29/04/2024
*وزیر داخلہ سندھ ضیاالحسن لمجار نے سعودآباد ہیڈکواٹر پولیس میں ڈے کیٸر سینٹر کا باقاعدہ افتتح کردیا*
*ڈی آٸی جی ایسٹ غلام اظفر میہسر کا احسن اقدام خواتین اہلکاروں کے بچوں کی نگہداشت کے لیئے ڈے کیئر سینٹر کا قیام کردیا*
سندھ پولیس کا خواتین اہلکاروں کے لیئے اقدام لائق ستائش ہے۔۔ ضیاالحسن لمجار وزیرداخلہ سندھ
کراچی:(سید رفاقت حسین)
وزیر داخلہ سندھ ضیاء الحسن لمجار نے پولیس ہیڈکوارٹر سعود آباد ملیر میں خواتین پولیس اہلکاروں کے لیئے ڈے کیئر سینٹر کا باقاعدہ افتتاح کردیا گیا۔تفصیلات ک مطابق اس موقع پر ڈی آئی جی ایسٹ،ایس ایس پیز ایسٹ، کورنگی و ملیر سمیت دیگر سینئر افسران بھی موجود تھے۔ایس پی جمیشید کوارٹر علینہ راجپر نے ڈے کیئر سینٹر کے قیام اور اسکے اغراض و مقاصد پر بریفنگ دیتے ہوئے بتایا کہ سینٹر میں خواتین پولیس اہلکاروں کے یکم تا آٹھ سال تک کے بچوں کی دیکھ بھال اور نگہداشت کے انتظامات میسر آسکیں گے۔ وزیر داخلہ سندھ نے خواتین پولیس اہلکاروں کے بچوں کی دیکھ بھال اور نگہداشت کے لیئے ڈے کیئر سینٹر کے قیام کو سندھ پولیس کی جانب سے انتہائی مستحسن اور لائق ستائش اقدام قرار دیتے ہوئے کہا کہ مختلف شعبہ ہائے پولیس سے وابستہ خواتین اپنے بچوں کو ڈے کیئر سینٹر میں چھوڑ کر ہر قسم کی فکر و پریشانی کو بالائے طاق رکھ کر انتہائی انہماک اور دل جمعی کیساتھ محکمانہ فرائض سرانجام دے سکیں گی۔اس موقع پر انہوں نے ڈے کیئر سینٹر کی طرز پر کراچی کے دیگر پولیس ہیڈکوارٹرز میں بھی خواتین اہلکاروں کے بچوں کی دیکھ بھال اور نگہداشت کے لیئے مراکز کے قیام کی تجویز دی۔انہوں نے مزید کہا کہ ڈے کیئر سینٹر میں گھریلو ناچاقی/ جھگڑوں سے متاثرہ عام خواتین کے بچوں کی دیکھ بھال کے انتظامات کو بھی ممکن بنایا جائے۔تقریب کے اختتام پر ڈی آئی جی ایسٹ نے وزیر داخلہ سندھ کو سندھ پولیس کی جانب سے یادگاری شیلڈ پیش کی۔
