05/07/2026
وزیراعظم صاحب!
آپ نے جتنا پیٹرول سستا کیا ہے، اس سے کہیں زیادہ روزمرہ استعمال کی اشیاء مہنگی ہو چکی ہیں۔
گھی تقریباً 570 روپے، آٹا 140 روپے، سبزیاں، دالیں اور دیگر ضروری اشیاء عام آدمی کی پہنچ سے دور ہوتی جا رہی ہیں۔
خدا کے لیے عوام پر بھی رحم کیجیے۔ جب مزدور کی تنخواہ بڑھانے کی بات آتی ہے تو کہا جاتا ہے کہ 8,500 روپے کمانے والا بھی امیر ہے۔ اگر واقعی ایسا ہے تو ایک بار آپ خود بھی ایک مزدور کی تنخواہ پر صرف ایک مہینہ گزار کر دیکھیں، تب اندازہ ہوگا کہ مہنگائی کا بوجھ کیا ہوتا ہے۔
پیٹرول کی معمولی کمی سے عام آدمی کو وہ ریلیف نہیں ملتا جو اشیائے خورونوش کی قیمتیں کم ہونے سے مل سکتا ہے۔ عوام کا سوال ہے کہ اگر عالمی منڈی میں تیل سستا خریدا جا رہا ہے تو پھر عوام تک اس کا مکمل فائدہ کیوں نہیں پہنچ رہا؟
آخر عوام پیٹرول ڈال کر سالن تو نہیں بنا سکتے۔ عوام کو حقیقی ریلیف تب ملے گا جب آٹا، گھی، چینی، دالیں، سبزیاں اور دیگر ضروری اشیاء سستی ہوں گی۔
