02/11/2019
مشکل وقت خود بہت بڑا اُستاد ہوتا ہے صاحب ، یہ انسان کو ہجوم سے نکال کر تنہا کردیتا ہے ۔ یہ آپ کی کچی سوچ کو پکا راستہ دکھانے آتا ہے ۔ یہ آپ کی بھٹکتی ہوئی روح کی اُنگلی پکڑنے آتا ہے ۔ یہ آپ کی غلطیوں کی نشاندہی کرنے اور اصلاح کا موقع فراہم کرنے آتا ہے
اور کیا خوب کہا ہے کسی نے ، زندگی میں سب کچھ کسی وجہ سے ہوتا ہے ، غلط ہوتا ہے تاکہ ہم سہی کی قیمت جان سکیں ، لوگ بدلتے ہیں تاکہ ہم اُن کے اصلی چہرے پہچان سکیں ، اور کبھی کبھی اچھی چیزیں کھو جاتی ہیں تاکہ ہمیں اُن سے بہتر چیزیں مل سکیں ۔ اہل عقل کبھی بھی اپنی ہار اور ناکامی کا رونا نہیں روتے بلکہ اُن کو حل کرنے کے لیے دل و جان سے کوشش کرتے ہیں اور یاد رہے عقلمند انسان دیوار پر لکھی تحریر سے بھی نصیحت حاصل کرتا ہے جبکہ جاہل انسان کے لیے کُتب خانہ بھی بیکار ہے۔
