت سامنے نہیں آئی۔

نیتن یاہو ایران کیساتھ وہی کچھ کریں جیسا میں چاہوں گا؛ ٹرمپ کی نئی دھمکیامریکی صدر ڈونلڈ ٹرمپ نے ایک بار پھر ایران کو سخ...
20/05/2026

نیتن یاہو ایران کیساتھ وہی کچھ کریں جیسا میں چاہوں گا؛ ٹرمپ کی نئی دھمکی
امریکی صدر ڈونلڈ ٹرمپ نے ایک بار پھر ایران کو سخت دھمکی دیتے ہوئے خبردار کیا ہے کہ اگر معاہدے پر اتفاق نہ کیا تو نئے حملوں کے لیے تیار رہے۔

عالمی خبر رساں ادارے کے مطابق صدر ٹرمپ نے کہا کہ اسرائیلی وزیر اعظم نیتن یاہو ایران کے ساتھ وہی کریں گے جیسا میں چاہوں گا۔

انھوں نے مزید کہا کہ ایران کے ساتھ جنگ ختم کرنے کے لیے کسی بھی معاہدے کے لیے وہ جلدی میں نہیں ہیں۔ اگرچہ مذاکرات جاری ہیں تاہم ہر ممکن آپشن کھلا ہے۔

صدر ٹرمپ نے یہ انکشاف بھی کیا کہ وہ پیر کی شام ایران پر نئے حملوں کا حکم دینے سے صرف ایک گھنٹے دوری پر تھے لیکن سعودیہ، امارات اور قطر کی درخواست پر کارروائی مؤخر کر دی۔

اپنے ایک اور بیان میں صدر ٹرمپ نے ایران کے خلاف امریکی بحری ناکہ بندی کو اسٹیل کی دیوار قرار دیتے ہوئے کہا کہ کوئی جہاز ایرانی بندرگاہوں تک نہیں پہنچ سکتا۔

انھوں نے دعویٰ کیا کہ امریکی بحریہ نے متعدد جہازوں کو روک کر واپس بھیجا اور خبردار کیا کہ اگر کسی نے ناکہ بندی توڑنے کی کوشش کی تو اس پر فائر کیا جائے گا۔

امریکی صدر نے اپنی گفتگو میں ایک واقعے کا ذکر کرتے ہوئے کہا کہ ایک جہاز کو امریکی کارروائی کے بعد واپس مڑنا پڑا تاہم انہوں نے اس واقعے کی کوئی تفصیل نہیں دی۔

دوسری جانب ایران کی پاسدارانِ انقلاب نے خبردار کیا ہے کہ اگر امریکا یا اسرائیل نے دوبارہ حملے کیے تو جنگ خطے سے باہر (خلیجی ممالک) تک پھیل سکتی ہے۔

ایرانی فوجی ترجمان نے کہا کہ دشمن کو ایسے مقامات پر تباہ کن جواب دیا جائے گا جن کا وہ تصور بھی نہیں کر سکتے۔

پاکستان ویمن کرکٹ ٹیم سہ فریقی سیریز کیلیے پیر کو آئرلینڈ روانہ ہوگیآئی سی سی ویمنزٹی ٹونٹی ورلڈ کپ2026 میں شرکت اور ...
20/05/2026

پاکستان ویمن کرکٹ ٹیم سہ فریقی سیریز کیلیے پیر کو آئرلینڈ روانہ ہوگی
آئی سی سی ویمنزٹی ٹونٹی ورلڈ کپ2026 میں شرکت اور اس سے قبل تیاریوں کو حتمی شکل دینےکے لیے سہ ملکی ٹی ٹونٹی ویمن ٹورنامنٹ میں بھی حصہ لینےکے لیے پا کستان ویمن کرکٹ ٹیم پیر کو آئر لینڈ روانہ ہو رہی ہے،میزبان آئر لینڈ اور ویسٹ انڈیزکے خلاف سہ فریقی سیریز 28 مئی سے 4 جون تک ڈبلن میں کھیلے گی۔

سیریز کا مقصد 12 جون سے 5 جولائی تک انگلینڈ اورویلزمیں ہونے والے آئی سی سی ویمنز ٹی ٹونٹی ورلڈ کپ سے قبل قومی ویمن ٹیم کی حتمی تیاری ہے، پاکستان ویمن ٹیم ایونٹ میں دونوں ٹیموں کے کلاف 2،2 میچز کھیلے گی۔پاکستان کا پہلا میچ 29 مئی کو ویسٹ انڈیز، دوسرا میچ31 مئی کو آئرلینڈ ، تیسرا میچ3 جون کو ویسٹ انڈیز اور چوتھا میچ میچ 4 جون کو آئر لینڈ سے طے ہے۔آل راونڈر فاطمہ ثنا تین ملکی سیریز اور ورلڈ ٹی ٹوئنٹی کپ میں پاکستان ویمنز ٹیم کی قیادت کریں گی، پاکستان ویمنز اسکواڈ میں فاطمہ ثناء، عالیہ ریاض، عائشہ ظفر، ڈیانا بیگ، ایمان فاطمہ، گل فیروزہ، ارم جاوید ، منیبہ علی صدیقی، نشرہ سندھو، نتالیہ پرویز، رمین شمیم، سعدیہ اقبال، سائرہ جبین، تسمیہ رباب اور طوبیٰ حسن بھی شامل ہیں، امبر کائنات، مومنہ ریاست، صدف شمس، سدرہ امین، سیدہ عروب شاہ اور امِ ہانی ریزرو کھلاڑی ہیں۔

پاکستان ویمنز ٹیم ورلڈ کپ میں اپنے سفر کا آغاز 14 جون کو برمنگھم میں روایتی حریف بھارت کے خلاف کرے گی، گروپ مرحلہ کے دوسرے میچ میں 17 جون کو جنوبی افریقہ سے مقابلہ ہوگا، 20 جون کو بنگلہ دیش اور 23 جون کو آسٹریلیا اپنے 5 ویں اور آخری میچ میں 27 جون کو برسٹل میں نیدرلینڈز کا سامنا کرے گی، ورلڈ کپ سے قبل پاکستان ویمنز ٹیم 6 جون کو سری لنکا اور 9 جون کو اسکاٹ لینڈ کے خلاف وارم اپ میچز کھیلے گی۔

دریں اثنا دورہ آئر لینڈ کے لیے پاکستان ویمنز ٹیم کا 4 روزہ مختصر تربیتی کیمپ بدھ سے ایل سی سی اے گراونڈ، لاہور میں شروع ہوگیا، ہفتہ تک جاری رہنے والے کوچنگ اسٹاف کھلاڑیوں کی اہلیٹ اور صلاحیتوں میں نکھار لانے کی کوشش کرے گا۔

بعدازاں پیر کو قومی ویمن ٹیم اپنی منزل کی جانب روآنہ ہو جائے گی، واضح رہے کہ پاکستان ویمنز نے حال ہی میں کراچی میں زمبابوے کے خلاف ٹی ٹوئنٹی ویمن سیریز میں 0-3 سے کلین سوئپ کیا تھا۔

چیف آف دی نیول اسٹاف نے پاک بحریہ کے افسران اور جوانوں کو عسکری اعزازات سے نوازاپاک بحریہ کے افسران اور جوانوں کو عسکری ...
20/05/2026

چیف آف دی نیول اسٹاف نے پاک بحریہ کے افسران اور جوانوں کو عسکری اعزازات سے نوازا
پاک بحریہ کے افسران اور جوانوں کو عسکری اعزازات تفویض کرنے کی تقریب بحریہ آڈیٹوریم، کراچی میں منعقد ہوئی جہاں ایڈمرل نوید اشرف، چیف آف دی نیول اسٹاف نے تقریب میں بطور مہمان خصوصی شرکت کی اور افسران اور جوانوں کو پاک بحریہ کے لیے ان کی گراں قدر خدمات کے اعتراف میں مختلف عسکری اعزازات سے نوازا۔

ستارہ امتیاز (ملٹری) حاصل کرنے والے افسران میں کموڈور سید ساجد رضا رضوی، کموڈور ناصر محمود، کموڈور جواد ریاض، کموڈور محمد اکرم، کموڈور شفیق الرحمٰن، کموڈور عمران خالد شفیع، کموڈور بلال احمد ثناء، کموڈور ڈاکٹر سید سجاد حیدر زیدی، کموڈور محمد مہتاب خان، کموڈور تیمور نیاز خان، کموڈور حیدر سلمان، کموڈور سید ایلیا حسن، کموڈور محمد عمران نوشیر، کموڈور فرید امین، کموڈور کامران کرسٹی منیر، کموڈور یاسر اکرام، کموڈور مدثر خورشید اور کموڈور عمر فاروق شامل ہیں۔

تمغہ امتیاز (ملٹری) حاصل کرنے والوں میں کمانڈر محمد عمران اکبر، کمانڈر شعیب اسحاق، کمانڈر محمد سہیل اسلم، کمانڈر مزمل حسین، کمانڈر کلیم اللہ، لیفٹیننٹ کمانڈر ماجد خان، لیفٹیننٹ کمانڈر مقسط محمود خان، لیفٹیننٹ کمانڈر خلیق الرحمٰن، لیفٹیننٹ کمانڈر خرم ریاض، لیفٹیننٹ کمانڈر محمد ماجد عدیل اور لیفٹیننٹ کمانڈر نذیر احمد شامل ہیں۔

پاک بحریہ کے سی پی اوز اور سیلرز کو 33 تمغہ خدمت (ملٹری)-I اور 82 تمغہ خدمت (ملٹری)-II جبکہ 69 تمغہ خدمت (ملٹری)-III دیے گئے۔ علاوہ ازیں 51 افسران، سی پی اوز/ سیلرز اور نیوی سویلینز کو چیف آف دی نیول اسٹاف کی جانب سے ستائشی اسناد سےنوازا گیا۔

تقریب میں مسلح افواج کے سینئر حاضر سروس اور ریٹائرڈ افسران اور اعزازات حاصل کرنے والوں کے اہلِ خانہ کی بڑی تعداد نے شرکت کی۔

پشاور؛ افغان شہریوں کو پاکستانی شناختی کارڈ بنانے والا منظم گینگ گرفتارپشاور میں افغان باشندوں کو پاکستانی شناختی کارڈز ...
20/05/2026

پشاور؛ افغان شہریوں کو پاکستانی شناختی کارڈ بنانے والا منظم گینگ گرفتار
پشاور میں افغان باشندوں کو پاکستانی شناختی کارڈز میں ردوبدل کرکے پاکستانی خاندانوں میں شامل کرنے کا انکشاف ہوا ہے، گینگ 15 لاکھ روپے افغان باشندوں سے وصول کرتا اور انہیں پاکستانی شناختی کارڈز، غریب خاندانوں کے فیملی ٹری میں شامل کرلیتا۔

ایکسپریس نیوز کے مطابق ایس پی فقیر آباد ڈویژن ریشم جہانگیر کی ہدایت پر ولیس نے ایک اہم اور کامیاب کارروائی کے دوران غیر ملکی شہریوں کو پاکستانی شناختی کارڈ اور دیگر دستاویزات تیار کرنے میں ملوث منظم نیٹ ورک کا سراغ لگا کر ملزمان اعتزاز، سلیمان خان، نسیم شاہ، فواد، عرفان اجمل، آصف اور قاری بشیر کو گرفتار کرلیا۔گرفتار ملزمان کا تعلق ایک منظم گروہ سے ہے، جن کے قبضے سے اہم دستاویزات بھی برآمد کرلی گئی ہیں، ابتدائی تفتیش کے مطابق مذکورہ گینگ صوبے کے مختلف اضلاع سمیت پشاور میں ایجنٹس کے ذریعے ایسے کمزور اور ضرورت مند پاکستانی شہریوں کو تلاش کرتا تھا، جن سے ان کے خاندانی اور پاکستانی دستاویزات حاصل کیے جاتے تھے۔

بعد ازاں ملزمان بھاری رقوم کے عوض غیرملکی شہریوں کو جعلی طریقے سے پاکستانی شہریوں کے شجرہ نسب میں شامل کرکے ان کے لیے غیر قانونی طور پر پاکستانی شناختی کارڈ اور دیگر سرکاری دستاویزات تیار کرواتے تھے۔

مزید انکشاف ہوا ہے کہ حالیہ سیکیورٹی صورت حال کے تناظر میں بعض غیرملکی عناصر اور ان کے سہولت کار حساس معلومات اکٹھی کرنے میں بھی ملوث رہے ہیں، جس پر پولیس اور دیگر حساس ادارے مشترکہ طور پر تحقیقات جاری رکھے ہوئے ہیں۔

پولیس نے بتایا کہ گزشتہ دنوں فقیر آباد ڈویژن پولیس نے خفیہ اطلاع پر کارروائی کرتے ہوئے اس منظم نیٹ ورک کا سراغ لگا کر مرکزی ملزمان کو گرفتار کرلیا جبکہ اس گینگ کی شاخیں صوبے کے دیگر اضلاع میں بھی منظم انداز میں کام کر رہی ہیں، جن کے خلاف جلد مزید کارروائیاں عمل میں لائی جائیں گی۔

اس حوالے سے بتایا گیا کہ پولیس اس معاملے کو انتہائی سنجیدگی سے لے رہی ہے کیونکہ جعلی شناختی دستاویزات نہ صرف قومی سلامتی بلکہ قانونی و انتظامی نظام کے لیے بھی سنگین خطرہ ہیں تاہم بلاامتیاز کارروائیاں جاری رہیں گی اور قانون کے مطابق ملوث عناصر کے خلاف سخت قانونی کارروائی عمل میں لائی جائے گی۔

20/05/2026

ننھی پری کا باپ سے محبت کا خوبصورت انداز۔🌹❤️❤️❤️

20/05/2026

زندگی کے اخری لمحات میں ایک ماں اپنے بچے سے پیار کرتے ہیں
ثابت ہوا کہ ماں کا رشتہ عظیم ہے

20/05/2026

جب جب آپ گولی چلاتے ہو تو نسلیں یاد رکھتی ہے” کارکنان پر گولیاں چلانے کے بعد چیئرمین پی ٹی آئی کا کارکنان سے خطاب

20/05/2026

کراچی میں انوکھی واردات! قربانی کے دو بیل شہری کی موٹر سائیکل لے اُڑے 😲🐂🏍️

Address

Ii Chindrigar Road N J Modi Street Near Jang Press
Karachi

Website

Alerts

Be the first to know and let us send you an email when NBK posts news and promotions. Your email address will not be used for any other purpose, and you can unsubscribe at any time.

Shortcuts

Share

Category