Choudhary life's

16/09/2025

*وقت کے ساتھ ساتھ سمجھ آگیا کہ زندگی میں کچھ ہو نہ ہو باپ کا ہونا ضروری ہے۔۔*♥️🥺

16/09/2025

10/09/2025

ٹٹہری… سات اہم باتیں۔

(سائنس) سائنسدان بھی ان کے آگے ناکام ہو گئے…

اس بار ٹٹہری نے چھت پر کئی جگہ انڈے دیے ہیں، پچھلے پچاس برسوں میں پہلی بار ایسا دیکھا گیا ہے۔

1️⃣ اگر ٹٹہری چار انڈے دے تو سمجھ لو کہ چار ماہ بارش ہوگی۔
2️⃣ اگر ٹٹہری اونچی زمین پر انڈے دے تو بارش بہت زیادہ ہوگی۔
3️⃣ یہ کبھی درخت، دیوار، کھمبے، رسی یا چھت پر نہیں بیٹھتیں۔
4️⃣ اگر ٹٹہری چھت پر انڈے دے تو سمجھ لو کہ پانی سے تباہی آئے گی۔
5️⃣ تم کبھی ٹٹہری کو کرکشترا کے باہر کسی ملک میں مردہ نہیں دیکھ سکتے۔
6️⃣ جس کھیت میں ٹٹہری انڈے دے، وہ کھیت کبھی خالی نہیں رہتا۔
7️⃣ جس سال ٹٹہری انڈے نہ دے، سمجھ لو کوئی خوفناک انجام آنے والا ہے۔

قدرت ان کے ساتھ ہے… یہ فطرت کے تحفے ہیں… جب سائنس نہیں تھی، یہ سب کچھ تھا۔

یہ وہ ہے جو رب نے انہیں بنایا… 🙏

30/08/2025

آفت کے ساتھ مزید آفت
انڈیا ہماچل سے مادھوپور، فیروز پور پھر راوی اور دریائے توی کے ساتھ بہ کر بے شمار ان چار قسم کے انڈینز جان لیوا سانپوں کی ایک پوری کھیپ پاکستان کے دیہاتوں میں جا گھسی ہے
یہ چار سانپ پہچان لیں ان میں سب سے خطرناک ناجا کوبرا، اور سنگچور ہے جو رات کے اوقات میں حملہ اور ہوتے ہیں
حکومت پنجاب فوری طور پر اینٹی وینم ویکسین بھی ہر طبی مرکز تک پہنچائے تاکہ عوام گلیوں اور بازاروں ،کوچوں میں پھرتے ان انڈینز جان لیوا سانپوں سے بچ سکیں
یاد رہے سانپ کے ساتھ زیادہ پنگے لینے کی ضرورت نہیں ہے فوری طور پر یا تو ان کے راست سے ہٹ جائیں یا پھر ہمت کر کے موقع پر ماریں خود مداری بن کر پکڑنے کی کوشش نا کریں یہ حملہ کرتے ایک ہی وار میں ایک ہاتھی کو مارنے جتنا زیر آپکے باڈی میں انجیکٹ کرنے کی طاقت رکھتے ہیں فوری طور پر مریض کو بابے پیر یا حکیم کی بجائے محکمہ صحت کے مراکز شفٹ کریں یا ریسکیو کی ہیلپ لائن 1122 پر کال کریں
ننگے پائوں رات گھروں سے باہر مت نکلیں خاص طور پر سیلابی پانی میں گھرے افراد
اللہ سب کو حفظ و امان میں رکھے آمین

08/06/2025

"جب وقت پلٹ آیا: 1948 کی کھوئی پرواز کی حیران کن واپسی"

کبھی کبھی خبریں صرف سرخیاں نہیں ہوتیں، وہ دل کی دھڑکن بن جاتی ہیں۔
ایسی ہی ایک خبر 28 دسمبر 1998 کو فلوریڈا کے میامی ایئرپورٹ پر اُس وقت جنگل کی آگ کی طرح پھیلی، جب کنٹرول ٹاور کو ایک غیر معمولی سگنل موصول ہوا — ایک پرانا، طویل عرصے سے لاپتہ طیارہ، اچانک ایئر اسپیس میں نمودار ہو گیا تھا۔ پائلٹ کی آواز خاموش تھی، مگر طیارہ زمین پر اترنے کے لیے پوری تیاری میں تھا۔ وہ طیارہ کوئی عام جہاز نہ تھا... یہ تھا DC-3 فلائٹ، جو پچاس برس قبل برمودا ٹرائینگل میں لاپتہ ہو گئی تھی۔

جی ہاں!
29 دسمبر 1948 کو سان جوان، پورٹو ریکو سے روانہ ہونے والی یہ پرواز کبھی اپنی منزل، میامی، نہ پہنچ سکی۔ اُس وقت اس کے 32 مسافر اور عملہ اُس میں سوار تھا، جو ہوا میں تحلیل ہو گئے تھے۔ طیارہ، لوگ، سامان — سب کچھ وقت کے پردے میں گم ہو گیا۔ دنیا نے اسے "برمودا ٹرائینگل" کے خونی راز میں شمار کیا اور وقت گزر گیا۔

مگر 1998 کی اُس شام، وقت واپس پلٹ آیا۔

جب انجینئرز اور سیکورٹی اہلکاروں نے طیارے کا دروازہ کھولا، تو جو منظر اُن کے سامنے تھا، وہ سائنسی منطق سے بالاتر اور انسانی حواس کے لیے ناقابلِ برداشت تھا —
مسافر اپنی نشستوں پر موجود تھے، مکمل طور پر محفوظ مگر ڈھانچوں میں تبدیل ہو چکے تھے۔ کوئی ہلچل، کوئی خوف، کوئی جدوجہد کا نشان نہیں تھا۔ ایسے لگتا تھا جیسے وہ ایک پل میں سو گئے ہوں… ہمیشہ کے لیے۔

طیارہ حیرت انگیز طور پر نہایت صاف ستھرا اور محفوظ تھا۔ کاک پٹ کے آلات جوں کے توں، کھڑکیوں کے پردے، نشستوں پر رکھی ٹوکریاں، مسافروں کی جیبوں میں پڑے ٹکٹ — ہر چیز ویسے ہی موجود تھی جیسے وقت کا پہیہ کبھی چلا ہی نہ ہو۔

یہ واقعہ صرف ایک خبر نہیں، ایک سائنس اور فکشن کے درمیان جھولتی حقیقت بن گیا۔

کیا یہ وقت کا شگاف تھا؟ کیا واقعی خلا میں ایسے مقامات موجود ہیں جہاں وقت تھم جاتا ہے؟
یا کیا برمودا ٹرائینگل صرف ایک جغرافیائی نقطہ نہیں بلکہ کائنات کی کسی پوشیدہ طاقت کا دروازہ ہے؟

سائنس دان کچھ بول نہ سکے۔ نظریات کی فہرست طویل ہے —
وقت کی بتیسی (time slip)،
متوازی کائناتیں (parallel universes)،
مافوق الفطرت طاقتیں (supernatural forces)،
یا محض ایک بہت بڑی انسانی غلط فہمی۔

لیکن میرے لیے یہ کہانی کسی تھیوری سے بڑھ کر ہے۔

یہ ایک ماں کی ممتا کا نوحہ ہے، جو اپنے بیٹے کے نہ لوٹنے پر ہر سال دعاؤں کے چراغ جلاتی رہی۔
یہ ایک بیوی کی آخری خط پر لکھی ہوئی تحریر ہے، جو اب بھی اُس طیارے کی جیب میں رکھی ہو گی۔
یہ اُن 32 زندگیوں کا ثبوت ہے، جو وقت کی عدالت میں خاموشی سے قید ہو گئیں —
اور واپس آئیں… صرف ہڈیوں میں ڈھلی یاد بن کر۔

برمودا ٹرائینگل کے راز شاید کبھی نہ کھلیں۔
لیکن ایک بات طے ہے —
جب وقت پلٹتا ہے، تو صرف گھڑیاں نہیں چلتی... کہانیاں جاگتی ہیں۔۔۔۔۔

05/06/2025

سرخ و سیاہ کلیڈیم — قدرت کا انوکھا شاہکار

اگر آپ اپنے باغ یا گھر کے کسی کونے کو دلکش بنانا چاہتے ہیں تو کلیڈیم ایک بہترین انتخاب ہے۔ خاص طور پر یہ سرخ اور سیاہ رنگ کی قسم اپنی خوبصورتی سے ہر نگاہ کو اپنی طرف کھینچ لیتی ہے۔ اس کی پتیاں یوں محسوس ہوتی ہیں جیسے قدرت نے خود انہیں ہاتھ سے پینٹ کیا ہو!

یہ پودا نہ صرف سجاوٹی حسن میں اضافہ کرتا ہے بلکہ نیم سائے والے علاقوں میں خوب نشوونما پاتا ہے۔ زمین میں لگانے پر یہ خاصی بڑی جسامت اختیار کر لیتا ہے اور پورے منظر کو جاذبِ نظر بنا دیتا ہے۔

نگہداشت کے چند آسان اصول۔

• روشنی: نیم سایہ یا بالواسطہ روشنی
• پانی: مٹی نم رہے، مگر پانی کھڑا نہ ہو
• مٹی: نامیاتی مادے سے بھرپور اور نرم
• موسم: گرم و مرطوب، ٹھنڈ برداشت نہیں کرتا

اگر آپ قدرتی خوبصورتی کے دلدادہ ہیں اور اپنے ماحول میں ایک انوکھا، جرات مندانہ اور پرکشش اضافہ چاہتے ہیں تو سرخ و سیاہ کلیڈیم آپ کے لیے بہترین انتخاب ہے۔

24/05/2025

رُوس کا کُل رقبہ اِتنا بڑا ہے کہ اُس میں 2 امریکہ یا 2 چین یا 5 بھارت یا 21 پاکستان جتنے مُلک سما سکتے ہیں ۔ یہ سیارہ پلوٹو کے سائز کا ہے. رُوس میں 11 الگ الگ ٹائم زُون استعمال ہوتے ہیں، اسکی سرحدیں 14 ممالک سے ملتی ہیں.
دُنیا کی سب سے لمبی ریلوے لائن بھی رُوس میں ہی ہے۔ یہ 9200 کلومیٹر تک پھیلی ہوئی ہے۔ اگر ایک طرف سے نان سٹاپ سفر شروع کیا جائے تو آخری سٹیشن تک پہنچتے پہنچتے 153 گھنٹے (6 دن سےبھی زیادہ) لگ جاتے ہیں، صرف ماسکو سے 90 لاکھ لوگ میٹرو ریلوے سے روزانہ سفر کرتے ہیں.
رُوس کی کل آبادی 15 کروڑ کے قریب ہے اور خواتین کی تعداد مردوں سے ایک کروڑ زیادہ ہے، شرح خواندگی تقریبا 100 فیصد ہے، دنیا میں سب سے زیادہ قُدرتی گیس کے ذخائر یہاں پائے جاتے ہیں، یورپ اپنی 40 فیصد گیس رُوس سے حاصل کرتا ہے
رُوس کے پاس 8400 ایٹمی ہتھیار ہیں جبکہ پاکستان کے پاس 165 ہتھیار بتائے جاتے ہیں، روس نے 2017 میں 66 ارب ڈالرز دفاع کا بجٹ رکھا تھا.
رُوس پر کسی مُلک کا قبضہ کرنا تقریبا نامُمکن ہے۔ اسکی وجہ وہاں کا سرد ترین موسم اور رقبہ ہے۔ بین الاقوامی دفاعی تجزیہ کاروں کے مطابق روس پر مکمل قبضہ کرنے کیلئے تقریبا سوا کروڑ فوج درکار ہے۔۔
رُوس کے بارے میں یہ بات بھی مشہُور رہی ہے کہ اس نے 15 کے قریب خُفیہ شہر آباد کئے ہوئے ہیں، ان شہروں کے بارے میں بہت کم لوگ جانتے ہیں کہ وہاں کون رہتا ہے، کیا ہوتا ہے؟
ایکسڑا نوٹ: رُوس کو مکمل طور پر ابھی تک کوئی بھی فتح نہیں کر سکا جدید ماہرین بھی کہتے ہیں کہ رُوس کو مُکمل طور پر فتح کرنا بہت مُشکل ہے اس کیلئے بہت بڑی Land Army چاہیے البتہ منگولوں کو یہ کریڈٹ جاتا ہے کہ انہوں نے گھوڑوں پر سوار رُوس کا بڑا علاقہ فتح کر لیا تھا.

01/11/2023

I've received 400 reactions to my posts in the past 30 days. Thanks for your support. 🙏🤗🎉

25/10/2023

quranrecitation

25/10/2023

I've received 100 reactions to my posts in the past 30 days. Thanks for your support. 🙏🤗🎉

19/10/2023

ہنسنا_منع_ھے 🙂
ایک طالب علم کو استاد نے امتحان میں فیل کر دیا . طالب علم شکایت لے کر پرنسپل کے پاس چلا گیا کہ مجھے غلط فیل کیا گیا ھے،
پرنسپل نے استاد اور
طالب علم دونوں کو بلا لیا اور استاد سے فیل کرنے کی وجہ پوچھی استاد صاحب نے بتایا کہ اس لڑکے کو فیل کرنے کی وجہ یہ ھے کہ یہ ہمیشہ موضوع سے باہر نکل جاتا ھے جس موضوع پر اسے مضمون لکھنے کو دیا جائے اسے چھوڑ کر اپنی پسند کے مضمون پر چلا جاتا ھے .
پرنسپل نے کوئی مثال پوچھی تو استاد صاحب نے بتایا کہ ایک دفعہ میں نے اسے بہار پر مضمون لکھنے کو کہا تو وہ اس نے کچھ اس طرح لکھا :

موسم بہار ایک بہت ھی بہترین موسم ہوتا ھے اور اس کے مناظر بہت ھی دلنشین ہوتے ہیں۔ اس موسم میں ہر طرف ہریالی ھی ہریالی ہوتی ھے اور سبزے کی بہتات ہو جاتی ھے ، اس موسم کو اونٹ بہت پسند کرتے ہیں اور اونٹ بہت ھی طاقتور جانور ھے۔
یہ صحراء کا جہاز کہلاتا ھے۔ اونٹ نہایت ھی صابر جانور ھے۔ لمبے لمبے سفروں پر نکلتا ھے اور زیادہ دن بھوک و پیاس برداشت کرنے کی صلاحیت رکھتا ھے۔ عرب کے لوگ اونٹ کو بہت پسند کرتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔وغیرہ وغیرہ

پرنسپل صاحب نے کہا کہ ہو سکتا ھے کہ یہ مناسبت کی وجہ سے بہار کی بجائے اونٹ پر لکھ بیٹھا ہو آپ اسے کوئی اور موضوع دے کر دیکھتے ;استاد صاحب نے کہا کہ میں نے ایک دفعہ اس سے کہا کہ تم اس طرح کرو کہ جاپان میں گاڑیوں کی فیکٹری پر مضمون لکھو۔ اس طالب علم نے جو مضمون لکھا وہ کچھ اس طرح تھا;

جاپان ایک ترقی یافتہ ملک ھے اور گاڑیوں کی صنعت میں اس کو منفرد و اعلیٰ مقام حاصل ھے۔ جاپان دنیا میں پہلے نمبر پر ھے گاڑیاں برآمد کرنے میں۔ ہمارے ملک میں بھی زیادہ تر گاڑیاں جاپان کی استعمال ہوتی ہیں
لیکن مسئلہ یہ ھے کہ ہمارے ملک میں پیٹرول کی قیمت بہت زیادہ ھے اس لیئے ہمیں چاہیے کہ ھم سواری کے لیئے اونٹ کا استعمال کریں اونٹ بہت ھی طاقتور جانور ھے۔ یہ صحراء کا جہاز کہلاتا ھے۔ اونٹ نہایت ھی صابر جانور ھے۔ لمبے لمبے سفروں پر نکلتا ھے اور زیادہ دن بھوک و پیاس برداشت کرنے کی صلاحیت رکھتا ھے۔ عرب کے لوگ اونٹ کو بہت پسند کرتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔

پرنسپل بہت حیران ہوا اس نے کہا کہ شاید سواری کی وجہ سے ایسا ہو گیا ھے ، آپ بالکل ھی کوئی الگ موضوع دے کے دیکھتے ۔ استاد صاحب نے کہا جی ایک دفعہ میں نے بالکل ھی الگ موضوع دیا جس میں اونٹ کا ذکر آنا ھی ناممکن تھا میں نے اسے کمپیوٹر پر مضمون لکھنے کو کہا لیکن اس نے جو مضمون لکھا وہ کچھ اس طرح تھا;

کمپیوٹر ایک نہایت ھی حیران کن ایجاد ھے۔ جو کام پہلے سالوں میں نہیں ہوتے تھے وہ آج سکینڈوں میں ہوتے ہیں ۔کمپیوٹر کا انسانی زندگی پر بہت بڑا احسان ھے۔ آج کل کی نئی نسل کمپیوٹر کو بہت زیادہ اہمیت دیتی ھے۔اس کا استعمال زیادہ تر وہ لوگ کرتے ہیں جو تعلیم یافتہ ہوں۔ لیکن جہاں تک غیر تعلیم یافتہ طبقے کا تعلق ہے تو وہ کمپیوٹر پر توجہ نہیں دیتے
کیوں کہ وہ اور سرگرمیوں میں مصروف رہتے ہیں۔ بالخصوص صحراوں میں جو بدو رہتے ہیں ان کو تو کمپیوٹر کی الف ب کا نہیں پتہ۔ لہٰذا اس علاقے میں یہ لوگ زیادہ تر وقت اونٹ کے ساتھ گزارتے ہیں۔ اونٹ بہت ھی طاقتور جانور ھے۔ یہ صحراء کا جہاز کہلاتا ھے۔ اونٹ نہایت ھی صابر جانور ھے۔ لمبے لمبے سفروں پر نکلتا ھے اور زیادہ دن بھوک و پیاس برداشت کرنے کی صلاحیت رکھتا ھے۔ عرب کے لوگ اونٹ کو بہت پسند کرتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔
پرنسپل نے یہ سن کر کہا کہ پھر تو آپ نے ٹھیک فیل کیا ، پھر طالب علم سے کہا کہ میں آپ کو ایک موقع دیتا ہوں آپ بہیں بیٹھ کر ایک مضمون لکھو جو موضوع سے ادھر ادھر نہ ہٹے ، طالب علم مان گیا اور پرنسپل نے اسے ایک روڈ ایکسیڈنٹ پر مضمون لکھنے کو کہتا ہے تو طالب علم یوں مضمون لکھتا ھے ;;;;

ایک دفعہ میں اپنے والد کے ساتھ ریاض سے مکہ جا رہا تھا۔ ہمارے پاس ٹویوٹا کرسیڈا گاڑی تھی جو بڑی مست تھی۔ جناب ہائی وے پر بہت ھی تیز رفتاری کے ساتھ گاڑی چل رھی تھی ھم ایسے علاقے سے گزر رھے تھے جہاں پر اونٹ روڈ کراس کرتے ہیں۔ اور اونٹ کی خاص بات یہ ھے کہ وہ نہ ھی گاڑی سے ڈرتا ھے اور نہ ھی دور ہٹتا ھے۔ اونٹ بہت ھی طاقتور جانور ھے۔ یہ صحراء کا جہاز کہلاتا ھے۔ اونٹ نہایت ھی صابر جانور ھے۔ لمبے لمبے سفروں پر نکلتا ھے اور زیادہ دن بھوک و پیاس برداشت کرنے کی صلاحیت رکھتا ھے۔ عرب کے لوگ اونٹ کو بہت پسند کرتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔

جب پرنسپل صاحب نے یہ مضمون پڑا تو سر پکڑ کر بیٹھ گئے اور کہا کہ تمہارا کوئی علاج نہیں اور اس کو فیل کردیا۔ اب جناب اس شاگرد کا شک یقین میں بدل گیا کہ اس کے ساتھ ضرور بالضرور ظلم ہوا ھے اور اس نے محکمہ تعلیم کو ایک درخواست لکھی
جناب عالی
میں اپنی کلاس کا ایک نہایت ہی ذہین طالب علم ہوں اور مجھے سالانہ امتحان میں جان بوجھ کر فیل کر دیا گیا ہے ، میرے استاد نے میری قابلیت کی وجہ سے مجھے فیل کیا ھے ،
جناب میں نے اپنے استاد کے ناقابل برداشت رویے پر ایسے ھی صبر کیا جیسے اونٹ اپنے مالک کے ستانے پر صبر کرتا ھے۔ مالک اونٹ سے اپنے کام بھی نکلواتا ھے اور اس کو ستاتا بھی ھے۔ اور ہاں یہ بھی بتاتا چلوں کہ اونٹ بہت ھی طاقتور جانور ھے۔ یہ صحراء کا جہاز کہلاتا ھے۔ اونٹ نہایت ھی صابر جانور ھے۔ لمبے لمبے سفروں پر نکلتا ھے اور زیادہ دن بھوک و پیاس برداشت کرنے کی صلاحیت رکھتا ھے۔ عرب کے لوگ اونٹ کو بہت پسند کرتے ہیں 😂

19/10/2023

See video's like and share on my Page